ماغيّر اسلوبي...

[عبدالستار مثقال]

بسم الله الرحمن الرحيم

أما بعد

يشرفني الانضمام الى منتداكم الكريم

وتشرفني الدعوه الى هذا المنتدى

وابدأ مشاركاتي بهذه المتواضعه

التي اتمنى ان تنال بعض استحسانكم

واقبلوا العذر على التقصير مقدما

عبدالستار مثقال




ماغيّر اسلوبي




هالحال مارضى غير واحد من اثنين
.......................اما بليد احساس او عزم موهون

واللي يلين يلين..بس ماقدر آلين
..................واللي يصير يصير..ويكون مايكون

مالعب على الحبلين, لو فيه حبلين
...............مالعب على المضمون, لو فيه مضمون

ماهو بانا اللي عاش بين اختيارين
..................ماهو بانا اللي يخضع ان كان مفتون

رايي على كيفي ولو يملي الشين
.....................لاكن على كيفي ولاني بمرهون

دايم على كيفي على الشين والزين
.......................تدبيري براسي, مهو من يقولون

(ماغير اسلوبي) لانج تمونين
...........................ماغير الا شي مافيه مضمون

ماغير عزومي وعدل الموازين
...................مادير ظهري واشتكي يمج طعون

اباقطع لساني لو يقول تكفين
.....................اباقطع عروق الغلى لو يذلون

اباقطع رجولي اذا ماتبالين
................للي تعنى,,,ومن بعدها لج يجون

رضيت نفسي؟ايه انا راضي الحين
.......................عزيز مبعد ماني بقرب مركون

انا كذا في حالة انج بترضين
.......................وانا كذا لو تب تقولين مجنون

انا كذا بتجين ,او ماتب اتجين
......................مثلي قليل ومثلج الفين مزيون

روحي على اللي لو سطرتيه كفين
..................قال:ابشري يافلانه ارجوج بالهون

اللي على امره جاج وانتي تبتين
..................ماقال مره: كيف؟ او قال: وشلون؟

وانا نصيبي ماقبل دمعة العين
...............ماقبل سوى اني شيخ لو وين ماكون

بيني وبيني ماني ابين بينين
..................أروى رجيح الراي,وآراعي اشجون

وقت القرار آصير بالعمر ستين
.......................واللي ولوني عندها حق يرضون

وانتي خطا أودعته لناس مقفين
..................يعني غديتي حلم, واوهام, واضنون

يابنت انا ماني مثل ماتضنين
............................أنا ولد مثقال والعود مبخون

من يوم غبتي قلت لازم اتخسرين
...........................لان الغلا له باب,والكره مليون

والحال مارضى غير واحد من اثنين
......................اما بليد احساس أو قلب موهون




وسلامتكم

عبدالستار مثقال

(محايد)

[الــتــاســع]

الـــــرائع...... عبدالستار

صح لساانك مليوووون ولا يكفووون

رائعه هالقصيده..... نتمنى المزيد :)

[أحاسيس قطر]

أخوي الغالي / عبدالستاار مثقااال ..


وأنا يششرفني أكوون أول من يطلع على هالدرة الشامخة ..
.
.

وانتي خطا أودعته لناس مقفين
..................يعني غديتي حلم, واوهام, واضنون

يابنت انا ماني مثل ماتضنين
............................أنا ولد مثقال والعود مبخون.
.

كلمااات قمــة في الروعة صادقة في تعبيرها راسخة في بقائها قوية في معانيها..
يكتبها شااعر مبــدع يتطور بسرعة الصارووخ ويمهد لبقائه في ذاكرة الناس ..
صراااحة أخااف أحسسدك ومااقووول غيــر : ( ماشاء الله ;) ) ..
كلماتك قرأتها مرة ومرتين وعشر وأكثر بيتين عجبووني هالبيتين ..

من يوم غبتي قلت لازم اتخسرين
...........................لان الغلا له باب,والكره مليون

والحال مارضى غير واحد من اثنين
......................اما بليد احساس أو قلب موهون ..

وصح الساااانك إلى مالا نهاااية ياشاااعرنا الفــذ ..
عساااك ع القوووة ..
( سجل إعجااابي بكل ماااتكتب ) ..
تقبل مني كل الحب والإحتراااام ..
أحااااسيس
.
.
(( ذكـــرى ))

[قتيــل الشــوق]

اخي - عبدالستار مثقال

مرحبابك ومسهلا وحيّاك الله معنا في هذا المنتدى

صـح الله لســانك والله لايهينك على هذه القصيده
التي تحكي عن شموخك وكفو يابومثقال

لك جزيل الشكر

[صدمة زمن]

أهلا ومرحبا بك أخــــــــــــــوي

محايــــــــــــــــــــــــد..

مشاركه جميله وكلمات مختاره تعانق همساتك
الهادئه والرائعه (((( والقويــــ :d ــــــه )))))..

تصوير جميل وإختيار موفق..

أسجل إعجابي الكبير في كلماتك..

فلك مني كل التقدير والإحترام..



اخـــــــــــــــــــــــــوك


وجــــــــــــــــــــود..

[حــديــث الــروووح]

اخوووي عبدالستااااااااااار

صح لسااااااااااااااانك ولا تحرمناااااااااا من الجديد ;)

اخووووووووووووووك
حــديــث الــروووح

[عبدالستار مثقال]

التاسع

يعطيك العافيه اخوي

وتسلم حبيبي

وصح بدنك

والمزيد لعيونك ياغالي

شكرا لتواجدك الكريم

[روح قطر]

الله عليك يامحايد

مثل ماتعودناك دايم

صح السانك لاهنت يالغالي

بس المهم شخبار النتيجه؟؟؟ :rolleyes:
<<رفيجه ههههههههههههه

الله يعطيك العافيه
وعساك عالقوه

اخوك
روح قطر :cool:

[أمـل ضـامـي]

صح لسانــك ياخـوي

[غيث الشمال]

عبدالستار مثقال

هلا وغلا

وربي نور المنتدى في حضورك

وازدان بالقصيده الرائعه التى عانقت الشموخ

وابهرتني في جمالها وتناسقها

مالعب على الحبلين, لو فيه حبلين
...............مالعب على المضمون, لو فيه مضمون


رائع يامحايد

صح السانك وقلبك

ومرحبابك في منتداك الذي يتشرف بتواجدك

ودمت رائعا ومتالقا في عالم الابداع

تقبل اجمل الود واصدقه

[QATAR]

يعطيك العافيه على هالكلمات

صح لسانك

:)

[عبدالستار مثقال]

احاسيس قطر

صح بدنج اختي

وشاكر لج المتابعه لمشاركاتي

وهالشي يشرفني

ونقدج وثنائج محل اهتمام

وصدقيني بدون التشجيع والمسانده

من الصعب جدا على اي شخص

ان يستمر ويواصل عطائه

من دون التشجيع والاهتمام من قبل الاخرين

احاسيس قطر

شكرا لج

واتمنى ان لا أحرم من هذه المتابعه الجميله

شكرا

[عبدالستار مثقال]

قتيل الشوق

صح بدنك

وابقاك الله الغالي

وتواجدي معاكم يشرفني اخوي

ومتابعتكم تشجعني

وتشعرني باني مطالب بالمزيد

واتمنى اني اكون عند حسن الضن

وبالنسبه للقصيدة فيشرفني تواجدك اخوي الغالي

والعفو

شكرا لك قتيل الشوق

[عبدالستار مثقال]

وجود

هلا فيك الغالي

وتسلم على هالترحيب الحار

والحمدلله ان القصيدة حازت على رضاك

وهذا شرف لي الغالي

ولاعدمت هالتواجد الكريم منك اخوي الغالي


شكرا لك

[دفتر قصيد]

يابنت انا ماني مثل ماتضنين
............................أنا ولد مثقال والعود مبخون



والنعم والنعم والله يا محـــــــايد وهذاا لقائناا الثاني بعد سحاب القوافي وفرصه سعيده ان نلتقي مرة اخرى وصح الله لسااانك مليييييييييون على الكلمات الجميله والرائعه جداا ولاهنت اخوووي وفي انتظاار جديدك


اختك




الشامخه

[عبدالستار مثقال]

حديث الروووح

صح بدنك

وتواجدك سرني

والحمدلله ان القصيده حازت على رضاك واستحسانك

والجديد بيكون بين يدينك باذن الله

اخوك عبدالستار

[عبدالستار مثقال]

روح قطر

صح بدنك ولاتهون ياغالي

والنتيجه تسرك

على كيف كيفك

بس للحين ماعرفتك (ولو اني مشكك اني عرفتك :d )

عموما الامور طيبه وتسرك حبيبي

تسلم ياغالي

وتواجدك عطر المشاركه باحلى الاطياب

تحياتي

اخوك عبدالستار

[maw3oood]

عبدالستار مثقال

(محايد)


ياسلام عليك

صح لساااااانك يالغالي

قلت فأبدعت

زدنا من جمال ماتكتب ايها الراااااااااائع




تحياااااااتي
موعووود

[عبدالستار مثقال]

أمل ضامي

صح بدنك ياغالي

ولاهنت على الرد الكريم

وارجو ان تكون القصيدة نالت على رضاك ياغالي

تحياتي

[عبدالستار مثقال]

skooon

صح بدنك اخوي العزيز

وشاكر لك الترحيب ياغالي

وهذا بس من طيبك وطيب اصلك

وبالنسبه للقصيده فيشرفني

انها نالت رضاك

وثنائك

وهذا شي كبير بالنسبه لي

شاكر لك ترحيب

وثنائك

ودمت لنا ياغالي

اخوك عبدالستار مثقال

[عبدالستار مثقال]

Qatar

صح بدنك الغالي

وتسلم لي

ويسلم هالاتواجد الطيّب

الف شكر لك وتحياتي

اخوك عبدالستار

[عبدالستار مثقال]

الشامخه

والنعم فيج اختي

وصح بدنج ملايين الملايين

وثنائج يشرفني اختي

ويزيد من اعتزازي

واما بالنسبه للتواجد في نفس المنتدى للمره الثانيه

فصدقيني اختي انه شرف لي

اني احتك مع شعراء بهذا المستوى

وانتي واحده من الشاعرات اللي فعلا لها تواجد واضح

وحضور ملموس

ويشرفني وجودي معاج بنفس المنتدى

تحياتي اختي العزيزه

وشكرا لج على التواجد الكريم اللي زاد مشاركتي شرف

[قتيــل الصمــت]

عبد الستار مثقال

مرحبا بك

وصــح الله لسانك

قصيده رائعه من شاعر اروع

سجل اعجابي

اخوك قتيــل الصمــت

[فروحه]

صـح لسـانـك أخــوي عـبـدالـسـتـار

عـلــى هـالأبيـات القـويـه بصـراحـه روعـه...

رضيت نفسي؟ايه انا راضي الحين...

...عزيز مبعد ماني بقرب مركون


انا كذا في حالة انج بترضين...

...وانا كذا لو تب تقولين مجنون


انا كذا بتجين, او ماتب اتجين...

...مثلي قليل ومثلج الفين مزيون



:rolleyes:

[عبدالستار مثقال]

موعووود

صح بدنك الغالي

وتسلم ع الرد الكريم اخوي العزيز

وشاكر لك جدا على ثنائك

واتمنى ان اكون عند حسن ضنكم

واعدك باذن الله بتقديم المزيد واتمنى على الله

ان اوفق واحوز على رضاكم المتواصل باذن الله

شكرا لك اخي الكريم

وتقبل تحياتي

عبدالستار مثقال

[عبدالستار مثقال]

قتيل الصمت

صح بدنك الغالي

ولاتهون

وثنائك شرف لي اخوي العزيز

ولاعدمت هذا التواجد الكريم

[عبدالستار مثقال]

فروحه

اختي العزيزه

صح بدنج

والاروع هو هذا التواجد الكريم من اخت عزيزه وغاليه

وثنائها

ويكفيني فخر ان القصيدة حازت على رضاج واستحسانج

واتمنى في المرات القادمه ان احضى بالنقد اللي باكون ممنون لمن يقدمه لي اكثر

شكرا غاليتي فرّوحه

ولاعدمت هذا التواجد