أحبهـا بــس مااتزوجها؟؟! شاركـو بارائكـم

[مزون]

بسم الله الرحمن الرحيم

اسعد الله صباحكم ومسائكم وجميع اوقاتكم بكل الخير ....
==================

اخواني واخواتي تعالووو نتكلم بكل صراحه ومانبي مثاليات زايده

تعالو نتكلم عن شي واااقع في مجتمعنا إلا وهووو

لمـــــــــــــــــــاذا لاتتزوج من تحب؟؟؟؟؟؟


الحب مشاعر سامية ماهو عبث وتسلية..

الحب (أمانة وتضحية) انا أنقل بين أيدكم قضية قد تكون..

قضية شبابنا ..وبناتنا.

واتمنى ان تتقبلوها بكل صدر رحب..

وان تبدو آرائكم بكل صراحة..

لانها تهمنا..

( الــــحــــب )


انت ايها الشاب قد تحب فتاة..

وتهبها كل ما لديك..

لكنك لا تتزوجها لماذا؟؟

لماذا تقتل هذا الحب.. ؟؟

انت تعلم نهاية هذا الحب فراق.. ؟؟

اذن لما تستمر في المضي قدمآ..؟؟؟؟

وانت تعلم انك لن تنساها.. ؟؟؟

وهي لن تنساك ؟؟ولن تنسى ايامك الجميلة التى قضتها معك..


أسأل نفسك بكل صراحة ..

لما تستمر معها في هذا الحب... ؟؟

وانت لن تتزوجها ؟؟؟


وانتى ايتها الفتاة..

أسألى نفسك ..

لما تخوضين هذة التجربة.. ؟؟

:وانتى تعلمين نتيجتها..؟؟

قد نتهرب من االاجابة حتى بين أنفسنا...

ونبرر هذا التصرف باي سبب..

لكن أريد منكم الأسباب الحقيقة..

دعونا نطرحها دون تخوف..

او تردد


انا اعلم مدى حساسية هذا الموضوع..

لكن هذا لا يعنى عدم تحاورنا حولة..

وتبادل وجهات النظر

فانا أعنى بكلامي هذا الحب الطاهر العفيف..

وليس حب التسلية..والمشاعر الخداعة

ارجو ان اجد اجابات لكل التسؤلات...

وان اجد التفاعل المطلوب ؟

مالذي يمنعك من الزززواج بمن تحب؟؟

لماذا تحب وعندما ياتي موضوع الزوواج تذهب إلى والدتك لتخطب لك؟؟إين فتاة أحلامك؟


==================

موضووووع عجبني ونقلت قلت ياريت اعرف طريقة تفكير الجميع

وسبق نزلته في منتدى ثاني لاقى ردود ومناقشات ساخنه كثير

سلامـي لكم

أختكم مزوون قطر

[قتيــل الصمــت]

مزوون

مرحبا بك

انا اقول اذا اكتمل الحب من الطرفين

حصل الزواااج

اما اذا كان من طرف واحد

فلا زواااج ولا حب حقيقي

وتقبلي مني كل الود

قتيــل الصمــت

[روح قطر]

مزون تسلمين عالموضوع

وانا اعتقد انك تقصدين الصداقات والحب اللي عبر المكالمات وما الى ذلك

وان ممكن هالاثنين يحبون بعض لكن مايتزوجون

بس ابي افهم عشان اعطيكم رايي


راجع لكم

[مزون]

شكرا على المرور

يعطيكم العافيه

أختكم مزوون

نعم أخوي روح قطر هالي نقصده تحبها وماتتزوجها

[روح قطر]

اها

خلاص برب

:)

[مزون]

تيت ياروح قطر

انا بتكلم عن هالموضوع

ليه الواحد يحب وحده ويوعدها بالزواج ويخون

ليه هي المشاعر لعبه؟

ليه وين الصدق وين الوفا ليه تحبها دامك مراح تتزوجها !!!

هالمشاعر مب لعبه

ومثل مالعبت على هالبنت بتجي الي بتلعب بمشاعرك توقع هالامر كما تدين تدان

للاسف كل من فعل هالشئ شوه صوره الحب

ماعتقد في حد بيحب دام هالشئ مازال مستمر

اسفه على الاطاله

بس هذي وجهه نظري يمكن التعبير خاني ونسيت الي ابي اقوله

عموما سلامي لكم وكل الشكر لكل من شاركنا بالرد والي اعتذر عن الرد

سلامي لكم

أختكم مزوون

[العويدي]

مزون

الرائعه والمميزه في كل شي اختي الكريمه للاسف الحب الطاهر العفيف يكاد يكون غير موجود في وقتنا الحاضر ولكنه لايخلى منه
في بعض الحالات القليله .

طبعا شى نادر ان نسمع او نرى قصه حب حقيقيه في الايام المعاصره.

اختى لابد ان نكون وقعين في الطرح وان لا نتحامل على طرف دون الاخر سواء من الجنسين فياما سمعنا عن شباب تركو من احبو
وتزوجو بغيرهم وبنات عملو نفس الشى تقريبا .

للاسف النظره الحاليه بين الجنسين لاتعود كونها علاقه عابره فالشاب في داخله لايستسغي كونه زوجا لوحده كان على علاقه بها
والبعض الاخر من البنات همها ان تتفاخر بكثر معارفها من الشباب امام زميلاتها الاخريات كأنهم في سابق مع الزمن.

اختي الكريمه لو اننا نحسب عواقب الاموار لكنا وصلنا لما نريد سواء من الحب العفيف الصادق او العلاقه الجاده ولكن لللاسف الشديد
كلن تفكيره منصب على نفسه فالشاب لايحسب لعواقب الامور والبنت ايضا فلو كان هناك حدود لوجدت الحلول

اسمحيلي على الاطاله

تقبلي كل الود على نقلتي لنا من موضوع جاد وهام

العويدي

[أحاسيس قطر]

تسلمين يا فنانتنا ..
أنا ببتدي بدون مقدمااات ..
الصراااحة الحين وفي هالزمن هذا بالذااات مافي حب حقيقي مثل قبل ..
وكل شاب بتلاقين عنده 3 أو 4 بنات يكلمهم ويسولف معاهم وجنه العيد ..
لازهق من وحدة كلم الثانية عاادي ماتفرق معاه ..
لكن وقت الزواج بيقوول لا هذي مثل ماكلمتني بتكلم غيري ...... ؟؟
والبنت نفس الشي تقريبا ..
يعني بتقول دام كلمها أكيد قادر يخونها فيصير مصير هالحب الفراق ..
وهذا رااايي الشخصي ..
وإسمحوووولي بس هذا اللي أنا أشوووفه صاير في هالوقت ..
ويعطيج الف عافية إختي مزوووون ..
تقبلي حبي وودي ..
أحااااسيس

[مزون]

يسعدني مرورك اخوي العويدي وفعلا الي قلته هو الصح وهالشئ الي قاعد يصير بهالمجتمع

يسعدني مرورك اختي احاسيس قطر وفعلا مثل ماقلتي كلامك عدل ومزال هالشئ مستمر

يعطيكم العافيه

سعيده بمروركم بموضعي و ردكم الرائع

سلامي لكم

أختكم مزوون

[نبض قطر]

هلا بالمزوون

احب اشارك معاكم

اولا ماعتقد ان في واحد بيتزوج حبيبته لانه مايحبها حب حقيقي يعني مجرد تسليه ومثل ماقالت اختي احاسيس قطر يكون عنده 3 او 4

والبنت بعد مستحيل بتاخذ شخص كلمها لان اكيد مثل ماكلمها بيكلم مليون غيرها وهالشئ الي صاير

ماعتقد يفهمون بهالحب نفس الدول الثانيه اقصد اي دوله غير الخليج يحترمون الحب ويتزوجون الي يحبونها

تسلمين يالغاليه على الموضوع

[مزون]

فعلا كلامك عدل

والله يسلمك

ومرورك الاجمل

وهلا ومرحبا فيك

يسعدني مرورك يالغاليه

يعطيك العافيه

سلامي لك

أختك مزوون