البنت محجوره لولد عمهااا (إلى متى)....!!!

[مزون]

الســلام عليكم ورحمة الله وبركاته

مرحباااا اخواني وخواتي

في موضوع محيرني..وأعتقد محير الكل مثلي

الموضوع يتعلق (بالحجر من الولاااده)..وخاصه مجتمعنا القطري...

يعني أول ماتنولد البنت خلاص يقررون أهلها انها لفلان ولد عمها أو ولد عمتها

أو اي احد من اقاربها او ان العم نفسه هو يحجزها لولده (شدعوه مطيه هي )

من أول ما تنولد البنت يقول :

ياأخوي انا ابي بنتك لولدي فلان و خلاص .. ( يعني قرر الحبيب ومافي اذنه ماي )

الولد صغير ومايفهم .. والبنت بعد صغيره وماتدري باللي يصير ...

و طول حياتهم و الكل يدري ان فلانه لفلان وفلان لفلانه لين مايكبرون ويتزوجون..

و من غير ما الاهل يشاورونهم لانهم خلاص قرروا وحددوا مصيرهم...

وحتى لو شاوروهم بس كذااا اسم قدام القاضي (لاحول ولاقوة الا بالله)

يمكن يكونون مقتنعين فبعض (اذا كذااا الله يهنيهم)

طيب يمكن يكونون (غير كذا )

يمكن البنت بعد ماكبرت شافت ان الشخص اللي هي محجوزه له ما يناسبها

أو انهاا ماتعتبره ( الا مثل اخوها )...!!!

يمكن الولد مايشوف المواصفات اللي هو يبيها باللي حجزوها له أهله !!!

و يمكن ... ويمكن ... ويمكن............. !!!

انتوا يمكن تخالفوني الراي وتقولون

أن بالزمن هذا الناس تطورت ( و ماعاد يسون ذالسوالف )

وان زمنا هذا غير عن زمااان ( اهلنااا الأوليين )

بس أنا بقولكم أن للأسف للحين وبزمنا هذا في ناس كذا ..

(بالتخلف هذا) .. (بالجهل هذا) ...

انا رح اقولكم قصة صديقه عزيزه على قلبي ..

قالتلي أنها محجوزه لولد عمها من يومهاا بزر (يعني من الله خلقها)

وماتبغي ولد عمهاااا وكانت رافضته نوعا" ما ووافقت عليه عشان محد يقولهااا

شي او يهاوشونهاااا...(عاد انتوااا تعرفون وش معناته الرفض)

وخطبوهاا غصب عنهااا..والمشكله حاولت تتأقلم معاه ماقدرت

(أولا" ماحس فيها ولابوجودهااا كأنثى)

(وثانيا" أهانهااا)

(وثالثا" ظلمهاااا) ومع هذا اسكتت وماقالت شي...حتى لوالدهااا

طبعا" انا ماقدر اقولكم القصه بس جبت لكم رؤوس أقلااااام

عشان تفهمون وتحسون بالموضوع...

وهذولا الناس الله يهديهم عندهم اذا البنت خطبها ولد خالها او خالتها

لازم يسألون ولد عمها يافلان تبي فلانه

ولا نعطيها لولد خالها او خالتها ( شدعوه لوح هي ماتقدر تختار )

و اذا احد خطبهم من برا العائله..العم يطلعله بالرشاش!!! (انزين ياالحبيب ان بعض الظن اثم)

والله اذا على ذالحاله الوحده تقعد في بيت ابوها معززه ومكرمه

ولا تاخذ من هالأشكال (عوير و زوير و المنكسر واللي مابه خير ) ..

و فوق هذا

عندهم لازم يجتمعون كل رجاجيل العائله الكبار..و يسون عقد يحددون

فيه مهر بنات العائله ( والله حاله هم اللي بيتزوجون الظاهر ماهوب حنا )

كلهم مهرهم نفس الشي محدد بعقد و بموافقة رجال العائله وكلهم لازم يوقعون :eek:

وخلاص هم حددو مصير البنت و مهرها و حياتها...!! :confused:

والله قهر وشي يوجع القلب محد يحسه فيه الا البنت نفسهااا ..

بس وش تسوي تسكت ماتقدر تقول شي

( لأن محد يقدر المرأه ولا ياخذون بكلامها ) ...

إلى متى هذا الظلم والجهل

إلى متى المرأه مالها رأي (عند البعض ) وغالبية العوايل كذا طبعهم

االاسلام كرم المرأه ورفع شانهاا ولكن للأسف فيه ناس مايحسبون حساب لكرامتهااا...

وسمعت مره واحد يقول المره جوتي (الله يكرمكم) تقدر تبدله متى مابغيت...

في ذمتكم فيه رجال كذا....المشكله متعلم ودارس بالخارج...

أتمنى نتناقش بقلوب رحيمه مش بالتشدد والتعصب...

محتاجين لأرائكم...

تقبلوااااا أرق سلاااااااامي

اختكم

أختكم مزوون قطر

م
ن
ق
و
ل

[قتيــل الصمــت]

الاخت مزوون

مرحبا بك

ظاهر الحجر قد انتهت

والناس تعلمت وتفتحت

اما مايخص المهر

فالمهر تحديده له منفعه للبنات والشباب

مثااال :-

تقدم الشاب لزواج من بنت وطلبت عليه مهر 200 الف ريال

والشاب يبي البنت راااح البنك سحب قرض وتزوج

راتبه 7000 ريااال راح نص الراتب اقساط للبنك

والنصف الثاني فواتير مستلزمات البيت متطلبات الزوجه

مصروف الشاااب ما هو مدى استفاده البنت من هذا المهر

عاش الزوجين في ديون وصعب عليهم تحقيق احلامهم

هل يقدر يعيش البنت احس عيشه لا مايقدر

فأنا اقول هذه من مصلحه الزوجين

(( اكيد بوافق يفكر في الزواااج )) :D :D

هذا مجرد راي شخصي

وتقبلي شكري وتقديري

قتيــل الصمــت

[روح قطر]

هلا والله

تسلمون عالطرح

موضوع مهم فعلا

بس انا اخالف اخوي قتيل

اولا الظاهره مازالت موجوده
وممكن البعض يشوف انها تضر البنت اكثر واعليه على ولد عمها ترى يعاني مثلها

وفي ناس الحمد لله متفهمين


اما بالنسبه للمهر

فانا اشوف ممكن 200 الف وايد

لكن كـ 100 مثلا مبلغ زين

لان من حق البنت تجهز عمرها وتشتري وكلنا ندري وشلون السوق الحين

حتى لو ممكن يوصل 150

على حسب

واللي مايقدر يفتح بيت لا يفتح

بس انا ما انكر المبالغه في المهور


والله يعطيكم العافيه

[مزون]

شكرا على المرور كم وردكم

يعطيكم العافيه

أختكم مزوون

[عشقــي قطــر]

السلام عليكــم

اختي : مزون

موضوع رائع للنقــاش وطرح جميــل ......

بالنسبــه لموضوع ( ولــد العــم ) مازالــت هذه الظـاهــره موجــوده ومتمـسكيــن فيها لكن مو كل العوائل والقبــائل ..

هذا ظلــم كبـيـــــــر بحق المـرأه خاصــه إذا كانـت رافضتــه ...

يعنـي إذا الولــد مايـبي بنــت عمــه عاااااااادي يقدر يقول مابـيهـــا
لكـن إذا البنــت قالت مابي ولد عمـي يقولون لها ليــه في بـالك أحد ثانـي ؟؟؟؟ !!!!!!

عقــول فارغــه وأفكــار جاهليــه للأسف مازلــت موجــوده ولم تــنــدثــر !!!

وبالنسبــه لي أنا (( أرفـــــــــــــض )) بشـــده ولــد العـم !!!!!!

ومن حقـي أقول رأيي لأن هذي حياتي حتى لو زعل ( عمــي ) مو مشكلـه... بـيزعل يوميــن ويرضى ... والله الزعـــل أهون من ( ضيـــاع حيــاتــي )

مجــرد وجــة نظـر شخصيــه :)

تحيــاتي..

اختك : عشقــــي قطــــــــر

[روح قطر]

هلا اختي

مو انا قايلها اصلا البنت تشوف انها ظلم لها بروحها

لكن الشباب يشوفونها ظلم للطرفين

يعني مثلا الواحد مايحب يرد ابوه ويكسر كلمته ويتوهق ببنت عمه بعد وما الى ذلك

بس انا اشوف ان هالظاهره تتلاشى تدريجيا للوعي

[مزون]

نعم الظاهره مازالت موجوده

والولد مايقدر يكسر كلمه ابوه ولا البنت تقدر ترفض كلمه ابوهاا

للاسف مايعرفون بالمضار الي تصير بعد فشل هالزواج

انا اتكلم عن تجربه احدى صديقاتي وهي من هالعوائل الي نتكلم عنهم الي يحجرون البنت لولد عمها

صديقتي تكلمت اكثر من مره مع اهلها ولكن للاسف الشديد ارفضوو كلامها وبعدها تزوجت والنتيجه هي الطلاق

وجاوها ناس وبعد احجروها عيال عمها تختار واحد فيهم

لاحول ولاقوة الابالله

عموما في ناس رضو بالامر الواقع وربي وفقهم ولكن الي رافضين الفكره من اساسه زواجهم فاشل للاسف الشديد

يحزني هالامر

سلامي لكم

اختكم مزون

[نبض قطر]

صحيح يامزون كلامك عدل

ماانكر ان ولد العم سابقا كان يصون بنت عمه او عمته اما اللحين للاسف كل شئ تغير وصارت البنت ماتتمنى تاخذ لا ولد عمها ولاعمتها

اتمنى ان العقليه الي يفكرون فيها تتغيرر ويشفون حال المتزوجين اللحين كل يوم والثاني نسمع بالطلاق مين سبب هالطلاق :confused:

تسلمين يالغاليه على الموضوع

[مزون]

الله يسلمك

والله كريم وتتعدل هالنظريه



وهلا ومرحبا فيك

يسعدني مرورك يالغاليه

يعطيك العافيه

سلامي لك

أختك مزوون

[maw3oood]

مزووووووووووون



مشكوووره عزيزتي على الطرح الجميل

موضوووع مهم ويستحق النقااااش

كما انه يستحق الروقاااااان(على قولة اخواننا السعوديين) قبل الرد



لذلك لي عوووووووووووووووووووده



موعووود

[مزون]

ننتظر عودتك اخوي موعوود

[maw3oood]

مزووووووووووووون


ها أنا عدت مجددا



عزيزتي

طرحتي اكثر من نقطه كل واحده منهم عن موضووع كامل ويستحق النقاش على حده

لذلك اسمحي لي بالمداخله



بسم الله نبدأ


بالنسبه لساااااااااالفة الحجر

انا معج ان اللي قولون فلانه لولد عمها او فلان لبنت عمه دون اخذ رأي اصحاب الشأن (الولد والبنت) هذا غلط كبير

بس انا اشوف هذه الظاهر تقريبا آلت للتلاشي

وكذلك الولد يقدر يرفض والبنت كذلك تقدر



اما اذا الولد هو اللي حجر بنت عمه فهذا يدل على انه شاريها ويحبها او على الاقل معجب بها

ولهذه الحاله موقفين


1- ان كانت البنت لاتمانع من الارتباط به فهذا من حقه لانه اولى بما رأى فيها وماستجد فيه

2- ان كانت ترفض الاقتران به فهذا غلط لان مو من حقه يفرض نفسه عليها

وليس من الفضيله ان يتقرب من شخص مايبيه بالقوه

وليس من شهامه اهل المعرفه والمروووءه ان يربط بنت عمه في بيت ابوها الا ان توافق على الارتباط به مع العلم انها لاتريده

ومهما كان تبقى هذه الفتاه بنت عمه وتراه بمثابة حصن لها في كل ضروووفها الصعبه فالأولى به ان يكووون كذلك وليش ضدها




اما بالنسبه للمهوووور

قلتي ان كبار العائله يجتمعون ويحددون مهر لبناتهم

وهذا المهر يسري على الجميع

اذأوين الغلط؟؟

مب هم اللي راح يتزوجون بس لاتنسين ان هم اللي راح يدفعون وراح يتحملون كل التكلفه

يعني اذا كل شخص يبي يتزوج لازم يكون عنده 200 الف مهر و60 لوازم العرس كحد ادني
معناته محد راح يتزوج الا بعد زهد زهيد

اذا بقى المهر غير محد كل وحده بتقووول فلانه مهرها كذا يعني انا لازم اكون اكثر

وينفتح باب للتباهي والغلووووووووو وهذا كله من ظهووور الرجال

انا شخصيا اوافق هذه الفكره بكل حمااااس وادعو كل العائلات لدعمها وتحقيقها بحيث مايكون المهر قليل جدا او كثير بحيث تزيد صعوبة الحصوووول عليه

وترى مافيها شي لو البنت شافت ان المهر مايكفيها وصرفت من مالها او صرف اهلها بعض المال لتحقيق شي بخاطرها ماقدر يوفيه المهر

لانها مازالت ابنتهم حتى لو انها اقدمت على الزواج



هذا رأيي في النقااط التي اوردتيها


واعتذر عن تاخيري لاني بصراحه نسيت الموضووع :o



كان بودي ان ارد على بعض ردود الاعضاااء (فديتهم) ولكني لا اجد الوقت الكافي

قد اعوود مره اخرى


يعطيج مليووون عافيه يامزووون على طرح المواضيع الاجتماعيه للنقااااش

احيي فيج هذه الروووح والنشاط

دام لنا تواجدج





موعووود

[مزون]

هلا فيك موعود مره ثانيه

وبالنسبه للمهور انا معاك بهالشئ تحديد المهور احسن شئ يسونه

بس بالنسبه انه بدا موضوع الحجر يتلاشى لا ياخوي مازال مستمر

يعطيك العافيه