أحبك بس صعب أوصلك

[احساس قلب]

السلام عليكم ورحمة الله وبركاته

اول مشاركة لي في قسم القصص واتمنى تنال اعجابكم هاي (قصه واقعيه )


الشخصيات
عائلة جاسم
محمد :عمره 20 سنه يشتغل في الشرطه صفاته طيب حنون يهتم بشغله ما يحب يزعل احد
وفي عنيد مرات مطيع للوالديه



عائلة بوسعود
سعود : عمره 18 سنه عنيد يعصب بسرعه / متهور / مغازلجي / يغار وايد على خواته /طايش /يحب الوناسه / طيب / حنون

الريم :عمرها 17 سنه تدرس وبتروح ثانويه عامه طيبه / اتحن بسرعه للاخرين / حبوبه / شاعره /ضعيفة الشخصيه /اتحب الوناسه / مسامحه / قلبها كبير / اهلها دوم ظالمينها / اعز صديقتها نوره (بنت خالتها )

العنود : عمرها 14 سنه بتروح ثالث اعدادي ما اتحب الخير لاحد / انانيه /طماعه / قويه شخصيه / ام لسانين /مسيطره على البيت /دلوعه / اتحب الامور كلها لمصلحتها / ذكيه
لدرجه محد يروم لها


عائلة بو فيصل
نوره :عمرها 17سنه تدرس بتروح ثانويه عامه / اتحب الخير لغيرها / قلبها كبير / تتحمل المشاكل / دلوعة ابوها / اتحب الوناسه / مسامحه / حنونه / حبوبه اعز صديقتها الريم (بنت خالتها )

شهد :عمرها 15 وبتروح اول ثنوي اتحب اتقول كل اللي بقلبها للشخص الواثقه فيه / اتضحي باهلها عسب (عشان) اعز الناس عندها / متهوره / تموت على شي اسمه عيضه المنهالي / حنونه /طيبه


فيصل : عمره 14 سنه متهور/ طايش/ يحب مصلحته / يحب الوناسه

في اجازة الصيف اصرت كل من عائلة بو سعود وعائلة بو فيصل بشراء جهاز كمبيوتر

العنود : ريمو مادريتي

الريم : شو يادبه

العنود: دبه في عينج

الريم: اف شو بغيتي ما اتشوفيني مشغوله اكتب قصيده

العنود : انزين درينا انج شاعره وانج ما تفارقين دفتر والقلم

والريم ساكته مندمجه بكتابة القصيده

العنود : عندي لج خبر بيخليج اتفرين القلم والدفتر

الريم : خير شو ها الخبر

العنود: امي بتيب لنا كمبيوتر ثاني

الريم :قولي والله

العنود: اليوم بيبونه وبتشوفين

الريم : عيل بسير ابشر نوره


عائلة بوفيصل

مثل كل مره بيت بو فيصل حشره ميثه وفهد دوم ضرابه ميثه عمرها 10سنوات وفهد 5 سنوات
يضاربون على البلاي ستيشن وقامت نوره معصبه عليهم ويدق تلفون بيتهم
نوره : الوووه
الريم : السلام عليكم
نوره : وعليكم السلام
الريم: شحالج يا ناعم الصوت
نوره: بخير الله يسلمج
الريم : شو هالحشره اللي عندكم
نوره: منو غيرهم ميثه وفهود
الريم : الله يعينج عليهم سمعي
نوره : وياج ياغناتي
الريم : عندي لج خبر بيخليج مستانسه
نوره : يالله قولي بياكلني الفضول
الريم : بنيب كمبيوتر ثاني في البيت يعني بيكون واحد حق العنود وواحد حقي
يالله نوره اقنعي خالتي ايبون لكم كمبيوتر الثاني عسب (عشان ) انقردن خلق الله
نوره : انا برمس ماماتي عسب اتيب الكمبيوتر
الريم : اوكي انا لحين بخليج
نوره: ليش وراج شغل بيت ولاعندج عيال وانا ما ادري
الريم : لاحبيبتي بس انا بدق على حبيبتي فديتها
نوره : انتي للحين اترمسينها
الريم : شو اسوي فاضيه وبعدين احبها
نوره : اوكي سيري كلميها عن تاكلج
الريم : هيه ترى وايد تغار علي
نوره: الله الله على الحب
الريم : نويره تراني استحي
نوره : اوكي سلمي عليها
الريم : يوصل ياغناتي
نوره : الله يحفظج مع السلامه
الريم : ويحفظج مع السلامه

سارت الريم تكلم حبيبتها ونوره سارت تقنع امها اتيب لهم جهاز ثاني شرات بيت خالتها

في المطبخ
دخلت نوره المطبخ عند امها

نوره : ماماتي تبين اساعدج بشي

الام في خاطرها (شو سالفه اول مره بنتي اتساعديني )لا فديتج ما ابغي شي موجوده الخادمه

نوره: ماماتي ممكن طلب
الام : وانا اقول البنت ليش تبا اتساعدني
نوره : فديت هالويه اللي يفمني على طاير
الام :انزين شو تبغين
نوره : ماماتي انا ابا كمبيوتر ثاني
الام: ليش والكمبيوتر اللي عندج شبلاه
نوره: ماماتي فيصل ما يفارق الكمبيوتر وانا وشهد نضارب عليه
الام: خلاص انا بكلم ابوج بس اذا ابوج ما طاع ماشي كمبيوتر
نوره : ماماتي انتي خبريه وباباتي ما يرفض لج طلب

في بيت عائلة بو سعود

العنود والريم يضاربون على كمبيوتر اليديد منو ييلس اول شي الريم طنشت اختها وسارت على الجهاز الجديم
ويدق تلفون البيت ويشله عبادي عمره 10 سنوات
عبادي : الوووه
شهد: انا مب ناقصتنك عطني العنود
عبادي : ول شبلاج معصبه للحين بزقرها لج

عبادي : العنود

طبعا العنود ملتهيه بالكمبيوتر ومشغله اغاني ما تقدر تسمع عبادي
عبادي : عنود وصمخ
عبادي : لحضه شهد اظاهر اختي صارت صمخه ماتسمع اصبري بزقرها

عبادي سار للعنود شافها مطوله على الاغنيه

عبادي : انتي ياصمخه اللي ماتسمعين
العنود : اووووف شو بغيت ياخي اتشوفين يالسه عالكمبيوتر ليش تزعجني صج انك سبال
عبادي : محد غيرج
العنود : يالله اطلع برع مابا اشوفك
عبادي: انزين شهد تباج على تلفون
العنود: عبااااادي (بدلع) سير يب لي تلفون حبيبي
عبادي : حبج برص توج اتقولين سبال
العنود : اف خاطري مره ارتاح في البيت انته مامنك فايده

العنود سارت اترد على تلفون

العنود:الووووه
شهد توه ناس ليش ما رقدتي
العنود : (بخقه) تدرين عندي كمبيوتر خاص اندمجت فيه وهب فاضيه
شهد: انزين عن الخقه نحنا بعد صار عندي كمبيوتر خاص اقولج شو ايميلج
العنود: انزين خذي ***********
شهد:خلاص غناتي بلقاج على المسنجر

[احساس قلب]

الريم على المسنجر ويا نورة

الريم:نواري شو رايج ندخل الشات العين ونلعوز في الخلق
نورة: يله نقردن في الناس
الريم:شو نكج
نورة:صمت المشاعر وأنتى
الريم: المزيونه

ودخلو الشات العين أكيد الشباب كالعاده يطرشون خاص حق البنات
جان الريم يجدبها نك المشاعر الحزينه
قالت في خاطرها (شو سالفه ها لازم أعرف)
الريم :وعليكم السلام ورحمه الله وبركاته
المشاعر الحزينه: شخبارج؟
الريم :بخير يسرك الحال ومن صوبك؟
المشاعر الحزينه:الحمد لله بخير
الريم:دوم ان شاء الله
المشاعر الحزينه:وياج
المشاعر الحزينه:من وين؟
الريم: (لانها اتحب العين قالت له)من العين وانت من وين؟
المشاعر الحزينه:يا هلا فيج ويا دار الزين
الريم:يا هلا فيك وانت من وين
المشاعر الحزينه:العين
الريم:ونعم فيك
المشاعر الحزينه:كم عمرج ؟
الريم:17 سنه
المشاعر الحزينه:العمر كله
الريم: وانته؟
المشاعر الحزينه:20سنه
الريم:العمر كله
المشاعر الحزينه:وياج
الريم: تسلم
المشاعر الحزينه:تدرسين؟
الريم:هيه السنه اليايه ثانويه عامه
المشاعر الحزينه:الله يوفقج
الريم:اجمعين وانت
المشاعر الحزينه:اشتغل في الشرطة
الريم:ربي يوفقك
المشاعر الحزينه:ويسولف ويا الريم
الريم:اتنعجب بسوالفه
والريم يالسه على النت يدش اخوها سعود وتقوم الريم من اتشوفه اتبند النت أكيد اخوها
سالها ليش بنتدي النت لانه لاحظ عليها الخوف والارتباك..


******************************


شو راح يصير بين سعود والريم

والريم هل ارتاحت حق المشاعر الحزينه

انتظروااااا معنااا الجزء المتبقي من القصه

انتظر ردودكم لو ما عيبتكم ما بكملها

[يمك دروبي]

احساس قلب

مبدعه في ادارة الشخصيات

بصراحه

عايشت القصه وابطالها

وصرت اتخيل المشهد القادم<<< من كثر الحماس

،
،
،
،

كاني قاعد في مسرح والابطال على خشبته واستمتع بمشاهدة فصول هذه القصه

،
،
،
،

الصف الاول محجوز بالكامل

باقي المشاهدين لكم من الصف الثاني لاخر كرسي

،
،
،
،

بـ أنتظار باقي الاحداااااث












يمك دروبي

[احساس قلب]

ان شاء الله الجزء يكون غاوي

الجزء الثاني



دخل سعود الغرفه ويلس عدال الريم
سعود:ليش بنتي الكمبيوتر
الريم:لا أنا مليت من الكمبيوتر وقلت ببنده وانت دشيت يوم انا بنتده
سعود : (سعود يحس أنه في شي بس ما يعرف شو) متأكده
الريم:أنت مب واثق في اختك
سعود: واثق بس اخاف الشيطان لعب في عقلج
الريم: لا تخاف ما في شي
سعود:أوكي الحين انا بخليج تبين شي
الريم: (وهي مرتاحه انه اخوها صدقها )سلامتك
سعود طلع من عند الريم وبعده مب مقتنع بالشي لي صار اما الريم كانت زيغانه ومرتاحه في نفس الوقت
نوره استغربت ليش طلعت الريم سارت نوره تتصل حق الريم
نورة: السلام عليكم
العنود وعليكم السلام ورحمة الله وبركاته
نورو:اشحالج
العنود:بخير وانتى اشحالج
نورة :تمام وين الريم
العنود:لحظة بزقرها
العنود وبأعلى صوت الريم
الريم:خير شو تبين يا ويه النحس
العنود:محد غيرج الويه النحاس يودي تلفون نوره تباج
الريم:هلا غناتي
نورة :شو فيج طلعتي وخليتيني بروحى
الريم: (مب عارفه ترمس جدام اختها)لا ما في شي
نورة:عيل ليش طلعتي
الريم: (العنود طلعت من عند اختها)طلعت لاني كنت يالسه ارمس واحد اسمه المشاعر الحزينه ودش سعود وانا يالسه ارمسه في الشات
نورة:وأخوج شو قال لج
الريم:أنا اول ما شفته بندت الكمبيوتر بسرعه
نورة:وما شك فيج
الريم:والله مدري للحين أنا قلت له كنت مليت وبنتده
نورة:الحمد لله ما ستوى شي
الريم:انزين اقول انتى الحين يالسه في الشات
نورة: هيه يالسه اقردن بعدني
الريم: انزين شوفي المشاعر الحزينه موجود ولا
نورة:اصبري اشوفه
الريم:انزين بسرعه اخافه يطلع
نورة:هي موجود
الريم:خلاص عيل
نورة:شو بدشين ولا
الريم:الحين بدش لانه اخوي طلع
نورة:اشوفج داشه عشان مشاعر حزينه
الريم:لا بس ملانه وبعدين سوالفه حلوه
نوره :انزين انا اترياج لاتطولين
الريم: انزين غناتي مع السلامه
نوره :ربي الحافظ


نورة:ردت حق الكمبيوتر والريم سارت على الكمبيوتر ودشت شات العين
دشت الريم خاص على المشاعر الحزينه
الريم:آسفه انقطع الاتصال
المشاعر الحزينه:بالحل حبوبه

الريم: اتسولف وياه ويمضى الوقت بدون ماتحس
وخافت انه اخوها يرد ويشوفها يالسه

الريم : السموحه لازم اظهر
المشاعر الحزينه:وين توه ناس
الريم :لا مب بدري 3ساعات وانا ارمسك بس
المشاعر : شو مليتي مني
الريم: لا صراحه سوالف ماتنمل عسب جي ماحسيت بالوقت
بس امي تباني ابند الكمبيوتر
المشاعرالحزينه :انزين كيف بنتواصل
الريم : عادي بندش الجات وبنتقابل نفس الوقت
المشاعر : خلاص اشوفج باجر
الريم : اوكي اشوفك على خير
المشاعر: ربي يحفظج
الريم: ويحفظك
ظهرت الريم من الجات وبندت الكمبيوتر وسارت عند اختها اتشوفها شو اتسوي
العنود: ها شوبغيتي
الريم : والله انا مليت تعالي سولفي وياي
العنود : سوالفج شرات ويهج
الريم: محد يعطيج ويه انتي
العنود:من زين ويهج
الريم:بسير اطالع قناة نجوم ابركلي من ويهج
العنود مطنشه اختها يالسه على المسنجر اتقردن بنات الناس قاصه عليهم على اساس انها واحد وتغازلهم

طبعا لانه الاجازه الكل يسهر لصبح ويرقد الظهر وفي فترة العصر الاولاد يطلعون والبنات كالعاده على الكمبيوتر
نورة والريم يلتقون على المسنجر والعنود وشهد نفس الشي
اول ما دشت الريم الانترانت

دشت على المسنجر وشافت ربيعتها اون لاين وشافت بنت خالتها نوره اون لاين
جمعتهم ويا بعض
نوره: ول ريمو ويا امنو ضفتيني
الريم:
شبلاج هي سارونه ماعرفتيها
نوره: هيه هلا سارونه شخبارج عساج مرتاحه
نوره : وينها شبلاها ماترد
الريم: اف ظهرت تتحريهم شراتنا 24 ساعه في الكمبيوتر
حبيبتي الناس تطلع اتسير مراكز رحلات عائليه
نوره : هيه والله ناس عايشه مب نحن كل رقاد ويلسه على كمبيوتر
الريم : خاطري اخوي يقولي قومي اطلعج
نوره: لاحبيبتي ها في الاحلام
الريم: انا والله مليت
نوره: انا بعد
شورايج نحدر منتديات ونشارك
الريم : هيه لاني مليت من المسن ومن الجات ومليت من ناس اللي في المسن
نوره: ههههه من كثر ناس الا عندج
الريم : هيه انتي واختج واختي وشوافي وفطوم وعلياا
نوره: ههههه ينعدون على الاصابع
الريم: يالله نحد رمنتدى الفلاني ونسجل
نوره : انزين
ويمر الوقت وهم يالسين على المنتديات والريم نست المشاعر الحزينه
اللي يالس يترياها من ساعه عقب اذكرته
دشت الجات حتى تعتذر له لانها اتاخرت عليه
جان ادور عليه بالقائمه ما حصلته
ظهرت من الجات وبندت الكمبيوتر لانه اخوها بيرد هالوقت

سارت الصاله جان يدق التلفون البيت واترد الريم
نوره : ليش ظهرتي من المسنجر
الريم : للحين بيرد اخوي وانا صراحه اخاف منه
نوره: انزين ليش ماخبرتيني قبل ماتظهرين حتى اظهر وياج
الريم :سوري كنت مضايج
نوره: عسى ماشر شفيج
الريم: ما ادري احس اني مضايجه ومالي خاطر احد
نوره : خلاص يوم ترتاحين خبريني شبلاج
الريم: انا بسير لحين ارقد ابركلي
ويرجع اخوها من برع ويشوف اختها اتصكر تلفون
سعود: الريم
الريم: هلا
سعود: انتي شو سالفتج
الريم(مستغربه) : أي سالفه
سعود: تستهبلين
الريم:لاحول على شو استهبل تراني انا مب متفيج لك
سعود: ليش بندتي تلفون يوم انا دخلت
الريم: شو اسوي اذا قلت لنوره انا لحين برقد وصكرت عنها
سعود: الريم تراني بديت اشك فيج الكمبيوتر من دشيت بندتي وتلفون نفس شي
الريم: اف مليت من الشك انته ليش مب واثق فيني بعدين لا تتحرى انه كل
بنات شرات اللي تكلمهم
سعود: اصطلبي وعدلي رمستج واحترمي اخوج اللي اكبر عنج
الريم : اللي يحترمني احترمه
ويرن موبابيل سعود
سعود:الوووووه
روضه : هلا حبيبي
سعود: هلا حبيبتي
جان اتقول الريم انا بسير ارقد ابركلي جان يقولها سعود انا بعدني ما خلصت كلامي
الريم: على ماظني الكلام واضح وانا مب متفيجه اترياك اتخلص من البنت اللي تكلمك في هالوقت
سعود يعصب على رمست اخته
سعود: روضه عقب بتصل فيج انزين
روضه انزين حياتي لاتتاخر
سعود: يصكر من عند روضه
سعود: سمعي يالريم اذا اهلج ماعرفوا يربوج اانا بربيج انزين قولي كنتي ترمسين ويا امنو
الريم: للاسف الثقه معدوم مب منك من البنات اللي ترمسهم شرات روضه يرمسون شباب هالوقت
اسمع اخوي اذا انت مب مصدقني دق على نوره وقولها ريم كانت ترمس ويا امنو
سعود: هههههه حركات نوره اتحبج واكيد بتستر عليج
الريم: انزين خذ التلفون وشوف الكاشف وشوف منو دق علي توه
سعود : ياخذ الكاشف ويشوف اخته واثقه من نفسها
سعود:هيه رقم نوره
الريم : ممكن للحين اتخلين اسير غرفتي وارقد
سعود: سيري
الريم دخلت حجرتها وجان اتشوف العنود يالسه على الكمبيوتر
الريم : عنود ابسالج ليش اخوي يشك فيني ولا يشك فيج انتي
العنود: اولا (بخقه) لانج انتي اصلا مال مقصه وينقص عليج بسرعه
ثانياا : اخوج ما يقدر لي صح انه اكبر مني
الريم: انزين خلاص درينا لاتمين تمدحين عمرج
العنود: انتس سالتي وانا جاوبت
الريم: انزين ممكن اتشلين الكمبيوتر وتطلعين برع
العنود: وين اشله
الريم : اخذي في صاله
العنود:لا والله والقى اخوج فوق راسي
الريم: هيه طبعا انا دوم ايلس في الكمبيوتر ثاني ويحدر علي ويسولي سالفه
العنود: والله مب مشكلتي
الريم: انزين صخي ابا ارقد ومابا اسمع صوت الكيبورد (لوحة المفاتيح)
العنود: انزين بحطلج اغنيه رومنسيه عسب تعرفين ترقدين
الريم: هيه حطيلي علي بحرر
العنود: قدرت اتقص على اختها عشان اتسكتها

عائلة بو فيصل

طبعا نوره ملانه ماتدري شو اتسوي اتحوط بالبيت شهد مشغوله ويا العنود بالمسنجر
نوره : شهود انا مليت
شهد : سيري رقدي او طالعي تلفزيون
نوره:مليت من تلفزيون
شهد : سيري رمسي الريم
نوره: وحليلها راقده
شهد: عيل رقدي عسب تنشين من وقت وترمسينها
نوره : انزين انا برقد

في بيت عائلة سعود

سعود يتصل في روضه يحصل تلفونها مشغول ويشك
سعود:هاي ويا امنو ترمس
ماعليه مشغوله في غيرها بدق على خديجه
سعود: هلا والله
خديجه : اهلين وينك مالك حس
سعود: والله تدرين كنت مسافر وتوني راد
وقلت لازم اتصل في حبيبتي خدوووج واسال عن احوالها
خديجه: فديتك حمدلله على سلامه
سعود:الله يسلمك
خديجه : دام انك رديت من سفر شو يبت وياك حقي
سعود: في خاطره(اتوهقت ) والله من كثر الاشغال ما سرت سوق تعرفين ابوي مطرشين عشان شغل حتى لاخواني ما اشتريت
خديجه : انزين انا ابا منك بطاقه
سعود: ليش البطاقه
خديجه : حتى اكلمك حبيبي
سعود: في خاطره(يالله على خراطه تبين اتكلمين حبيبج الثاني ) لاعادي انا بدق حقج
خديجه: تراك ادق علي بوقت مب مناسب
سعود: ماعليه طرشي مسج
خديجة : 30 فلس ماعندي اتقولي طرشي مسج
سعود: انزين صكي لحين بدق على دكان وبتصل فيج وبعطيج الرقم
خديجة: فديت روحك فديت الا ما يرفض لي طلب
سعود: افا اذا انا ماعطيتج منو بيعطيج
خديجه : فديتك والله انزين سير اتصل في دكان قبل ما يصكر دكان ولا تتاخر علي تراني ولهانه عليك
سعود : في خاطره(ولهانه علي ولا على بطاقه حتى تتصلين فيه ) انزين حياتي ما بتاخر
خديجه: مع السلامه
سعود: مع السلامه
سعود يصكر من عند خديجه يقول ول عافانا الله اتولي هااللي ناقص ايب لها بطاقه انا لنفسي ما احط الا بزور بحط لها اسير ارقد ابركلي
بعد ربع ساعه
يرن تلفون جان يشوف رقم خديجه
سعود: توها اتقول ماعندها بطاقه صج خراطه
ويرد عليها
خديجه : وينك حبيبي
سعود: والله اتصلت في دكان بس ماحد يشله واستحيت اتصل وانا ماعندي البطاقه
خديجه : صج خاسره يعني اليوم مابرمسك
سعود : افا ليش عادي رمسيني شكلج حاطيتي بطاقه عسب جي اتصلتي
خديجه : اجرب جان احصل درهم فيه وجان ادق عليك
سعود: هيه اتري باجر بحط لج
خديجة : باي اخوي رد
سعود: عافانا الله اونه اخوي رد وهي ما تبا اتخلص رصيد


وعلى الغذاء يالسه عائلة بوفيصل

بوفيصل :أقول تراني يبت لكم الكمبيوتر
أم فيصل ترى ابوكم ما قصر وياكم

نورة :تسلم باباتي على الكمبيوتر
بو فيصل: الله يسلمج

وبعد الغذا أكيد الكل قام حجرته

جان يدق تلفون بيتهم
ويرد فيصل على تلفون
الريم: السلام عليكم
فيصل: وعليكم السلام ورحمة الله وبركاته
الريم:اشحالك
فيصل :بخير وانتى اشحالج
الريم: يسرك الحال
فيصل :دوم ان شاء الله
الريم :وياك وين نورة
فيصل: نورة في حجرتها
الريم عيل عطني اياهاا
فيصل :لا ما بعطيج
الريم : فيصل لا تيلس تستهبل عطني اياها والله بخبر امي عليك
فيصل :انتى اتقصين علي امج راقده
الريم : عطني نورة وفكني من حنتك
فيصل:نورة تعالي خذي الدبه
نورة :فيصل بس عاد لا تيسلس تستهبل
نورة :الوووه
الريم:وينج
نورة:يالسه في حجرتي
الريم:اخوج غصص فيني
نورة:خليج منه تراه ماعنده سالفه
الريم: لو تدرين امس شو استوى
نوره : شو خوفتني
الريم: اتخبرها بسالفة حمدان يوم شك فيها
نوره : ماعليه اخوج ويخاف عليج
الريم: اف مليت من الشك متى اخلص ثانويه عامه واسير الجامعه سكني ابركلي
نوره: اتهدي الريم ماعليه لو مايحبج جان ما شفتي يخاف عليج
الريم: بس انا مب ياهله عنده انا كبيره واعرف صح من الغلط
نوره: ماعليه ياريمو اقولج متى بتحدرين النت
الريم: مممم ما ادري على حسب المزاج
نوره: انزين يوم تحدرين خبريني انزين
الريم : اوكي غناتي
نوره : اقولج شورايج تيين بيتنا
الريم : خبري امي
نوره : ماعليه انا برمسهااا ازقريها
الريم: امي راقده
نوره: انزين متى اتصل فيج حتى ارمسها
الريم :اتصلي ساعه 7 فليل
نوره: اوكي خلاص انا لحين بخليج
الريم : خلاص غناتي ربي يحفظج
نوره: ويحفظج

عائله بو جاسم
محمد يرد من عزبة ابوه
ويشوف امه بصاله تشرب القهوه ويسير عندها
محمد: السلام عليكم
ام محمد: وعليكم السلام
محمد: شخبارج ما اشوفج وايد في البيت
ام محمد : اسير عند خالاتك
محمد: امي تبين شي
ام محمد: جيه وين ساير
محمد : بسير ايلس على نت
ام محمد : لا
محمد:سار عند امه حب فوق راسها فديتج الله يخليج لي ولا يحرمني منج
ام محمد : ولامنك ربي يهنيك
محمد سار لغرفته ويفتح الكمبيوتر ودش الجات
يدور على المزيونه ما يحصلها

ويرن الموبابيل
محمد: الووووووووووووووه
شمه:هلا اخوي
محمد : هلا
شمه:اقولك تعال خذيني من بيت عمي
محمد:انزين اتصلي في خليفه
شمه :خليفه سار ايب حرمته من بيت اهلها
محمد: خلاص دقايق وبكون عندج
شمه : انزين اترياك
محمد: مع السلامه
شمه: مع السلامه

محمد يغلق الكمبيوتر ويطلع ايب اخته وصل بيت عمه نزل حتى يسلم على اهله
سار الميلس ماشاف احد اتصل باخته شمه
محمد: الوووووووووووه
شمه: محمد وينك
محمد: انا في الميلس اتريا احد يدخل علي
شمه: انزين بخبر حرمت عمي انك اهني اتريا
محمد :لا انا مستعيل نزلي وخلصيني
شمه: انزين يايه
محمد: اترياج
شمه: اوكي مع السلامه
محمد:مع السلامه

في بيت عائلة سعود

سعود اليوم راد من وقت لانه يتريا ابوه يرد حتى ياخذ بيزات ويسير السنيما

سعود حدر صاله شاف الريم ترمس تلفون
سعود: الريم
الريم: نوره لحضه هلا سعود
سعود: لا كنت اجرب صوتي
الريم : اتشل التلفون واتسير الحجره
الريم: نوره اخوي رد من وقت شكلي اليوم ماشي يلسه
نوره: ماعليه بعدين وين امج ابا اكلمها حتى تيين عندي
الريم: امي سارت بيت يدي لانه عمتي بتطلع اليوم من المستشفى
نوره: انزين خلاص باجر بتين عندي
الريم : انشالله ولحين علميني كيف احدر النت
نوره : مممممم سيري على جهاز الثاني
الريم: عنود هناك لو اموت ما بتخلين ايلس
نوره : عنبوووو 24 سااعه وهي على نت
الريم: هيه لا رقيب ولا حسيب
نوره: هيه طبعا دلوعه
الريم: انا بسير اشوف العنود يمكن اقنعها
نوره اوكي ودقلي اذا طاعت اتخليج تيلسين على كمبيوتر انزين
الريم: انزين

8888888888888888888888888888

هل ياترى العنود بتخلي اختها تيلس على كمبيوتر ؟

وهل محمد بيدخل النت وبلاقي الريم ؟

وهل سعود بيتم في البيت ولا بيمل ؟

اتريوا الجزء الثالث

[احساس قلب]

بعد ما طلعت ام سعود السوق تشترى اغراض حق البيت سارت الريم عند العنود

الريم : ممم عنود فديتج طلبتج
العنود:ها شو بغيتي
الريم:قولي تم
العنود :تم ما يتمج على ارض شو بغيتي
الريم:ابي ايلس عالكمبيوتر شوي
العنود : لا اسمحيلي اكلم ربيعتي
الريم : انزين بس 10 دقايق
العنود: لا اسموحه سيري الكمبيوتر الثاني
الريم:اخوج اهناك سيري انتي هناك
العنود:لا الكمبيوتر مب متحركه منه
الريم: انتي دوم تيلسين فليل على كمبيوتر وانا ما اقولج شي دخليج ابا اشوف شي
العنود قامت من الكرسي وسارت عند سعود
العنود :سعود وينك
سعود:هلا بالعنود
العنود: انته ليش ما اتخلي اختي تيلس عالكمبيوتر
سعود(مستغرب): منو قال
العنود:الريم قالت ماتعرف تاخذ راحتها وانته موجود وياها على الغرفه
سعود(معصب): وينها
العنود: في حجرتنا
سعود سار عند الريم وشاف الريم يالسه عالكمبيوتر وفاتحة على المسن اتكلم نوره
سعود:بندي الكمبيوتر
الريم:ليش
سعود:بندي لا تخلي ارفسج في بطنج
الريم : بندته شو تبا
سعود: ليش ماسرتي الكمبيوتر ثاني
الريم: بس ابي اشوف شو داخل هالكمبيوتر من مميزات
سعود:هيه وانا اتحريت شي ثاني
الريم: ليش شو اتحريت
سعود:سمعت انج ماترتحين وانا يوم اكون عندج وانتي عالكمبيوتر
الريم(خايفه):لا عادي
سعود:انزين دام انه عادي شغلي وانا اليوم ناوي ايلس عندج بالغرفه
الريم فتحت الكمبيوتر وفتحت المسن اتكلم ربيعتها عادي وتم سعود في الغرفه ويرن
موبابيل سعود وسعود طبعا ينشغل بالكلام ويا روضه
والريم خايفه انه نوره اتقولها ليش مادخلتي الجات بوقت انشغال سعود عن الريم
واتكلمها على المسن
الريم:نوره
نوره:عيونها
الريم: اخوي عندي لاتغلطين وياي
نوره: بسولف عادي حتى يطلع من عندج
الريم : انزين يبي وحده من ربعج خلنا انسولف
نوره انزين
العنود في الكمبيوتر الثاني وسويت اللي برسها تبا اتخلي اخوها يشك فيها واراتحت
من حنت اختها ومن اخوها

في سيارة محمد
شمه : شبلاك مسرع
محمد: انا يوعان
شمه:انزين ليش ما اتعشيت في بيت عمي
محمد : انا ما اكل الا من ايدي امي فديتها
شمه : اونك عاد الله يعينها اللي بتاخذك ما بتاكل من ايدها
محمد: بخلي امي اتعلمها
شمه: انزين

وصلوا بيتهم وكانوا يتريون محمد وشمه يردون من بيت عمهم حتى يحطون العشى
ومن وصل محمد ماسار يتعشى سار عند الكمبيوتر
شمه :وينه اليوعان توه حاشرني في سياره
الام: بأعلى صوت : محمد تعال اتعشى
شمه: امي خلاص محمد من يدش عالم نت ينسى بطنه وينسى امه
الام : الله يهديه

محمد حدر الجات حتى يشوف الريم بس ماشافها
محمد في خاطره: وين سارت البنت يومين مالها حس شو صار لها
محمد بند الكمبيوتر وسار يرقد لانه باجر عليه دوام

في بيت سعود
الريم: سعود تبا اتيلس على كمبيوتر
سعود:لا طبعا انا اشوي وبطلع لاني ساير بوظبي
الريم(مستانسه):خلاص عيل انا بصكر الكمبيوتر
سعود يرن موبابيله
سعود:الوووووه
خلفان:سعود انا برع عند الباب اترياك
سعود:انزين انا الحين بطلع باي
سعود يطلع من البيت والريم تفتح الكمبيوتر وتفتح الجات وتدخل وادور على مشاعر
ما تحصله وطلعت من الجات وبندت الكمبيوتر وراحت تتصل على نوره
الريم: السلام عليكم
شهد: هلا والله شحالج يابنت خالتي
الريم:يسرج الحال شخبارج انتي
شهد: الحمدلله
الريم: وين اختج
شهد : صبري ازقرها شهد بأعلى صوت نوره
نوره : هلا شهود شو بغيتي
شهد: مب انا اللي اباج
نوره: عيل
شهد: الريم تباج
نوره: وينها
شهد(تضحك) : بتلفون
نوره اتشل سماعه من اختها
نوره : هلا وغلا
الريم: اهلين
نوره:ليش طلعتي لاتقولين اخوج بند الكمبيوتر
الريم: لا اخوي سار بوظبي
نوره: عيل ليش طلعتي
الريم: مليت
نوره: مليتي ولا علشان مشاعر مب موجود
الريم: هيه يومين ماله حس ما ادري عنه أي شي
نوره: يمكن مشغول
الريم: انشالله خلاص من ترد امي بقول لها بي عندكم باجر
نوره: ياهلا فيج تعالي بنستانس وياج
الريم(اتغير سالفه) عشان اختها العنود دشت عليها عيل باجر بي عندكم
نورة: اوكي خلاص انا اترياج باجي
الريم: انا الحين بخليج
نوره اوكي يله مع السلامه
الريم: مع السلامه
ردت ام سعود من السوق وشافت الريم يالسه على التلفزيون
أم سعود:مو من عوايدج في هذه الساعه تيلسين على التلفزيون
الريم :مليت من البيت
ام سعود: مب زين الكمبيوتر تيلسين عليه وايد خافي على عيونج
الريم:أمي
ام سعود:خير يا بنتي
الريم: ابي باجر اسير عن نوره أنا مليت من البيت وابي اغير جو
ام سعود خلاص خلي اخوج باجر يوديج انتى واختج
الريم:أخاف سعود ما يطيع أكيد مب فاضي
ام سعود أنا برمسه خلاص في شي ثاني
الريم: لا سلامتج

طبعا هذا اليوم ما صار فيه شي وفي اليوم الثاني

عائله بو فيصل وهم يحطون الغذى ويلسوا ياكلون
نورة: ماماتي
ام فيصل :هلا بنتي شو تبين
نورة: ترى الريم بتي عندي اليوم واختها بعد
ام فيصل : حياهم الله البيت بيتهم
نورة: خلاص الحين بقوم ارمسها أشوفها بتي ولا
بو فيصل :كملي اكلج يا بنتي وبعدين دقي لها الحين موعد الغذى وما حد يدق حق حد
نورة:باباتي خلصت اكل الحمد لله ولا تخاف بدق بعد الغذى

في بيت بو سعود وكل يالس على الغذى وهم يالسين على الغذى
ام سعود: سعود
سعود: هلا يمه
ام سعود: يا ولدي اباك اتشل خواتك وتوديهم عند خالتك حرام يالسات في البييت وهم ملانات
سعود: انزين يمه ما طلبتي
ام سعود : تسلم يا ولدي
سعود : الريم
الريم نعم
سعود بعده ما قال شي ويدق الموبايل ماله
سعود : عن اذنكم اشوي
بو سعود: يا ولدي كمل اكلك الموبايل بتلحق عليه
سعود : شبعت الحمد لله

سعود دخل غرفة ورد على الموبايل
سعود: هلا حياتي
روضه:هلا
روضه: ليش ما شليت التلفون بسرعه
سعود: كنت يالس اتغذى وانتى دقيتي واستاذنت منهم ورمستج
روضه: عيل سير كمل غذاك
سعود: لا خلاص ما ابي
روضه :بالعافيه عيل
سعود :على قلبج

دشت الريم اتشوف اخوها شو كان يبي منها على الغذى
سعود: اقول روضه انا بدق لج بعدين
روضه :انزين لا طول
سعود اوكي يله مع السلامه
الريم : تباه شي تراك كنت بتقول شي على الغذى وما قلته علشان هذه روضه مالتك
سعود: هيه صح انتى قلتي حق نوره انج بتسيرين عندهم
الريم: قلت لها امس برمس امي وبرد لج خبر
سعود عيل سيري رمسيها قولي لها وتلبسن وانتى واختج
الريم: اوكي

طلعت الريم من عند اخوها وسارت اترمس نورة

في بيت بو جاسم كان محمد يالس يفكر ليش ما دشت مريم امس اخاف صار لها شي اليوم ما بطلع وبدش يمكن تدخل اليوم ومحمد راقد على الشبريه ويفكر دش اخوى جاسم
جاسم : اشحالك؟
محمد :الحمد لله بخير وانت اشحالك؟
جاسم : يسرك الحال
جاسم: محمد شو فيك اشوفك متغير في كل شي
محمد : ما في شي
جاسم : علي انا اتقول لي ما شي الوالده اتقول ما تتغذى وكل يالسه على النت شو سالفه انت والنت
محمد : ما شي
جاسم: محمد انا اخوك يعني لازم اتقول لي
محمد : ما بتقول حق حد لانه بعده ما صار شي
جاسم: محمد قول تراك خوفتني
محمد: ما في شي يخوف
جاسم: انزين قول
محمد: السالفه وما فيها انه في بنت تعرفت عليها في شات العين وتفقناا انه ندش في ساعه محدده كل يوم ومن يومين ما دشت
جاسم: قول شي السالفه
محمد: وانا اليوم ما بطلع وبدش وبترياها لين ما ادش
جاسم:عيل بخليك انت وافكارك
محمد: وين بتسير
جاسم: عن الربع تعال وياي
محمد: لا ما ابي
جاسم : عيل انا بسير وانت ايلس ويه الحب مالك مع السلامه
محمد : الله يحفظك

ومحمد من بعد طلع اخوه من عندك من كثر التفكير رقد وما حس بعمره اما الريم طلعت من عند اخوها وسارت عن التلفون عسب اتقول لنورة انها بتي عندها اليوم

فهود:الوووه
الريم: فهودي حبيبى وين نوره
فهودي: مدري نوره وينهاا
ميثه: منوووه
الريم: وين أختج نوره
ميثه ك لحظة بزقرها لج
ميثه : زقرت نورة
نورة : منووو
ميثه: الريم تباج
نورة : انزين انتى اطلعي
ميثه : انزين كل مره يطردوني ااااف
نورة:الوووووه
الريم:هلا نورة
نوره أهلين
الريم: اشحالج اليوم
نورة: الحمد لله بخير وانتى
الريم: تمام
نورة : دووم ان شاء الله
الريم: اقول نوره اليوم العصر بي عندج أنا مليت من البيت
نورة:اوكي خلاص انا اترياج بس لا تتاخرين
الريم: اوكي بسير اتلبس عيل يله مه السلامه
نورة :مع السلامه

سارت الريم تتلبس والعنود وياها وبعد ما خلصوا ساروا عند سعود
الريم: سعود
سعود:هاااا
الريم: تلبسنا خلاص متى بتودينا
سعود: الحين بتلبس خلاص وبنسير
الريم: انزين نحن نترياك برع
سعود اوكي دقايق واكون جاهز

خلص سعود وقال حق خواته يالله وساروا بيت خالتهم

دخل سعود والريم والعنود: السلام عليكم
ام فيصل: وعليكم السلام
سعود: اشحالج خالتي
ام فيصل :الحمد لله بخير وانت اشحال يا ولدي عساك بخير
سعود: بخير بشوفتج
ويت نورة وشهد سلموا على البنات خالتهم
نورة: السلام عليكم
سعود والريم والعنود : وعليكم السلام
نورة : اشحالكم عساكم بخير
سعود: بخير ربي يسلمج وانتى شحالج
نورة : تمام الحمد لله
سعود: انا استاذن
ام فيصل : وين يا ولدي
سعود: والله يا خالتي عندي شغل بخلصه وبرد
ام فيصل: براحتك يا ولدي
سعود: اقول الريم يوم اتخلصين دقي لي
الريم: اوكي
طبعا بعد ما سعود طلع شهد والعنود ساروا الغرفه على النت والريم ونورة ساروا للكمبيوتر الثاني
شهد: شو رايج ندش الشات ونقردن البنات
العنود: اوكي يله يمكن انحصل بنات
ويلسوا يقردنون في خلق الله
أما الريم ونورة يلسوا يسولفون
الريم: اتصدقين يا نورة انه اول ما ادش الشات كل يوم ايلس ادور على محمد
نورة: (تستهبل) منو محمد
الريم: لا تستهبلين المشاعر الحزينه اسمه محمد
نورة : يا سلام بعد اتعرفين اسمه
الريم: هو قالي اسمه
نورة: وهو يعرف اسمج
الريم: لا ما يعرف قلت له اسمي شوق
نورة : اتحرى بعد اتقولين له اسمج
الريم: شو انا اتخبلت
نورة: لا ما تخبلتي اتقولين له اسمج بس انتى اتخبلتي على الريال
الريم: شو قصدج
نورة: قصدي مفهوم
الريم: نوره عاد لا تمصخينها ما صار شي بيني وبينه
نورة: اوكي خلاص يمكن انا فهمت الموضوع غلط
الريم: انزين انا ابي ادش النت
نورة: ليش تبين ادشين عسب اتشوفينه موجود ولا لا
الريم: هي عندج مانع
نورة: لا ما عندي مانع بس انا اقولج حب على النت كله خريط في خريط
الريم: ادري يله شغلي النت
نورة : اصبري
نورة:تعالي ايلسي انا بسيري اسوي عصير وبرد لج
الريم: اوكي لا تتاخرين
نورة : انزين
الريم يلست ادور اسمه وما حصلته وقال في خاطرها ( يا ربي ما دخل اخاف صار له شي) عيل بخليه يمكن يدش

محمد كان في هذه الساعه راقد على الشبريه وما حس في عمره الا يوم يت اخته شمه اتوعيه لصلاة المغرب
محمد: ها شو تبين ما تشوفيني راقد
شمه: قوم اذن المغرب قوم اتوضأ وصلي
محمد: ليش ما وعتيني قبل الصلاة
شمه: انت ما قلت لي اوعيك قبل الصلاة
محمد: انزين الحين بقوم سيري انتى
شمه: انزين لا ترد ترقد مره ثانيه
محمد : لا تخافين ما برقد

محمد من طلعت اخته شمه وقام وفتح الكمبيوتر ودش على شات العين ويو شاف اسم المزيونه استانس وااايد

المشاعر الحزينه: السلام عليكم
المزيونه: وعليكم السلام
المشاعر الحزينه: اشحالج؟
المزيونه:بخير وانت اشحالك؟
المشاعر الحزينه: تمام الحمد لله
المزيونه: دووووم هب يوووم
المشاعر الحزينه: وياج
المزيونه: آمين
المشاعر الحزينه: وين هذه الغيبه
المزيونه: والله انا موجوده وانت اللى وينك ما حد يشوفك
المشاعر الحزينه: اسمحيلي يا الغاليه بس كان عندي ظروف وما رمت ادش
المزيونه: مسموح بس هذه اخر مره
المشاعر الحزينه:اوكي خلاص لا تزعلين
المزيونه:انا مب زعلانه
المشاعر الحزينه: اقول انا بسير اصلي وبرد لج
المزيونه: اوكي وانا بعد بسير اصلي وبرد
المشاعر الحزينه: انزين عقب الصلاه نتقابل برب
المزيونه: اوكي برب
نورة: (العصير في ايدها )شو بلاج مستانسه
الريم: دش يا نورة دش
نورة: لا تقولين هذا المشاعر الحزينه اللي ما اعرف شو اسمه
الريم: اسمه محمد مب الشاعرالحزينه
نورة : انزين غلطنا في الرقم
الريم:ههههههههه أي رقم
نورة : انتى اختاري أي رقم
الريم: ولا تزعلين رقم راعي الدكان
نورة: تخسين ما لقيت اغلط اللى في راعي الدكان
الريم: هههههههههههههههههههههه
نورة انزين قومي خلينا انصلي اكرم لنا من سوالفنا البايخه اللى مثل ويهج
الريم : يله

خلصوا صلاة المغرب ويلسوا نورة والريم يسولفن لين ما المشاعر طرش حق الريم على الشات في الخاص
المشاعر الحزينه: باك
المزيونه:ولكمووو
المشاعر الحزينه: يسلمووووو
المزيونه:الله يسلمك
المشاعر الحزينه: ويسلمج
نورة: الريم انتى شو تبين من محمد
الريم : ولا شي بس يلسه اضيع وقت
نورة : ونحن جي نضيع وقتنا
الريم : عيل كيف نضيعه
نورة: نحن قلنا انضيعه في تقردين البنات مب تقردين الاولاد
الريم: انا ما قردنت اولاد
نورة : ولا تزعلين بصحح المعلومه المشاعرالحزينه اللى قردنج
الريم: مب جي السالفه هو ما قردني
نورة : عيل شو تسمينه هذا
الريم: اسميه ضياع وقت
نورة: انا بمشي وراج يا الريم لين النهايه وبشوفج لوين بتوصلين
الريم: انزين غناتي خليني اسولف وياه
المزيونه : شخبارك بعد
المشاعر : الحمدلله يسرج الحال
المشاعر : اتصدقين من ما دخلتي اتحريتج صار لج شي
المزيونه : لا الحمدلله بس كانت عندي ظروف
المشاعر : انزين ممكن ايميلج

هل بتعطي للمشاعر ايميلها ؟
ونورة شو بتسوي ويا الريم ؟

ترقبوا الجزء الثالث

[الروز]

احساس قلب



دراما اجتماعية رائعة

أسلوب سلس في سرد الوقااائع

أحداث كتبت بطريقة واقعية جداااا

شخصيااات أقرب إلي الواااقع

وعضوه لديهاااا موهبة قصصية واعدة

تسلم الأنااااامل


إلي الأمام


في انتظار المزيد



الروز

[احساس قلب]

مشكورين اخواني على المرور


بس ترى القصه موب انا الي كاتبتها وانشاء الله بنزل جزء يديد

[احساس قلب]

الجزء الرابع

ان شاء الله ما اكون طولت عليكم

*****************

الريم: (بدون تردد) عطته الايميل
المشاعرالحزينه: الحين بضيفج
الريم :اوكي
نورة: انتي ايه اتخبلتي خلاص ما شي عقل في راسج
الريم: العقل بعده موجود
نورة: عيل ليش عطيته ايميلج
الريم: بس جي أحسه انسان قد الثقة
نورة: أي ثقة واي خرابيط شكلج انتى اتخبلتي يا بوى نحن عمرنا ما ضفنا واحد على ايميلاتنا وانتى اتضيفين واحد لا نعرفه ولا يعرفنا
الريم:انبلا انا اعرفه مب لازم انتوا اتعرفونه
نورة: الريم انتى منو لاعب بعقلج
الريم:يا ماما ما حد لاعب بعقلي
نورة:واضح ترى
الريم: انزين اسكتي خليني اكتب وياه
نورة:خذي راحتج حبيبتى انا بطلع وبفكج من حشرتي
الريم: نورة عاد وين بتروحين
نورة: بطلع برع
الريم: بتخليني بروحى
نورة:عيل شو
الريم: ايلسي وياي
نورة:يوم اتخلصين قولي لي انزين
الريم: تعالي الحين بطلع
نورة: تطلعين وحبيب القلب موجود
الريم: منو قال حبيب القلب
نورة: تصرفاتج يا بوى انا بروح عند العنود وشهد اكرم لي ما اليلسه وياج

الريم طبعا مشغول ويه محمد وما انتبه على انه نوره ما حد وسارت نورة عند شهد والعنود
نورة: ها شو تسون
شهد: يالسين انقردن
نورة: حصلتوا بنات
شهد : بس وحده
العنود : اصلا ما حد طايع يرد علينا
نورة: في بنات على طول يعطونج ويه وفي البعض لو تموتون ما بيعطونكم ويه انتى احمدى ربج انه حد يعطيج ويه
العنود: ما عليه بنيلس انسوي لهم اغراءات
نورة:الله يهديكم انزين شربتوا عصير
شهد: لا
نورة: انزين ليش ما سويتي عصير
شهد: انا متعايزه اسير المطبخ
نورة: انتي دوم جي
شهد:هيه
نورة: بسير ايب لكم عصير تشربونه عسب اتبردون على عماركم اشوي
يلسوا شهد والعنود يقردنون في البنات وطبعا الريم ويه محمد وما تعرف الدنيا وينها ونورة يالسه اتسوي العصير سمعت صوت الباب
نورة: منو
فيصل : يعني منو
نورة: زيغتني
فيصل:منو عندنا
نورة:بنات خالتي
فيصل: عبادي يه
نورة: لا بس البنات
فيصل :انزين انا بدش اتسبح وبطلع انزوين
نورة: وين بتطلع
فيصل:يعني وين بطلع ويه ربعي
نورة:انا ما يخصني قول حق امي
فيصل: عاد نورة امي بتيلس اطول السالفه والسالفه مب مستاهله اصلا
نورة:يعني بتطلع من غير ما تقول حق امي
فيصل:انا ما قلت جي يعني انتى قولي لها
نورة:انت سير اتسبح وبعد ما تسبح يصير خير
فيصل :انزين شو يالسه اتسوين
نورة:اسوي عصير حقنا
فيصل:احسبي حسابي
نورة:لا ما بحسبك هذا العصير للبنات فقط
فيصل:عاد نوره انا تعبان توني راد من برع حرام عليج
نورة:انزين سير فكني من حشرتك
نورة ياست اتسوي العصير اتسوي العصير وفيصل كان يسير الحمام فلاحظ انه الريم يالسه بروحها فدش فيصل من غير ما تحس فيه الريم
فيصل : هوهوهوهوهوهوهوهوهوهو
الريم: بسم الله الرحمن الرحيم
فيصل:شو يالسه اتسوين
الريم: (بارتباك) ما شي يالسه
فيصل:اللي يشوفج يالسه على الكمبيوتر يقول يحليلها اهلها مانعين عنها الكمبيوتر
الريم: ما حد مانع عني الكمبيوتر نوره سارت اتسوي عصير قلت بيلس لين ما ترد نوره
فيصل:اها قولي جي
الريم: تبي شي
فيصل: اممممم هي
الريم:شو تبي
فيصل:ابي كاكاو وبحسابج
الريم: (تضربه على ايده) الاصول انت اللى اتيب لي كاكاو مب انا
فيصل: خلاص كليتيني بسير أكرم لي
الريم:في حفظ الله

طلع فيصل وسار يتسبح ونورة خلصت العصير وسارت عن شهد والعنود وعطتهم عصير وطلع فيل من الحمام وشرب العصير وسارت نورة عن الريم تعطيها عصير
نورة: خلصتي ولا بعدج
الريم:خذى الايمل وقالي انه بطلع وبعدين بدش
نورة: يعله ما يدش ولا يوم قولي آمين
الريم : حرام عليج
نورة: اللى اعرف انه الله ما حرمه
الريم: انزين فيكيني من صدعتج
نورة: انا بسكت بس بقولج شي واحد وبس بو درى سعود بكسر الدنيا فوق راسج
الريم: اعرف شو بصير
نورة:لا تقولين انا ما قلت لج
الريم: ممكن اتسكرين على الموضوع
نورة:اوكي خلاص
دش فيص على نورة والريم
فيصل:يالله نورة تعالي وياي عند امي
الريم: شو السالفه
نورة : تعالي ويانا
وقاموا كلهم ويه بعض وساروا عن أم فيص اللي كانت في غرفتها يالسه اتشوف التلفزيون
نورة: ماماتي ابي اقولج شي
ام فيصل:اكيد شي يخص فيصل
نورة: عيل اتعرفين شو ابي اقولج
ام فيصل : يا بنتي اخوج واادي يتاخر برع
فيصل : ما بتاخر انتى قولي لي متى ارد
ويدق التلفون وسارت نورة والريم يشلون التلفون
نورة: الوووووه
ام سعود اشحالج بنتي
نورة: بخير الحمد لله وانتي اشحالج خالووه
ام سعود:بخير
نورة: دوم ان شاء الله
ام سعود: لمج وين
نورة:موجوده تبينها
ام سعود : هي
نورة: انزين خالتي شو رايج تتعشون ويانا اليوم نحن من زمان ما يلسنا وما سهرنا من بعض
ام سعود: عيل الحين بتلبس وبتصل في سعود ايبني عندكم
نورة: الحين تبين امي ولا لا
ام سعود:خلاص ما ابها الحين بي عندكم
نوره: عيل خلاص نحن نترياج
ام سعود: مع السلامه
نورة: مع السلامه

الريم : بتي امي
نورة :هي
الريم: عيل اليوم بنيلس وياكم طول اليوم

نورة : تعالي خلينا انشوف امي شو بتقول لفيصل
الريم : يله
نورة: امي
ام فيصل: نعم
نورة:ترى خالتي بتي تتعشي عندنا اليوم
ام فيصل: حياها الله من زمان ما شفتها
فيصل: يله الحين متى تبيني ارد
ام فيصل: انت سمعت اختك شو قالت خالتك بتي تتعشى يعني اترد من وقت
فيصل : والمعنى
نورة:يعني اترد على الساعه تسع
فيصل : الحين الساعه سبع يعني ساعتين ما يسدني
نورة:بعد ساعتين لازم اتكون في البيت
فيصل: عيل بسير الحق على عمري يله مه السلامه
ام فيصل: هذا الولد بطلع روحى
نورة : لا تقولين جى الله يطول بعمرج
ام فيصل : سيري انتى والريم سولفن
نورة انزين يله الريم نطلع

في بيت ام سعود رد عبادي من برع
ام سعود: عبادي
عبادي:نعم
ام سعود: تسبح لانه بنسير بيت خالتك
عبادي : انزين
ام سعود شلت الموبايل ودقت حق سعود
سعود : الوووه
ام سعود: سعود
سعود:هلا يمه
ام سعود: تعال يا ولدي شلنا بيت خالتك اليوم بنتعشي عندهم
سعود: انزين انتوا اتجهزوا وانا برد وبتسبح ووبنسير
ام سعود: انزين يا ولدي لا تتأخر
سعود:انزين مع السلامه

كانت نورة يالسه اتسولف ويه الريم عن ايام المدرسه شو كان يصير وياهم

الريم: اقول نورة شو رايج ادش على النت قبل ما امي تي
نورة :ردينا
الريم: ردينا على شو
نورة:تستهبلين
الريم:على شو استهبل
نورة: ولا شي خلاص
الريم:يله خلينا انيلس قبل ما حد أي
نورة:عادي ما فيها شي خليهم يشاركونا في ملتقى الاحبه في شات العين قصدي في ايميل يا هلا
الريم: بس عاد تراج وايد مصختيها
نورة: يله قومي

الريم سارت الحجره وشغلت الكمبيوتر ويلست اول شي سوته دشت على الايميل طرش لها محمد

محمد: هلا والله
الريم :اهلين
محمد: اشحالج
الريم: بخير وانت؟
محمد: بخير بشوفتج
الريم: دوم ان شاء الله
محمد: اشوفج بالموعد داشه بالظبط
الريم:هي ما عندي شغله
نورة: وانا اقول ليش تبين تيلسين على النت طلع علشان الملتقى الاحبه
الريم: يا بوى محمد قالي دشي في هذه الساعه وانا دشيت ما فيها شي
نورة: فيها ونص
الريم:الله يخليج يا نورة لا تيلسين اتعورين راسي بمحاظرتج اللى ما تخلص
نورة:طبعا الحين محاظرتي مب عايبتنج انا بسير اساعد امي بالعشى اكرم لي من اليلسه وياج
الريم: انزين اقولج
نورة: هااااااااا شو تبين

الريم:يوم تي امي قولي لي اخاف سعود يشوفني
نورة: تخافين يعني ومستمره على الغلط
الريم: سيري عند خالتي احس لج

[احساس قلب]

نورة: اناا اصلا هذا اللى بسويه
سارت نورة عند امها اتساعدها على العشى
نورة:بساعد امي
ام فيصل : عيب عليج يا بنتى اتخلين بنت خالتج بروحها
نورة :امي نحن اهل يعني عادي
ام فيصل: انزين تعالي ساعديني ما شي وقت
نورة :ان شاء الله

وطبعا بعد دقايق يت ام سعود
نورة : امي ترى وصلت خالتي
ام فيصل:انزين سيري افتحي الباب وخليها ادش
نورة: ان شاء الله يمه

ام سعود: السلام عليكم
نورة: وعليكم السلام خالتي
ام سعود: اشحالج
نورة: بخير
ام سعود :وين امج
نورة: امي في المطبخ
ام سعود:الله يخليج شلي عباتي داخل
نورة: ان شاء الله خالتي
ام سعود: بسير اساعدها
عبادي: نواري
نورة: هلا عبادي
عبادي : وين فيصل
نورة: الحين برد امي قالت له ما يتاخر انت اترياه داخل
عبادي :انزين يوم يرد قولي له انا اترياه داخل
نورة:اوكي
نورة :سارت تتريه اخوها برع
الريم: (اول ما شفت اخوها عبادي خافت) عبادي
عبادي: هاا شو تبين
الريم: منو يابكم
عبادي: سعود
الريم:انزين نورة وين
عبادي:نوره برع
الريم: اوكي(في خاطرها الحين براويج يا نورة)
طلعت الريم ادور على نورة ونورة كانت يالسه تتريه اخوهاا على الباب فنزل سعود من السيارة
سعود:انتى شو تسوين اهني
نورة: يالسه اتريه اخوى فيصل للحين ما رد
سعود: (معصب) دشي داخل اشوف
نورة:انزين واخوي
سعود: انا بترياه دشي داخل
نورة:انزين
نورة دخلت داخل وما لقت فويها غير الريم
الريم: وين سعود
نورة :برع بتريه فيصل
الريم: انتى يالغبيه ليش ما قلتي لي انه امي يت
نورة: والله نسيت شو اسوي لج انا
الريم:هذه المره بسامحج المره اليايه ما بسامحج
نورة:المره اليايه الله يستر يله خلينا اندش داخل ترى الجو حر
الريم: يله

سعود كان يترياه فيصل برع وبعد دقايق رد فيصل
سعود: فيصل
فيصل:هلا سعود
سعود:اشحالك
فيصل:بخير وانت اشحالك
سعود:تمام الحمد لله
فيصل:انت شو تسوي هني ليش ما دشيت
سعود:كانت اختك تترياك برع قلت لها دش وانا بترياك
فيصل:عيل يله خلينا اندش
سعود:انزين اصبر اشوي خلينا انسولف بندش داخل ما بنروم انسولف
فيصل:انت لا تحاتي البنات كل وحده فيهم يالسه على النت وما حد يسال على الثاني
سعود:انزين يا بوى لانه خواتي داخل ما حد بيلس
فيصل:منو قالك ما بيلسن اليوم شفت الريم يالسه على النت وكانت نورة اتسوي عصير
سعود:الريم بروحها
فيصل:هي بعدين يت نورة ويلست وياها
سعود:اتعرف يا فيصل انا مب مرتاح ليلستهم على النت كل ساعه
فيصل:عيل شو بسون ما يطلعن شراتنا
سعود: حتى لو ما يطلع الاصول ناخذ بالنا على خواتنا
فيصل:اانا خواتي واثق فيهن
سعود:فيصل صح نحن نثق فيهم ولكن لازم الحذر
فيصل:انزين يا بوى بعدين بنتفاهم على ها الموضع الحين خلينا ندش داخل انا بموت من الحر
سعود:يله
دخلوا داخل وكانت الريم ونورة يالسين في اللحجرة وشهد والعنود يلسين على النت دش سعود على شهد والعنود
العنود: خير شو اللي يابكم اهني
فصيل: كيفنا يا بوى انسير أي مكان نباه
العنود: اطلعوا برع
سعود : بين ابوج وانا مدري
العنود: بنت خالتي يعتبر بيتي
سعود: بعد هذا بيت خالتي يعني متساوين
فيصل :سعود يله نطلع خليهم المستخفات بروحهم وطلعوا من الغرفه وساروا عن نورة والريم لكن فيصل سار يشرب ماي كانت الريم يالسه اتقول حق نورة كل شي صار وياها مع محمد وفجاة يدش سعود عليهم
نورة: بسم الله
سعود: شو خرعتكم
نورة: لا
سعود: شو تسون
الريم:يالسات انسولف عندك مانع
سعود: طبعا لا
الريم: عيل اطلع برع
سعود:انتوا شو بلاكم كل ساعه حد يطردني برع
نورة: ليش منو طردتك
سعود: توها العنود طردتني والريم الحين تطردني
نورة:كيف يا ذكي يطردونك وانت اصلا في بيتك ههههههههه
الريم:هههههه يحليك يا اخوي
سعود:مدري فيهم لا تضحكون
الريم: انزين اسعود نحن يالسين انسولف يعني خلينا انكمل سوالف وطلع برع
سعود: وليش اطلع وانا احب ايلس اهني يعني ما حد بيطلعني حتى لو بالقوة
الريم: اووووووووووووف
سعود: لا تتاففين تفهمين ولا لا
الريم: انزين
ويدق تلفون سعود وكانت اللى داقه روضه
الريم: الحمدلله الحين بتي الفكه
سعود يطالع الريم باحتقار: الووووه
روضه: هلا حبيبى
سعود:اهلين
روضه: وين انت الحين
سعود: في بيت خالتي
روضه : شو تسوي في بيت خالتك
سعود:عازميني على العشى
روضه: لا والله
سعود: والله ما اقص عليج خالتي عازمتني على العشى
سعود شاف الريم ونورة بطلع من الغرفه
سعود :لحظة روضه
سعود:نورة
نورة:هلا سعود
سعود : ابيج بسالفه لا تسيرين
نورة: انزين انت خلص التلفون اول
سعود:تعالي ببند
سعود: اقولج روضه انا بخليج الحين
روضه: سعود لو الحين ما طلعت من بيت

سعود ما خالها اتكمل رمسته اوبند التلفون في ويها

**********************

شو تتوقعون:

هل سعود للحين يشك في اخته الريم؟

سعود شو السالفه اللى يبي فيها نورة؟

شو تتوقعون يصير بين محمد والريم؟

تتوقعون شهد والعنود بيستمرون على تقردين بنت الناس؟

اتريه توقعاتكم

انتظروا الجزء الخامس

[معروف]

احســــــــاس قلــــــب قصـــــه رائعـــــــه

يعطيك العافيه وفي انتظــــــــــار الاجزاء المتبقيــه لاتتأخر


هناااا

معروووف

[احساس قلب]

~*~*~*~*~*~*~*~*~*~*~*~

نورة : انزين ليش بندت في ويه البنت ..حرام
سعود: هاذي وايد حنانة و ما تفهم الكلام
نورة : لا حول ولا قوة الا بالله
سعود: انزين مب هذا موضوعنا
نورة : عيل شو موضوعنا
سعود: انا اعرف انه اختي الريم وايد غالية عليج و تحبين الخير لها و ما ترضين على الغلط صح ولا ؟
نورة: هيه ليش تقول هاذي الرمسة
سعود يبي يكمل كلامه دشت الريم و قبل ما سعود يقول شو يبي منها
الريم: انتوا شو تسوون ؟؟
سعود: ولا شي اتناقش وياها في موضوع
الريم : عيل انا بعد بتناقش وياكم
سعود: انا ما ابي اتناقش وياج
الريم: و هي تدلع . ليش يا حسرة الموضوع يخص منو ؟
نورة كانت تبي تقول للريم انه الموضوع يخصها بس سعود ما خلاها تقول
سعود: لا الموضوع ما يخصج
الريم: عيل يخص نورة؟
سعود: بعد نورة ما لها شغل في الموضوع
الريم: عيل قومي نورة خلينا نطلع نكمل سوالفنا برع
سعود: ما تشوفيني ابي اناقشها في الموضوع ..انتي ما تفهمين

دش فيصل و شافهم يضاربون ..فيصل عرف شو يبي سعود
فيصل :شو هاذي الحشرة
سعود: ابي نورة في موضوع و هاذي الدبة ما مخلتني اتناقش وياها بالموضوع
فيصل : انزين سعود سير انت و نورة ايلس برع عند خالتي و اتناقشوا و خلوا الريم بيلس وياها اشوي على النت
سعود: ردينا للنت
فيصل :لا تخاف سير انت
سعود: يالله قومي نورة
نورة : انا مب فاهمه شي من السالفة و شكله انت و فيصل متفقين علي انا و والريم
الريم: تبون تتجسسون علينا
فيصل : يا حسرة على شو ؟
الريم : على اسرارنا اللي توزن ذهب هههههههههههه
فيصل +نورة + سعود = ههههههههههههههههههه
فيصل :سعود سكت اخت اونه سوالفهم من ذهب
سعود:نورة بتطلعين ولا لا
نورة: اصبر بفكر اممممم
فيصل : حشى مب تفكير
الريم: نورة قومي نسير انا وياج برع و نخليهم يموتون هني
نورة : يالله
سعود: الحين انا لي ساعتين اتريا ردج و انتي تقولين بتسيرين وياها
نورة: انت يالس ترمسني
سعود: لا ارمس الطوفة
نورة: اوووه ما انتبهت
سعود: ترى عقلج مب وياج
دشت شهد و العنود الغرفة عند نورة و الريم
شهد: شو تسوون.؟
سعود: يعني شو نسوي نرقص
شهد: وانا شو دراني فيكم ؟
العنود: يالله قوموا العشى جاهز
سعود: بعد العشى بنتفاهم يا نورة
نورة : يصير خير
وساروا يتعشون و بعد ما خلصوا يلست ام فيصل و ام سعود مع بعض و شهد و العنود ساروا على النت و الريم و نورة يلسوا برع بعيد عنهم اما سعود و فيصل يلسوا على النت و اليهال يلسوا ويا بعض
الريم: نورة
نورة: هلا روحي
الريم : ممكن اسألج سؤال و تجاوبيني بصراحة
نورة: (نورة عرفت شو تبي الريم ) اكيد
الريم: شو كان يبي منج سعود ؟
نورة : تبين الصراحة
الريم: ياليت
نورة: اصلا اخوج ما لحق يقول شي كل اللي قاله انه الريم وايد غالية عليج و تحبين الخير لها و ما ترضين الغلط لها
الريم: بس ما قال شي ثاني
نورة: بس ها اللي قالي اياه و بعدين انتي دشيتي
الريم: انا مب مرتاحة لاخوي سعود
نورة: من أي ناحية؟
الريم: من ناحية الثقة
نورة: لا تقولين جي ما اعتقد انه ما يثق فيج يمكن يخاف عليج و يغار عليج وايد
الريم: انزين نورة الغيرة ما تسوي جي
نورة: بالعكس الغيرة تسوي اكثر من جي
الريم : انا اعرف اخوي زين وايد يشك فيني طول عمره
نورة: هذا من حقه و اخوج ادرى بمصلحتج
الريم: اتعرفين الحين اعرف وقته قبل ما يرد البيت ابند النت و اقوم ايلس على التلفزيون بس عشان ما يشك فيني استويت اخاف وايد منه
نورة: شي اكيد تخافين منه لانج تسوين شي غلط
الريم: ردينا على الغلط و الصح
نورة : منو قالج ما بنرد؟
الريم:عاد نورة يعني اذا انا ما بقول اللي في قلبي حقج بقوله حق منو
نورة : انا ما قلت لج ما تقولين بس انا واجبي انصحج
الريم: مقبولة النصيحة
نورة: عيل نفذي النصيحة
الريم: ما اروم يا حلوة
نورة: و ليش ما ترومين
الريم : مدري احساسي يقولي ان محمد بيفتح طريج لي وايد حلووو
نورة: يفتح لج طريج و نحن اصلا ما نعرفه
الريم: انزين انتي خلي كل شي على حاله و يصير خير
نورة: انا نصحتج و ما عندي شي ثاني اقوله
الريم: انزين خلاص شو رايج انسير الحين داخل و نشوفهم شو يسوون


فيصل و سعود و هم يالسين على النت
فيصل: شو قلت حق نورة
سعود: كنت ابي اسالها عن الريم
فيصل: الحين اللى يقول انه نورة بتقول لك شي اصلا
سعود:ليش ما تقول لي
فيصل:شكلك انت ما تعرف نوره زين
سعود: ليش اتقول جي
فيصل: لانه اعرف اختى زين وما بتقول لك ولا شي
سعود: بحاول وياها
فيصل: اتحداك لو قالت لك
سعود: لا تيلس اتخرب علي انا متفائل انها بتقول لي
فيصل:انزين اسكت خلينا انشوف هذه البنت شكلها بتعطينا رقمها


ام سعود: اقول ام فيصل
ام فيصل : هلا
ام سعود: اشرايج باجر تتغدون عندنا باجر ريلي وريلج عليهم دوامات ونحن ملينا من اليلسه بروحنا
ام فيصل: خلاص باجر غذانا عندكم
ام سعود: عيل انا بترياكم الظهر
الريم: من يتغذى
ام سعود: خالتج باجر بتتغذي عندنا
نورة: عيل بفتك من البيت لمدة يوم
الريم: ما عليه بنضيع يوم ونحن مع بعض
نورة: هي صح احسن من اليلسه بروحنا

دش سعود وفيصل ويلسوا اشوي ويه ام فيصل وام سعود
سعود: يمه يله متى بنروح
ام فيصل: بعده شي وقت يا ولدي على شو مستعيل
سعود: خالتي بتون عندنا وباجر بنسهر على كيفنا
ام فيصل: انزين على راحتك يا ولدي

نشوا كلهم ورحوا عائلة بو سعود لبيتهم وفي اليوم الثاني
ام سعود: ازقر الريم يله نشوا الحين خالتكم بتي
الريم: صباح الخير
ام سعود: صباح النور يله قومي وعي اختج
الريم: ان شاء الله
ام سعود: سارت اتوعي باجي عيالها
اما ام فيصل سارت اتوعي اعيالها يتلبسون
ام فيصل: نورة يله قومي اتلبسي وعي اختج
نورة: الحين بنش صباح الخير
ام فيصل : صباح النور والسرور

دشت ام فيصل على فيصل
ام فيصل: يله قوم
فيصل طبعا بزور يقوم
ام فيصل: (عصبت من فيصل) فيصل نش عاد ما احب الاستهبال على صباح الله خير
فيصل: ما ابي اسير خليني اكمل ارقادي
ام فيصل: طبعا من السهر طول الليل وارقاد طول النهار ما تروم اتنش
فيصل: لا حول
ام فيصل : ما بطلع من الغرفه لين اتنش من ارقادك
فيصل : خلاص الحين بنش

اتلبسوا كلهم عسب يتغذون عن عائلة بو سعود وام اسعود يالسه اتجهز العذى دشت الريم على امها

الريم: ها يمه خلصتي
ام سعود: ي الحين خلصت
الريم: تبين أي مساعده
ام سعود: لا سلامتج
الريم: امايه يت خالتي
ام سعود: انزين

يلسوا في الصاله يسولفون

ام سعود: يوعانين ولا
ام فيصل: بعده شي وقت على الغذى
ام سعود : على راحتكم
الريم: نورة قومي يله انسير داخل
نورة: يله
العنود : الريم بنيلس وياكم
الريم: انزين تعالوا

سارت الريم والعنود ونورة وشهد يسولفون اما الصغار حمود وميثه وفهد وعبادي ساروا يلعبون بالالعاب وسعود وفيصل يالسين على الكمبيوتر
سعود: شو رايك نطلع
فيصل: انزين بعدنا ما تغذينا
سعود: بتغذي برع
فيصل: مب حلوه انا ياي اتغذي عندكم وانت اتقولي نتغذي برع
سعود: يا بوى عادي ما فيها شي
فيصل:لا ما بطلع بنتغذي ونطلع
سعود: براحتك عيل
دش عبادي عليهم: يله الغذى
سعود: انزين الحين يايين
فيصل بند النت
سعود: لا خله بعد الغذى بنكمل يلسه
فيصل : يا بوى ملينا من النت
سعود:خلاص ببنده الحين
فيصل: يله قوم انا يوعان
سعود: انت دوم اتحاتي بطنك
فيصل : عيل احاتي شو غير البطن
سعود: اخاف تاكلني من كثر اليوم
فيصل: مب لهذه الدرجه
سعود: يله تعال نتغدى

اتغذوا وخلصوا غذى وبعد الغذى اكيد الكل ماله خلق لسوالف

العنود: شهد شو رايج انسير نيلس على النت
شهد: يله اصلا ما عندنا شغله غير النت
نورة: ارحموا عيونكم اشوي
العنود: عيونا ما فيها شي
نورة: شوفي عيونج بالمنظره كيف متورمه يلست النت اربع وعشرين ساعه
الريم: ترى عندهم حمايه
نورة:شكلهم جي اشوفهم ما حد احول فيهم
الريم: هههههههههههههه
شهد: قومي العنود ما نحب نيلس عندهم
نورة: من زينكم يعني

طلعت شهد والعنود برع لانهم ما يبون يضاربون وياهم

نورة: الريم شو رايج نيلس على النت
الريم: لا مب الحين اصبري بس سعود يطلع

دش سعود عليهم بسرعه الريم خافت اول ما دش اخوها عليها ونورة حست بس بالارتباك

سعود: سمعت اسمي
الريم: ما حد ياب طارك
سعود: يالخريطه انا دشيت وسمعت بس سعود يطلع تبين الفكه مني
نورة: انت فهمت غلط
سعود: عيل شو الصح
نورة: انا قلت لها نبي نطلع قالت اصبري بس يطلع سعود بنرمس خالتي
سعود: الحين هذه هي السالفه متاكد
نورة: عيل يالسه اخرط عليك
سعود: الله العالم
الريم: وانت شو تبي ليش يت
سعود: ابي نورة في سالفه
الريم: انا ودي اعرف السالفه اللى من امس مصدع راسنا فيها
سعود: لا اصدع في راسج ولا شي قومي شلي عمرج وجلبي ويهج برع
الريم: تطردني يعني
سعود: هي سيري عندى فيصل يبي يراويج شي
الريم: وينه فيصل
سعود : عند الكمبيوتر الثاني
الريم: بسير بسرعه وما بطول واذا انا رديت وانت ما خلصت سالفه تراك بتكمل جدامي
سعود: سيري وفكيني من حنتج
نورة: خير يا سعود
سعود: والله ما اعرف شو اقولج
نورة: قولي شو تبي منى
سعود: نورة ابيج اتكونين صادقه وياي
نورة: انزين خليني افهم الموضوع اول
سعود: اخافج ما تصارحيني لانج اتحبين الريم
نورة: يعني السالفه اتخص الريم انزين قول السالفه وان شاء الله بساعدك
سعود:نورة انا لاحظت على الريم انه تصرفاتها في الفترة الاخيره واايد غير
نورة: كيف يعني
سعود: يوم ادش عليها وهي يالسه على النت اتبند النت والكمبيوتر ويوم تترمس في التلفون اتبند يوم انا ادش ويوم اسالها ويه منو اتقولي ويه نورة اتصل واسالها
نورة: اكيد وياي يعني بتكون ويه منو
سعود:انا اعرف انه وياج بس احس انه في شي انا ما اعرف
نورة: يعني مثل شو
سعود: هذا اللي ابي اعرفه منج
نورة: ما في شي اذا في شي انا بقولك
سعود: يا ريت اصدقج يا نورة بس احساسي عمره ما خاب
نورة : يعني انا اجذب عليك
سعود: انا ما قلت جي بس انا اعرف انتى دوم تسترين عليها
نورة: من ستر على عبده ستر الله عليه يوم القيامه
سعود: بس ما تسترين على الغلط
نورة: انزين
سعود: يعني ما بتقولين الريم شو بلاها
نورة: الريم ما فيها شي واذا فكرت اتسوي شي غلط انا بنصحها واذا ما نفعت وياها النصيحه انا بي روحى عندك وبقولك
سعود: انا ما اروم اضغط عليج اكثر من شي بس انتى قلتي بروحج بتخبريني اذا غلطت بشي
نورة : خلاص انت لا تشل هم
سعود: مشكورة يا نورة وما قصرتي
نورة: لا تقول جي يا سعود نحن اهل
سعود: عيل انا بسير تبين شي
نورة:هيه ابي جلكسي
سعود:انتى للحين تاكلين جلكسي
نورة: الحين الكل ياكل جلكسي
سعود: عيل خلاص يوم ارد انا وفيصل بيب لج جلكسي
دق تلفون سعود واكيد روضه ما حد غيرها وسعود من امس وما رمسها ورضه معصبه واصله حدها
سعود: الحين سمعي الهواشه
نورة: تستاهل انت اللى يبته لعمرك البلاوي
سعود: بسم الله الوووه
روضه: (معصبه) ليش ماطولت في الرد زياد وينك ما تباني خلاص
سعود: منو قالج اني ما اباج
نورة: (ميته من الضحك)هههههههههههههههههههه
روضه: والله تصرفاتك من امس وانت ما دقيت علي
دشت الريم الغرفه عند نورة وبصوت خفيف
الريم: نورة يرمس منه
نورة: يعني منو غيرها روضه
الريم:انزين شو بلاه اخوي
نورة: ما عرف شكلها هزبته هههههههههه
الريم: يحليك يا خوى ههههههه
سعود: والله ما كنت فاضي ارمسج
روضه:الحين مب فاضي لي خلاص
سعود: انتى شبلاج مكبره السالفه
روضه:لانه عندي واحد عيونه زايغه(يطالع البنات)
سعود: انا عيوني زايغه الله يسامحج
نورة +الريم: هههههههههههههههههههههههههه
روضه: الله يسامح الجميع وينك انت الحين
سعود: في البيت يعني وين بسير
روضه: منو عندك اللي يالس يضحك
سعود:اختى وبنت خالتي
روضه: شو يسون عندك يالسات اطردهن برع الغرفه
سعود: حشى يا روضه كل شي ولازم اتعرفينه وتبيني اطردهم وانا بغرفتهم
روضه: يعني انت اللى ساير عندهم قوم نش واطلع بره ولا تسير عندهم مره ثانيه
سعود: (عصب من روضه) ما بطلع ابي اسولف وياهم
دش فيصل وسعود يطالع فيصل
فيصل :منو اترمس
سعود: يعني منو غير روضه
فيصل: روضه لو سمحتى بندى ابي سعود
روضه : سعود قول له ما ببند لين ما تطلع من عند اختك وبنت خالتك وتحلف لي انك ما تسير عندهم مره ثانيه
سعود:روضه انا ببند الحين وبعدين بدق لج
روضه: قلت لك ما ببند انت ما تفهم
سعود: الحين انا ما افهم او كي الله يسامحج يله مع السلامه
وبند التلفون في ويها قبل ما تقول أي شي ثاني
فيصل: انت اللى يبته لعمرك وتقول لك انت ما تفهم يا حبيبى
سعود: حشى مب بنت محامي بس انا براويها
الريم+نورة:ههههههههههههههههههههه
سعود: بسكم ضحك
فيصل: لا تصارخ عليهم هم ما لهم ذنب
سعود: عيل يله قوم خلينا نطلع ابرك لنا
فيصل : تبون شي يا حلوين
نورة+الريم: جلكسي ههههههه
سعود:حشى انتى طلبتي منى والحين تبين بعد
نورة: يعني خساره فيني
سعود: لاا بس خسارة بيزات
نورة:الحين البيزات خساره علي انا
سعود: خلاص ولا تزعلين بيب لج جلكسين
نورة: هيه جي انا راضيه
فيصل : حشى بنخلص بيزاتنا عليهم
سعود: ما عليه اخلص بيزاتنا على اخوانا ابرك لنا
فيصل : انزين يله ترى اليوم وايد طولنا

طلع سعودو فيصل كالعاده ويلس البنات ويه بعض ونورة والريم وهم راقدات على شبريه
الريم : غناتي
نورة: هلا روحي
الريم: شو قالج سعود
نورة: انا اشوفج فيج فضول وتبين اتعرفين
الريم: هيه الفضول بياكلني
نورة: عيل ما بقولج خلي الفضول ياكلج
الريم: نواري حرام عليج
نورة: بعدين بقولج
الريم: وليش مب اليوم
نورة: (بصوت خفيف) ترى بيتكم شي رادارات فيه هههههههههههه
الريم: نورة لا تستهبلين علي
نورة: قلت لج بعدين
الريم: انزين ابي ادش النت بس اخاف سعود يرد
نورة: اذا انتى ما تسوين شي غلط لا تخافين
الريم:الحين بقوم وبفتح النت وببند الباب
نورة : لو شافوا الباب مقفول بشكون فيج
الريم: انزين شو اسوي
نورة بنيلس عادي ما فيها شي نحن مب مسوين شي غلط
الريم واذا دش سعود وانا ارمس محمد
نورة : ليش انت اتكلمين محمد
الريم: لا شو اتخبلت قصدي وانا اكتب وياه
نورة: مب لازم اترمسينه
الريم: لا حرام لازم
نورة: والله انا ما يخصني اذا استوى شي
الريم: لا حبيبتى انتى وياي
نورة: يا رب صبرني على هذه البنت
الريم: ههههههههههه ويصبرني عليج
نورة: اللى يشوفج اتقولين جي يقول يالسه على قلبج
الريم: انزين يله قومي شغلت النت

وطاف اسبوعين تقريبا ونورة ما تعرف اتخبر الريم على السالفه كل ساعه تذكر انه سعود قال لها لا تقولين حق الريم والريم كل شي يخصها ولا يخص نوره لازم اتعرف

~*~*~*~*~*~*~*~*~*~*~*~

شو توقعون

# نورة بتقول حق الريم شو قال لها سعود؟

# روضه بتسكت حق سعود وسعود شو بسوي في روضه؟

#الريم ومحمد شو تتوقعون بصير في حياتهم؟

#وسعود بيت يشك في اخته وممكن نورة اتقول لسعود؟

ترقبوا معانا الجزء السادس

[احساس قلب]

في بيت عائلة سعود

سعود يرد البيت ويشوف امه يالسه بروحها

سعود : امي وين العنود والريم ليش يالسه بروحج

الام : خليهم يالسين على نت

سعود:انا حاس انه النت بيضيعهم

الام : وحليلهم مايطلعون مكان

سعود: بس مب كل يوم 24 ساعة على نت اشوفهمسهر فليل ونوم الصبح

الام: يعني شو يسوين في البيت

سعود: يشاركون في مراكز الصيف

الام : ومنو كل يوم بياخذهم

سعود: عادي انا

الام : وشغلك

سعود: ماعليه انا بتصرف

الام: انزين ماشي الموصلات

سعود: لا انا ما احب اخواني يركبون باصات

الام : اللي اتشوفه يا سعود

سعود: وينهم لحين

الام :العنود في حجرتهم والريم بحجرة الضيوف

سعود: ياسلام كل وحده على الكمبيوتر بنشوف اخرتها وين

سعود يدخل على شهد

شهد : هلا سعود قرررب

سعود: انتي 24 ساعة على الكمبيوتر ما تملين

شهد:ماعندي شغله ماوراي شي

سعود: انزين انا بخلي يكون عندج شغل

شهد: لايكون تباني انظف لك الحمامات والمطبخ

سعود(يضحك) : ويهج مب شغل البيت

شهد: عيل

سعود: بخليج اتشاركين في مراكز الصيف وبقطع لكم نت

شهد : لا والله خليه ما بياثر

سعود: انتي بتسرين الصبح ساعة 7 وبتردين ساعة12 عقب بتتغدين وعقب بترقدين الظهر
لين المغرب بعدين تتعشين وبعدين بترقدين

شهد: ماعليه انا برتب جدولي

سعود: انتي ليش تبين النت

شهد: لاوالله كيف اقردن حبيبتي

سعود: حرام عليج تلعبين في قلب البنت

شهد: (تضحك) ههههههههه طالعه عليك احب العب بقلوب البنات

سعود غيرموضوع): المهم انا بخليج ساير لاختج

سعود يروح عند الريم يحصلها تكتب شعر في المنتدى

الريم : هلا سعود بغيت شي

سعود:لا بغيتج بموضوع

الريم: (خافت انه نوره قالت له شي ) : خييير

سعود: ابيج اتشاركين بمراكز الصيف انتي واختج

الريم : انا ما ابغي

سعود: ليش

الريم: بس ما ابي اشارك

سعود: قصدج ماتقدرين اتفارقين النت

الريم: لا اقدر افارقه

سعود: عيل باجر بقطعه

الريم: وانا شو اسوي بالاجازه

سعود: ذاكري دام ما تبغين اتشاركين بالمراكز

الريم: لاوالله اذاكر وتوني مخلصه مدرسة

سعود: خلاص لا نت ولا المراكز خليج في البيت

الريم : والله حرام عليك شوف ربعاتي كيف مسافرين ويتحواطون بالمراكز من
مكان لمكان وانته ماتباني ايلس على نت

سعود: انا ما يخصني في ربعاتج وما بتراجع عن كلمتي بقطعه يعني بقطعه

يطلع سعود من الغرفه

الريم في خاطرها :كيف بكلم لحين محمدماشي غير حل واحد اطرشه رساله على الايميل
واخبره اني بغيب اسبوع للظروووف

دخلت الريم على الايميل وطرشت للمحمد الرسالة

بيت عائلة فيصل
نورة : فيصل

فيصل : لبيه

نوره: شسالفة سعود ويالريم

فيصل: اونج ماتدرين

نوره : ابيك تعرف شو يفكر سعود

فيصل : الصراحه سعود يشك بأخته وايد

نوره :انزين ابيك اتساعدني

فيصل : كيف اساعدج

نوره : ابي يثق بأخته

فيصل: والله انتي تعرفين سعود راسه يابسه واللي براسه يسويه

نوره: بس حرام جي يشك بالريم ولا يشك بشهد

فيصل : شهد هاي قويه محد يقدر يقص عليها ما الريم كلمة كلمتين ينقص عليها

نوره: البنيه جي شخصيته شو اتسوي

سعود: عشان جي يشك فيه لانه يعرف اخته عدل ويخاف عليها

نوره: هيه يخاف عليها ولا يخاف على بنات ناس

فيصل: والله نحنا جي شباب انخاف على شباب وانخاف على اخواتنا والبنت اللي
تكلم شباب بنظرنا وحده صايعه

نوره: كل واحد على حسب نيته
تدخل شهد عليهم شو ترمسون

نوره: مشكلة اللي يرزون ويهم

شهد: فصول شو كنتوا ترمسون

فيصل: ما يخصج

شهد :صدق ماتنعاطون ويه

فيصل: يالله قلبي ويهج

شهد: نوره الريم تباج على تلفون

نوره تطلع من الغرفة

نوره : الووه
الريم: هلا
نوره : اهلين
الريم: شحالج
نوره: بخييروانتي
الريم: زفت والحمدلله
نوره : ليش
الريم : اخوي بيقطع النت
نوره: ليش
الريم: اونه نحنا 24 ساعة على نت
نوره : لاحول وشو بتسوين
الريم: والله ما ادري
نوره: خبري امج
الريم:نوره اخوي كلمته اللي تمشي في البيت
نوره: خلاص سمعي كلامه
الريم: لا والله وانا شو اسوي ما اقدر اعيش من دون النت
نوره : قصدج ما تقدرين اتعيشين من دون محمد
الريم: انتي ليش تكرهين الريال محمد انسان طيب محترم وقلبه حنون
نوره: صدق فيصل يوم قال انه كلمه وكلمتين ينقص عليج
الريم: كنتوا اتحشون فيني انتي وفيصل
نوره: هيه اتصدقين
الريم: شو كنتوا ترمسون
نوره: والله يالريم انا خايفه عليج
الريم : لا اتخافين انا مب ياهله
نوره: بنشوف انزين شو بسوين باجي الايام
الريم:بكتب قصايد وبسمع اغاني بسوي اي شي
نوره : الله يعينج
الريم: ويصبرني على ما بلاني
نوره: انا بحاول ويا امج برمسها
الريم : ياريت
نوره: خلاص انا باجر يايه عندكم
الريم : اوكي انا اترياج يالغلا
نوره: اوكي انا لحين بخليج بسير اشوف المسلسل عقب برمسج
الريم: اوكي اوكي غناتي مع السلامة
نوره : مع السلامه

في بيت عائلة بو جاسم
محمد : جاسم
جاسم : هلا
محمد: شو صار وياك
جاسم: ماشي
محمد: يعني بتعرس
جاسم : هيه
محمد : مبروك
جاسم : عقبالك
محمد: لا بعدين خلني اتمتع بحياتي
جاسم : شخبار اللي تكلمها
محمد: والله بخير بس ماشي اترياها تدخل على نت
جاسم: اشوفك وايد مهتم فيها
محمد: لا بس سوالف وياها
جاسم: لاتنسى انك محجوز لبنت عمك يعني لاتفكر اتحبها
محمد : انزين ادري
جاسم : عيل ليش اتكلمها تبا تلعب بمشاعر البنت
محمد : ممكن شوي تسكت
جاسم: الله يهديك
محمد: اقولك جسوم حبيبي شورايك تطلع برع الغرفة
جاسم: خلاص بسكت
محمد : اسمحلي جسوم بس انته وايد ترمس
جاسم : وين شمه
محمد : ما ادري
جاسم : بخليك يالعاشق الولهان
محمد : جسوم اطلع تراك زوديتها اتشوف العصير بصبغه على ويهك
جاسم : شبلاك معصب
محمد : ماشي
جاسم خلاص انا بيلس عندك بس ما بتكلم
محمد: لو دخلت الريم بتطلع برع
جاسم : انزين
محمد: اوف
جاسم : شبلاك اتففف
محمد: اتاخرت وايد
جاسم : يمكن مشغوله انته ما تعرف ظروف البنيه
محمد:اسكت ياجسوم ترى وصل حدي
جاسم:طرش لها رساله عالايميل
محمد : هيه والله
يدخل محمد على الايميل يشوف رساله من الريم ويقرا الرساله
جاسم: وحليك بتغيب عنك اسبوع
محمد: جسوم اطلع برع
جاسم: انشالله ياالمجرووح
محمد: صكر وراك الباب
جاسم يطلع ويسير عند شمه
شمه : هلا اخوي
جاسم :لحقي على اخوج
شمه : ليش شفيه
جاسم : يحب
شمه (تضحك) :امنو
جاسم بنت متعرف عليها
شمه : هيه اعرفها دوم يسولف عنها
جاسم : بنشوف وين بيوصل وياها

محمد طرش رسالة للريم يكتب لها ابيات
بتغيبين عني اسبوع وعندي الاسبوع شهور
يالغاليه لاتبطين علينا ودي اقولج بكلمه
اتعبر لج عن احساسي بس بسكت تراني مجبور
اترياج اسبوع اسبوعين ما يهمني يالغاليه

للشاعرة: سهاد الليل

وكتب على اخر رسالة انا اتريا ردج ولو حتى رساله فاضيه

88888888888888888888888888888888888888888888888888 88


وهل سعود بيقطع لهم نت؟؟؟
هل الريم بتقرى الرسالة ؟؟؟؟
وهل الريم بتنقطع عن محمد اسبوووع ؟؟

اتريوا الجزء السابع

[احساس قلب]

اسمحولي على التاخير بس لاني مشغوله
في بيت عائلة جاسم

الريم : عنود نشي (استقيظي)

عنود: ليش

الريم: اخوي قطع النت

عنود: قولي والله

الريم :سوى اللي براسه وقطعه

عنود: طبعاهو يطلع الله يغربله

الريم : الله يهديه بنشوف اخرتها وين

عنود : انزين طلعي برع خليني اكمل رقااد

الريم : بسير اخبر امي

عنود: امي يعني شو بسوي

الريم : بضرابه

عنود :هذا الغالي وابنها الكبير ماظنتي اتضاربه
ا
الريم : انزين رقدي

سارت الريم الريم عند امها

الريم : ماماتي

الام: هلا

الريم : شفتي سعود شو سوى

الام: شو سوى

الريم : قطع النت

الام انزين انتي تعرفين اخوج اللي براسه يسوير

الريم: انزين انا لحين شو بسوي بالبيت

الام : سيري عند بيت خالتج

الريم : هيه فكره والله

الام : انا ساريره احط لكم الغدى

الريم ادق على الريم

الريم: الووووه

فيصل:الوووه

الريم: هلااا فصووول

فيصل :اهلين

الريم:شحال فصول

فيصل: الحمدلله وانتي شخبارج

الريم: بخير اقولك وين نوره

فيصل: يالسه على نت

الريم :انزين ازقرها

فيصل:ريمو انا عندي خط ثاني ارمس اربيعي كلميها على المسنجر

الريم: اي مسنجر واي نت ليش خلى النت

فيصل: ول قطع النت لكم

الريم :هيه شفت حظي

فيصل:يالله مع مرور الايام بتتعودين

الريم:فصول لا تقهريني ازقرى نوره

فيصل : انزين

فيصل يسير عند نوره
فيصل : نوره

نورة :هلا

فيصل : الريم تباج على تلفون

نورة : انزين

نوره : الوووووه

الريم : هلا

نوره : اهلين شحالج

الريم:بخير وانتي

نورة:يسرج الحال

الريم: سمعتي اخر خبر

نوره: شو اخر خبر

الريم: صرصور في المختبر

نوره: لا صج شو اخر خبر

الريم: اخوي قطع النت

نوره : الله يهديه يعني سواهااا

الريم:يعني ما بيلس على النت

نوره: شو بسوين

الريم:انا مليت بي عندكم

نوره: تعالي هلا بج

الريم: بتخلين ايلس على نت

نورة : ايوه انتي ياي عشان النت

الريمتضحك): لا ياي عشانكم انتي ونت فديتج

نورة: انزين اترياااج لاتتاخرين

الريم: اوكي عيوني

نوره : اشوفج على خير

الريم: وانتي على خير

الريم سارت عند العنود

الريم: ول عنود انتي للحين رقااده

عنود: يعني شو تبين اسوي

الريم: ماتبين اتسرين وياي

العنود: بسير ويااج

الريم: عيل قومي لبسي

العنود: انزين

الريم سارت تتلبس والعنود بعد

الريم: وينه سعود

العنود: دقي عليه

الريم: انزين

الريم:الووووه

سعود:هلا

العنود: دقي عليه

الريم: انزين

الريم: الوووووووه

سعووود: هلا

الريم: متى بترد

سعوود: ليش اشتقتي لي

الريم: لا ابيك اتوديني عند خالتي


سعود : اول امس كنتي عندهم

الريم: مليت من البيت

سعود: ايوه وانتي تبين اتسرين عندهم عشاان النت

الريم: سعود بتوديني ولا

سعود: اليوم انا مشغول باجر بيوديج

الريم : حرام عليك

سعود: يالله باااي


الريم :عنود

العنود: هاا

الريم: سيري افسخي ثيابج مابنسير

العنود: ليش

الريم: سعود عنده شغل

العنود: لايكون عنده شركات وانا ماعندي خبر

الريم: لاترمسين عن اخوج هذا بزنس ماااان

العنود: ههههه عيل بسير اكمل رقادي

الريم: وانا بسير ادق على نوره اخبرها انه باجر بسير لهم

في بيت عائلة فيصل

يرن التلفون اتشله نوره

الريم: الووه

نوره: وينج انتي للحين ما طلعتي من البيت

الريم: عيوني ما اقدر اسير لكم البيت

نوره: ليش

الريم: سعود عنده شغل

نوره : اخوج ماطلع له شغل غير للحين

الريم: ما ادري فيه

نوره: انزين تعالي بااجر

الريم: اكيد باجر بسير عندكم

نوره: خلاص حبوبه

الريم: انا بسير اتمشى شوي
برع

نوره: انزين عقب اتصلي فيني

الريم: انزين مع السلامه

نوره: مع السلامه

الريم طلعت برع في الحوش تتمشى من الملل اما العنود رقاده لانه ماعندها شي اتسوي

في بيت عائلة بو جاااسم

شمه :جاسم

[احساس قلب]

شمه : ودني السوق

جاسم : جيه وين محمد عنج

شمه : محمد ما ادري وينه

جاسم: شو تبين من السوق

شمه :لاحول بسير اشتري قماش للعرسك شو نسيت

جاسم:هيه صح عقبالج

شمهتستحي):بتاخذني ولا

جاسم :انزين سيري اتلبسي وانا بترياج بسياره

شمه: انزين

جاسم وشمه ساروا السوق

محمد يرد البيت

محمد(بأعلى الصوت):شمه

أم جاسم :شمه محد

محمد: وين سارت

ام جاسم:: سارت السوق

محمد: ويا امنو

ام جاسم: ويا جاسم

محمد : انزين انا ساير ايلس على نت

ام جاسم :وانا بسير احط لكم العشى


محمد يدخل على نت ويدخل على المسنجر
يظن ان الريم طرشت له رسالة محمد يطلع من المسنجر
وبند النت وسار الصالة عند التلفزيون

في بيت عائلة سعوود

العنود: الريم

الريم: هلا

العنود: والله ملل

الريم:شو تبين اسوي انا برقد لحين

الريم: والله انا ماقلت لج 24 ياعة نوم والله اعلم متى بترقدين

العنود: الله يهديهك يا سعود

الريم: انزين ممكن تطلعين برع

االعنود: انزين

الريم: صكري الباب وراج

العنود: انزين

العنود سارت عند تلفزيون اطالع تلفزيون ويدخل سعود

سعود: العنود

العنود: (مطنشه) اتعلي صوت الاغنيه

سعود يبند التلفزيون

العنود: ليش بندته

سعود: اعلمج يوم ازقرج كيف ماتردين علي

العنود: شو تبا

سعود: وين اختج

العنود:اختي راقده

سعود: غريبه كل هذا عشان النت

العنود(ساكته)

سعود: باجر بسيرين عند بيت خالتج

العنود: هيه

سعود: انا باجر ساير بوظبي

العنود: لاوالله ما يخصنا نبا انسير

سعود: انزين سمعي انا عندي لج موضوع

العنود: موضوع شوو
8888888888888888888888888888888

شو الموضوع المهم اللي سعود من العنود؟؟؟

هل الريم والعنود بيسرون عند نوره ؟؟؟؟

هل الريم بتقرا رسالة محمد





العنود: ههههه عيل بسير اكمل رقادي

الريم: وانا بسير ادق على نوره اخبرها انه باجر بسير لهم

في بيت عائلة فيصل

يرن التلفون اتشله نوره

الريم: الووه

نوره: وينج انتي للحين ما طلعتي من البيت

الريم: عيوني ما اقدر اسير لكم البيت

نوره: ليش

الريم: سعود عنده شغل

نوره : اخوج ماطلع له شغل غير للحين

الريم: ما ادري فيه

نوره: انزين تعالي بااجر

الريم: اكيد باجر بسير عندكم

نوره: خلاص حبوبه

الريم: انا بسير اتمشى شوي
برع

نوره: انزين عقب اتصلي فيني

الريم: انزين مع السلامه

نوره: مع السلامه

الريم طلعت برع في الحوش تتمشى من الملل اما العنود رقاده لانه ماعندها شي اتسوي

في بيت عائلة بو جاااسم

شمه :جاسم

شمه : ودني السوق

جاسم : جيه وين محمد عنج

شمه : محمد ما ادري وينه

جاسم: شو تبين من السوق

شمه :لاحول بسير اشتري قماش للعرسك شو نسيت

جاسم:هيه صح عقبالج

شمهتستحي):بتاخذني ولا

جاسم :انزين سيري اتلبسي وانا بترياج بسياره

شمه: انزين

جاسم وشمه ساروا السوق

محمد يرد البيت

محمد(بأعلى الصوت):شمه

أم جاسم :شمه محد

محمد: وين سارت

ام جاسم:: سارت السوق

محمد: ويا امنو

ام جاسم: ويا جاسم

محمد : انزين انا ساير ايلس على نت

ام جاسم :وانا بسير احط لكم العشى


محمد يدخل على نت ويدخل على المسنجر
يظن ان الريم طرشت له رسالة محمد يطلع من المسنجر
وبند النت وسار الصالة عند التلفزيون

في بيت عائلة سعوود

العنود: الريم

الريم: هلا

العنود: والله ملل

الريم:شو تبين اسوي انا برقد لحين

الريم: والله انا ماقلت لج 24 ياعة نوم والله اعلم متى بترقدين

العنود: الله يهديهك يا سعود

الريم: انزين ممكن تطلعين برع

االعنود: انزين

الريم: صكري الباب وراج

العنود: انزين

العنود سارت عند تلفزيون اطالع تلفزيون ويدخل سعود

سعود: العنود

العنود: (مطنشه) اتعلي صوت الاغنيه

سعود يبند التلفزيون

العنود: ليش بندته

سعود: اعلمج يوم ازقرج كيف ماتردين علي

العنود: شو تبا

سعود: وين اختج

العنود:اختي راقده

سعود: غريبه كل هذا عشان النت

العنود(ساكته)

سعود: باجر بسيرين عند بيت خالتج

العنود: هيه

سعود: انا باجر ساير بوظبي

العنود: لاوالله ما يخصنا نبا انسير

سعود: انزين سمعي انا عندي لج موضوع

العنود: موضوع شوو
8888888888888888888888888888888

شو الموضوع المهم اللي سعود من العنود؟؟؟

هل الريم والعنود بيسرون عند نوره ؟؟؟؟

هل الريم بتقرا رسالة محمد

[غيث الشمال]

احساس قلب



يسلموووووووووووووو الايادي



مازلنا نستمتع بك

[يمك دروبي]

شو الموضوع المهم اللي سعود من العنود؟؟؟

هل الريم والعنود بيسرون عند نوره ؟؟؟؟

هل الريم بتقرا رسالة محمد

بنتظار الاجابه على الاسئله











يمك دروبي

[احساس قلب]

اسمحولي اذا طولت عليكم وان شاء الله يعجبكم الجزء

الجزء الثامن

******************

العنود:شو سالفة
سعود: انتى اكيد اتعرفين عن اختج
العنود:هي بس اشياء عاديه اسرارها كله عن نورة
سعود: خلاص باجر بنسير عند خالتكم
العنود: انت ما قلت بتسير بوظبي
سعود: لا خلاص غيرت راي
العنود: خلاص انا برقد من وقت علشان انسير باجر عند خالتي

في الصباح الباكر قامت الريم وسارت تتريق

الريم: صباح الخير يا أمي
ام سعود: صباح النور غربيه اليوم ناشه من وقت
الريم: شو اسوي اذا ولدج قطع النت
ام سعود: يبا مصلحتكم باجر عيونكم بتروح
الريم: ما عليه نحن مركبين حمايه لا تخافين
ام سعود يالله انا بسير اسوي لكم الغذى

نشت العنود وسارت تتريق

العنود: صباح الخير يا دبه
الريم: حشى انتى وتصبحين اتسبين
العنود: ما تستاهلين احد يصبح عليج وانا عندي لج خبر
الريم:بشيري لا تقولين بردون النت
العنود:ويهج على طول تفكرين بالنت
الريم:عيل شو الخبر
العنود:اليوم انا وانتى وسعود بنسير بيت خالتي
الريم: عيل بسير اخبر امي

الريم سارت اتقول حق امها انهم بتغدون عن خالتهم

الريم:أمي بنسير عند خالتي
ام سعود:انزين منو بوديكم
الريم:سعود بودينا
ام سعود: ما بسير بوظبي
الريم: لا المهم انه بودينا ما ادري فيه
ام سعود: متى بتسيرون
الريم: الحين بشوف سعود متى بودينا ونسير
ام سعود:انزين قلتي حق خالتج
الريم: الحين بسير بدق لنورة واخبرها

الريم سارت ادق حق نورة اتقول لها انه بتغذون عنهم

الريم: الووه
ميثه: الوووه
الريم:وين اختج
ميثه: لا سلام ولا كيف الحال
الريم:انا مستعيله مب فاضيه لج الحين
ميثة انزين أي وحده تبين من خواتي
الريم:منو يعني نورة
ميثه:اصبري بزقرها
ميثه: نورة تلفون لج
نورة: منو
ميثه: الريم
نورة: هلا الريم
الريم: اهلين اشحالج
نورة: بخير وانتى اشحالج
الريم: الحمد لله بخير اقول
نورة: قولي
الريم:الحين بي عندج
نورة: تعالي انا بترياج
الريم: انزين اصبري بي انا والعنود وسعود
نورة: وسعود شو يخصه
الريم: سعود قال اليوم بي يلس وياكم
نورة: يا هلا فيه في أي وقت بس تبي الصراحه انا مب مرتاحه
الريم: ليش
نورة: اكيد في اسئلة يديده مثل المره اليايه
الريم:مثل شو ممكن يسالج
نورة:ولا شي خلاص انتى سيري اتلبسي وانا بترياكم
الريم:اعرفج ما تبين اتقولين بس انا ما نسيت سالفه سعود اللى طافت الجين بي وبطلع الرمسه اللى عندج كلها
نورة:يصير خير

الريم بنده عن نورة وسارت عند سعود

الريم:سعود
سعود:خير
الريم:متى بنسير
سعود: انتى اتلبسي اول اختج خلصت وانتى بعدج
الريم: عيل بسير اتلبس

وصلوا بيت خالتهخم كانت الساعه 11 الصبح ودشو كلهم بنت خالتهم
سعود: السلام عليكم ورحمة الله وبركاته
ام فيصل : وعليكم السلام ورحمه الله وبركاته
سعود: اشحالكم
الكل : بخير
سعود: خالتي شو مسويه غذى تراني يوعان
ام فيصل: سويت لكم هريس
سعود: تسلم ايدج اللى مسويه الاكل
ام فيصل: الله يسلمك
سعود:وين فيصل
ام فيصل: راقد مب طايع بنش
سعود:خلي علي الحين بسير بخليه ينش غصبن عنه بس ابي ماي

نشت نورة واتيب الماي سعود اخذ الماي وسار غرفة فيصل

سعود: فيصل حبيبى قوم
فيصل طبعا راقد ما يروم يقوم
سعودعصب من فيصل وصب الماي على ويه وفيصل يقوم يسب ويتحرطم
سعود:من ساعه وانا ازقرك وانت راقد في احلام
فيصل:انزين بس مب بهذه الطريقه اتوعيني
سعود:ما عليه الحين انت نش وغسل ويهك
فيصل: سعود الحين انت مب حبيبي اطلع وخليني ارقد
سعود:قوم يا بوى احسن لك
فيصل: عيل قوم ساعدني
فيصل : ليش قطعت النت لهم
سعود: احسن لهم لانه يلستهم كلها فيها شك ويلسون على النت اربع وعشرين ساعه لا غذى ولا عشى ولا ريوق وارقاد طول انهار وسهر طول الليل
فيصل: انزين خواتي مثلهم
سعود: خواتك على الاقل بنشون يتغذون وياكم ما يطولون وايد على النت وانت واثق بخواتك ممكن يكون مب واثق في شهد لكن نورة تعرف تتصرف ويه اختها لكم العنود وما تعرف تتصرف ويه الريم
فيصل: يعني انت الحين واثق في العنود اكثر من الريم
سعود:هيه واثق فيها لانه العنود قويه لكن الريم ينقص عليها بسهوله
فيصل: قول جي من صباح الله خير
سعود:اشوفك نشيت يله قومي خلينا انصلي في المسيد
فيصل:بعده شي وقت
سعود:قوم احسن لك لا تخليني ايب ماي
فيصل: الحين اقوم

طلع فيصل وسعود ساروا المسيد في الغرفهجدام الكمبيوتر

نورة:استغفر الله اول ما طلعوا سرتي على النت ما اسرعج
الريم:له وحشه النت
نورة:النت ولا العاشق
الريم: يوزي عن سوالفج خليني ادش على الايميل
نورة: لحقي لحقي بطير الايميل

[احساس قلب]

الريم طبعا دشت المسنجر وما حصلت محمد لانه الوقت وقت صلاة ودشت اربيعتها عليها ويلست اترمسها

نورة : شوفي الايميل وايد رسائل
الريم:صح خليني اشوف
فتحت الايميل شافت اعلانات وحصلت رساله من محمد الريم استانسه على الرساله
نورة:اشوفج مستانسه
الريم:خليني ارد عليه

ويدش سعود عليهم فجاة وطلت الريم بسرعه من الايميل والمسنجر ونروة ارتبكت
سعود: شو بلاكم
نورة:ما شي يلسات انسولف ويه اربيعتنا
سعود: ليش بندت من دخلت
نورة: ما بندنا شي طلعنا من المسنجر انغير الايميل
سعود: عيل افتحوا لي الايميل
نورة: (قالت حق الريم) قومي
الريم نشت من مكانها وهي ميته من الخوف اتقول بخاطرها (يا ويلي رحت فيها)
سعود يلس على الكرسي ونورة فتحت ايميلاها
سعود: الحين انتوا كنتوا يالسات بهذا الايميل
نورة:هيه عيل شو
سعود:يعني مب بايميل اختى
نورة:اصلا ايميل اختك ما يفتح
سعود:الريم عطيني ايميلج
الريم: انزين الحين بكتبه
سعود: ابي الباسبورد
الريم: (عطته الباسبورد غلط)هذا الباسبورد *******
سعود: ليش مب طايع يدش
نورة:قلت لك ما يدش ما صدقتني
سعود:انزين نورة بعدين ابيج بسالفه
نورة:شو السالفه هذه المره وتخص منو
دش فيصل عليهم يله غذى
سعود: الحين بني
نورة انا يوعانه يلبه الريم
طلعت نورة خلت سعود والريم
سعود:ادري انه نورة تستر عليج
الريم:بشو تستر علي ما في شي اخبيه
سعود:ترى السالفه اللى استوت توها مب داشه عقلي واعرف نورة طلعت سالفه اربيعتكم عسب تستر عليج الحين قومي خلينا نتغدى وبعدين يصير خير

خلصوا الغذى
سعود: قوم ابيك
فيصل : انزين الحين بي وراك

الريم : (بصوت خفيف ) نورة قومي ابيج
نورة: اقول بنسير انا والريم نرقد اشوي
الريم: (بخوف) نورة اخوي يشك فيني
نورة :كل يوم اتقولين لي هذا الاسطوانه
الريم: هاذي المرة غير
نورة: كيف غير؟
الريم: لانه يوم انتي طلعتي قالي اعرف انه نورة تستر عليج
نورة: خيبة هذا للحين مب مصدق السالفة اللي اخترعتها
فيصل يدخل عليهم
فيصل : شو رايكم تسيرون وياي الستي
نورة+ الريم: مستحيل ما نصدق
فيصل : ليش ما تصدقون؟
الريم: لانه سعود مستحيل يخلينا انسير
فيصل: بالعكس هو اللي اقترح علي انسير
الريم+ نورة: الحين بنتجهز
فيصل: بسرعة لانه شهد و العنود خلصوا و الحين هم في السيارة
الريم: الحين بنخلص
سعود: اسمعوا يا بنات تمشون جدامنا و نحن وراكم و ما ابي لا العنود ولا شهد يضحكون وهم يمشون و ما ابي تتلفتوم لا يمين ولا يسار
العنود: بدت احكام قرقوش
الكل ضحك هههههههههههه


وصلوا المركز و نزلوا كلهم و ساروا يلسوا على الطاولات

سعود: خيبه نسيت الموبايل
العنود: هيه صح كيف ما ترمس روضه
سعود: اسكتي يا ام لسانين
الريم: الله يعلم كم مره داقه عليك
سعود: فيصل ايلس عنهم بسير ايب الموبايل من السيارة
فيصل: انزين سير لا تتاخر
بعد دقايق
فيصل: بسيرالحمام اللى مجابلكم وما ابي احد يتحرك من مكانه
نورة: سير بسلامه
وهم يالسين دخلوا شلت شباب
واحد من الشباب: اشحال الحلوين
نورة: طنشوهم وما حد يعطيهم ويه
يه سعود وشاف الشباب عن الطاوله وسعود( معصب)يمسك واحد من الشباب شو تسون اهني
واحد من الشباب : انت شو يخصك
فيصل يشوف سعود واقف مع الشباب يتضاربون
سعود : فيصل شل البنات وانا بتصرف وياهم
فيصل: يله تعالوا
سعود: شو هذه الوقاحه تتهجمون عل بنات الناس
واحد من الشباب: ليش انت راز ويهك
سعود: لك عين ترمس بعد
واحد من الشباب: خير شو سويت انا
سعود: ما يخصك في خواتي يا النذل
واحد من الشباب: اسمحلينا يا الطيب
سعود: الحين اسمحلي وين اصرفها بعد هذه الفضيحه
واحد من الشباب حصل خير يا خوى
سعود: ( اتصل فيصل) وين انتوا
فيصل نحن في المكان الفلاني
سار سعود عنهم ويلسوا
الريم: نورة تعالي انسير هذا المحل شكله عنده ثياب وايد حلوه
نورة: يله قومي
سعود: على وين يا بنات
نورة: بنسير هذا المحل المجابلكم
سعود: انزين لا تتاخرؤون
نورة: انزين
العنود: من جنه هذه روضه
شهد : منو هذا الولد اللى وياها
فيصل: يمكن اخوها
سعود: اصلا هي ما عندها اخوان
سعود بخليكم اشوي
العنود: الحين بينقع البكس
شهد: ههههههههههههههههههه
الكل : (يلس يضحك)ههههههههههههههه

[احساس قلب]

وصلت روضة و ركبت سيارة سعود
سعود: نورت السيارة توها
روضة: بوجودك حبيبي
سعود: اشحالج
روضة : بخير و انت
سعود: بخير بشوفتج
روضة : يالله بسرعه امشي قبل محد يشوفنا
سعود: من عيوني
و قبل ما يوصل سعود الشقة خذ تلفونه و يالس يدق الرقم
روضة: على منو بدق
سعود: بدق على واحد من الربع مواعدنه
اطلع وياه اليوم و طلعت وياج بخبره باجر يطلع وياي
روضة: عيل دق عليه
سعود: انزين سكتي
روضة: اوكي
سعود: الوو هلا مايد اسمحلي يا مايد ما اروم اليوم اشوفك
سعود: عيل اشوفك باجر مع السلامة
روضة: يالله وصلنا
سعود: انزلي
و نزلوا من السيارة و طلعوا الشقة
روضة: شقة منو هذه؟
سعود: شقتي ايلس فيها و قت الملل ابعد فيها عن حشرة اخواني
روضة: اهاا ماشاء الله عليك محافظ على النظافة
سعود: شفتي عاد
روضة: تراني اخترت حبيبي لانه كل مواصفاته تعيبني
سعود: اتعرفتي على حبيبج على طيشج
روضة : عاد انا طيشة مقبولة منك حبيبي
سعود : فديتج والله احبج مووت
روضة: انا اموت عليك و مستعدة ابيع الدنيا عشانك المهم ما تفارقني
سعود: لا ما بخليج يا قلبي
روضة:صدج حبيبي
سعود:هيه صدج
روضة: فديتك والله
سعود: ها تتعشين وياي تراني يبت عشى قبل ما اخذج
روضه: هيه بتعشى
سعود: دقايق و بيب العشى
و يلسوا يتعشون و بعد العشى يلسوا
روضة: سعود بسألك شي بس لا تعصب
سعود:اسألي
روضة:متى بتخطبني من اهلي ؟
سعود :ها بعدني ما حصلت شغل
روضة: انت للحين ما حصلت و كل ما ايب لك طاري السالفة اتقولي بعدني
سعود: روضة اتعرفين لازم اجهز لج المهم
روضة: انزين متى
سعود: اول ما احصل شغل برمس امي في الموضوع
روضة: انزين بصبر
سعود: ما عليج غناتي اصبري
روضة: انزين
سعود: شو رايج ترقصين لي
روضة: ما اعرف
سعود: اتقصين علي الكل يعرف يرقص
روضة: استحي
سعود: تستحين من عمرج
روضة: فديتك لا تخجلني
سعود: لو تحبيني ارقصي لي
روضة: ما اعرف
سعود: ما عليج بتتعلمين
روضة : سعود مابي
سعود: عيل انتي ما تحبيني
روضة: احبك
سعود: عيل قومي
روضة: انزين
و يلست ترقص و سعود طبعا مستانس و طاف الوقتو ما حسوا بعمارهم
روضة: وايد تأخرت على اهلي
سعود: تبين تروحين
روضة : هيه
سعود: عيل قومي نشي البسي عباتج و بوصلج
روضة: انشاء الله
روحت روضة و سعود رد الشقة وحصل مايد و فيصل
سعود: ها بشروا واضح
مايد: هيه وايد واضح
فيصل: ما تستحي و ترقص بعد
سعود: كانت ما تبي
مايد: الله يغربل ابليسها
سعود: المهم ابي يكون الفيديو بنسختين زيادة عندي
فيصل: ليش نسختين
سعود: احتياط ما تدري شو يصير بالدنيا
مايد: براحتك عطني الفلم و بسويه
سعود: اوكي
فيصل: يالله خلونا نعدل المكان ونرد المفتاح لصاحب الشقة
مايد + سعود: يالله

وروحوا كل واحد فيهم بيتهم وفي اليوم الثاني دقت روضه حق سعود

سعود: احلمي اشله
العنود: اترمس منو انت ينيت خلاص
سعود: لا ما ينيت بعدني
العنود: منو اللي ما تبي اترد عليها روضه اكيد
سعود: هيه روضه
العنود: خليها اتزول
سعود: اصبري اشوي علي بخليج اتقولين اتوبه ادق عليه مره ثانيه
العنود: روضه ما دق لك مستحيل
سعود: ما شي مستحيل عندي
دشت الريم: بلاكم
العنود:ما شي اخوج خرف شكله
الريم: ليش
العنود: اسمعي النكته اونه روضه بعد ايام ما بدق له ابدا
الريم: صدج سعود
سعود: هيه
الريم: ليش متاكد من عمرك
سعود: اكيد بكون متاكد
الريم: عيل اقص ايدي اذا ما كنت مسوي شي لها
سعود: دومج تفهمينها وهي طايره
الريم: لا تتاذي البنت
سعود: لا تخافين بسوي لها شي بخليها ما ترمس ولا شبا من شباب اللى تعرفهم
الريم:الله يستر منك
دش بو سعود عليكم : ها شو تسون
الكل: يالسين انسولف
و سعود: الريم تراني يبت لج اللى تبينه
الريم: والله تترمس صدج يبه
بو سعود:هيه خذي البطاقه وموبايلج
الريم: الله لا يحرمني منك ان شاء الله
سعود: اطورناا انزين حق شو الموبايل
الريم: كل اربيعاتي عندهم موبايل حرام يكون عندي موبايل
سعود: لا مب حرام

وبعد يومين دق مايد حق سعود وقاله الاشرطه جاهزة وسعود حط الاشرطه في ظرف وطرشه حق ابوها في الدوام وطبعا بو روضه ما صدق الا يوم شاف الاشرطة وسار البيت وهو معصب من روضه ودش البيت

ام روضه بلاك يا بو روضه
بو روضه : وين بنتج
ام روضه:شو تبي فيهاا
بو روضه :ابيها وينها
ام روضه: طلعت ويه اربيعتها
بو روضه: شو دراج انها ويه اربيعتهاا
ام روضه: دقت اربيعتها ونحن يالسين
بوروضه: هذه بنتج جذابه وما حد يعطيها الامان ولا الثقه
ام روضه : بلاك قولي في شي
بو روضه: في اشياء
ام روضه: قولي شو السالفه فهمني تراك طيحت لي قلبي
بو روضه: الحين بفهمج اصبري
وخذ موبايله ودق لها
بوروضه : وينج انتى
روضه: ويه ارفيجاتي
بو روضه: وين يالسات
روضه: في سيتي
بوروضه:انزين الحين بي لج
روضه: (استغربت من ابوها) ليش تي
بوروضه:بس جي
روضه: لا الحين بروح
بوروضه : وليش اتروحين الحين تمي انا بي لج
روضه: لانه تاخرت واايد اليوم
بوروضه: يعني اتعرفين عمرج بسرعه انا اترياج في البيت خمس دقايق واحصلج اهني
روضه: ان شاء الله

وبند وياها وهو يعرف انها ويه واحد مب وحده وبعد عشر دقايق دشت روضه
روضه: السلام عليكم
بوروضه توه الناس ليش ما طولتي بعد اشوي
روضه: شو السالفه من متى تسالوني وين اروح وين انسير
بوروضه: هذه المصيبه يوم عطيناج الحريه

ويودها من شعرها ويلس يضربها ضرب وام روضه اتحاول اتبعد بنتها من بوروضه الشر كله بعيونه
روضه: يبه ما سويت شي انا لا تضربيني
بو روضه كل هذا وما سويتي يا مسودت الويه يعلج اتموتين وافتك منج
ام روضه : شو سالفه
ابو روضه : تعالي بخليج اتشوفين
ساروا عند تلفزيون ودخل الشريط
روضه (مستغربه) بخاطرها : ياويلي رحت فيها
ام روضه : ها مسودة الويه وانا اصدقج واتقولين انا طالعه ويا ربعتي
بوروضه : هذي حريتج الزياده لبنتج
ام روضه : حسبي الله عليج من بنيه فضحتينا
بوروضه : سمعي بنتج ما تطلع من البيت
روضه اتصيح انا والله مالي ذنب
هو قص علي
بو روضه :لج عين ترمسين للاسف ماعرفت اربيج ويقوم ويكمل ضرب
ام روضه : صلي على نبي والصباح رباح

[احساس قلب]

في بيت عائلة بو سعود

الريم مستانسه على الموبابيل دقت على نوره
االريم : الوووه
فيصل : الوووه
الريم: هلا فصووول
فيصل : امنو الحلوه
الريم: انا فطوم
فيصل: هلا فطامي
الريم: صج انك مغازلجي انا ريم يادب
فيصل : وانا اقول ها صوت مار علي
الريم: اونه اسمع الخراط
فيصل : هلا ريم
الريم: يالله عطني نوره بتخلص رصيدي
فيصل: ول ها رقمج وانا اتحريت رقم ابوج يا دبه
فيصل :هيه رقمي حلو صح
فيصل : لاترقميني
الريم: من زينك لحين
فيصل : هيه فديتني مزيون
الريم: ههه منو قال
فيصل : المنظره
الريم: قاصه عليك
فيصل: لا ماتعرف الجذب
الريم : انزين لو سمحت ممكن تعطني نوره
فيصل : اتري
فيصل با اعلى صوت نووووووره
نوره :ها شو بغيت
فيصل : ريم تباج
نوره تاخذ السماعه من فيصل
نوره : الوووه
الريم: اهلين
نوره:شحالج
الريم: يسرج ولا يضرج وانتي اخبارج
نوره : الحمدلله
الريم: اقولج ما اقدر اطول وياج
نوره: ليش
الريم: خساره رصيد
نوره : عادي ابوج ما يقولج شي
الريم: ياذكيه نحنا عندنا تلفون بيت يعني بخسر ابوي
نوره: عيل ليش دقيت من الموبابيل
الريم: حتى اتشوفين رقمي وتسجيلنه وتبركلي
نوره: مبروووووك صج هذا رقمج
الريم: وهل من شك مسكت صح
نوره: هيه اشوفه بالكاشف
الريم: يالله برمسج عقب انزين
نوره : اوكي
الريم: مع السلامه
نوره: مع السلامه

الريم سارت حجرتها اتفكر ادق على محمد و قررت ادق عليه
الريم: الووووه
محمد:اهلين بناعم الصوت
الريم: شحالك
محمد: بخير
محمد: رقم امنو
الريم: رقمي
محمد: مبروك عليج
الريم: الله يبارك في حياتك
ريم تمت اتسولف مع محمد
وكل يوم ريم اتكلم محمد وما قدر يبعدون عن بعض
وفي بيت عائلة بو جاسم

جاسم يدخل على محمد
جاسم :بعدك ترمس بتلفون
محمد: لحضه شوي
محمد : هلا جاسم
جاسم : ابوي يباك
محمد: انزين ياي
محمد: السموحه ابوي يباني عقب برمسج
الريم : انزين اشوفك على خييير
محمد: اوكي مع السلامه
الريم: مع السلامه
محمد يطلع من الحجره وسار الصاله وحب راس ابوه
محمد: امرني ابوي
بوجاسم : ما يأمر عليك عدو ولا ظالم
محمد: ولا عليك يا ابوي
بوجاسم : محمد متى بتخطب بنت عمك
محمد: ابوي مب لحين انشالله بعدين
بوجاسم: لاتنسى انها محجوزه لك من كنت صغير
محمد : لا ما نسيت
بوجاسم: انا وعدت اخوي انك اتكون لبنته
محمد: يصير خير تامرني بشي
بوجاسم : لا وين ساير
محمد: بسير دوانيه
بوجاسم: اوكي

[احساس قلب]

في بيت عائلة سعود

دخل سعود الصالة ولقى العنود في الصاله

سعود :السلام عليكم

العنود: وعليكم السلام

سعود : ها وين اختج

العنود : على ما ظنتي ترمس تلفون

سعود : ويا امنو

العنود: ويا ربعتها

سعود : انزين انا بسير ارقد

العنود: سعود باجر امنو بيودني المدرسة

سعود : الدريول

العنود: الدريول الصبح بيودي يدي المستشفى

سعود: خلاص باجر بيوديج انتي واختج

سعود طلع من الصاله بس شيطان لعب بعقله سار غرفة الريم


ودخل غرفة الريم شفها ترمس تلفون

سعود : ويا امنو ترمسين

الريم : لحضه شويه

الريم : هلا سعود امر

سعود: امنو ترمسين

الريم: ارمس نوره

سعود: جذابه

الريم: اتفضل شوف

سعود: الوووه

نوره :هلا سعود

سعود : شحالج بنت خالتي

نوره : يسرك الحال وانته

سعود: بخير ربي يسلمج

نوره: شبلاك

سعود(غير سالفه): شو تجهيز للمدرسه

نوره : هيه كل شي تمام

سعود: عيل ريم وياج

يعطى التلفون للريم ويطلع برع

سار الغرفة ويدق التلفون ويشوف المتصل روضه
في يقول ول لها ويه تتصل

سعود: نعم

روضه:ليش ياسعود فضحتني

سعود : انتي اللي جنتي على نفسج

روضه : صدقني بتندم وبتدفع ثمن غالي على سويته فيني

سعود: يالله فارقي

روضه : عسى واحد يقص على خواتك ويفضحهم

سعود(عصب): سمعي لاتيبين طاري اخواني اخواني اشرف عنج

روضه: كما تدين تدنا

سعود: انتي اصلا ماتسويين ظفر من اظفارهم يالله فارقي

وصكر التلفون على ويها

سعود انسدح على السرير يفكر بكلام روضه تدخل عليه الريم

الريم:اشفيك اتصارخ

سعود:لاماشي ليش مارقدتي

الريم:مافيني رقاد

سعود: ليش اتفكرين

الريم:ممم بالمدرسة

سعود: اونج عاد

الريم: هيه افكر بالنسبه

سعود:بيضي ويهنا

الريم: افا عليك ما طلبت بس انته اختار الرقم اللي تبغيه

سعود:انتي حدج 50 اونه اختار الرقم

الريم: لاوالله قالوا لك سعود حتى ايب 50

سعود: شو قصدج

الريم: ماشي

سعود: انا مب جني عطيتج ويه

الريم: وانا بعد مالت عليك واللي يعطيك ويه

سعود: يالله فارقي

الريم : تصبح على خير

سعود: وانتي من اهل الخير

[احساس قلب]

في بيت عائلة جاسم

جاسم : شفيك محمد سرحان

محمد : والله افكر بكلام ابوي

جاسم : شو بسوي

محمد : بخبر ابوي اني احب بنيه وما ابي بنت عمي

جاسم: خبر امي يمكن تتفاهم ويا ابوي

محمد: هيه والله فكره فديت جسوم يا راعي الافكار

جاسم : بدينا بالمصلحه

محمد سار عند اخوه وحبه فوق راسه الله يخليك لي ولا يحرمني منك

جاسم : انزين سير ارقد باجر وراك دوام

محمد: تصبح على خير

في بيت عائلة فيصل

نورة : فيصل وين ثيابك

فيصل : والله ما ادري

فيصل : يمكن عند شهد

نوره: شو اتسوي الثياب عند شهد

فيصل : سكتي ابا اطالع الفلم

نوره: والله حاله احاتي ثيابه وهو يحاتي ثيابه

شهد :شو سالفه

نوره: عيوزه دعمت الاشارة وقالت انا اسف

شهد : هههههه مال اول هي النكته

نوره : وين ثياب اخوج

شهد: بالكبت راقداين

نوره: حضرتج اتنكتين

شهد: لا استهبل

نوره: سيري ردي على تلفون اكيد ريموووو

شهد: لا ماظني

نوره: لا حول سيري لحين بيصكرون

شهد : انزين

عنود: الوووووووووووه

شهد:هلا عنود
عنود: اهلين

شهد: شحالج
\
عنود: بخير وانتي

شهد : الحمدلله

عنود: اقول باجر منو بيودكم المدرسه

شهد: والله ما ادري

عنود: خلاص بخلي سعود يودينا

شهد: اوكي بخبر اختيه

عنود: اوكي مع السلامة

شهد: اشوفج باجر مع السلامه

شهد اتصكر من عند العنود وسارت عند اختها
نوره

شهد: نوره

نوره : هلا

شهد: خلاص باجر سعود بيوصلنا

نوره: يالله متى ناوين ترقدون

شهد: اف امنو اخترع المدرسه

نوره: احسن انا مليت من البيت

شهد: انا بسير ارقد تصبحون على خير

نوره: وانتي من اهل الخير

في بيت عائلة سعود

في يوم جديد نشت الريم

الريم: عنود يالله ساعة 6 ونص اتأخرنا

العنود: انزين بعد شوي

الريم : لاحول يالله انا ما يخصني

العنود: اوه صح نسيت انه نوره وشهد بيسرون ويانا

الريم: قولي والله

العنود: هيه

الريم : عيل قومي تلبسي

العنود: انزين

ويوصل صوت المسج

العنود: اصبحانا واصبح الملك لله ليل ونهار وهالمسجات وسارت
الحمام

الريم تفتح الرسالة ((صباح الورد والياسمين ياحياتي ))

الريم(بخاطرها ) : فديتك يا محمد اتفكر فيني من اتنش

ريم طرشت مسج له( فديت اللي يفكر فيني ولا ينساني فديت روحه صباح الخير ياغناتي ))

وحطيته صامت وبندت عليه الكبت وسارت تتريق

قي بيت عائلة فيصل

نوره : شهد خذي بيزاتج

شهد: انزين حطيهم في شنطه

نوره: وينها شنطتج

شهد : في حجرتي

فيصل : يالله عاد سعود يترياكم

شهد: يالله لحين بخلص


في سياره

نورة +شهد: السلام عليكم

سعود + الريم+العنود: وعليكم السلام

نوره: شحالكم

الريم : بخير تعالي اهني يلسي صوبي

نوره : انزين

سعود: شدوا حيلكم ما اوصيكم

نوره: انشاء الله

سعود يحط اغاني انجليزيه

الريم: سعود الناس اتصبح بقران وانته اتصبح بالانجليزي

سعود: اللي يركب سيارتي يسمع انجليزي

نوره: انزين حط عربي حتى نفهم

سعود : جيه ما تفهمون انجليزي

الريم: لاخلينا الانجليزي للراعيها

الكل يضحك

في بيت عائلة بو جاسم

سار محمد الصاله

محمد: لبيه

بو جاسم : اليوم بنسير بعد صلاة العشى بيت عمك

محمد: ليش

بوجاسم : حتى نخطب بنت عمك نوف لك

محمد: ابوي انا بخبرك شي

بوجاسم : لا تقول انه عندك شغل وغيره انا وعدت عمك اليوم نخطب وماعندي كلام غير

محمد: ابوي انا ما ابيها وما احبها

بوجاسم : محمد عمك ما قصر ويانا ولازم ارد فضله علينا ولا شويه

محمد:انزين زوجها لجاسم

بوجاسم : لاتعانديني لا تخليني اغضب عليك نوف من صغرك محجوزه لك ولا تخالف العادات والتقاليد

[احساس قلب]

بيت عائلة سعود

الريم في الغرفه اتحاتي محمد ادق عليه ما يرد عليها انشغل بالها اول مره مايرد عليها
فطرشت له رساله ((ياغايب عني وينك ياعساك بخير ::: حرام تهجرني وتهجر عيوني
ما احيد قلبك قاسي وين ضمير::::: قمت احاتيك شغلتني ياضنيني ))

كلمات : شاعره سهاد الليل
ما جاوب عليها عقت تلفون على سرير وسارت برع تتمشى ويدق تلفون وتسمعه عنود

العنود: الوووووووووووووووه

نوره : هلا

العنود: اهلين

نوره : شحالج

العنود: بخير وانتي علومج

نوره: بخير ربي يسلمج

العنود: دوووم يالغاليه

نوره: وياج اقولج وين اختج

العنود: اممممم على ما ظنتي برع

نوره : شو اتسوي برع

العنود: تتمشى

نوره : من زين الجو لحين

العنود: هي اتحب تطلع برع حتى يوم اذاكر اذاكر برع

نوره : هيه يقولون المعلومات ماندخل اللي يوم يكون الجو حار

العنود: اونـــه

نوره : اونتين

العنود: تبين ازقرها لج

نوره : لاخلاص من تحدر خبريها اني دقيت عليها

العنود: اوكي مع السلامه

نوره: مع السلامه

في بيت عائلة جاسم

جاسم : يالله محمد ابوي يترياك

محمد:يعني لازم شو هالحاله كل شي غصب

جاسم : لاتتحرطم شرات البركان عن يسمعك ابوي

محمد : يالله انا جاهز

جاسم : انزين اتكشخ حط عود

محمد: مب لازم يالله فكني

جاسم : انزين يالله

في السياره

ابوجاسم : اسمع محمد هالويه اتغيره واتصرف عدل لاتفشلنا صوب اخوي

محمد: يصير خير


في بيت عائلة نوف

شمه : نوووف

نوف : هلا

شمه : ابيج تكسبين قلب محمد

نوف: بحاول بس اخوج ما يعطني ويه

شمه : ماعليه اتحملي هذا ولد عمج

نوف : اقولج شو رايج بالتسريحه

شمه :يجنن عليج يالله لا تتاخرين تراهم في الميلس

في الميلس

ابو نوف : هلا محمد شو مستعد

جاسم يقرص محمد

محمد: هلا عمي امر

ابونوف : لا انته سرحان مب فاضي لنا

بوجاسم : هيه سرحان بخطيبته

بونوف : يالله عن اذنكم بسير اشوفهم

بو جاسم : اذنك وياك

راح ابو نوف عند نوف حتى يشوفها خلصت ولا

بو جاسم : محمد لاتفشلنا شو بلاك ابتسم

محمد: انشاء الله

دخل ابو نوف

بونوف : يالله اتفضل محمد حتى اتشوف خطيبتك

بو جاسم : محمد لاتستحي يالله قوم

محمد: انشاء الله ابوي

في الصاله

المعازيم في صاله ودخل محمد ويلس صوب نوف وشمه حست انه اخوها مضايج
فحاولت اتسولف وياه حتى يسولف ويا نوف

شمه : مبروووك محمد

محمد: مشكوره

شمه: قولي عقبالج

نوف (تضحك) عقبالج انا بقولها عنه

شمه : محمد شورايك بنواف

محمد من غير ما يطلعها : حلوه

نوف : عيونك الاحلى

شمه تمت اتسولف ويا نوف ومحمد في قلبه الم على يسوي في ريم

خلصت الملجه وردوا المعازيم بيوتهم ورد محمد وجاسم وابوهم البيت

في البيت

بو جاسم : يالله عيالي انا بسير ارقد باجر بسير العزبه

جاسم : الله يقويك تصبح على خييير

بو جاسم: وانته من اهل الخير

جاسم: شو بلاك محمد

محمد: الدنيا وصخه احسها مالها طعم

جاسم : اول مره اشوف واحد توه انخطب ويقول هي الرمسه

محمد: ياترى بتسامحني ولا

جاسم: امنو

محمد: الريم

جاسم: خلاص انساها انته لحين مخطوب

محمد: بس انا احبها

جاسم : ماعليه بتنساها الحب الحقيقي هو بعد زواج

محمد: لا ما ظنتي انا احبها واموت عليها

جاسم : الله يهديك اقولك وين شمه

محمد: جيه ماردت

جاسم : شكلها جي

جاسم :بتصل فيها

محمد: وين تلفوني

جاسم: على ما ظني في حجرتك

محمد: بسير اشوفه

سار الغرفه وشاف التلفون في السرير 7 مكالمات و3 رسايل

جاسم : ها شو حصلته

محمد: فديتها والله هي هناك متعذبه وانا هناك عند نوف

جاسم: لاحول ردينا

محمد: بطرش لها رساله

جاسم : حرام عليك باللي اتسوي في بنت عمك

محمد: وحرام علي اللي اسوي بريم قلبي يعذبني عليها

جاسم : خلاص اتركها وابدا حياة جديده

محمد: لا ما بتركها واسكت

جاسم : والله ما ينفع معاك الكلام

محمد طرش لها رساله وكتب فيها

فديت الحلوه اللي ماخذه عقلي ولا نستني
اطلب منها السموحه لو شغلت بالها
احبها واموت عليها ساكنه بوسط عيوني
حبها بعده في دمي لو تطلب عيوني تفداها

كلمات : شاعره سهاد الليل

جاسم: خلصت ابي ارقد

محمد: خلاص بطلع من عندك بسير اكلمها

جاسم : مفروض اتكلم خطيبتك نوف بدال الريم

محمد: انا احبها شو بلاك ما تفهم

في بيت عائلة سعود

يرن التلفون

الريم: الوووووووووووووه وينك

محمد: انا اهني

الريم: شغلت بالي تعبت من كثر ما ادق عليك

محمد: السموحه يالغاليه كان اليوم عرس اخوي وما خذيت تلفون وياي المهم انتي شخبارج

الريم: عرس اخوك ولا عزمنتي

محمد: يعني لو قلت لج تعالي بتييين

الريم: لا بس على اقل اعزم

محمد: خلاص يوم عرسي بعزمج

الريم: بتعرس

محمد: افكر

الريم: عيل انا بخليك

محمد: وين تعالي فديت اللي ضايجة اسولف وياج


الريم: ما احب ها نوع من سوالف

محمد : انتي تامرين امر يالغاليه

الريم : شو بلاه صوتك احسك مضايج

محمد: لا ماشي بس شويه مضايج

الريم: هيه عشان اخوك بيسير عنك وبيخليك ماعليه هي سنة الحياة الله يهنيه

محمدفي خاطره) لو تعرفين : هيه والله

الريم: يالله غير هالويه ابيك تتبسم

محمد: اوكي حبوبه ابي اسالج سؤال

الريم : اتفضل

محمد:انتي اتحبيني

الريم: هيه اكيد اموت عليك

محمد: يعني ما بتتخلين عني ابدا

الريم: لا ليش

محمد: اخاف يوم تتخلين عني

الريم: اوعدك ما اتخلى عنك

محمد: فديتج وفديت قلبج

الريم : استحي لاتتفداني

محمد: فديت الا يستحون

الريم: المهم انا تطمنت عليك بسير ارقد عن يرد اخوي ويشوفون ارمس بتلفون

محمد: اوكي تصبحين على خيير

الريم : وانته من اهل الخير

الريم استانست لانها كلمت محمد وتطمنت عليه وسارت عند اختها

العنود: ريمو صح نوره دقت عليج

الريم: جيه ما قلت لي من قبل

العنود: لو شفتج من قبل جان تذكرت بس انتي ما تنشافين

الريم: ليش انا مب في البيت

العنود: لا في البيت بس ما اشوفج

الريم: انزين لحين وقت متاخر

العنود: لا مابيرقدون باجر ماشي مدرسة يوم الخميس

الريم: هيه والله

العنود:يعني اليوم ماشي رقاد صباحيه

الريم: لا انا بسير اذاكر

العنود: اونه

الريم: هيه عندي ثانويه عامه

العنود: الله يوفقج

الريم :ويوفقج

في بيت عائلة فيصل

فيصل: اقول شو رايكم باجر انسير عند خالتي

نوره :غريبه ليش

فيصل : ابا اعرف شو استوى ويا سعود مع روضه

نوره : هيه والله انا بعد

فيصل :خلاص باجر بنسير عندهم العصر

نوره :اوكي

شهد : شوسالفه سمعت بتروحون مكان

نوره : هيه بنروح بيت خالتج

شهد : هيه وهناك بنخلي سعود يودينا كارفور

فيصل : هيه تحلمين وايد

نوره : سعود مابخلينا انسير

شهد : انزين انا بسر ايلس عالكمبيوتر

نوره :بسج تقردنين بنات الناس

شهد : مايخصج

نوره : الله يهديج

في يوم جديد

الريم : نشت من وقت ذاكرت وسارت ادق على نوره

الريم : هلا

نوره : هلا والله بالقاطعه

الريم : اهلين يالغاليه

نوره : شحالج يالقاطعه

الريم : انا القاطعه

نوره : هيه امس ليش مادقيتي علي

الريم : والله كنت بدق عليج امس فليل بس خفت اتكونين راقده

نوره : جان دقيتي من وقت

الريم : العنود ماتذكرت الي في اخر اليل

نوره : هيه اليوم نحن ياين عندكم

الريم : صج متى

نوره : هيه العصر

الريم : اوكي

نوره : خلاص بخليج بسير اذاكر كم كلمه

الريم : الله يوفقج

نوره : ويوفقج

الريم : ربي يحفظج

نوره : ويحفظج

الريم : صكرت من نوره دقت على محمد

الريم : هلا

محمد : صباج الخير

الريم : شحالك

محمد : بخير شحالج

الريم : بخير

محمد : شو مسويه

الريم : ماشي انته وين

محمد : في دوام

الريم : اها

تم يسولف وياها لين ما اذن الظهر

محمد صكر التلفون ويتخيل يوم من الايام انه خلاص ماراح يسمع هالصوت

شافه ربيعه سيف

سيف : محمد

محمد : هلا

سيف : محمد شو بلاك

محمد : والله مضايج ومهموم

سيف :محمد خير اقدر اساعدك

محمد : انا حيران بين قلبي وبين عاداتي

سيف : كيف

محمد : انا احب وحده واهي خطبولي بنت عمي

سيف : انزين حاول اتحب بنت عمك

محمد : الي احبها ماخده عقلي وقلبي

سيف : شو بتسوي

محمد : ما أدري

سيف : خبرها بسالفه

محمد : أكيد بتبتعد عني

سيف : حاول

محمد : لا اخاف من عواقب

سيف : انا عندي فكره

[احساس قلب]

سيف :اسمع محمد خبر بنت عمك عن اللي تحبها وجي بتفسخ خطوبتك

محمد :هي الفكره والله طرت عالبالي بس نوف بتخبر عمي وعمي بيزعل من ابوي

سيف :انزين كلم ابوك حاول وياه

محمد:صدقني تعبت احس الدنيا ضايقه فيني ما ادري شو اسوي

سيف : ماعليه الا كاتبنه ربك بيستوى ولاتفكر وايد يالغالي يالله قوم اتاخرنا على الاجتماع المدير

محمد : هيه والله مافيني يسولي سالفه

في بيت عائلة سعود

العنود تتلبس عشان بنات خالتهم بيزروهم

الريم : عنود شورايج انفصل انا وانتي نفس شي

العنود: ليش انفصل

الريم: نسيتي انه الاسبوع الياي عرس ولد عمي

العنود: هيه والله خلاص باجر بنسير انفصل

الريم: اقولج مب جنهم اتأخروا بنات خالتج

العنود: سيري اتصلي فيهم

الريم : اوكي

الريم: الوووه

أم فيصل: الوووه

الريم: هلا خالتي شحاااالج

ام فيصل: بخير شحالج انتي وشحال امج

الريم: بخير اتسلم عليج وايد

ام فيصل : الله يسلمها ليش ماتيوون عندنا

الريم: خالتي تدرين امتحانات

ام فيصل : شدوا حيلكم ارفعوا راسنا

الريم : انشاء الله خالتي فالج طيب

ام فيصل : الله يوفقكم

الريم: خالتي وين نوررره

ام فيصل: ليش بعدهم ما وصلوا عندكم

الريم : لا خالتي

ام فيصل : دقايق وبيدخلون عليكم

الريم: اوكي خالتي انا بخليج ثاااانكس

ام فيصل : ربي يخليج سلمي على امج

الريم : يوصل خالتي مع السلامه

ام فيصل : ربي الحافظ

صكرت الريم وهي تضحك

العنود: شبلاج تضحكين

الريم : انا قلت لخالتي ثانكس وهي قالت لي الله يخليج

العنود: ههههههه وحليلها ماتعرف بخلي نوره تعطيها دروس بالانجليزي شوي

العنود: ريمووووو الباب يدق

الريم : وين ميرررري

العنود: اكيد ويا الدريووول

الريم : لاحول هي دوووم هناااك

العنود: يحبون بعض

الريم: دام يحبون بعض خليهم

العنود: لا والله

الريم: الحب مب حرام وخليهم يحبون بعض

العنود: انزين سيري افتحي الباب يافيلسوفة الحب

الريم : وين شيلتي

العنود: صج شلقه في شبريتج

الريم : انزين

الريم سارت تفتح الباب

الريم : هلا والله نورتوا

نوره : اهلين جان خليتي بعد داخل سنه لين ماتفتحون الباب

الريم : فديتج اسفه كنا نضارب انا والعنود

نوره : انتوا ما تيوزن عن سوالفكم

شهد : لاحول بتمون اتسولفون عند الباب حرر مووووت

الريم : السموحه اتفضلوااا

في الصاله

العنود: هلا وغلا

شهد: هلا بنت خالتي

الريم : ياحبابيبي شو تشربون

نوره: ابا ديوووو

شهد: ابا بيبيسي

العنود: فاتحيين بقاله

نوره : والله اختج سالت شو تشربون

الريم: خلاص بدق على دكااان

العنود: هيه بنشربه ويا الكيك

شهد: منو مسوي الكيك

الريم: الوالده الله يطول بعمرهااا

نوره : تسلم ايدهااا

العنود خذت شهد وساروا برع بالحوووش

الريم : تعالي حجرتي بخليج اتشوفين فستاني

نوره : اوكي

ساروا الغرفه جان يدق التلفون والمتصل محمد

الريم ارتبكت ماردت

نورة : شو بلاج ماتردييين

الريم : لا ابي ايلس وياج بعدين بتصل فيها

نورة: امنو هي

الريم: فطوووم

نوره: امنو فطوووم

الريم: هي وحده متعرف عليها

نوره: عطني ارد عليها

الريم : اخاف تزعل ولاتستحي

نوره : ريمووو خبريني شو سالفه

الريم : اي سالفه

نوره : انا اعرفج عدل شو

الريم : ماشي

نوره : عيل ليش اتغير لونج وارتبكتي

الريم : طبعي جي

نوره : خبريني شو سالفه

الريم : اوكي بخبرج بس اوعديني انج ماتزعلين واتعصبين علي

نوره : اوعدج

الريم: هذا محمد

نوره : امنو محمد

الريم : اللي اتعرفت عليه على نت

نوره : لا والله ومن متى وانتي اتكلميه

الريم : من زمااان

نوره : يا سلام وانا اقول ليش الاخت منشغله عني

الريم : والله يانوره انه محمد انسان طيب وحنون يخاااف علي من نسمة الهوى عمره ماقالي تعالي نتطلع مكان
ويا بعض دوم ينصحني ويعلمني من صح ومن الغلط

نوره : شكله قاص عليج

الريم: لا محمد ما يجذب علي محمد غير عن كل شباب

نورة : يالغاليه انا خايفه عليج

الريم : لاتتحرين الشباب كلهم شرات بعض في شباب يحبون من الخاطررر

نوره : الله يهديج بنشوف اخرت هالحب

الريم: فديتج وفديت اللي توقف وياي ولاتوقف ضدي

نوره : سمعي لو يوم من الايام سعود عرف اعرفي مصيرج الموووت

الريم : هيه ادري

نوره : المهم شو مسويه بالمذاكره

الريم: الحمدلله تعالي بخليج اتشوفين فستنان العرس

نورة: اي واحد فيهم بيعرس

الريم: نايف

نورة : نايف اخو خالد

الريم : هيه

نوره : شخبار اخته شمس

الريم : الحمدلله اهي ما ادانييني

نوره: ماعليه طنشيها

الريم: اتصدقين في المدرسة تمدح اخوها خالد

نوره : اونه بس خالد يحبج

الريم: حبه برص

نوره : هههههههه شو سوى فيج محمد سحرج

الريم : فديت روحه شكثر احبه

نوره : اقولج ريمووو مب ناوييين ترجعون النت

الريم : لاخلاص مانبا نت

نوره : هيه خلاص شو تبين فيه دام اتكلميه

الريم : نوره اباالنماذج تدرين قربت الامتحانات النهائيه ولازم انذاكر وانشد حيلنا

نوره : خلاص بعطيج اللي عندي

في بيت عائلة جاسم

محمد سار عند امه وحب راسها

محمد: امي اباج بسالفه

أم جاسم : شبلاك زيغتني قول

محمد: انا ما ابي نووف

ام جاسم : ليش البنه مافيها عيب

محمد : امي انا احب وحده واسمها الريم

ام جاسم : اها وانا اقول ليش محمد يرمس برع اتكلمها وانا اتحرى نوف اتكلمها

محمد: ماعلينا المهم اقنعي ابوي

ام جاسم : ياحمووود ابوك راسه يابس

محمد: انزين حاولي وياه حرام اظلم البنيه

ام جاسم : انزين

شمه تدخل عليهم

شمه : السلام عليكم

ام جاسم +محمد: وعليكم السلام

شمه : محمد بسالك كم اليوم التاريخ

محمد: ما ادري ليش

شمه : تدري انه باقي 3 اسابيع على عرسك وانته بعدك ما اشتريت شي

محمد: لا انشاء الله بيلتغي العرس

شمه (مستغربه) : ليش

محمد : امي بتسويلي واسطه

ام جاسم : هيه لو ابوك سمع مني

شمه : امي حرام بس نوف اتحبه

محمد: بس انا ما احبها

ام جاسم : الله يهديك ماينفع فيك الكلام راسك يابس

شمه : انا ابي اعرف شو ناقصها نوف حتى ما تحبها

محمد: ما ناقصها شي بس انا ما احبها ولا ابي اظلمها

ابو جاسم يدخل

ابو جاسم : السلام عليكم

الكل : وعليكم السلام

محمد: انا بسير عن اذنكم

محمد سار الحجره

[احساس قلب]

دخل الحجره

محمد: جسوووم نش ما بسك رقاااد

جسوووم : ساعة كم

محمد: ساعة 1 الظهر

جسوم : وين الغذاء

محمد: انته ما تحاتي الا بطنك قوم

جسوم : يوم يحطون الغذا بقوم

محمد: انزين انا بكتب لحين قصيده

جسوم: لو سمحت اتغزل فيني

محمد: شو ماعندي سالفه

جسوووم : انزين اسكت انا عطيتك ويه

محمد : اسكت ابا اكتب

في الصاله

ام جاسم : ابو جاسم

ابو جاسم : هلا

ام جاسم : بغيتك بسالفه

ابو جاسم : لبيه

ام جاسم : محمد ما يبغي نوف ومحمد يحب وحده ويبغيها

ابو جاسم : وينه محمد

ام جاسم : في حجرته

ابو جاسم : شمه سيري ازقري اخوج

شمة : انشاء الله

شمه صعدت فوق وسارت غرفة جاسم ومحمد

شمه : محمد ابوي يبغيك

محمد: ول شو يبغيني

شمه : ما ادري بيحدد القرار

محمد: كيف شكله

شمه : شكله جاد

جاسم : حلوه هي كيف شكله يعني كيف بيكون شكله

محمد: جسوم تعال وياي فديتك

جاسم : اول شي اتغزل فيني بأشعارك

محمد: اوكي يله قوم وياي

محمد وشمه وجاسم نزلوا وساروا الصاله

محمد : هلا ابوي طلبتني

ابو جاسم : الخميس الياي عرسك من نوف وما ابي ولا كلمه

محمد عصب وسار غرفته وجاسم لاحقه

ام جاسم : حرام عليك كسرت خاطره ليش تبا ادمر حياته

ابو جاسم : كيف تبيني انسى اخوي واللي سوى فينا وقف معاكم وانا يوم كنت محد ولازم ارد فضله عليكم وعلي

ام جاسم : بس حرام ينظلمون

ابو جاسم : ولازم محمد ماينسى باللي سوها عمه وياه ومقصر وياه ولازم بعد ياخذها حتى العادات وتقاليد
وتدرين انه نوف وحيده وما يبغى بنته تاخذ من برع

ام جاسم : الله يهديك

شمه : ابوي حرام محمد بيتعذب

ابو جاسم: بيتعذب يوم ولا يومين وبينسى وبيعيش حياته

في غرفة جاسم

جاسم :محمد صلي على نبي شبلاك اتصيح انته ريااال وعيب عليك

محمد: اصيح على حظي ما اقدر والله ابعد عنها ويوم الخميس عرسي كيف تباني اتكون حالتي يعل الموتي يجيني قبل الخميس

جاسم: شو هالكلام حمود اللي يكدر الخاطر خلاص اتوكل عاللله هذا نصيبك ارضى فيه

محمد: الا يحب صدقني ما يفقد الامل ولا ما يحب يطلع عذر بالقدر ونصيب ويقول هذا نصبي وانا بعدني ما فقدت الامل

جاسم : شو بتسوي

محمد : بقطع اهلي وبيعيش منعزل

جاسم : لاحول اذكر الله

محمد طلع من الغرفة ونزل تحت عند ابوه وامه

محمد: اسمع ابوي انا ما باخذ نوف انا ما ابيها افهموني

ابو جاسم: اتشوف الخيزارن المعلقه بتنضرب فيها وبتبرى منك وبغضب عليك

ام جاسم: صليوا على نبي

محمد طلع من البيت وهو يصيح ودموعه على خده وشغل سياره وسار يتمشى

اتصل فيه سيف

محمد: الوووه هلا سيف


سيف :شو بلاه صوتك

محمد:تعال انا محتاجلك انا في عند البحر الي نسيره دوم

سيف : اوكي انا قريب 5 دقايق وبكون عندك

وصل سيف

محمد :سيف الخميس عرسي

سيف : مبروك شو بلاك اتقولها وانته حزين

محمد : انا ماابغي اعرس

سيف :انزين لاتعرس

محمد :ابوي غاصب علي وبيتبرى مني لو ماعرست من بنت عمي

سيف : لاغضب والديك بعدين مابيوفقك صدقني

محمد : واللي احبها ابتعد عنها مااروم افهموا

سيف : اسمع انته عرس من بنت عمك وعادي كلمها لين ماتحب بنت عمك

محمد :لا ما احب اخدعها واعلقها فيني اكثر

سيف : تخسر وحده ولا تخصر اهلك مابي اخسرها ولا اخسر اهلي

سيف : خلاص خد بنت عمك مايصير اتقفط ابوك صوب عمك وعمك ماقصر وياك

محمد : انا تعبان

سيف : عرس وكلمها ويصير خير

محمد : بفكر

سيف : جي مابتخسر اهلك ولا الي تحبها

محمد : هيه صدقت يعني ما اخبرها

سيف : يمكن بعد زواج اتحب خطيبتك

محمد : الله يسمع منك

في بيت عائلة سعود

سعود :يالله بسرعه

الريم : انزين وينها العنود

سعود : العنود سارت الصالون

الريم : اي صالون

سعود : صالون منى

الريم : هيه انزين ليش ماخديتني وياها

سعود :تراج اتأخرتي وايد في المدرسه اليوم

الريم : شو اسوي كان عندنا دروس ولازم اخلصها

سعود : انزين يالله انا في سياره

الريم : اوكي

الريم تتصل بمحمد

الريم : الوه

محمد : هلا والله

الريم اهلين اقولك انا بسير

محمد : وين

الريم : بسير الصالون

محمد : شو اتسوين في الصالون

الريم : اتحنى واتعدل

محمد : لاتتعدلي وايد اخاف عليج من العين

الريم : هههههه

محمد : هيه الصدق مافينا باجر اسمع انهم خطبويج لي فلان

الريم : لااطمأن ماعليك برفع ضغطهم علشان عيونك

محمد : فيدتج والله

الريم : يالله انا بسير

محمد : بتسيري ويا منو

الريم: سعود

محمد : ويوم بتردي بتسيريويا امنو

الريم : ما ادري

محمد : لاتسيري ويا الدريول اخاف عليج

الريم : لاتحاتي اخوي مايخلينا

محمد : اوكي يوم تردي دقي علي

الريم : اوكي مع سلامه

الريم : سارت عند سعود وركبت سياره

في العرس بيت عمها


الكل طبعا ياكل والريم والعنود عند بنات عمهم

شمس : هالريم اشوفج احلويتي اكثر

الريم : عيونج الاحلى تسلمين

العنود : هيه وانا ما احلويت

ام خالد : هيه الريم محجوزه للولدي

ام خالد : مشاء الله عليها جمال وادب وتعليم

الريم : اتكدرت وسارت عن ام خالد

شمس حست انها تضايجة فسارت لها

شمس : شيلاج الريم لايكون كلام امي زعلج

الريم : لاشمس مازعلت ولا شي

شمس عيل ليش سرتي

الريم : بس

شمس : ادري انج ما تحبين اخوي

الريم: امج شكلها جاده بس انا ما ابغيه انا ما ادنيه اسمحيلي ياشمس بس هذي صراحه

شمس : لاتغلطين عليه تراه اخوي الف وحده تتمنى ظفره

الريم: بس انا ما ابيه واسمحلي بنات خالتي وصلوا بسير عندهم

شمس : غصبن عليج بتاخذينه انزين انا ما احب اشوف اخوي يتعذب

الريم طنشتها وسارت عنها

الريم سارت اتسلم على بنات خالتهااا

الريم : هلا وغلا ليش ابطيتوا

نوره : تدرين لازم نتكشخ

شهد: اقولج وين اختج العنود

الريم: بتشوفينها بالتواليت تتعدل

شهد : اوكي بسر عندها

الريم : نوره اباج بسالفه

نوره : انزين

الريم: تعالي الحجره

دخلوا الحجره ويلسوا عالكرسي

الريم: حرمت عمي ناويه تعطني لخاالد

نوره : لاحول

الريم : شو اسوي

نوره : انتي ساكتيها لحين ولاتفكرين وايد بسالفه ويوم اتخلصين امتحانات بيستوى خير

الريم : انزين

[احساس قلب]

في بيت عائلة سعود

الريم: تتصل على محمد تلفونه مغلق اتصلت 5 مرات وكله مغلق فكتبت له مسج ((وينك ياعساك بخير * تراك بالحيل اشغلتني *حبك له تاثير *غير مجرى حياتي)) كلمات : شاعرة سهاد الليل

دخلت العنود على الريم

العنود: الريم امي تباااج

الريم: ليش

العنود: ما ادري

الريم: اوكي

الريم طلعت من الغرفة وسارت عند امها العنود شافت تلفون على شبريتها وسارت عنده وفتحت الرسايل الصادره والمرسله ورسايل كلها مطرشه للفاطمه وفاطمة مطرش لها رسايل فشكيت بسالفه وسجلت الرقم محمد وطلعت من الغرفة وسارت الصاله

العنود:ها ريم شو تبا منج امي

الريم:نفس سالفه اللي كل يوم اسمعهاا

العنود: لايكون سالفة خالد

الريم: هيه بس حامض على بوزهم

العنود:ليش خالد شو ناقصه

الريم: ما ناقصه شي بس انا ما ابيه اكرهه

العنود: ليش شو سوى فيج

الريم : ماسوى شي بس انا ما احبه

العنود: خالد حليو وطيار والف بنيه تتمنى قربه ويكون ريلهااا

الريم:لو كان وزير ما بتاخذه خير ياطير لو كان طيار

العنود: برايج

الريم: كيفي انا بسير غرفتي

العنود((شكيت بسالفه ))

الريم في غرفتها ادق على محمد تلفونه مغلق

العنود دخلت شافتها مضايجه

العنود: شبلاج

الريم: ملانه

العنود: ذاكري

الريم : مالي خاطر

العنود: ليش

الريم: سالفة خالد ملعوزتني ومكدره خاطري

العنود: عليناااا في شي

الريم : شو قصدج

العنود: ماشي

الريم : فتحت كتاب الفيزياء تبا اذاكر بس عقلها مب وياااهاا مب قادره اتركز سرحانه

العنود: ريمو انتي بعدج بنفس الصفحه

الريم((سرحانه ))

العنود: ريمو وصمخ

الريم : ها شو بغيتي

العنود: ماشي ذاكري احم امنو هالحرف اللي على كتابج وكاتبه اغاني على اشعارج

الريم: ماشي حرف ربعتي

العنود: يقولون الا يكتب اغاني وشعرر في كتبهم يحبون

الريم: شو قصدج

العنود: ماشي بس لهدرجه متخبله على ربعتج

الريم: هيه واسكتي ابا اذاكر

العنود: انزين انا بسير ارمس ويا ربعتي بتلفون

الريم : فكه

العنود: برجع لج برررب


في بيت عائلة جاسم

جاسم : يالله حمود خلصنا

محمد : والله مالي خاطر اروح

جاسم: لا والله اليوم عرسك

محمد: ادري بس ما ابي ادخل العرس الا يوم يكون فاضي

جاسم: اقولك وين بتقضى شهر العسل

محمد: في المقبره

جاسم: لاحول ابتسم يالله مبرررروك عليك منك المال ومنها العيال

محمد: هيه تحلمون بالعياال

جاسم: قوم الله يهديك ترى العرب في العرس واختك كل دقيقة متصله

محمد: اتصل فيها وقولها انه محمد مستحي

جاسم: عيل كيف بتشوف العروسه

محمد: يوم الناس اتروح

جاسم: اوكي على راحتك

محمد:يوم الناس اتروح

جاسم : اوكي على راحتك

محمد: لحين اتصل

جاسم: انزين

جاسم يتصل على شمه

شمه: الوووه ها جسوووم وين انتوا

حاسم: حمود ما بيدخل لحين الا يوم يسيرون الناس يستحي فديته

شمه : لا والله

جاسم : هيه يستحي

شمه : اوكي مع السلامه

جاسم: انزين يالله انقوم شوي نتمشى

محمد: مالي خاطر

جاسم: اذا تمينا بالبيت ابوي بيشك بسالفه

محمد:توني كنت عندهم وسلمت عليهم شو يبا بعد

جاسم : ادري بس هو يتحرى انك عند العروسه

محمد: يالله نطلع نتمشى

جاسم : اوكي

في العرس

شمه: العرب كلهم ساروا

نوف : هيه خلنا انسير فوق

شمه : انزين بتصل على محمد

نوف : اخوج شكله مغصوب علي انا مليت

شمه : لا حياتي بس هو يستحي

نوف: اونه

شمه : تعالي انسير الحجره اللي فوق

نوف : انزين اتصلي فيه

شمه : اوكي

اتصلوا فيه ومحمد سار عند نوف


محمدساكت)

نوف : اطالعه وتتبسم

شمه: يالله انا بروح بخليكم

محمد: لاعادي خليج

شمه : لا جسوم يترياني يالله بالمبارك

طلعت شمه من عندهم

نوف: مبروك عليك

محمد : الله يبارك فيج

نوف : يوعان حبيبي

محمد: لامشكوره

نوف : انزين وين بنسير

محمد: وين تبين اوديج

نوف ::برج العرب

محمد: انزين نوف بخبرج شي

نوف : عيونهااا اتفضل

محمد: اتمنى انج تفهميني

نوف(اسغربت) : اتفضل

محمد: دام فضلج انا احب وحده واهلي يعرفون هشي بس ابوي غصبني عليج ابيج تتحمليني

نوف( اتصيح) : ليش ماخبرتني من قبل

محمد: حتى ما تخبرين عمي وعمي يخبر ابوي

نوف : حرام عليك ليش اليوم خبرتني ليلة عرسي واليوم لازم استانس مب اتكدر خاطري كيف تبيني اعيش وياك

محمد: اسف بس انا ما احب اخدع احد ولا ألف وادور على احد

نوف(اتصيح) : محمد خلني برحي ما ابي اشوفك

محمد: نوف الله يخليج ما ابي اهلي يدرون مافينا على المشاكل

نوف : وهذا الا يهمك

محمد: انتي بنت عمي واستري علي خلنا انكون صوب الناس ان نحن متزوجين بس مؤقتا لين ما انساها

نوف : كيف تبين اعيش جي انك اتحب تحب غيري

محمد: يانوف افهميني انا احبها وحاولت وايد ابتعد عنها

نوف : خلاص يامحمد بتحمل بنسيك البنيه وبصبر لاني احبك

محمد: تسلمين يالله بوديج الفندق

نوف : اوكي

في بيت عائلة سعود

الريم: اف مليت من الدراسه

العنود: ماعليه اتحملي اخر سنة وبتفتكين باقي اسبوعين على امتحانتج

الريم:الله يستر

العنود : انا خلصت وافتكيت

الريم : ياحظج بس انا حظي احلى

العنود: ليش

الريم : عشان بخلص مدرسه

العنود: هيه

دخل سعود عليهم

الريم: هلا سعود تعال

سعود: ريم تعالي اباج

الريم : انزين

سارت الريم عند سعود

الريم: هلا سعود

سعود:اهلين متى بتبدأ امتحاناتج

الريم: بعد اسبوعين

سعود: يالله شدي حيلج

الريم: ان شاء الله

سعود: اقولج ولد العم يبا يخطبج يوم تتخرجين ان شاء الله

الريم: سعود دخليك انا ما ابيه

سعود: ليش مافيه عيب ما شاء الله عليه طيار ومتعلم وحليو وماعليه كلام صراحه

الريم: بس انا ما ابغيه ولا ابا اتزوج لحين ابا اكمل دراستي

سعود: انزين بيخطبج ويوم بتخلصين الجامعه ولا تقنيه بتعرسون

الريم: لا ما ابي جيه مب شي

سعود: ريم شبلاج هو يحبج ومستعد يترياج العمر كله وانتي عارفه ها شي من صغره وهو كان يقولي متى اكبر حتى اتزوج الريم وكان كل درهم ياخذه يحطه بالحصاله حتى يجمعه لج ويدفع مهرج

الريم: ادري بس انا ما احبه

سعود: ماعليه الحب بعد زواج
الريم : ما ابغي

سعود: بديت شك ليش ماتبينه

الريم(خافت) : اوكي يصير خير

سعود: يعني موافقه عليه

الريم: ان شاء الله انا لحين بسير ارقد

سعود: توه ناس ماعندج مدرسه

الريم: ابا اذاكر

سعود: الله يوفقج

الريم طلعت من غرفة سعود سارت غرفتهااا

العنود: شو يبا سعود

الريم(اتصيح) : ماشي

العنود: عيل ليش اتصحييين

الريم: بس جي

العنود: اخوي ضربج

الريم: لا

العنود: عيل

الريم : ماشي الله يخليج استكي عني

ويرن التلفون مسج والريم سارت عند تلفون حتى اتشوف المسج (( انا بخير يالغاليه بس اليوم كان عندنا عزا عشان جي بندت تلفون السموحه يالغاليه تصبحين عالخيررر )) الريم استانست مسحت دموعهااا

العنود: شو هالمسج اللي يخليج تستانسين

الريم: نكته يالله انا برقد

العنود: انزين



في الفندق

في يوم جديد رن التلفون محمد

نوف : امنو اللي داق عليك
محمد: هي الريم عن اذنج

طلع برع

محمد: الوه

الريم: هلا والله

محمد: اهلين

الريم: شحالك

محمد: انا بخير شخبارج

الريم: الحمدلله

محمد: ريم اباج بسالفه

الريم: وانا بعد ابغيك بسالفه

محمد: انزين اتفضلي

الريم: لا انته قول اول

محمد: اوعدني انج ما تتخلين عني وانج تفهميني وما بتعدين عني

الريم: شو سالفه خوفتني

محمد: اوعدني اول شي

الريم : اوعدك اني ما اتخلى عنك لو شو يصير

محمد : ريم انا بخبرج سالفه عمي رباني من صغري انا واخواني وماقصر ويانا وابوي كان محد مسافر للشغل وله افضال علينا انا واخواني وعمي يباني اخذ وحده من بناته حتى احميهم بس انا والله يا ريم رفضت
وعاندت ابوي وابوي جبرني وضربني وهددني

الريم: لا تصيح تراك اتقطع قلبي كل شي بينحل ان شاء الله بنحصل له حل

محمد: بس انا يا ريم تزوجت

[احساس قلب]

الريم هب قارده تستوعب اللي تسمعه

محمد: انطقي لاتمين ساكته بديت اتعب

الريم : انزين

محمد: لاتقولين انزين

الريم : مبروك عليك يا اغلى حب حبيته

وتدخل العنود الغرفه والريم : اوكي انا بسكر يالله مع السلامه

محمد: لحضه

محمد نزلت دموعه وفي خاطره يقول هل الريم بتتخلى عني وتبتعد عني وطرش لها رساله
وكتب لها هل اصبح الفراق قريب

في بيت عائله سعود

الريم تمسح دموعها

العنود: شبلااج

الريم : ماشي خليني بروحي

العنود: اوكي

طلعت العنود من الغرفه والريم تمت بروحها مسكت التلفون تبا تتصل بنوره وصل لها مسج
وقريته ونزلت دموعها فتصلت على نوره

الريم : الووووه

نوره : هلا والله بالقاطعه

الريم : نوره تعالي انا محتاج لج

نوره : شو بلاه صوتج

الريم : تعالي الله يخليج

نوره : انزين 10 دقايق وبكون عندج

الريم : لاتتاخرين

نوره: اوكي

صكرت الريم التلفون وسكتت شويه ومسكت القلم وكتبت قصيده بعنوان ((صدمة قلبي ))
قالي حبيبي خبر شين وليته ماخبرني
حبيبي اليوم للغيري مهو لي
منهو يصدق الخبر الشيني
انا في حلم ولا في علم يا خيالي
بكره بينشغل مع زوجتك وبتنساني
الغيره ذابحتني وانته معاها ياخلي
ليتني مت وملك الموت جاني

كلمات : سهااد الليل

دخلت العنود عليها

العنود : ريمو تعالي اتغذي

الريم : ما ابي غذى

العنود: كيفج

العنود طلعت من الغرفه وسارت الصاله

العنود: ماماتي ريمو ماتبا غذى

ام سعود: ليش عاد هذا الغذى اتحبه

العنود: ما ادري احساها مضايجه وكانت اتصيح

ام سعود: باسم لله على بنتي بسير اشوفهاا

سعود: امي اقعدي انا بسير اشوفها وانتي اتصلي في ابوي

ام سعود: انزين

سعود سااار الحجره دخل

الريم : كانت على السرير اتصيح

سعود: ريمو شبلااج اتصحيين

الريم : مسحت دموعها لا بس جي من زمان ماصحت

سعود: ريمو لا تجذبين علي خبريني شفيج حد ضايقنج

الريم: تطمن مافيني شي

سعود: دام مافيج شي تعالي اتغذي

العنود ونوره يدخلون الغرفه

نوره : السلام عليكم

سعود: وعليكم السلام

نوره : شحالكم

الريم: بخير تعالي قربي

نوره : انزين

الريم: ممكن اتخلوني ابروحي شويه

سعود: انزين يالله العنود تعالي وياي

سعود والعنود طلعوا برع الغرفه

نوره: شبلاج يالريم خوفتني

الريم : مب مصدقه

نوره علامة الاستفهام في ويها

نوره: فهمني ليش دموعج بعيونج

الريم : محمد تزوج

نوره انصدمت : كيف

الريم : اهله جبروه ياخذ بنت عمه

نوره : انزين

الريم: وتزوجها

نوره : انزين وانتي شو رايج

الريم: مب عارفه شو اسوي

نوره : خلاص انسيه وابتعدي عنه

الريم: ما اسهل الكلمه على لسانج وما اصعبها على قلبي

نوره : تبغين تستمرين وياه

الريم : ما ادري

نوره : حرام تهدمين حياته

الريم : ما ابي اظلمه ولا اظلم زوجته

نوره : يمكن زوجته اتحبه

الريم: لا تقولون محد يحبه غيري انا

نوره: ريموو هذا الواقع ولازم ترضين فيه

الريم : ما اقدر ابتعد عنه هو حياتي

نوره : سمعي اكتبي له رساله

الريم : شو اكتب له

نوره : وين تلفونج

الريم : عندي

نوره عطني تلفونج شوي

الريم : انزين

نوره : شو اسمها بتلفون

الريم : فاطمه

نوره : انزين ريمو فديتج ابي ماي

الريم : انزين لا تكتيبن شي

نوره : انزين

نوره تكتب الرساله لو سمحت ابتعد عن حياتي الله يوفقك بحياتك الجديده ويهنيك ودخليك انساني واللي يبعني ابيعه

ويدق محمد واترد عليه نوره

محمد: حرام عليج يا ريم

نوره : اسمع ريم مب لعبه بأيدك ولاتحاول تتسلى فيها وريم بتاخذ ولد عمها وابتعد عن حياته

الريم تدخل الغرفه

نوره : وريم اتقولك انساها لانها اتحب ولد عمها

الريم : حرام عليج عطني التلفون

محمد: لو سمحتي عطني اياه

نوره : لوسمحت انسى الرقم ومع السلامه

صكرت التلفون

الريم: ليش قلتي هالكلام حرام عليج

نوره: سمعي خذي ولد عمج احسلج وانسي محمد

الريم: ما اقدر

نوره : اذا بتمين على هالحاله ما بوقف وياج

الريم : يعني بتخلين عني وانا محتاجه لج

نوره: لانج ما تسمعين كلامي

الريم : على راحتج

نوره : اوكي يالله انا بسير

الريم : الله يحفظج

نوره طلعت من الحجره

ويوصل مسج من محمد

ماظنيت اعز الناس يتخلون عني
وينسون المحبه اللي جمعتنا ايام
حرام ظلمتيني وظلمتي قلبج ارحميني
بتاخذين ولد عمج ويسمونه هذا الانتقام

كلمات : سهاد الليل

الريم قرات الرساله وردت عليه

انا مانسيت المحبه بس ابيك اتعيش مرتاح
والانتقام بين الاحباب سخيف وغبي ويسمى حاليا الغدر

محمد اتصل على الريم

ريم محتاره اترد عليه ولا اتخاف ان ردت عليه اتحن له

الريم : الوووووه

محمد: الوووووووووه

الريم (ساكته )

محمد : ريمو الله يخليج ردي علي لاتذبحيني انا احبج ما اتصور حياتي من غيرج

الريم: محمد الله يخليك انساني

محمد: لا ما اقدر انسااج انتي حياتي والدنيا بلاج ماتسوى شي حرام لاتطلبين مني هالشي

الريم : بس انا جي بظلمك وبظلم حرمتك

محمد: لا تطمني حرمتي تدري كل شي وفاهمتني

الريم : محمد انا احبك واتمنى لك السعاده من كل قلبي

محمد : وسعادتي مابتكون الا وياج صدقيني

الريم : ضيعت فكري يا محمد ما اعرف شو اسوي ما قمت افرق بين الصواب والخطىء

محمد : الخطا انج اتخليني وحيد ودنيتي من غيرج والله ماتلزمني

الريم : فديت روحك وانا من حياتي من غيرك ما ابيها

محمد(استانس): يعني ما بتتخلين عني وما بتاخذين ولد عمج

الريم : لا تطمن ما باخذه

محمد : انزين شو رايج اتخبرين اهلج عني

الريم : لا بيذبحوني

محمد : عيل ابي اخطبج

الريم: مب لحين خلها بعدين اوكي

محمد: اوكي بس لا تقاطعيني

الريم : اوكي يالله انا بخليك مع السلامه

محمد : الله يحفظج

الريم في خاطرها انا شو سويت صح ولا غلط انا ضا يعه والغيره ذبحتني

العنود دخلت الغرفه

العنود: ريمو سارت نوره وهي زعلانه منج

الريم : ماعليه براضيهاا

العنود : توج كنتي جزينه ولحين فرحانه

الريم : هيه في مانع

العنود: لا في دواس احسن

الريم : هههه منوها دواس

العنود : مال الحياله

الريم : اي حياله

العنود: مسلسل كويتي

الريم : هيه عرفته

العنود: يالله انا بخليج اذاكرين

الريم : اوكي مع السلامه

العنود طلعت من الغرفه

في بيت عائله بو جاسم

محمد رجع وهو ونوف

شمه : هلا والله بحرمة اخوي

محمد يطالع شمه

شمه انتبهت عليه بس طنشته

نوف : هلا فيج

محمد: انا بحط اغراضي في الحجره ثانيه بستقر فيها

شمه : ونوف

محمد : خلها تاخذ غرفتي لو بغت

نوف : لا خلك بغرفتك انا بسير الحجره الثانيه

محمد: عيل انا بخليكم وراي شغل

شمه : اي شغل وانته توك متزوج


محمد: هيه قطعت الاجازه يالله انا بسير

شمه : نوف

نوف : هلا

شمه : ماعليه اتحملي محمد

نوف : ليش ما قلتي لي انه يحب وحده

شمه : كنت اظنها ازمه وبينساها

نوف : اظاهر بينساني انا ولا بينساه

شمه : حاولي تكسبين قلبه

نوف : بحاول وياه

في بيت عائلة سعود

الريم تتصل على محمد مايرد عليها

لعب بعقلها الشيطاان الريم في خاطرها اكيد لحين ويا حرمته الغيره ذبحتني هي وبعيده عني اغار عاد
كيف لو كنت جريبه منها


سعود دخل على الريم

الريم : : هلا اخوي امر

سعود: تعالي اتعشي

الريم : انزين

سارت الريم تتعشى وسعود سار السينما

العنود دخلت الغرفه وسمعت صوت مسج العنود مسكت التلفون وشافت المسج ((ريمو حبيبتي سامحيني لاني ما رديت عليج انا كان عندي طواريء في دوام ما اقدر اكلمج الا باجر انا احبج ))

العنود في خاطرها مثل ما توقعت ماعليه ريمو ان ما خبرت عليج امي واخوي

[احساس قلب]

في بيت عائلة فيصل

نورة : شهد تعالي بخبرج شي

شهد : خير شو بغيتي

نوره : لا لاخلاص وين امي

شهد: امي يالسه ع الكمبيوتر

نوره: عيوز وتيلس ع الكمبيوتر

شهد: هههه يالسه اتقردن

نوره : اصطلبي يادبه

نوره راحت عند امها

نوره : امي بغيتج بسالفه

ام فيصل : ها شو بغيتي

نوره : بخبرج شي بس لا تخبرين خالتي مستحيل اشوف الغلط واسكت

ام فيصل : شو خبريني

نوره : ريم اتحب واحد وهذا الواحد متزوج

ام فيصل: ريم بنت خالتج

نوره : هيه لا تغترين فيها هي صح شكلها حليو وبريئة بس ما تعرفني شو في القلوب

ام فيصل : لا ما اصدق

نوره : انا نصحتها تبعد عنه بس هي ماتسمع كلامي

ام فيصل : عيل لازم اهلها يدرون

شهد: شوسالفه

ام فيصل : بنت خالتج اتحب واحد وهذا متزوج

شهد: اي وحده فيهم

نوره: يعني امنو غير ريموو

شهد: لا الريم تستحي وماعندها هالسوالف

نوره: ماتعرفيها عدل شو الحل انزين

شهد: انزين من وين تعرفيه الريم ما تطلع مكان

نوره: من النت

شهد: لا يكون من الجاااات

نوره : هيه

شهد: عيل شورايج انخبر سعود

نوره : ول سعود ما يرحم بيذبحهااا

شهد: خلج ذكيه شويه عسب نكبر بعينه وانه انخاف عليهااا

نوره: خلاص انا بكلمه لحين

شهد: لا انا بخبره

نوره: لا انا يسمع مني

شهد: انزين لحضه ايب لج التلفون

شهد يابت التلفون

اتصلت نوره بسعود

نوره : الوووووه

سعود: هلا والله امنو وياي

نوره : بل ياكثر اللي تكلمهم صرت ماتعرف اتفرق

سعود: امنو انتي انزين

نوره : انا بنت خالتك نوره

سعود: هلا والله شحالج

نوره: بخيرررر اقولك تعال بيتنا شويه

سعود: خير ان شاء الله

نوره : لا خير ان شاء الله

سعود : لا خلاص مسافه طريج وبكون عندكم

نوره : اوكي اترياك مع السلامه

سعود : مع السلامه

شهد : ها شو قال لج

نوره: لحين بيوصل

شهد: عيل بسير اتلبس

نوره : انزين وانا بعد

في بيت عائلة سعود

العنود: ريمو بخبرج شي

الريم : هلااا

العنود: بس ابيج اتقولين الصراحه

الريم : اكيد

العنود: امنو هي فاطمة

الريم : ربعتي

العنود: انتي قلتي بتقولين الصراحه

الريم : انا محتاجه اقول لحد كل الا في خاطري ابي احد يسمعني ولا ما اقدر اكتم اكثر من جي انا صدق
ضايعه ومحتاره ما ادري شو اسوي

العنود: خير اختي خوفتني


الريم: انا احب واحد وما اقدر اعيش من دونه

العنود: انزين وبعدين

الريم: هو يبا يخطبني يوم اخلص الامتحانات

العنود: ما اصدق

الريم : ليش

العنود: مستحيل واحد ياخذ وحده يكلمها

الريم : بس محمد غير عن كل الشباب

العنود: دام جي مفروض اتكونين فرحانه مب مضايجه ومحتاره

الريم : اخاف اهلي يرفضونه

العنود: سمعي يالريم خذي الانسان الا يحبج ويعزج ويموت عليج ولا تفقدين الامل ولا تقولين هذا قدر ونصيب الا يحب ما يقول هذا قدر ونصيب قاتلي عشانه دام يستاهل

الريم : بس هو متزوج

العنود: ول ما حصلتي اتحبين غير واحد متزوج العزاب قلواا

الريم: انا حبيته قبل ما يتزوج

العنود: عيل يقص عليج

الريم : لا اهله اجبروه يأخذ بنت عمه غصبن عنه وهو كان ما يبغى واهله كانوا يصرون على زوجاه ولا بيتبرون منه ولانه عمه ماقصر وياه يوم كان صغير ربااه فلازم يكافئه

العنود: هي العادات وتقاليد احسها متخلفه واضيع وايد ضحاياااا

الريم : هيه صدقتي وانا ما ابي يكون مصيري نفس مصيره اخذ خالد

العنود: انزين انا بساعدج اتصدقين كنت ابي اخبر عليج اخوي بس ما يعرف يحب ولا يعرف شي عن الحب

الريم: فديت روحج كنت اظن انج بتوقفين ضدي وبتتخلين عني نفس ما اتخليت عن نوره

العنود: ليش نوره تدري بسالفه

الريم : هيه

العنود: ليش خبرتيها

الريم : ما ادري محتاجه حد اقوله همي

العنود: والله خايفه تندمين لانج قلتي لها

الريم : شو قصدج

العنود: ما اتخافين يوم من الايام اتهددج

الريم : لا ما اتوقعها اتسويها

العنود: انزين انتي لحين ركزي بدراستج

الريم اتقربيت من اخته الله يخليج لي يالغاليه ولا يحرمني منج

العنود(ابتسمت ): ولا منج

في بيت عائلة فيصل

سعود: السلام عليكم

نوره : وعليكم السلام

شهد : هلا والله بولد خالتي

سعود: هلا فيكم شو سالفه

نوره : انزين ايلس شو بتم واقف

شهد: شو تشرب

سعود: لا مشكوره مابا شي

شهد: لا لازم تشرب شي لانه السالفه طويله

سعود: انزين عصير بارد

شهد: من عيوني

سعود: يالله نوره شو سالفه

نوره : انزين اتحيد يوم قلت لي انك تبا تعرف ليش الريم متغيره وتصرفاته غير ولحين ما اتشوفها مضايجه

سعود: هيه اشوف حزينه وتسرح وايد انزين شفيها

نوره : انا بخبرك كل شي وبريح ضميري

سعود: خير قولي

شهد: احم اتفضل العصير

سعود: شكرا يالله قولي

نوره : ممممم انزين

شهد: سعود اسمع انا خايفه على بنت خالتي وانا بخبرك الريم اتحب واحد

سعود: شوووو كيف

نوره : اعصااابك انزين بعدك ما انصدمت

سعود: ليش شو صااار

شهد : ترى اختك تعرفه من النت ونوره تعرف كل شي عنه

نوره : هيه هي قالت لي عنه انا نصحتها قلت لها هدي عنج هالسوالف

سعود: وليش ماخبرتين

نوره : والله انا من جريب عرفت السالفه هو خبرني يوم كنت في الجااات خبرني انه يكلمهااا


سعود: بعد فرحان بعلاقاته شو اختي تسليه عنده ومن متى اتحبه

نوره: تقربيا سنتين

سعود: خسارة يا اختي الثقه والحريه اللي عطتيج اياااه

نوره: والله كنت اظنه نيته شريفه بس طلع

سعود: شو قولي لا تحرقين اعصابي

نوره: طلع متزوج

سعود: يعني يلعب على اختي

شهد: هيه وشكله يتسلى وياها

سعود طلع معصب من بيت فيصل

نوره : شو هالكلام اللي قلتي

شهد: ما ادري شو سويت

نوره : لاحول شو سوينا

شهد: اخاف اتصير مشاكل بعدين انتي ليش قلتي عن الريال جي

نوره : حتى ما تقنعه الريم بكلامه انه شريف

شهد : نوره هو صدق قالج انج انه يكلمها

نوره: لا والله اصلا هو ما يحدر النت ولا هي جيف بيقولون واصلا هو ما يدخل الجااات

شهد: هيه وحليله شكله يحبها

نوره : ماعلينا منه

في بيت عائلة سعود

سعود: وين الريم

العنود: ليش

سعود: وين اختج

العنود: شبلاك معصب

سعود: ما يخصج وينهااا

العنود: فوق اذاكر لاتزعجهااا

سعود يركب فوق وسار لهااا

العنود: اخاف درى بسالفه اسير اتصل بأمي احسن

سارت تتصل

العنود: الووووه امي وين انتي

ام سعود: انا في بيت عمتج

العنود: متى بتردين

ام سعود: يعني بعد صلاة العشى

العنود: انزين باي

العنود سارت فوق حجرة الريم

سعود: امنو هذا الا تحبينه

العنود: شوي شوي عليها هدهاا

سعود: ما يخصج انتي قولي من ين هو وشو اسمه

الريم: لا مابقولك شي

سعود: لا اتخلين اذبحج من الضرب انطقي

العنود: الريم قولي له شو اسمه

الريم: لا ما بخبرك

العنود: هو اسمه محمد

سعود: محمد شو

الريم : ما بقولك هدني تراك ذبحتني

العنود: صلي على نبي

سعود: انتي سكتي

الريم : ابعرف امنو خبرك

سعود يصفعها : انتي اصلا تستاهلين انج تموتين لانج ناويه تفضحينا ولج عين تبين تعرفين امنو خبرني

العنود: سعود حرام عليك بسك ضرب ما اتشوفها تعبانه

سعود: ما بهداها غير اتقول ولد امنو

العنود: الريم قولي له

الريم: ليش شو بسوي فيه

سعود: بقتله وبيب لج دمه وبقتلج انتي بعد

الريم : لا ما بخبرك اقلتني انا قبله

سعود: وادافعين عنه صج انج صايعه عيل تستاهلين الضرب والموت

الريم : اضربني اذبحني سوي الي تباه بس لا تسوي فيه شي الله يخليك

سعود: هو يلعب فيج ياغبيه ويتسلى فيج لو بنات خالتج ما قالوا لي جان انتي لحين فريسته

العنود: قصوا عليك بكم كلمه شو هالرمسه

سعود: ادافعين عن اختج انتي ما اتحبين مصلحتها لا يكون انتي بعد تعرفين واحد

العنود: اي احشم عمرك انزين وبعدين لو انا بحب ما بخاف منك لانه الحب مب حرام

سعود: مشاء الله قدوه شفتي يالشيخه الريم اختج تتعلم منج طلعي برع ياسباله

العنود: ما بطلع

سعود يطلعها برع ويقفل الباب

العنود: حسبي الله عليكم يانوره وشهد لازم اتصل بأمي

العنود: الووووه امي سعود يالس يكفخنااا

ام سعود: ليش

العنود: ما ادري تعالي دخيلج

ام سعود:انزين لحين بيكم

في بيت عائلة جاسم

جاسم : قوم عمك اهني

محمد: اف شو يبغي

جاسم: يسلم عليك

محمد: انزين وين نوف

جاسم: ويا شمه ساروا السوق

محمد: احسن انزين انا لحين بتصل على الريم وعقب بنزل لهم

اتصل محمد بالريم

محمد: الووووه هلا حبيتي وينج ليش ماتتصلين

سعود: حبك برص

محمد: امنو انته

سعود: انا سعود

محمد: ياهلا والله شحالك

سعود: لك عين بعد ترحب

محمد: الصراحه انا ودي اشوفك واكلمك بموضوع

سعود: ياسلام عليك شريف تبا اتصلح غلطتك

محمد: شو قصدك

سعود: انته واختي ما تستحون على ويهكم

محمد: لا تغلط عليها اختك شيخة الحريم وماعليها كلام وانا احبها واللي تامرونه انا حاضر من عيوني

سعود: وان قلت لك اني مب موافق

محمد: ليش

سعود: لانه الريم بتاخذ ولد عمهااا

محمد: قصدك خالد انا بتفاهم وياه ماعليك منه

سعود: وان قلت لك انه يحبها ويترياها يوم اتخلص ثانويه

محمد : بس من طرف واحد الحب

سعود : ايوه يعني قصدك بكلامك انك بتخذها غصبن عني

محمد: اسمع عطني عنوانك وانا بتفاهم وياك

سعود: ههههه العب بعيد انزين يالله باي

محمد: اف حشى

جاسم : شبلاه اخوها


محمد: ماطاع يعطيني العنوان

جاسم : انزين ماتعرف وين ساكنه ما قالت لك

محمد: هيه بس المنطقه

جاسم: خلاص الا يسال ما يضيع

محمد: بس في مشكله

جاسم : شو المشكله

محمد: خالد ولد عمها لازم اكلمه

جاسم : ليش اتكلمه شو تبا فيه

محمد: ابي اخبره اني احبها وانه يبعد عنها

جاسم :انزين اول شي سير بيت الريم يمكن ابوها يوافق

محمد: هيه صح خلاص الخميس بنروح عندهم وبنسال عنهم

جاسم : اوكي وانا بسير وياك

في بيت عائلة سعود

سعود: انتي تستاهلين اكثر والله خساره الثقه

الريم : حرام عليك ارحمني بسك تضربني

سعود: ولا كلمه هالتلفون ما بتشوفينه

ام سعود ادق الباب

الريم : امي تعالي الله يخليج

سعود فتح الباب

سعود: ربي بنتج عدل

ام سعود: ليش شو سويت وليش تضرب اختك


سعود: اساليهاااااا ويوم ارد بكمل عليج


طلع من البيت وهو معصب واتصل بخالد

سعود: الوووه خالد تعال ابيك

خالد : وين انت

سعود: نلتقى بالقهوه

خالد : اي قهوه

سعود: قهوة احمدووو

خالد : انا هناك انزين

سعود: خلاص انا واصل

سعود نزل من سيارة وسار عند خالد

خالد: هلا سعود شبلا معصب وحالتك حاله

سعود: اقولك شو رايك اتخلي خطوبتك بالريم يوم الخميس

خالد : ياليت والله بس اترياها اتخلص امتحانات

سعود: لا عادي ما بيأثر

خالد : خلاص يوم الخميس الملجه انزين وابوك

سعود: لا تحاتي ابوي ما بيقول شي وانا بخبره

خالد : اوكي خلاص يالغالي تم الموضوع وانا بزهب كل شي

سعود: انته اتحب اختي صح

خالد: انا احب الارض اللي اتمشى عليهااا

سعود:يعني بتتحمل اختي

خالد: اكيد بتحملها بس اختك ما ادانيني ابدا

سعود: الحب بعد زواج

خالد: الله يسمع منك

سعود: انزين لو هي ما تباااك

خالد: مب على كيفها بخاذها غصبن عنها انته تدري اني احبهااا وما اقدر على بعدها

سعود: جيه اباك خلك على رايك وحبك

في بيت عائلة سعود

الريم : امي سامحيني بس انا كان ودي اخبرج بس خفت انج تمنعيني عنه

ام سعود: الا سويتي غلط كيف تبين تاخذين واحد منزوج باجر بيفرق بينكم ولا تنسي انهم عيال عم يعنى مايرضى عليها بالغلط لانه من لحمه ومن دمه

الريم : لا محمد يحبني وانا روحه وقلبه والروح اغلى من الدم وانا عادي بعتبر بنت عمه شرات اختي

ام سعود: هو اصلا وين يشتغل

الريم : يشتغل بالشرطه

ام سعود: الصراحه ما يصلح لج خالد طيار وراتبه قوي ومب متزوج ومن اهلنا ونعرفهم عدل ويكفي انه يحبج

الريم: بس انا ما احبه ولا اطيقه ولا ابي اتزوجه ومستعده اقوله

ام سعود: شو هالمذهب للاسف ما عرفت اربيج

العنود: امي ليش يعني تجبروها على خالد دام هي ماتباه حرام عليكم شو هالتخلف

ام سعود: سكتي ما يخصج وبعدين الراي مب عندي الراي عند ابوج واخوج


العنود: الحمدلله ماعندي ولد عم كبري يحبني

الريم: امي الله يخليج لا تجبريني عليه

ام سعود : وخري عني خلاص طحتي من عيني

طلعت ام سعود وراحت عنها

العنود: لا تكدرين خاطرج

الريم : ما اتخيل حياتي من غيره انا ما بغي خالد

العنود: ريمو الامتحانات قربت ذاكري عدل وماعليج الا كاتبه ربج بيصر غصبن عنهم

في بيت عائلة فيصل

ام فيصل : نوره

نوره : نعم شو تبغين بعد ما اتشوفيني ارمس بالتلفون

ام فيصل : عطيني التلفون

نوره : انزين

شهد : انتي اتكلمين امنو

نوره : ويا حبيبي يكفي انه هو متصل

شهد: صخي عن تسمعج امي

نوره : امي تدري بسالفه

شهد: لو تدرين يانوره انا توني متعرفه على واحد يخبل شكله حليوووو خلاني اشوف صورته

نوره : عيل قردنيهااااا

شهد: بس هو سبال ما يعطيني سالفه مخطوب

نوره: انزين اللي اكلمه يبا يشوفني شو اسوي

شهد: غيري الموضوع لو شافج بيشرد

نوره : لا والله

شهد: هيه صج من زين اشكالناااا

نوره : اف امج كلتني تبا التلفون

شهد: انزين خلصي وعطيهااا

نوره : ها خذي عطيهااا

شهد عطت التلفون لامهااا

ام فيصل : خلنا نتصل في احتي

شهد: انزين خلنا انشوف شو صار وياهم

ام فيصل : الوووووووه

العنود: هلاااا

ام فيصل : وينها امج

العنود: انزين لا تكليني

العنودبصوت عالي ) : امي تلفون

ام سعود: انزين يايه

ام سعود: الووووه هلا والله شخبارج

ام فيصل : اهلين بخير اقولج شو مسويه غذى

ام سعود: برياني لحم

ام فيصل : دقايق وبكون عندكم

ام سعود: انزين اترياااج مع السلامه

العنود: شو تبا خالتي

ام سعود: يبون يتغذون عندنا

العنود: جيه ماشي غذى عندهم

ام سعود: شو هالرمسه احشمي

العنود: اصلا هم يايين يشمتون بأختي

ام سعود: يالله سيري اتلبسي وخبري اختج خلها تزهب

العنود: لا بخليها اتصك الباب وتقفله احسن ما اتقابل اشكالهم

ام سعود: لا حول ولا قوة الا بالله

العنود: انتي عايبنج حالة بنتج لا اكل ولا شرب وكتاب ما تفتحه واتشوفين ويها اصفر

ام سعود: لا طبعا ماعليه ازمه وبتعدي

العنود: انزين كلموا الريال وشوفوه وعقب احكموا عليه لو واحد غيره جان قص على اختي بس هذا شكله شريف ويحبها

ام سعود: راي مب عندي وبعدين ولد عمج يحبها ونحن قايلين الريم لخالد وخالد للريم

العنود: والله عاد انتوا عاداتكم متخلفه واتروح وايد منهم ضحايا والسبب الاهل

ام سعود: سكتي وخلني احضر الغذى

العنود: امحق بنات خاله يغارون من اختي لانها احلاهم وحبوبه

ام سعود: الله يهديج

العنود: انا بسير اقول حق اختي تصك الباب

ام سعود: ميري بطلي الباب

العنود: ول وصلوا

ام فيصل : هلا والله بأختي

ام سعود: هلا بج زود توه نور البيت

نوره وشهد: هلا خالتي شحالج

ام سعود: بخير شخباركم

نوره وشهد: بخير

شهد: اقول خالتي وين العنود

ام سعود: لحين بتي اتفضلوا

العنود: السلام عليكم هلا والله غريبه اليوم ياييين

نوره: هلا فيج والله ولهنا عليكم وقلنا نزوركم

شهد: العنود شخبار اختج

العنود: اونكم ماتدرون حال اختي

شهد: ول شبلاه

العنود: بدينا للاستهبال والله حركات انتوا

نوره : على شو نستهبل

العنود: ههههه اقولج نوره انتي اتغارين من اختي

نوره : لا طبعا

العنود: عيل ليش خبرتي سعود ها جزاه انها اتقولج اسرارها بس انتي طلعتي للاسف خيانه

نوره : انا خبرته لمصلحتها

العنود: لااا انتي ياكنت تبين اتشوفينه او اتغارين من اختي او حاطين عينكم على سعود


نوره: احترمي نفسج

العنود: عيل ليش خبرتي سعود ولا خبرتي امي

نوره: مايخصج وهي شي للمصلحتهاا


العنود: ضحكتيني وانا ما بغيت اضحك سمعي ان صار شي لاختي بتتحملين المسؤليه


نوره : بس عاد زويتيها لهدرجه شايه علي

العنود: هيه واكثر ترى الا سويتوا مب شوي

شهد: اظاهر احنا مب مرغوبين في بيتكم

العنود: ايوه عليج نور ولا سمحتوا طلعوا برع غرفتي

نوره وشهد طلعوا وساروا الميلس

نورة : امي يالله انسير البيت

ام سعود: توه ناس

نوره : اظاهر نحنا مب مرغوبين بالبيت

ام فيصل : امنو قال

شهد: العنود

ام سعود: ماعليج منها ياهل

ام فيصل : ازقريها

شهد راحت تزقر العنود

العنود: نعم انتي ويهج لوح شو بغيتي

شهد: امي تباج

العنود: انزين يالله فارقي

العنود راحت الميلس

العنود: نعم خالتي

ام فيصل : شو نعم اتكلمي بأدب اظاهر اختي ماعرفت اتربيج عدل

ام سعود: اختي انا مربيه عيالي احسن تربيه

ام فيصل: هيه واضح جان بنتج مارمست واحد متزوج

العنود: على الاقل الولد بيخطبها مب قاص عليها نفس بعض جماعه

ام فيصل : امنو قصدج

العنود: انتي عارفه امنو اقصد

ام فيصل ( اتغير الموضوع ) : يالله انروح اظاهر مالنا مكان اهني

ام سعود: ليش غيرتي سالفه

ام فيصل : يالله يا بناتي

العنود: ماعرفت اتجاوب فشردت

ام سعود: يمكن زعلوا

العنود: بطقق اللي يطقهم

العنود سارت غرفة الريم

العنود: ريمو عندي لج خبر حلووووو

العنود: ريمووو انا ارمسج شو راقده

العنود اتسير تحرك ايد اختها ماتتحرك

العنود: امي ( بصوت عالي )

ام سعود: شو بغيتي

العنود: الريم ماتتحرك

ام سعود: بسم لله على بنتي اتصلي بسعود

سارت العنود تتصل على سعود

العنود:الوووه سعود وين انته

سعود : ول سلمي

العنود: والله انته فاضي اختي تعبانه

سعود: اختج تدلع وايد

العنود: والله اغمى عليها

سعود: انزين 10 دقايق وبكون عندكم

في القهوه

خالد : وين ساير توه ناس

سعود: بسير عند الاهل اختي اغمى عليها

خالد : منو

سعود: الريم

خالد: يعل فيني ولا فيها طمني عليها انزين اسير وياكم

سعود: لا مشكور المهم الملجه الخميس انزين

خالد : انزين الله يحفظكم

في بيت عائلة جاسم

جاسم : شبلاك محمد ما تاكل

محمد: مالي خاطر

جاسم: كل هذا بلاوي الحب

محمد: لا تتمصخر
جاسم : انزين لو ابوها رفضك شو بتسوي

محمد: والله بقتل خالد وخلني ادخل اعدام

جاسم : الله يهديك انته طايش واعرفك مينون واتسويها

محمد: ومن الحب وما قتل

جاسم: خلك من هالكلام ياروميو

في بيت عائلة سعود

سعود: ها وينها الريم

العنود: تعال خذها

ام سعود: اتريا بيب عبايتي

سعود: اقولج خلج في البيت انا بوديها وبتصل فيج وبطمنج عليها

ام سعود: اوكي طمني عليها

سعود يشغل سياره ومسرع وتنقلب فيه السياره

ويتصلون فيهم في البيت

في المستشفى

ام سعود: ها خبريني شو صار لعيالي

الدكتور : الحمدلله الولد بخير اما البنت باقيه في حياتكم

ام سعود: لا كيف ما اصدق انا بطلعه برع هي المستشفى انتوا ماتعرفون اتعالجون ابا اشوفهاا

الدكتور: ماشي امل وقف قلبها

العنود( دموع في عينها ): ليش شو كان فيها

الدكتور: صابها نزيف دماغي

ام سعود: لا مب قادره استوعب لاحول ولاقوة الا بالله


في ميلس الرياييل

دخل خالد يعزي سعود

ابو سعود: تعال خالد ايلس صوبي

خالد: وين سعود

ابو سعود: في غرفته

خالد طلع من العز ودمعه عخده

في ميلس الحريم

ام سعود اتصيح

العنود: خلاص يا امي لا تعذبني اختي بقبرها خلها ترقد مرتاحه

ام سعود: اختي ولا فكرت اتعزيني

العنود: وهالناس كلها مب مليه عينج يالغاليه

ام سعود: وينه سعود

العنود: في حجرته

ام سعود: بسير له وخلج عند الناس

راحت ام سعود غرفة سعود

ام سعود : خلاص يا سعود الله كاتب لها

سعود: انا ابي اهرب

ام سعود: وين تهرب

سعود: اسافر

ام سعود : خلاص سافر ويا خالد

سعود: ليش بيسافر

ام سعود: حتى ينسى اختك

سعود: الله يرحمها انا السبب في كل الا صار

ام سعود: سعود التلفون يرن

سعود: اف هذا محمد هو سبب كل شي

ام سعود : لا هو ما يخصه بشي


سعود بند الخط بويه محمد

ام سعود : لازم يدري انه الريم ماتت

سعود: لا لازم يتعذب مثل ما عذب اختي

ويوصل مسج في تلفون

سعود الله يخليك انا لحين في مكان الفلاني خبريني وين بيتكم بضبط انا ما اقدر اتحمل اكثر حرام عليك تحرمني من الريم لا تبغي بيصير لو تطلب القمر انا حاضر

سعود يرمي التلفون في الارض

ام سعود: ليش كسرت التلفون

سعود: بس خلاص ريم راحت ليش التلفون يتم عندي

ام سعود: يتم عند العنود

سعود: لا خلاص بقطع البطاقه

في بيت عائلة فيصل

نوره : هي حال الدنيا ماتهنت بشبابها

شهد: هيه والله هي ماسويت لنا شي وحليلها

نوره : المهم خلها ترقد في قبرها

شهد: شخبار اللي تكلميه

نوره : سكتي واعدني بالزواج

شهد: تتوقعين انه صادق بحبه نفسي ما صدق حبيب الريم

نوره : هيه اكيد

شهد: عندج رقمه صح

نوره : هيه طلبته منه

شهد: انتي ويهج لوح كيف تطلبين الرقم

نوره: عادي مافيها شي


في سيارة محمد

جاسم: الصراحه تعبنا اندور ونسال

محمد: ماعليه كل شي يهون لجل عيون الريم

جاسم: انزين من الصبح ونحنا نتحوط وين بنرقد

محمد: بالفندق

جاسم: ومتى احنا بنرد بوظبي


محمد: يوم احصل بيتهم واكلم ابوها واخوها

جاسم : واذا ما حصلنا بيتهم

محمد: انا متفائل خير

جاسم: وحليلك يامحمد اخاف تتقفط اخر شي

محمد: لحضه بتصل فيهم اوف تلفونها مغلق

جاسم: ماتعرف رقم اخوها

محمد: لااااا

جاسم: ساعة 12 ونص خلنا انسير الفندق وباجر بنكمل الحواطه

جاسم: هم اصلا ما يبغووووك لا تحاول ادق بعد


محمد: مشتاق لصوته

جاسم: تشتاق لك العافيه

محمد: احبها بس صعب اوصلها والله ياجسوم لو وافقوا اهلها لا اسوي عرس تتكلم فيها كل ناس وشهر العسل شهر كامل بخليه

جاسم: وينها نوف تسمع هالكلام حرام عليك باللي اتسوي فيها

محمد: ماعليه متفهمه الوضع يالله خلنا انروح الفندق وباجر انكمل البحث عن اميرتي

جاسم : انزين يالله يا عنتر زمانك

8888888888888888888888888888888888

وهنا تنتهي القصه ومحمد لين الحين ما يعرف شو صار بالريم وانها ماتت اما بالنسبه لنوره تمت ادور على حب
صادق وحتى شهد اما بالنسبه للسعود سافر حتى يهرب من الندم اما انا لين الحين مب عارفه كيف اخبر محمد
عن موت اختي وانه ما يدور عليها وابي يعرف انه اختي وايد عانت من هالحب وحبيت اقولكم شكرا لانكم قريتوا قصة اختي انا العنود وهي القصه حقيقة انا كتبتها يمكن محمد ولا جاسم يقرى هي القصه ويعرفون انه اختي اتوفت وارجو نشر القصه في ارجاء الامارات حتى توصل له القصه ويعرف ارجو كتابه القصة باسمي للامانه وانتظر تعليقاتكم

[احساس قلب]

سمحلولي ادري اني طولت عليكم بس تراني نزلت الاجزاء كامله واسمحولي على القصور ون شاء الله تعيبكم القصه