تعريف اللقافه

[مملوح]

Hi
?how are you
^
^
^
^
^
^
مقدمه ذربه
نخش في صلب الموضوع
انا بغيت اتكلم عن اللقافه
أكيد هالصفة لازقة بالحريم أكثر من الشباب لكن هذا مايطلعكم ياتماسيح من قائمة الملقوفين
طيب الله بالخير ... ندش في الموضوع

تعريف اللقافة : صفة منبوذة تنفر خلق الله منك و هذا بسبب الفضول الزائد عن الحد و يؤدي الى الاصابة بأضرار مثل الضرب المبرح و الجري خلفك بالنعل او تحذف القواطي عليك
ايه و الله شكو كل شي تبي تعرف مدخل عصك في كل صغيرة و كبيرة

اللقافة عند الحريم:
مثال:
من تزوجت ،، من تطلقت ،، من طقها زوجها ،، من اشترت سيارة جديدة،، من سافرت سويسرا هالسنة ،، صحيح ولد فلانة خذ له روسية و جاب منها اثنين بدون علم اهله .... و أمثلة لا تحصى يعني ....الخ الخ الخ

اللقافة عند الرجال :
من هالسنة ارتفعت اسهمه في البورصة،، من جايب بضاعة جديدة <++++ غيرة التجاااار
من اخذ الزوجة الثانية من ربع الديوانية ،، من محصل جائزة المليون ريال في البرنامج الفلاني
و كذلك ........الخ الخ الخ

نصيحة +++++ويطو(صوت النصيحه) <++++ قول يا ابو نصايح قول
دامكم تدرون ان اللقافة صفة مذمومة تؤدي الى الاصابة بعدة اخطار جسدية و روحية تجنبوها للحفاظ على سلامة أنفسكم من الاشخاص الي طقت جبدهم من فضولكم (ايه و الله تراها مصخت )

لكل ملقوف وملقوفه في المنتدى



منقول من المنتديات الصديقه لشله ربشه لي رزه

اخوكم
النوخذه مملوح

[عشقــي قطــر]

هههههههههههههههههههههههههههههههههههههههه

الحمدللـــــــه ماني ملقوفة ولا أحب اللقافــه آبــــــــد :)

أخوي : مملـــــــــوح

يسلموووووووووووووووو على الموضوع

وياشيــن اللقافــة ..

اخـتــك : عشقـي قطــــــــــــــر

[أحاسيس قطر]

لكل ملقوف وملقوفه في المنتدى



حمدلله أنا بريئة من هالكلااااااام :D ..
صج مرات أتليقف بس محد حذفني بقواطي ونعال الله يكرمكم ..
يعني لقافة من تحت ليتحت ..
يسلمو على الموضوووع يالنوووخذة مملووح ..
حسوووسة

[النــجــلا]

من حسن اسلام المرء تركه مالا يعنيه


انا ما شيه على هالمبدأ000 مالي شغل بأحد



ومافي منتدانا حد ملقوف الحمد لله

شكرااااا مملووووح

[مملوح]

عشقي قطر

اههههههههههههههههههه

شكلج متأذيه من اللقافه

ربك يعين
**********************************
حسوسه
ينطيج العافيه ومشكوله على المرور


وبعدين اشفيكم كل وحدده تتبرى من الموضوع الظاهر كلكم في ريحه لقافه

اهههههههههههههههههههههه

***********************************
النجلا
انتي ردج رسمي فباكلمج برسميه

شكرا على المرور الرائع وسلمت اناملك على الرد الجميل

مملوح

[أحاسيس قطر]

حسوسه
ينطيج العافيه ومشكوله على المرور

وبعدين اشفيكم كل وحدده تتبرى من الموضوع الظاهر كلكم في ريحه لقافه

اهههههههههههههههههههههه



والله مادري يقولون يبين اللي فيه لقافة خخخخخ ..
وأنا قلت لك فيني بس يعني نص ونص http://www.qatarfootball.com/vb/images/smilies/shutup.gif..
<<< قولي الصج أحسسن :D:D
صراحة عاد شوف ردودي كلها أدب ومافي ريحة لقافة أبد http://www.qatarfootball.com/vb/images/smilies/doh.gif ..

[يمك دروبي]

سلام ياشيخ
Hi
? how are youhi <<<<<<<< احسن شكلك مبطل الدكشنري تبي تترجم


بس انا بقولك لاتعب نفسك هذي معناها كم عمرك طال عمرك


على قولتك نخش بصلب الموضوع

مايصير بغاز الموضوع

موضوعك حلو بس ليش اخترت الحاله الصلبه

انا اشوف غاز ولاسائل احسن

شكلك الحين تبتسم تقول اي والله يمك صح

ادري بس خلاص خلك الحين جدي

جدي ولاخالي

شوف اللقافه انواع

<<ربع وقط غترته يبي يفسر

عندك استعداد؟؟

شوف اللقافه تقسم إلى ثلاث انواع

لقافه خفيفه <<< يجيك من وراها كلمة ملقوف

لقافه متوسطه <<<< يجيك منها نظره بطرف عين وكلمه اقوى من ملقوف

لقافه ثقيله<<< حشى تريله المهم هذي يجيك منها إلى يطلع نجوم الليل بعز الظهر اذا

كان الشخص الثاني الله معطيه عافيه واذا كان انت اقوى منه بيقول تلقف طال عمرك

مملوح قبل لانسى ياشينك ونت رسمي ولارسمك صاير لوحه طال عمرك

المهم يالشيخ

بقول لك شي

انت اسمك يرسم الابتسامه على محياي<< يعني وجهي باللغه العاميه

عسى تدوم الابتسامه على وجهك ووجه من تحب








يمك دروبي

[مملوح]

حساسات قطر ((اههههههههههههههههههه فجرتيني من الضحك :almee39

صج ملقوفه الحين ليش محد رد غيرج ليييييش؟؟؟؟!!!!!:almee30

بصراحه انا قول لنفسي اللي بترد الحين اهي الملقوفه
وانا ادري اصلا اللي ماردو للحين ترى مهوب ثقاله
للحين مادشو (( تكفون يامعشر الضبان الفزعه من الردود الجامده تراني ياخوكم استحي))

لاتنسين جاوبي السؤال انتي ونكك اللي يذكرني سبيس تون اقصد صورتك الرمزيه موب نكك
ياحبني للهذره

*****************************************
يمك ادروبي وكل الناس يدروبي


مرحباااااااااااا مليون ورى مليون خشمك خشمك

تدري انك عضو مميز (( يعني خماسي X Y X Y X )) بس الخساره انك نقل عام

يعني من طينتي ((يعني صالحه للزراعه طوال ايام السنه))

بس عندك مشكله تواجدك قليل ((لوانك اتحط على نفسك تواجد زياده كان صوت شي ))
هذا مش معناه انك ولاشي حشاك ياسعادة البيه الكبير00

انت الكل في الكل يعني تساوي (الكل)2 تربيع يعني للي مايفهون في الرياضيات


وآخيرن وليس آخرن عسى البسمه والفرحه ماتفارقك محياك وعسى احد يهديك شريط عبدالمجيد الجديد

اخوكم
مملوح الربشه

[¨¨°~§ معاناة الجروح §~°¨¨]

يسعد مساك
مملوح
بصراحه موضوع حساس
واللقافه موجوده "
.. بس بدرجات متفاوته
بس حاطتها عندى " مخفى "
وممكن تكبر وتظهر اللقاافه
على حجم الموضوع
واللقافه احيانا تكون بداافع الثقافه
ومعرفه ما يجرى من امور
وان كان داافع اخر ..
فانا داائما اطرش فى زفه يعنى
جالس بحالى ولحالى


يعطيك العافيه مملوح
فى انتظار جديدك


¨¨°~§ معاناة الجروح §~°¨¨

[غيث الشمال]

هلا وغلا بالمملوح الربشه


<<<<<< تراه مايتليقف بس علمه يمك دروبي على اللقافه


بس ماشاءالله عليهم اعضاء سكون كلهم حبوبين وماعندهم لقافه ماعدا اثنين


مايحتاج اقولك منهم00اكيد انت تعرفهم


يسلمووووووووووو النوخذه


دمت ودامت لنا قفشاتك المرحه


لك اجمل الود