*****عرفتــــــــــك والنظــــــــــر خداع*****

[كريزي]

*****عرفتــــــــــك والنظــــــــــر خداع*****
الجــــــــــــــــزء الاول


في السيارة :
وديمه : متى بنوصل صلاله والله مليت راسي يدور عنبو مب درب من طوله .
محمد سرحان وفكره بعيد واللي يشوفه يقول هموم الدنيا كلها على راسه .
وديمه : محمـــــــد ......محمد ....محمــــــــد ...

محمد يلتفت مثل اللي مضيع شي ...تزقريني
وديمه : لا والله عنبو من الصبح أزاقر ولا تتوايب .
محمد وهو يتنهد والله ما سمعتج شو تبين ؟؟؟
وديمه : شو أبا قولي متى بنوصل ....
محمد : عنبو تونا في أدم بعدنا الله يسلمج نفس المسافه اللي قطعناها أحسن شي أتسوينه حطي راسج ورقدي .
وديمه : أوووف ما فيني رقاد ..
محمد: تعالي عيل بسمعج محمد عبده ويقوم محمد يطول على المسجل على أخر شي وهو حاط أغنيه كل ما نسنس

( كل ما نسنس من الغرب هبوب ..حمل النسما سلام وأن لمحت السهيل في عرض الجنوب عانق الرموز الغرام لك حبيب ما نسى كلمته دايم عسى أطلب الله وأرتجيه صبح ليلي والمسى )

ويتنهد من خاطره تنهيده كلها ألم كلها شوق كلها حرمان واحساسيسه تصرخ بأعلى صوت أحبــــــــــــــــج يا ميثه والله أحبــــــــــــــج .

(أســـــــافر عنك وتسافر معايه ترافقني في حلي وارتحالي ) ماسك أبيد السكان واليد الثانيه يلعب أبشعره .

محمد الله يسلمكم أكبر عيال فاضل المنصوري ويشتغل مستشار قانوني في شركة أدنوك وعمره 23 وعقب وديمه (20 سنه ) سنه ثانيه في الجامعه ...وخوله (19 ) سنه وهي سنه اولى في الجامعه ...وهادف (16 ) أول ثانوي ..سالم 12وسعيد (14 ) سنه وأخر العنقود مريم خمس السنين
اللي راكبين مع محمد في السياره ..وديمه وسالم وراكبين معاهم راشد وخلف عيال عمهم سلطان ....راشد عمره الله يسلمكم (10 ) سنوات وخلف عمره (9 ) اسنين .

أما السياره الثانيه فكانوا فاضل (أبو محمد ) وشيخه (أم محمد ) وبنتهم مريوم وخوله والخدامه ...وسعيد

السياره الثالثه : سلطان (أبو ذياب ) اللي أهو أخو فاضل وشال معاه بنته مهره اللي كبر وديمه (20 ) وهي و وديمه روحين في داخل أنسان ....وطبعا أمها اللي هي (موزه ) وذياب اللي عمره (14 ) سنه ...وسلطان ما عنده غير مهاري هي البنت الوحيده ..

اما السياره الرابعه والاخيره أحمد ( أبو جابر ) بعد هذا يصير أخو سلطان وفاضل وشال عياله جابر وعمره 24وعزه 22 سنه وأمهم متوفيه ومربتنهن خالتهم سلامه الي مطلقه وعنده ولدين حميد 23 سنه ومانع 18 سنه طبعا خالتهم مايت معاهم لان مانع كان عنده تسجيل في كلية الشرطه عشان جي ما سارت معاهم ..

وديمه : وهي أطالع أخوانها وعيال عمها وكلهم رقود وفي سابع رقده ..وتبتسم محمد شوف أخوانك راقدين من الخاطر يا حافظ عليهم كل واحد حاط راسه في راس ربيعه
محمد: وهو سرحان ولا يعرف وين الله حاطنه ..

وديمه : محــــــــمد ...محمـــــــد ..
محمد : ينتبه .....هلا ..
وديمه : شو فيك ..
محمد : ما فيني شي
وديمه : محمد أنا أعرفك زين شو فيك ..
محمد : ســــــــــــــــــــــــاكت .
وديمه : كانت أطالع أخوها وقلبها يتقطع عليه .......محمد شو فيــــــــــــــــك ...
هذا كله ميثه مسوتنــــــه فيك ...
محمد : وهو يطالعها بذيج النظره اللي تجتل ...
وديمه : سوري ...أسمحلي يا بو جاسم والله ما أقصد .
محمد : وديمه الله يخليج لا تيبين طاريها جدامي لا تذبحيني ....

وديمه : محمد لازم تنساها لازم الله ما كتب أتكون لك..... ميثه من نصيب غيرك لازم ترضى بالواقع محمد أنت تدري أن ميثه عمرها ما بتكون لك ...يعني ما كان في داعي تستمر هالعلاقه أصلا .....ويقطع محمد رمستها ..


محمد: يوم حبيتها ما شفت أي شي ما شفت هي بنت أمنو والا من أي أصل الحب أحساس الحب مب بيدينا لو الحب بيدي جان جتلت حبها في قلبي لا الليل أرقده ولا الراحه اشوفها .

وديمه : محمد ليش هي ما تقول حق أهلها انها ما تبى ولد عمها ليش ما توقف في ويه أهلها ليــــــــش؟؟؟
محمد : ومن متى الشور بأيدينكن يا وديمه البنت عندنا ما تتشاور خاصه لو محيره لولد عمها لا تتحرين الناس كلها أتشاور بناتها في ناس حتى ما تسمع راي بنتهم أذا موافقه والا لا ..وفي ناس متفاهمين ...ميثه محيره لولد عمها من هي صغيره وياليوم اللي بتنزف حقه وهني محمد خانقتنه العبره ...ليتنــــــــــي ما عرفتهاااااااااااا ..

وديمه وهي تتقطع من داخلها : انزين متى عرسها ؟؟

محمد وهو مب قادر يتكلم : ســـــــــاكت .
وديمه : محـــــــمد ...أناغيك ...محمد شو فيك ...طبعا كل اللي في السياره رقود وأهني وقف محمد سيارته على ينب الطريق ويحط راسه على ا لسكان .
وديمه : محمد شو فيك .
محمد : مب قـــــــــــادر أسوق .
وديمه : أوكي بند السياره وخلهم داخل أنزل خلنا نيلس خاري أبا أرمسك .
محمد : وديمه والله أني تعبــــــــــــــــــــــــــــان .
أهني نزلت وديمه من السياره ويت صوب أخوها وبندت السياره ونزلت أخوها ومسكته وراحوا أيلسون عدال السياره بس أشوي بعيد وطبعا اللي في السياره في سابع نومه ولا حاسين بالدنيا .
وديمه : محمد يعلني أفداك أرمس طلع اللي في خاطرك ..
محمد وهو يتنهد ويطالع السماء : أتصدقين أني كنت ياي أخطبها والفرح مضمون بيد الله بس قلت بخليها تخلص هالكورس وعقب بي أخطبها ...كنت أعشقها آآآآآآآآآآه هي اللي كانت توعيني حق كل صلاه وهي اللي كانت واقفه على راسي في أوقات العيشه هي الوحيده اللي تحس فيني حتى لو مارمستها هي نبظي هي أحساسي هي تاجي هي ناسي كنا ولا قيس وليلى لو تبى عيوني أفديها والله ...محد يسواها عندي .
وديمه ذيج الساعه كانت بس تسمع أخوها ما كانت تقطع رمسته تباه يرمس ويطلع اللي في خاطره ..وفي نفس الوقت متعيبه وفي خاطرها أتقول يالله معقوله في ناس أتحب لهدرجه وأفكار واااااااايد أتراود وديمه ..

محمد : وديمه وين سرحتي ..
وديمه : معاك يا الشيخ كمل أسمعك .
محمد : وياخذ نفس : تعرفين وديمه والله لو أمرض كانت الليل ما ترقده تعرفين لدرجه شو ..والله تخليني أروح المستشفى وهي كانت معاي على الخط وأنا أرمس الدكتور بس تبى تعرف الدكتور شو قالي ..وكيف لازم أخذ الدواء ومتى ؟؟؟
كانت شاله أحساسي في قلبها وأنا نفس الشي والله ما تهون عليه كنا أسعد من سكن هالارض كنت لو أتأخر على موعد أتصالنا ثواني آلاقها متصله بأشواقها ..وينــــــــــك حبيبي شو بلاك ...كنت أولعها أدلعها أجاملها (لو تبين الارض كلها واللي عليها لشتريها لج كنت دوم يا وديمه أقولها زعلي عليه لا ترمسيني سميني اللي أتسميني لو طلبتي شي مني وما قدرت أيبه لج ............كانت دايم أتقولي أباك أتكون مينون فيني مب شخص عاقل ..كنت يا وديمه اطبها وأقولها مينونه أنتي الله يهديج بوديج مصحة الميانين وبيوزج واحد منهم ...

أهني محمد يتنهد ويسكت ووديمه اطالعه ومستغربه من الي يقوله : تعرفين أنا وميثاني من كثر من انحب بعض كانوا يبون يصنفونا في قائمة الحب حبنا ماله مثيل كانت تحبني وتعزني وأنا نفس الشي كنت أحبها حب عذري حب صادق ..

ويرد محمد لسكوته .................
وديمه : كمل يا محمد كمل أسمعك
محمد : ماشي يى ولد عمها وخطبها ومن دون ما يشاورونها حددوا العرس وكل شي وعقب يو وقالولها ذيج الساعه ماتت ومت معاها وماتت أحلامـــــــــــــنا مات كل شي لا أقدر أييها ولا تقدر تيني بياخذها عني خالد ..حضنا فشل آآآآآآآآآه يا وديمه وين أضرب أبراسي عند امنو أشكي أذا راحت عني ميثه كنت دايم أقولها أول أعيالي أباها بنت وأسميها (ميثه ) وكانت تضحك وتقولي ترى أمها ميثه أقولها بسميها ميثه الاني أحب أمها من كثرما أحبج بسميها عليج ...وأذا ولد بسميه (فاضل ) آآآآآآآآآآآآآآآآآآآآه أحلام وأحلام خلاص يا وديمه حددوا عرس ميثه حجزوا الفندق ودفعوا العربون وحددوا موتي والله ...يالله الله كريم هذا المقدر يا وديمه وأنا ما أقدر أرده وأهني محمد ما قدر يكمل جتف ريوله وحط راسه عليهن وسكــــــــــت
وديمه : محمد وبعدين ...
محمد : أنا ما همني شي في هالدنيا بس أنها أتكون بخير وتعيش بخير وسلامه والله أتمنالها السعاده من كل قلبي بس المشكله أنها وااااااااايد تعبانه ليلها ونهاره أتصيح مثل اليهال خف نظرها وخف وزنها من كثر ما تصيح ما ترقد يا وديمه من كثر السهر عادي يمرن 3 أيام وهي مب راقده بس الانها تخاف ترقد وتشوف عمره مع غيري وتخوني ..
وأهني أتمر سيارة عمهم سلطان ويدقولهم هرن ويو صوبهم ووقفوا سيارتهم

ابو ذياب : محمد شو فيكم حد فيه شي شو صار ..
محمد : عميه كنا بخير وصحه وسلامه بس قلنا نترياكم لانه وايد مسبقينكم ..
أبو ذياب : والله أني تروعت قلت شي ياكم ....عيل وين العيال ..
وديمه : في السياره رقود .
أبو ذياب : لا تأخرون يالله عيل ركبوا السياره ه وطرجوا ..
محمد : أنشاء الله عميه ..
وطرج عمهم سلطان وطالع محمد وديمه : انروح
وديمه : محمد ميثه بتحزن يوم يومين ثلاثه لانها صعبه وصدقني عقب بتم بينكم الذكرى كون قوي عشان هي تستمد قوتها منك لا تضعف يوم اترمسها ..
محمد : خلاص وراء باجر عرسها وأنا أمس رمستها وأتفقنا على كل شي بس أنا واعدنها يوم أوصل صلاله أدقلها أطمنها أني وصلت ..
وديمه : يالله يا محمد أباك أترد محمد الاولاني سم بسم الله وتعوذ من الشيطان الان الدنيا بعدها حلوه وأنشاء الله بتيك اللي تنسيك ميثه ..

محمد وهو يبتسم لوديمه ويحط أيده على جتفها : عقبالج انتي انا مب مستعيل ..
وديمه : وينه يا حسره هو دق الباب عشان يدق قلبي ...
محمد وهو يضحك : ثرج مستعيله ..
وديمه : والله مليت من هالروتين خلنا نعرس عشان نعيش قصص غراميه وحب .........

وأهني يوصل مسج لمحمد من ميثه ...محمد اول ما سمع صوت المسج تم قلبه يدق وشل التلفون يبى يقراه وكان متأكد أنه من ميثه لان احساسه ما يخونه ..

(حيــــــــــــاتي لا تسرع وهالله هالله في عمرك وأنا بخير ولا تشل همي يالسه أتحنى .......أحبــــــــــك ويتم أحبــــــــــــــــــــــك )
محمد : وانا احبـــــــــــج
وديمه : من عند امنو المسج : يقوم محمد ويناولها التلفون قري ...
وديمه وهي تقرا المسج خنقتها العبره ..
محمد : ما فينا على الصياح ركبي السياره لا يخطف أبويه ويتحرا فينا شي ..
وديمه : يالله
وركبوا السياره وماشاء الله الشيوخ رقود ولا حاسين بالدنيا وطرجوا وفي السياره والهدوء يعم المكان ...ووديمه أتفكر في كلام محمد وقلبها يعورها يالله والله حرام اللي قاعد يصير الله يجمع كل أثنين بالمحبه على خير وهي سرحانه وطالع ذالك الدرب اللي يروع ..
محمد : وين وصلتي يا ودوم ..
وديمه : ماشي والله يالسه أطالع هالدرب اللي حتى شيره وحده ما فيه صدق أنها يروع ..
محمد وهو يبتسم : هي الله ..
وأهني يتصل محمد في أبوه ينشدهم وين هم وتواعدوا أنهم يتريونهم عند شيشة وأستراحة الغافتين .



(العذاب الحقيقي هو أنك نصفي الاخر الذي لا أعيش الا به وأن تعلم أني نصفك الاخر الذي لا يكتمل الا به ثم نفترق ويمضي كل منا في طريقه )

ليقف كل منكم أمام المرأه هذا المساء وليسأل نفسه بصدق مؤلم ترى من هي المرأه الوطن في حياته ومن هو الرجل الوطن في حياتها ؟؟
وأتمنى أن لا تدخلوا في حالة من الحزن والألم أذا اكتشفتم أن الذي يشاطركم نصف الحياة الآخر ليس هو نصفكم الآخر ...


رساله لا يهمكم أمرها

أنت غربتي ..وأنت وطني ...وأنت ميلادي ...وأنت كفني

[غيث الشمال]

دموع الامارات


يعطيك العافيه على القصه المؤثره


والله عشت القصه


ننتظر الجزء الثاني ،، لاتبطين :)


تحياتي لك

[وردة العشاق]

.


.


.


كريزي

عور قلبي محمد

يالله هذه الدنيا

بس حرام عقب كل هذا كلا يروح بطريق

مايعرف عن الثاني شئ

ماكن بينهم اي شئ

ويصير مجرد ذكرى

[يمك دروبي]

دموع الامارات

لازلت بانتظار التكمله

الجزء الاول مؤلم :(

[تفوق الوصف]

سجليني متابعه :)

تحياتي

[كريزي]

تسلمون ع المرو الغاوي

[كريزي]

شيشــــــــــــة وأستراحــــــــــة الغافتين ... 2 فليل

وصلوا الاهل ووقفوا أربع سيايير ويلي راح يشتري عيشه ويلي راح عزكم الله الحمام ...ووقفن مهره ووديمه رباعه ...
مهره : وديمه شو فيج ..
وديمه : أنا ما فيني شي ليش تتنشدين ؟؟
مهره : ما ادري أحس أنه فيج شي ..
وديمه : لا يعلني أفداج ما فيني الا كل خير تعرفين درب لوعة جبد عشان جي أتشوفيني غير ..
مهره : وديمه أنا أعرفج زين شو فيج ..
وديمه : مهره يوم بنوصل صلاله بخبرج بكل شي.
مهره : لالالالالالا الحين خبريني شي صار ..حد فيه شي ..حد تعبان ...
وديمه : حو مينونه قتلج ما فينا شي بس يوم بنوصل بخبرج ..
مهره : والله ما تتحركين مني الا وأنتي مخبرتني ....بموت قولي رمسي .
وديمه : ماشي والله بس محمد شوي تعبان ..
مهره : ليش شو فيه خير أنشاء الله ..
وديمه : مهروه تراج طماعه قتلج يوم بنوصل بخبرج بكل شي ..
مهره : حــــــــــــــــرام ...
وديمه : قتلج عقب بقولج الحين والله مالي بارض ..
واهني أم وديمه تزقر عليهن : يالله أنقفضن شو موقفنكن خلصن شغلك أبسرعه ..
وديمه : أنشاء الله أميه ما طلبتي ..
مهره : خلا ص عيل أنكمل في صلاله ...
وديمه : جلبي ويهج أحسلج ....زولي عنيه ..
مهره : أزول ......أهون عليج ..
وديمه : بـــــــــــاي فكيني من صدعتج ....

وأهني سارت وديمه صوب محمد ...
محمد : وديمه شكلي مب قادر أسوق ..
وديمه : محمد خلاص عيل خلنا أنريح في الاستراحه وباجر بنطرج ..
محمد : بس شو أقول حق أهليه ما بيطعون يخلونا بتمون يحاتونه ..
وديمه : خله عليه وأنا بقولهم أني تعبانه وما أقدر أتحمل السياره وفي نفس الوقت بقولهم محمد تعبان ..
محمد : بيقولولج خلي جابر يسوقبكم ..
وديمه : خلها عليه أنت ..
واهني سارت وديمه عند أبوها ..
وديمه : أبويه يعلني أفداك طرجوا عنا ...أنا ومحمد واللي عندنا في السياره بنبات في الاستراحه وبنطرج الصبح ..
أبو محمد : ليش شي فيه محمد ...ليكون تعبان شكله اليوم أمره مب عايبني ..
وديمه : لا والله أبويه ما فيه شي بس هو شوي تعبان مب قادر يسوق ..
أبو محمد : برايكم على راحتكم سووا اللي تبونه
وديمه : فديتك والله ..
أبو محمد : محمد ..محـــــمد ...
محمد : لبيه أبويه ...
أبو محمد : برايكم يا بويه أستريح أنت اليوم وريح وباجر أنشاء الله بتلحقونه تراها صلاله ما بطير ..
محمد : خلاص عيل يا بويه باجر بنلحقكم ...
أبو محمد : أندوك يا بويه هالفلوس عشان تباتون اليوم في الاستراحه ..

محمد : لا يعني أفداك عنديه والله ..
أبو محمد : يالله عيل سموا برحمن وهاالله هالله بخوانك ..
محمد : انشاء الله أبويه ..
وأهني طرجوا الكل وراح محمد ووقف سيارته عند الاستراحه وكانت الساعه 2 وثلث ونزلت وديمه وسعيد وراشد وخلف وسار محمد وحجز حجرتين وعلى طول كل واحد خذله كرفايه ورقد ...ومحمد على طول من حط راسه رقد ولا حس بالدنيا والا وديمه ما طاع أيها الرقاد كله يالسه أتفكر في كلام محمد واللي صار وحاولت ترقد بس الظاهر أن الكلام وايد مأثر فيها ...أهني نشت وديمه الانها كانت عطشانه وما عرفت شو أتسوي وتبى توعي محمد بس لانه شكله يكسر بالخاطر وهو راقد خلته وقامت وديمه ولبست شيلة صلاه وسارت خاري والمكان فاضي ..شافت من بعيد كافتيريا تمت تتلفت يمين وشمال ويوم ما شافت حد سارت صوب الكافاتيريا بس المشكله عشان توصل الكافاتيريا لازم أتمر على الرسبشن العام وهناك كان قاعد سيف ..(.الله يسلمكم سيف عمره 29 سنه من دبي ويشتغل في شركة الطيران) وكان يالس ويطالعها وفي خاطره من وين يت هذه ومن وين طلعت ... وهي كانت تمشي كانت لا متغشيه ولا شي وكانت يالسه أطالع الصور المعلقه على الممر ويوم خلصت أمطالع أبتسمت لان فيه صوره عيبتها ويوم رفعت عينها وتبى أتكمل سيره طاحت عينها في عين سيف شهقت وتغشت وردت من وين ما يت ..
سيف : اختيه ..لو سمحتي ...
وديمه وهي من الروعه بتنجلط وتمشي بسرعه ..
سيف : أختيه لو سمحتي ..
أهني وقفت وديمه وهي مرتبكه ومب عارفه شو تسوي ...
سيف : الشيخه شي في خاطرج ..شي تبين ..
وديمه : لا مشكور ..
سيف : ورفجة أتقولين شي في خاطرج ..تبين شي ..تبين أطالعين التلفزيون تبين ماي ..قولي شو في خاطرج ..
وديمه : لا بس أممممم كنت ..كنت ...كنت ..
سيف وهو يبتسم : كنتي شو .
وديمه : وهي تحس عمرها مب قادره توقف ..كنت أبى ماي ..
سيف : ما طلبتي يا الشيخه لحظه بس بيبلج الماي لا تتحركين ..
وديمه : خلاص مابا ..
سيف : مسرع ما رتويتي ...
أهني وديمه أنحرجت ...
سيف : أمنتج الله لا تتحركين ...
وديمه : ســــــــــاكته ..
وسار سيف أيبله ماي وهي كانت واقفه وكل ما يقرب سيف خطوه كانت دقات قلب وديمه أتزيد ومد سيف أيده ...ووديمه كانت تتنافض ..
وديمه : أأأأأأأأأأأأأأمشكور ..
سيف : العفو يا الشيخه ..
سيف : من الامارات ..
وديمه : هي نعم ..واهني ترخصت وديمه وسارت حجرتها ولا شربت الماي ولا شي ...
الحين صدق كيف بي الراقد لوديمه ..
أما سيف كان يقول في خاطره محلا عوده محلا صوته

(أخلفتني نظرة عيون الهنوف ...خلفــــــــــة الصقار لي شاف الحبارى
واقت النظره على قلبي تشوفه ..وأشعل أبقلبي كما البراق سارى )




الساعه 7 الصبح نش محمد وتسبح ووعى اخوانه ويوم سار صوب كرفاية وديمه ما حصلها ..
محمد : ودووووووم ...وديمه ...وديمه كانت ماسكه قلم وتكتب ..
محمد : صباح الخير ...
وديمه : صباح النور يا الشيخ ...ِشو أصبحت عساك بخير ..
محمد : الحمد الله أشقح وأنطح ..ما فيني الا كل خير ...شو تكتبين ..
وديمه : والله ما شي أشخبط ...
محمد : عيل وين سعيد ..
وديمه : والله من الصبح اوعيه ومب طايع ينش ..
محمد : سعيد بسك الرقاد يا دب يالله ترانا بنطرج عنك ..
محمد : وديمه بسير أشتريلكم ريوق وبرد عليكم ..
وديمه : أوكي سير والله ميته من اليوع ..
وسار محمد وشترى ريوق وكان سيف وربعه واقفين أهناك وسلم عليهم محمد وحايهم وعقب رد عند اخوانه ...
وتريقوا وطرجوا وكان سيف يترياهم يطرجون ووديمه انتبهت لسيف وأنتبهت لرقم سيارته 652 رنج أحمر شامل وأبتسمت لانها أذكرت موقف امس ...أما سيف عينه ما خازت عن السياره لين ما غابت عنه .





شفت ريم مربي كله جمـال
خزني بعيون حلوه دعيـات
سبحان من كمل هذا الكمـال
نور عوده أرتجي فيه الممات

الاهل وصلوا صلاله الساعه 6 الفجر وخذولهم من أكبر الفلل عشان الكل يكونون رباعه ..أما قوم محمد ...يوم وصلوا (ثمريت ) هذه منطقه قبل صلاله ..
محمد : وديمه أتشوفين هالبقعه كيف غبراء ..
وديمه : هي شو فيها ..
محمد : الحين بعد 10 دقايق بندش صلاله وشوفي قدرة الرحمن ..
وديمه : ما أتخيل أني بعد هالدرب بشوف صلاله اللي ترمسون عنها ...
محمد : يالله عيل الحين بندش ...
أول ما وصلوا صلاله وركبوا على قمة الجبل كان هناك مركز الشرطه اللي قام يرحب فيهم ..وحسب عدد الي راكبين السياره وأذا كان عندهم حد في صلاله ..وعطوهم كتيبات للمناطق الخلابه في صلاله ...
أول ما دشوا كان الجو خلاب روعـــــــــه ...ضبـــــاب والرذاذ والبقعـــــــــه خضراء والأروع أنك بعد هالدرب الطويل والغبره أتشوف جنه من جنات الرحمن يا سبحان الله تستغرب أن في رحاب الخليج هالمنطقه وهالدار ...ودخلوا والكل أمبطل درايشه ويطالع ومبسوطين بس الشي اللي يروع أن من كثر الضباب ما تقدر أتسوق بس الحمد الله وصلوا وكانوا في منطقة السعاده وأول ما وصلوا حصلوا الكل رقود ...معاد أبو محمد وأم محمد ...وأبو جابر والشواب كلهم ومهره ...
أول ما دشت وديمه ومحمد ..تقوم مهاري وتلوي على وديمه ..
مهاري : توها صلاله نورت ...
وديمه : شو موعنج ليش ما رقدتي ..
مهاري : كيف تبيني أرقد وأنتوا محد ..
وديمه : قولي تبين تعرفين الموضوع
مهره : حرام عليج حتى مايا في بالي غير شوفتج يا النسره .
وديمه : هههههههههه والله أعرف قدري عندج ..
وديمه : أبويه حد سار يشتري شراشف وبطانيات والاغراض ..
أو محمد : توه جابر ساير يشرى من المزيونه سيري أنتي حطي راسج على أي كرفايه ورقدي
وديمه : والله ما أرقد على شراشفهم ....
أم محمد : يالله بستر ...ترى أهل البيت مدخنين البيت ومعطرينه حتى الشراشف يداد ...
وديمه : أميه أنتي وأبويه رقدوا عليهن وأول ما يوصل جابر زقري عليه أنا بسير فوق الحين ...
وراحت وديمه ومهره فوق ...طبعا البيت كان عباره عن 3 طوابق ...
الطابق الثالث ...كان في غرفتين ..غرفة حق أبومحمد وأم محمد وبنتهم مريومه ..
والغرفه الثانيه : حق الاولاد ..سعيد وسالم وراشد وخلف وذياب وهادف طبعا هالحجره فاضيه ما فيها غير الدواشق ...(شباب )
الطابق الثاني : كان في 3 غرف ...غرفه حق البنات (وديمه ...وخوله ..وعزه ...ومهره ...) والغرفه الثانيه ..حق أبو ذياب ..وأم ذياب ...والغرفه الثالثه ..( أبو جابر وولده جابر ) والطابق الارضي : كانت فيه غرفتين ..غرفه صغيره حق محمد ..والغرفه الثانيه للخدامات ...
المهم أول ما وصلت وديمه أتسبحت وتريت جابر أيب الاغراض وعقب
رقدن هي ومهره لين الساعه 1 الظهر ...وعقب نش البيت كله وكل واحد يلس يرتب أغراضه وديمه وهي ترتب الاغراض ...كانت يالسه أتقول لمهره وأختها خوله عن اللي صار في الاستراحه ...ويوم خلصن من الترتيب فتحن البلكونه وكان الجو خلاب ...(أنتوا تتخيلون اساعه تقريبا 1ونص والجو كان روعه كأنها كانت الساعه 6 الفجر )
ونزلن البنات تحت والكل كان يالس وجابر ماسك ورقه وقلم ..ويالس يسوي جدول عشان اطلعات ...والكل متيمع فوقه ..
جابر : أول بقعه بنسيرها جبل أتين ...ثاني يوم : عين حمران ...ثالث يوم ..البحر ...رابع يوم : عين رزات ...خامس يوم ..أممممممممم
هادف : الشلالات ..
جابر : هي والله الشلالات ..أنزين وبعد ..
عزه : النوافير ...عاد هالبقعه أحلى بقعه عندي..
جابر : النوافير للشباب بس ما عندنا بنات يسيرن النوافير ..
مهره : يسلام ليش والله ..
جابر : محلاتني أحوط بكن عند الرياييل ..
وديمه : والله عاد نحن مب سايرات أنغاوي ..
جابر : والله أتغاون ما تغاون ما عندنا بنات يسيرن النوافير تبن أتسيرن بيلسكن في السياره وشوفنها من بعيد ..
عزه : حكم القدر ما نقدر أنقول شي ...
ذياب : هي والله ماشي زره يلسن في البيت أبركلكن ..
مهره : يا سلام حرام بعد تعالو شاوروا خلف ....أخر زمن نمشي على شور اليهال ..
وديمه : جي نحن مب ياين ننحبس ..
جابر : لا حول خلاص يبوكن بوديكن ما يرزى عليكن الا نافورتين ...عاد شو الى موج البحر يضرب في حفره وينطش الماي قالوا نوافير ..
عزه : المهم وين ما تسيرون بنسير معاكم ..
سعيد : جابر لا تم أتشاورهن ما علينا منهن باجر بيقوللنا نبى نحضر حفلة الجسمي في المهرجان ..
وأهني تم الكل يضحك وردوا يكملون مشاوير الخطه الاسبوعيه في الطلعات ..
أنتبهت وديمه لغياب محمد وسارت أدوره ..
وديمه : محمــــــد .....محمـــــــــــد ..
محمد كان يالس خاري : وديمه أنا أهني ...
وديمه : شو يالس أتسوي روحك ..
محمد :ماشي والله يالس ..
وديمه : أتصلت لميثه ..
محمد : وهو يغمض عيونه ويحط أيده على راسه رمستهــــــــا
وديمه : شو صار
محمد : ماشي والله بس طمنتها أني وصلت ماقدرت أطول معاها الاني أضعف يوم أرمسها وماباها اتحس بضعفي ..وأهني قامت وديمه وحطت أيدها في أيد أخوها : الازم تنساها ..تعال وضحك معانا أنسى نحن يايين صلاله عشان نستانس
محمد : من عيوني وأنا كم وديمه عندي وقاموا ودشوا داخل ...

[كريزي]

وعند الغداء :
خوله : أبويه منو عاطنه ويه ومسونه ذبيحتين ...وهالغداء كله ..
أبو محمد : هذيلن ناس أكرام أول ما دروا أن وصلنا صلاله حلفوا أن الغداء عليهم ..
خوله : منو هذيله أبويه ..
أبو محمد : هو اللي مأجرنا هالفله ...ترى كل سنه نستأجر عنده ويوم دخلت عليه اليوم وشافني ما صدق يحليك يا محمد تبوك ...
خوله : ونعم والله فيهم ...
أبو محمد : أهل هالدار ناس طيبين وما تحصلين حد شارتهم في معانيهم يحطونك على الراس ...
وأهني تغدوا الكل وطلعوا على يبل أتين وفرشوا الزل ..الرياييل في صوب والحريم في صوب ...وراحن وديمه ومهره يتمشن ..وقامت وديمه وخبرت مهره كل الي صار في الدرب ..
مهره : مستحيل اللي تقولينه محمد يحب ..
وديمه : هي والله يحب ..
مهره : الله يعينه والله بس أنشاء الله ينسى وتي اللي تنسيه ..
وديمه : انشاء الله
مهره : ما أتخيل أني أحب وأن الانسان الي أحبه مب لي بمووووووووووووت ..
وديمه : الله لا بليتنيه بحب ...تعرفين مهره أنا شو في خاطري خاطري أحب واحد ويحبني ونعيش ولا روميو وجوليت ..يغار عليه يشتاقلي ...
وأهني مهره ...حو وين وصلتي لا تحلمين واااااايد خلي أحلامج على قدج ..
وديمه : لا ما بخلي أحلامي على قدي ...خليني أحلم حتى الحلم بيحرمونه علينا ماصارت عيشه هذه ..
مهره : هي والله قلتيها يالله عسى الله يطرشنا أنا وأنتي أحلى مزايين العين ..
وديمه : لا أنا أبا مزيون دبي ..
مهره : وديمه خلي عنج لا تكونين حبيتيه ..
وديمه : هههههههههههه شو قالولج حب من أول نظره ..
وأهني قامت وديمه وسارت عند الحريم الانه خاطرها في شاي ...
ومهره : أتفكر في كلام وديمه وطالع محمد من بعيد وتقول في خاطرها الله يعينك يا ولد عميه ...
المهم أستانسوا الاهل وردوا الساعه 6 المغرب الان الضباب بدى يزيد والانهن بعدهم تعبانين من الدرب ..
بعد الساعه 11 كل واحد في حجرته ما عاد جابر وعزه وديمه ومهره ومحمد وخوله ..
خوله : الله يخليكم لا ترقدون يلسوا معايه لين الساعه 2 ونص ..
جابر : شووووو؟؟؟؟ 2 ونص ..
خوله : هي أبا أطالع المسلسل الخليجي دمعة عمر حرام والله بموت من يومين ما شفته ..
جابر : يلسي أنتي ويدج العوره وتابعيه عنبو جانج تبينى أنساهر على مسلسل ..
خوله : حرام ..
وديمه : خلاص بتابعه معاج شبعانه رقاد ...
مهره : على شرط لا جابر ولا محمد أيلسون معانا ...
جابر : أوووو محمد اليوم أمباره الساعه 2 ونص شو رايك أنتابعه أعاده ..
خوله : تخسي والله ما يفضالك هالتلفزيون ..
جابر : تقولين حقي تخسي أوكي يا خولوه اللي يسهر معاج ..
خوله : خلاص سحبتها سوري ..
محمد وهو يطالع مهره : اليوم بيلس على جبدج ..
مهره وهي تضحك : أيلس برايك بتمل وببيك الرقاد لا تتحرى عمرك أذا رقدت في الصاله بوعيك وحالتيه لله وبدخلك الحجره تراك الا محمد ..
محمد وهو يطالعها : محمــــــــــد ...ما عليه يا مهروه أن ما ياج اليوم اللي بتصيحين عليه وأنا بو لابس ..
مهره وهي أمبطله عيونه : أنا ..لو خلصوا الرييل كلهم والله ما فكرت فيك
محمد : تتمنيني والله ..
مهره : بعدك الساع ما عرفتنيه والله ..مب كل أصبوعك وحده ..
أهني حس محمد أن مهره تقصد ميثه .,,,طالعها بالنظره وقالها : صدقتي والله صبوع أيديه مب وحده ...ذيج الساعه مهره تلومت في محمد بس ما حبت تعتذرله ..
والا وديمه كانت يالسه تقرا مسجات جابر وتضحك عليه وعلى خبال ربعه ...
محمد : يالله عيل تصبحون على خير ..بسير أرقد ..
خوله : عيل وين اللي بيسهر ..
محمد وهو يطالع مهره : أخاف أرقد في الصاله ومحد يوعيني وتخلوني أخيس فيها ..
مهره وهي تعظ على شفايفها وتلعب بقصتها وطالعته بنظره أنها ما كانت تقصد ..
وديمه وجابر كانوا خبر كان.....
وسار محمد حجرته ...مهره وقلبها يتقطع يعني هي تعرف اللي في محمد وأنه تعبان بدال ما تيلس وتخفف على ولد عمها يالسه وتزيده ...وتدري أنه باجر عرس ميثه ..وزعلته بعد ..يالله يا اللوم اللي يحرق قلبه ..
وديمه : هههههههههه شو ها المسج والله أنك يا جابر مسخره وطفس وما تستحي ...واهني يقوم جابر ويضرب وديمه بالمخده ويبدأ المضارب من الخاطر وتموا الساعه على هالحال وجلبوا الصاله فوق وتحت ...
طبتهم عزه وسارت ترقد وشوي لحقها جابر وسار يرقد والا خوله مدمنه شي أسمه تلفزيون ..ومهره من اللوم مب قادره تتكلم ..
مهر ه: وديمه بموت من اللوم في محمد ..
وديمه : ليش شو صار ..
مهره : ما عرف شو قلت لمحمد وزعلته ما شفتيه سار يرقد..
وديمه : لا تمين أتحاتين محمد ما يعرف يزعل محمد قلبه أبيض ولا يعرف يشل في خاطره شي ..
مهره : مابرتاح لين ما أتأسف منه ..
وديمه : سيري أنزين حد ما سكنج ..
مهره : أستحي ..
وديمه : وابوك أنا عيل عرفتي أتزعلينه ما بترومين تتأسفين يالله بستر ..
مهره : والله ما يهون عليه ..
وديمه : مهــــــــــاري لا يكــــــــــــــــون .....................؟؟؟
مهره : حرام عليج والله انه معزته من معزة اخواني وبعدين الان وضع محمد هالفتره وايد يعور بالقلب عشان جي والله ..
وديمه : لا تحاتين ..
مهره : خلاص بسير أعتذرله ..
وديمه : سيري ..
ونشت مهره وسارت صوب حجرت محمد وتمت واقفه 10 دقايق كل ما تمسك مقبض الباب أتبطل أيدها ..
وعقب محاولات قوة قلبها ودقت الباب ..
محمد : تفضل ..
مهره وهي تبطل الباب لقت محمد يالس ويقرا قرآءن شافته ..
محمد : ها مهره دشي ليش واقفه على الباب ..
مهره : تقرا قرآءن
محمد : ألا بذكر الله تطمن القلوب ..
مهره : هي والله ..
محمد : شو فيج ..
مهره : أسفه محمد والله ما كنت أقصد ..
محمد : أفا يا الشيخه ماصار الا كل خير والله ما زعلت ولا حطيته في بالي وكان يبتسم من خاطره ..
جان تقوم ومهره وتيلس على ينب الكرافيه : والله أسفه ..
محمد : لا تتأسفين والا صدق تراني بزعل ..
مهره : أنزين يوم اتخلص تعال ويلس معانا وعليه أذا رقدت أنا اوديك الحجره ..
محمد وهو يضحك : ما بترومين رقادي ثجيل ..
مهره : عادي بجب عليك ماي بارد ..
محمد : عاد انا تضربني قشعريره من الماي البارد والله لكسح ظهرج من الظرب..
مهره : يفداك ظهريه بس لا تزعل ..
أهني تنهد محمد من خاطره الان أذكر ميثه يوم تتفداه ..
محمد : والله مب زعلان منج ..
مهره : عيل يا الشيخ كمل قرايه أمممممممم وتصبح على خير ..
محمد : وأنتي من اهله ..
طلعت مهره من الحجره ..وسكرت الباب وأهني محمد يتقطع الانه هذا أول يوم يمر عليه وما تقوله ميثه تصبح على خير ..
ويت أنسانه ثانيه أتقوله هالكلمه ..

محمد : وينج يا ميثه شو قاعده اتسوين ,,,والله ولهـــــــــــان عليج ربي يحرسج من كل شر ...أحبــــــــــــــج..
طلعن البنات فوق وسارن يرقدن وتمت مهاري أتفكر بمحمد وتقول

(يا بخت من عينك عليه .......يا بخت من قلبك يبيه )

[تفوق الوصف]

اممممممممممم

وايد عورني قلبي

انتظر الجزء الجاي

تحياتي

[كريزي]

يسلمووو على مروورك الطيب

[كريزي]

نشت وديمه من الرقاد وتلبست ..كانت لابسه تنوره بيضاء وقميص أحمر مخطط بأبيض ونزلت تحت وكانوا الشواب كلهم يالسين وكان جابر معاهم ...
وديمه : السلام عليكم ..
الجميع : وعليج السلام والرحمه ...
وديمه : شحالكم شو أصبحتوا عساكم بخير ..
الجميع : الحمد الله يسرج الحال ..
وتي وديمه وتوخي وحبت أمها وأبوها على روسهم .. وملو الشواب جان يقومون ويظهرون خاري...محد بقى غير جابر ...
جابر : بسم الله يا الساحره شو موعنج ..
وديمه وهي أطالعه وجابر يطالعها ويبى ينقع من الضحك بس ماسك عمره ..شو أطالعين ؟؟؟
وديمه : تراني ما سمعتك شو قلت ..
جابر : ما سمعتي شي أبــــــــرك ...
وأهني يخلي جابر عمره أنه يالس يرمس عمره ...ساحره وصمخه الله يعين اللي بياخذج ..
وديمه : يالله عيل يبخت اللي بتاخذك امره بتعيش في جنه ..خلني ساكته أحسن ..
جابر : أدري أنج ميته من القهر لاني ما أبـــــــاج ..
وديمه : مشكله اللي مصدق عمره أوووووووف أصبحنا وأصبح الملك لله عنبو أنا أرقد مجابلتنك وأصبح أجابلك ...
جابر : يبختج والله يومج بيتبارك ..
سكتت عنه وديمه ويلست أتصب لعمرها شاهي وهو كان يالس يطالعها وفي خاطره يقول صدق أنج ساحره والله سحرتيني بعيونج ..وكان يالس يطالعها ولا حاس بالدنيا ...
وديمه : حو شو طالع ..
جابر : يلعنج محلا عيونج ..
وديمه : اتشاهد على ويهك أبسرعه (وديمه مافي خاطرها شي صوب جابر أتشوفه شرات أخوها ...)
جابر : وهو يهز راسه ما بتشاهد ....
وديمه : والله لجب هالغسول في ويهك أتشاهد حرام عليـــــــــــــــــــــــــك ..
جابر : بعد ترجيني ...
وديمه : مب منك من اللي أييلس عندك ...
وتقوم وديمه وظهرت خاري وهي تمشي ..
جابر : وديمه ....ودووووووووووووووم
لفت وديمه وتقوله بعيونها شو تبى ..
جابر : وهو يطالعها (ويحط أيده على ويه أونه يتشاهد )
وديمه أطالعه وهي تبتسم ...
طلعت وديمه ويلست عند أبوها ..وطلع جابر وهو شال السفره والسويج ..شي في خواطركم ...
الجميع : سلامتك يا الشيخ ..
وديمه : وين بتسير ؟؟؟
جابر : أنا أبويه وعميه ما تنشدونيه وين بسير تين انتي يا الساحره وتتنشدين ...
وديمه : أبويه شوف جابر من أصبحت وهو يزاقرنيه الساحره ...
أبو محمد : ما عليج منه تراج ساحرتنه عشان جي يغايظج ..
وأهني يضحك جابر من خاطره ,
وديمه : شو ساحرتنه أباك عون غديتليه فرعون ..
جابر : ههههههههههههههه
وديمه وهي أطالعه : هي ساحرتنك من حلاتي ...من جمالي
جابر : صح كلامج صح أخت وديمه ..
وديمه :وهي ميته من داخل ........بسير معاك ..
جابر : صدق أنه ما فيج دم أنا الحين أباالفكه منج وبتلحقيني لين السياره ...
وضحكت وديمه ...أنزين خلاص وانت ياي يـــيـبليه مجلة فواصل ..
جابر وهو يأشر على عيونه : من عيوني ..
وديمه وهي أطالعه : حرام شلنيه معاك ...
جابر : يعلج الحشره ...قومي يبي عباتج وفكيني من حشرتج ..
وديمة : أبويه بسير مع جابر
مريوم : حتى أنا أبا أسير
أبو محمد : يالله زين سيرو بس لا تتأخرون
وتربع وديمه وتيب عباتها وتركب معاه السياره ...
وساروا يتمشون ..
مريوم تأشر حق جابر على ودوم ...
جابر : وديمه وين وصلتي
وديمه وهي اطالعه ومستغربه : انا .......تكلمني أنا
جابر : شحالج ودوم ..
وديمه : أنا ؟؟؟؟؟؟
جابر : ودوم شوفيج ؟؟؟
وديمه : ليش تسألني ما فيني شي والله ..
مريوم : جذابه من الصبح يالسه تفكرين
وديمه : جب أنتي ما يخصج والا تراني بنزلج
جابر : الساع والله بنزلج أتني ..
مريوم : تستاهلين ..
وديمه : لا حول أنا شو مخلني أسير معاك .........حشــــــــــــى هب سيره هاي
جابر وهو يضحك : وين تبن أتسيرن
وديمه : جابر خاطريه في جوز الهند ...
وسار جابر منطقه الدهاريز وشتروا جوز الهند ويلسوا يتمشون لين الساعه 12 الظهر والا شوي يتصل أبو محمد فيهم
أبومحمد : جابر وين أنتو يالله عطنوا ورانا سيره ..
جابر : يالله يا يينكم في الدرب

مهره كانت يالسه تترياهم أول مايت وديمه ...
مهره : أوكي يا وديمه مب منج من اللي ما يفكر يسير بقعه الا ومخبرتنج ..
وديمه : والله الا جي شفت جابر يبى يطلع حشرته لين ما شلنيه معاه ..
مهره : وين سرتوا ..
وديمه : ماشي والله نتحوط في الشوارع ..وسرنا مزرعه الخيول مالت السلطان قابوس ..وحطنا مني ومني وردينا ..
المهم جهزوا غداهم وطلعوا على عين حمران ..وسار جابر يغسل سيارته باليري
وديمه : حووو جابر لا تفضحنــــــا عنبو تغسل سيارتك في اليري
جابر : وابويه عليج أنا شو بعد أفضحج ..
وديمه : يالله يعل الشرطه تخطف ويمسكونك
جابر: يعلج العور قري شو مكتوب ..
وديمه وهي تقرا عطت جابر ظهرها وسارت صوب أهلها وين يالسين ..
جابر : هــــا العوره قريتي ..
وديمه : أطالعه أممممممممممم أغسل السياره معاك ..ترى والله شكلك يضحك أتقول بتاني ..
جابر : كملي سيرج احسلج لشغل السياره وادوس عليج ..
وديمه : ههههههههه وترد وديمه عنده وتيلس وتحط ريولها في اليري
ويالسه تسولف عليه ..وهو رافع كندورته عشان ما تخيس ويغسل سيارته ...
وشوي الا وديمه تصــــــــــــــرخ ..


جابر : شويــــــــاج ..
وديمه : وهي حاطه أيدها على ويها ..أمــــــــــــــي ..
جابر : شو يـــــــــــاج بسم الله ..
وديمه : وهي أطالع اليري ...
جابر : أرمسج شو يــــــــــاج ..
وديمه : جنــــــه صد سكنيه في ريولي ...
جابر وهو ذيج الساعه وده يجتلها من الغيض ..الحين هالصرخه كلها عشان صد بعد لو حنيش ..
وديمه : أنزين روعنيه ما عرفت شو اللي سكنيه عشان جي صرخت ..
جابر : قومي منيه وسيري عند أمج وفكيني من حشرتج ..
وديمه : مابروح ....محد اهناك كلهم شلهم عميه سلطان وساروا صوب شارع الحب على قولتهم يبون يشوفونه ..
جابر : الحين عميه سلطان ساير هذاك الشارع ..
وديمه : شفت عاد ..عميه سلطان ..
وجابر: وجان ذلفتي معاهم ..
وديمه : ماسدت السياره ...
جابر : لا حول أنا اليوم الظاهر بيني شي منج ...
وديمه : ههههههههههه والا تروعت يوم صرخت ..
جابر: وهو مدبر عنهـــــا ...صرخي جانج حرمه والله لخرطج بالخيزرانه ..
وديمه : واااااابوووووك بسم الله بيوك بروح لا تشتلنيه بعد ..
جابر وهو يضحك : فكه زولي عن ويهي ..
وديمه وهي تنظف اتنوره: أبركليه اليسله عند أميه
جابر : وأنا أقول بعد ..
وديمه : غسل سيارتك يا الزطي ..
جابر : عيل أخسر فلوسي وهم حاطيلي هالافته بكبره مجاز غسل السيارات وما تبيني أغسل السياره ..
وديمه : غسل سيارتك بعدها لو روز رايز ..
جابر : ما عليه يا بنت فاضل لو ركبتيها بس والله لعطيج الي تبينه ..
وديمه : صدقني يوم تركبها أنت بركبها أنا ؟؟
جابر وهو يرمس عمره : أسميج الا بتبطين ..جانج الا بتتريني أشتريها ..
أم ذياب : جابر وديـــــــــــــــــمه خلا بنروح ..
وديمه : يالله يايـــــينكم ..
جابر : حسبي الله عليج ما غسلت السياره ..
وديمه : هههههههه تستاهل ..
وسارت وديمه عند حرمة عمها ..والا جابر يلس يغسل السياره بسرعه عن خاطره ..وقبل ما يأذن المغرب طرجوا وساروا البيت ..

...طبعا الكل كان موجود ما عدا محمد (ما ينلام اليوم عرس الغالي ) يا ترى وين محمد وش قاعد يسوي ...

ردوا الاهل البيت وتمت وديمه أتحاتي محمد وتتصل فيه بس مايرد ..
ومهره بعد كانت يالسه أتحاتي محمد ويالسه على أعصابها..
أما محمد كان يالس عند البحر والهدوء يعم المكان ماشي غير صوت البحر بمده وجزره ..وهو يالس مثل اللي مضيع شي مثل الطفل اللي حاطينه في غابه ويصيح محد عنده ..محمد يطالع البحر وخانقتنه العبره يحس مثل اللي حد يالس على قلبه جتف ريوله وحط راسه على ريوله ..ومن دون ما يحس تم يصيح .....يصــــــــــــــــــيح وهو يحاول يخلي عمره قوي بس الاسف ما قدر ..وين بيقدر وروحه اليوم بتنزف لغيره ..يصيح وهو يذكر كل شي ..يذكر ضحكاتها .يذكر دلعها وشوقها ..

يذكرأخر مكالمه بينه وبينها يوم أتقوله (محمـــــــــد أدري أنه القدر بيفرقنا بس أباك أتحط شي في بالك أنك أول شخص وهبتله قلبي وبتم في قلبي عشان خاطري لا تم أتحاتيني أنا بكون بخير دام قلبي يحس أنك أنت بخير ...أوعدك أني أكون قويه بس طلبتك طلبه لا تغير رقم تلفونك يمكن في يوم أحتاجلك ) آآآآآآآآآآآآآآآآآآآآه وينــــــــــــــج أحبج والله أحبـــــــــــج
ليش خليتيني ليــــــــــــــش...
يارب تهنيها وتسعدهــــــــا ......ميثه والله ما أقدر أعيش بــــــــــــــــلاج

خبروه أني على وصـــــــله حييت ...وأن تفــــــارقنا ترى موتي دنـــــــا
لي حبيــــــب يوم روح ما سليـــت ..يعلم الله توي مـــــــــا ذقت العنــــا


وركب السياره وحط راسه على السكان,ويلس لحد 2 فليل وهو بعده بنفس الحاله,وديمه ومهره نقعن تلفونه وهو ولا حاس فيه مثل الميت



اليـوم تحـدد موعـد وفـاتـيالـيـوم خـلــي يـزفـونـه

اليـوم بنهـي باقـي حيـاتـيبيعيش عمره وعمـري بدونـه

خضبـوا كفـه بحنـا دمعاتـيوالكحل دمي محطوط في عيونـه

فستان أبيض يلبسونـه غناتـيلأجل غيري بفرحـة يشوفونـه

حضن ضمـه يضـم حسراتـييضم الجرح وصـدره يضمونـه

بعد اللقا ورشفة شهد من شفاتيالمـر عقبـي كاسـه يغرونـه

أرزف والغنا يضغـط ع دقاتـيأيول معاهـم وقلبـي يدوسونـه

أمشي بلا إحساس..أطيافه تاتـيأسمعه يزقـر وفجـأة يشلونـه

أتخيل الوضع..زينـة ولمساتـيليلة الدخلـة جسمـي يدفنونـه

حقي وحـدي خـذوه فلحظاتـيحقوقـي أنـا اليـوم مديـونـه

آآآآآه قلبـي يتفـتـت فتـاتـيآآآآه ويلـي لـذاك يقدمـونـه

واقفٍ جنبي وأَعلـي ضحكاتـيأداري الدمعة عن سري يكشفونه

أسمع الدفة ..والعالم جماعاتـيهذي الحبيبة بالحزن مشحونـه

هذا الأخو يسدل ستار خيماتـيمعناته خلاص خلـي يعرضونـه

معناته الصـورة مـع سواتـيمعناتـه موتـي ياتـي بجنونـه

آآه ويلـي خـذوهـا حيـاتـيآآه ويلـي حيلـي يحطمـونـه

ميثـةْ القلب..سمعـي ونـاتـيميثـةْ القلب..قلبـي يكَسرونـه

ميثة سمعي أرجـوج صرخاتـيوتعالي حطي بوسـة ع جفونـه

ميثـة بمـووووت آآآآه آهاتـيميثة أنـا محمـد يـا مزيونـه

عيونج السود..بينظرها ويباتـيشعرج عليـه بيهـدي سكونـه

لونج البراق بيسلبه يا ضيقاتـيوإلا عودج..بيتمتع فـي لحونـه

زفوج يا ميثـة وزفـوا مماتـي مـات محـمـد لا لا تذكـرنـه

[تفوق الوصف]

يارررررررربي بمووووت

والله اول مره اقرا قصه قبل ماتكتمل لاتتأخرين علينا



متابعه

[كريزي]

سووري ع التاخير

[كريزي]

الساعه2 ونص انتبه محمد ورد الييت,وديمه ومهره يا لسات خاري يترينه ويوم شافن سيارته خطفت وديمه تربع وتبطل الباب,
محمد: وهو يطالعها وجنه ما يعرفها,
,وديمه: محمد....محمد....
محمد: يطالعها مثل المينون..مثل الياهل,,وتقوم وديمه ودموعها أربع أربع وتمسكه..وتبند السياره وهو كان يمشي مب حاس بالدنيا..ومهره واقفه على الدروازه..وحاطه ايدهاعلى ثمه ..وعيونها حمر يوم قرب منها حست بنار تلهب قلبها ..وقامت وديمه ودخلته حجرته وقامت شربته ماي ولحفته..ويلست عداله لين ما غفت عينه..وهي تصيح..ومهره واقفه مب قادره تسوي شي..قامت مهره وطلعت وديمه,,وسكرت الليت وطلعت.
مهره: وديمه خلاص دام محمد وصل الحمدلله.
وديمه :ليته ما عرفهــــــــــــا
مهره:صدقيني بينسى صدقيني,,قومي صليلج ركعتين وتعوذي من الشيطان

وقامت وديمه وراحت تصلي ومهره تمت يالسه على البلكونه,,وقاعده تفكر بمحمد وراحت تبا ترقد...لكن وين بييها الرقاد بعد اللي شافته


صباح يوم اليمعه..نشو الكل ونش محمد وأول ما نش ما عرف وين الله حاطنه,,متى وصل البيت ومتى رقد وكيف...هني أدق أمه الباب
الوالده: أبويه محمد قم فديتك صلاة اليمعه اليوم..
.محمد: ان شاء الله اميه.
.نش محمد وسار يسبح وعقب دخل حجرته ..ويلس يتسفر ..وعقب ظهر وشربله فنيان قهوه ...
وسار مع أبوه وعمومته المسيد وصلو وعقب ردو البيت
جابر : عندي اليوم بقعه تخبل من حلاتها
عزه : صدقوني دام جابر مختارنها عليها السلام
جابر :عيل ما ماشي زره اليوم بوديهم كلهم الا أنتي
عزه : عادي بسير مع أبويه
جابر : أوكي ...
محمد : وين بتودينا ...
جابر : يالله أجهزوا وما عليكم أنتوا أنا بدليكم الدرب ..
وشلوا غداهم وساروا ...وماشاء الله الكل ,وراء جابر بسيايرهم ...
أبو جابر : جابر يبوك وين بتودينه ..
جابر : الحين بنوصل
وشوي الا يوقف سيارته جابر في بقعه الارض فيها مب مستويه ..ويوم نزلوا العربان يحسون عمراهم أن الارض تجذبهم .. هالمنطقه ما كان فيها توازن مع أنها منطقه خلابه ..منطقه كانت في قمة الروعه بس الاسف منطقه الواحد ما يقدر يوقف فيها ..
أبو محمد: يالله يالله ركبوا سيايركم عنبوها بقعه شو يا جابر تبانا أنطير ..
جابر : هههههه والله ما دري شو ياها أمس خاطف عليها مزينها ..
عزه : قتلكم يوم الا جابر بيختارها عليكم السلام
جابر : لا حول خلاص عيل بوديكم بقعه غيرها
وديمه : مشكور الشيخ ما تقصر ..من ساعه ونحن أنحوط روسنا دارت ..
جابر : والله ما فيكم خير ..
خوله : جابر ما عليك منهم ..
جابر : وهو يشغل سيارته يالله عيل بوديكم يبل رزات ..
أبو سلطان : يالله ذياب هادف سعيـــــــــــــد يالله ترانا بنطرق عنكم


وعقب ساروا يبل رزات ,وطلعو فوق اليبل وتم جابر يدقلهم العود واتيمعو الكل,,وتمو الشباب يرزفون والبنات يطالعن..والحمدلله محمد اليوم كان أحسن ومقوي قلبه ويسولف عادي بس تحس أنه في نظرته ألم وكسر بالخواطر .ويلسوا على اليبل لحد الساعه 6 وعقب ردوا البيت .ويوم ردو البيت ساروا قوم هادف وسعيد والجماعه
خاري أيلسون مع الربع ..كانوا متعارفين على ناس من الكويت والسعوديه وتموا لين الساعه 11 فليل وعقب ردوا


والساعه 11 فليل كان محمد وجابر وهادف وسعيد وعزه ومهره وخوله وديمه وذياب يالسين يلعبون ورقه والضحك شال البقعه
وديمه : مايصير والله غش
جابر وهو يغمز لذياب : ليــــــــــــش منو يالس يغش ..
وديمه : جابر طلع الي تحتك ..
جابر : شو تحتيه ...........ماشي ..
وديمه : عيل محد بيلعب يوم هذا الا لعبكم ..
ذياب : شو فيج محتشره محد يغش
وديمه : هي لازم أدافع عن ولد عمك تراه شريكك في العبه ..
محمد : يا ودووووووم شو فيج ...لعبي صدقيني محد يالس يغش ..
جابر : دومها هالحرمه مصدعتني ..
وديمه : جابر نش أقولك نش ..والله شفته بعيوني يحط الكرت تحته ..قوم ..
جابر : حشى مب عيون لو بعدهن كشــــــــافات ..عنلاتج كيف شفتيني ؟؟
وديمه : هبي هباك الله ...
خوله : صدق أنك غشاش ...عيل من الصبح الشيخ يغشنـــــا
هادف : ما يخصنا نحن الفايزين
خوله : يحافظ غشوا وقصوا علينا وقولوا فزنـــــــا
وديمه : والله محد يلعب وتفر الورقه وتنش ..
محمــــد : عنلاتك زاد يا الهرم ثرك تغش
جابر : ههههههههههههه والله يا محمد كيف شافتني ما عرف ..
وديمه : تراني مجابلتنك ..
جابر : ترى مره ثانيه يوم بتلعب هالمبلق ما بلعب معاكم
وديمه وهي أتفر المخده على جابر : الله وأكبــــــــــر عليــــــــــــــــك
وأهني أي لجابر أتصال وأرتبك وظهر خاري يرمس
وديمه : شكل الاتصال مهم ...أوووهوووو لو هالاتصال يا وهو يلعب ورقه جان زين ...يالله عاد جابر ناش يبى يظهر خاري والغش كله مكود تحته ..
محمد : عيل ثره من الصبح يغشنــــــــــــــــا
وديمه : ترى هالريال مب هين ..شغله كله من تحت لتحت
محمد : حرام عليج عاد مب هالكثر
وديمه : هذا الي أشوفه
مهره : ودوووووم شو تبين من الدكان ..
وديمه : غربلج الله طالعي كم الساعه
مهره : شو تتحرين عمرج في العين ..جي عادي الدكاكين ما يسكرن
وديمه : وأنشاء الله منو تبين أطرشين .
مهره : يالله بستر وهذيله المخرش شو فايدتهم ..
وديمه : حرام عليج شو في الساعه كم وحده
مهره : والله عاد انا في خاطريه عباد الشمس ..
وديمه : أنتي يوم الشي في خاطرج بسوينه ..
محمد : أنا خاطريه في روتي وجين وخليهم يحطوله بطاطس عمان وفلفل ..
مهره : ما تبى بارد ..
محمد :آرســـــــي
مهره : أنشاء الله ..
وتقوم مهره وطرش هادف وذياب الدكان ويلسوا
يتابعون المسلسل ويوم خلص ساروا يرقدون
..محمد: وهو يبا يدخل حجرته.
.محمد : مهره
مهره : عونك
...محمد: ما تبين اتزعليني اليوم
مهره : وهي تبتسم :عادي بزعلك..بس المشكله اني ماحب أرقد وأنا مزعله حد ..
..محمد:عيل سيري رقدي رقاد العوافي واهني مهره طالعتها..والله بس العالم شو كانت هذي النظره

[كريزي]

وعدت الايام وكملو أسبوع وهم في صلاله.
عزه: ابويه نبا نسير البحر.
.أبو جابر: انزين قولي لمحمد واخوج يودونكم.
عزه:ابويه الشور عندكم..
الوالد: خلاص عيل اليوم بنسير البحر..واتفقو اليوم يسيرون البحر..اللي في المغسيل

في البحر

كانن الحريم يالسات ارواحهن وفارشات الحصير ويتقهوين ..وخوله وعزه سارن يتمشن على البحر..والا الشباب كانو يالسين رباعه..وديمه ومهره يلعبن مع اليهال...
وشوي الا وتقول مهره لوديمه : قوي نسير أندش شوي في البحر

.وديمه : ما نقدر تعرفين ابويه قايل لا تدخلون البحر وعندكم اليهال,,لانهم بيشوفنا وبسون شراتنا.
.مهره:حراام..اوكي خلينا نتمشى..شفتي يلست الشباب بنتعداهم...وذيج
الساعه بنكون ابعد عن العيال وندش شوي البحر,
,وديمه:جان الا جذي اوكي وانا موافقه..وسارن بعيد ..دشن البحر ويخلن الماي يوصل لين ركبهن..طبعا الماي يوم يرد مره ثانيه ويضرب على ريولهن ما يخليهن متوزانات وانت واقف في البحر تضربك دوخه ويدور راسك..ويلسن يلعبن ويسولفن
أما الشباب كانو داقينه سوالف ومحمد ياه اتصال من ربيعه ونش عنهم وسار يرمسه وهو يتمشى على البحر..مهره الله يسلمكم فيها فقر دم..ومن النوع اللي بسرعه يغمى عليه..وهي يالسه تلعب في البحر..ضربتها دوخه من البحر وما تحملت الا شوي وتطيح..وتصرخ وديمه ..من خاطرها..وانتبه محمد وخطف يربع وقام وقف مهره وسحبها بعيد عن البحر...وقال حق وديمه سيري ازقري حد ابسرعه يقربون السيارة واهني حط راس مهره على ريوله ومب عارف شو يسوي
مهره:..مهروه..مهره..الا ودقايق وانتبهت مهره ويوم فجت عيونها الا تلاقي عمره بين يدين محمد..وتسكر عيونها وترد تفتحهن تبا تشوف هي وين هي في علم ولا حلم..ويوم تأكدت انها هي في حضن محمد خوزت راسها عن محمد واهني يت امه وابوها والكل يربع
الام:فديتج شو ياج يا بويه
..مهره: والله جي بس ضربتيه دوره
الام : شو اسوي بج كل ما اقولج كلي..مابا شبعانه..مهره ذيج الساعه ما تعرف شو يقولون..أنا كنت في حضن محمد..ليش وكيف...ومحمد يطالعها ويوم يت عينه في عينها,,سلامات الشيخه ما تشوفين شر.
.مهره: تبا اترد عليه بس ما قدرت..ونش محمد ياب السياره وركبت مهره السياره هي وأمها وطبعا رد الكل البيت
في البيت

: مهره يالسه على الكرفايه وحاطه اغاني الا وشوي طلعت"لقيت روحي" واهني قامت ولوت على المخده بقوه وهي تتخيل الموقف اللي صار..دشت عليها وديمه..مهروه شو بلاج,
,,مهره...قوليلي شو صار اليوم..كيف محمد مسكني..كيف..
وديمه : ماشي يوم صرخت كان محمد يتمشى عدالنا,,ويوم سمعني أزاقر خطف يربع
..مهره:حلفي انه ربع..
.وديمه: وهي تبتسم..هيه ربع.

.مهروه:وبعدين.
.وديمه:ماشي اللي شفتيه.
.مهره: وديمه والله الموقف مب طايع يسير من بالي والله ..
.وديمه ::ليش..
مهره:من بطلت عيني شفت عمري بين يديه ياني احساس فظيع ما اعرف شو هو..احس اني ماقدر اشوفه الحين..وهي اتغمض عيونها,,أحس أنه جنه حد يالس على قلبي
وديمه:بسم الله عليج تراج كبرتي الموضوع.
.مهره:ساكته وسرحانه.
.مهره:وديمه انا ما شكرت محمد..
وديمه:ما يحتاي هذا ولد عمج ومن واجبه ان شاء تبينه يطالعج وانتي طايحه,,
مهره:يعني لو شافني جابر بيخطف يربع
وديمه:هي أكيد..
.مهره:ساكتــــــــــــــــــــــه

ويوم يت الساعه 12 نزلت وديمه ومهره تحت ويلسن خاري والجو كان خلاب ..

وشوي الا يوصل محمد...
محمد :السلام عليكم
مهره ووديمه : وعليكم السلام والرحمه
محمد :شحــــــــــــــــــــــالج مهره أنشاء الله الحين أحسن
مهره:الحمد الله أنا بخير يعلك الخير
وقام ويلس ...وناول وديمه سندويشه ....وهو يناول مهره
مهره:والله يا الشيخ مابا
محمد: أقولج خذي
مهره : والله ما أشتهي ..
محمد : لا تأكلين وعقب طيحي عنبوغاديه ميته
مهره : والله مالي خاطر
محمد:انا اليوم شاري هالعيشه عشانج ...أتردينـــــــــــــــــــــــــــــي
مهره وتحس أنه قلبها بيطلع ...

مهره : مشكورالشيخ الله لا هانك
ويلس محمد يسولف ومهره تطالعه لاول مرة كانت تطالعه بها النظرة ويوم خلصوا سوالف ...
محمد : يالله قومن ندخل داخل
مهره وهي تطالعه ساكتة... وهني وقف وهو وديمة بس مهره كانت سرحانه ...
محمد وهو يغمز لوديمة ... ويقولها : اسكتي لا ترمسين
وديمة تأشرله أوكيييييي ....
محمد : مهروووووووووووه في منو سرحانه
مهره وهي تفز : روعتنيه والله مب سرحانه ....
خاطرها تقول فيك والله ....
محمد : يالله خلا اندش داخل
مهرة: لا بيلس شوي عايبني الجو والرذاذ .. عقب بدش وراكم
محمد:تراج بتمرضين
مهرة وهي مرتبكة ... لا شو بيمرضنيه
هني وديمة دشت داخل ..
محمد : ياللله بسير اسبح واذا ييت وحصلتج بعدج خاري يا ويلج
مهرة : والله وراك يالشيخ الحين بدش ..
محمد: وهويطالعها اوكي( محمدما كان شي في خاطره يعاملها عادي... بس لان مهرة شكلها بدت تحبه ... في خوتتحسس من كل شي يقوله ..
مهره وهي تفكر وتقوووول ( اذا حكم القدر اني احبـــــــــــــــــــــــــــــــــــــــــــــــ
ــــك انا مالي على الاقدار حيله ... تولع قلـــــبي العاشق بقلبك ... وقلب الحي في الدنيا دليله ...غلاك الي سكن عند ربك .... مشاعر جارفة ... كالسيل سيله ... )
يلست مهرة شوي وعقب دشت داخل وراحت ترقد..................

الصبح:
نشن البنات وتلبسن..وكانت وديمه ومهاري مطقمات..لابسات كندوره سوده وعليها خوص رصاصي نزلن تحت...وسلمن على الاهل وكان الكل ناش
محمد كان يقرا الجريده..وكانت يالسه عداله عزه..
عزه: محمد تعال انحل الكلمات المتقاطعه ..محمد:يالله...ومهره يالسه اطالعهم وقلبها نار..رفع محمد راسه وشاف مهره..وقال يا عيني على الاسود جنان..
مهره: اطالعه بهذيج النظره اللي تذبح واللي كلها غيره..ولفت ويها
محمد:مهروه ارمسج..
مهره وهي ما تعرف ش ياها..شو
محمد:شو فيج
مهره:ماشي كمل لعب مع عزه..اهني رفعت عزه راسها..انتبهت مهره على رمستها..وقالت :لا والله ما فيني شي بس كمل العب مع عزه..تراها بتسبقك
محمد:سكت عنها ولا رد عليها,,نشت مهره وركبت فوق وديمه كانت في المطبخ ويوم يت...وين مهاري
ذياب:مهره ركبت فوق ...قامت وديمه وركبت فوق وتزاقر..مهروه..مهروه
ومهره كانت عند البلكونه,,,
وديمه:مهره شو تسوين
مهره: لان مب من عوايدها اتخبي شي عن وديمه..
مهره: وديمه ماعرف ش ياني يوم نزلت تحت وشفت عزه عند محمد بغيت أموت
وديمه: انتي شو قاعده تقولين انتي فاهمه شو ترمسين
مهره:والله العظيم هذا اللي صار ماعرف شو فيني..أخاف أحبه
وديمه:بسم الله عليج ش صار بج انتي تعرفين شو قاعده تقولين
مهره:وهي تتنهد..والله أحبه ماعرف كيف هالاحساس ومتى ياني..في يوم وليله ماعرف أنا ما اريد أحب محمد والله ما اريد...محمد حد يسكن قلبه يا وديمه وما بغيت اتعذب وهو ما يقدر ينسى ميثه
وديمه: يا مهاري يا حبيبتي..صدقيني انتي تتوهمين..مهره:ما ظنيت يا ودوم
وديمه:استهدي بالله يا مهروه..ويوم قلبج دق خلاص عيل الدورياينا
مهروه:آآآآه يا وديمه يا ليته بس يدق الا محمد عرف كيف يدخل في قلبي..عاد الحين مالي ويه عنده...قالي..قال يا مهره بييج اليوم اللي بتصيحين فيه وأقوله أنا مستحيل...آآآه ليتج يا ميثه ما سكنتي قلبه عشان أكون أول من سكن قلبه واول من عرف نبضه واول شخص له يشتاق..
وديمه: الحين بربع أخبر محمد
مهره:والله يا ويلج وديمه دخيلج لا تسوينها فيني..أنا وجيه ومب قادره أجابله وين اذا عرف..خلي حبه في قلبي محد يعرف به وخاصه هو يا وديمه
وديمه: الله الله على الحب متى بيغزي الحب قلبج يا ودوم.

..واهني نزلن البنات تحت ومهره نازله من الدري رفع محمد راسه وطالعها وقالها:خلاص شبعتي صياح
مهره:وهي اطالعه :...صياح...منو قالك اني صحت
محمد:قلبي
مهره:وهي مب قادره ترفع عيونها وردت عليه وشو قالك قلبك
محمد:طالعها وقالها سيري ييبيلي ماي
مهره:ان شاء الله وسارت تييب الماي
محمد:مشكوره......مهره: العفو

[كريزي]

الجزء الخامس

كل ما يمر يوم كل ما يزيد حب مهره لمحمد ..ومحمد يحاول ينسى ميثه
الساعه12 فليل وديمه ومهره خاري يترين محمد
وديمه:مهروه يبوج انا بسير ارقد وانتي اتريي محمد
مهروه:ليش حرام عليج
وديمه:والله تعبت
مهره:برايج عيل انا بتريا محمد
وديمه: انتي اللي بيترياه قلبــــــــــــج
مهره وهي تضحك:فديت قلبي...وسارت وديمه ترقد ويلست مهره تتريا وشوي والا تغني...تغني باحساس وماشالله على صوتها جنان..
محمد: دخل من الباب اللي ورا وكان يعرف ان هن يترينه..محمد يوم سمعها اتغني...تقطع قلبه لان هالاغنيه كانت ميثه تحبها
محمد:احم احم
مهره وترفع أطلع محمد :بسم الله خوفتنيه من وين ظهرت
محمد:ييت من الباب اللي ورا عشان باجر اخليهم يغسلون سيارتيه
مهره:اها
محمد:عيل وين وديمه
مهروه:والله سارت ترقد....
محمد:غريبه
مهره:اونها تعبانه
كان الجو روعه رذاذ...وهدوء..ليل وقمر..
مهره:محمد شي فيك
محمد:وهو يتنهد لا والله...
مهره:جذاب
محمد:وليش اجذب لو شي فيني بقولج
مهره:صدق محمد لو شي فيك بتقولي..
محمد:ليش يهمج تعرفين اللي فيني
مهره وهي اطالعها بكل براءه:يهمني
محمد:ليش يهمج
مهره: لانك ولد عميه ولانـــــــــــــك .
محمد:ولاني شو..
مهره :لانك...لانك...لانك محمد...
محمد مثل اللي وده يرمس مع حد ويطلع اللي في خاطره
تعرفين مهروه :عمري ما توقعت ايي هاليوم..عمري ما كنت اتخيل يمر يوم وما اسمع صوتها..ماعرف هي وين والا شو حياتها..مرتاحه ولا ولا..اتعرفين اني متوله عليها...آآه خاطري اصرخ وازقر باسمها..واقولها بعدني أحبج>مهره كانت تتنافض ومب قادره تسمعه..في خاطرها تقول بس الله يخليك لا تكمل..بس ماسكه عمرها لان هذي اول مره محمد يشاكيها..محمد كان يرمس ويرمس ويوم حط عينه في عين مهره لقى مهره عيونها دم
محمد:مهره شو فيج
مهره:وهي تعظ شفايفها ومسكره عيونها وتقول ماشي..أسمعك والله..
محمد:مهره
مهره...مهره وهي اتحط ايدها على عيونها والله ما فيه شي بس تأثرت باللي تقوله..
محمد:لو ادري كلامي بيأثر فيج جان ما رمست..
مهره:افا يا محمد كم تسوى عندي يوم انك تشاكيني كمل يا محمد..اسمعك
محمد:وهو يطالعها: وهي اطالعه..والسكوت يعم...مهره:محمد كمل
محمد:تعرفين احيانا تتراولي افكار شيطانيه واقول يوم بتطلق ميثه باخذها واحيانا اقول بعد ميثه ماظنيه احب...واهنيه مهره اتنهدت من الخاطر..شافها محمد وقالها..ومرات اقول..أخاف اتزوج واظلم الانسانه اللي باخذها لانه ماله ذنب اذا انا ما عطيتها شي...واحيانا اقول مثل ما حبيت ميثه بحب غيرها لان الحب مب بايدينا الحب ما يشاور حد
آآآآه يا ترى وينها اللي بتسكن قلبي..وتنسيني ميثه وبتنسيني كل شي
مهره وعيونها كلها دموع...خاطرها تقوله..أنا عندك يا محمد لا اطالع بعيد..لو تبى عيوني يفدنك والله
مهره: خلاص لازم تحاول تنساها لان ميثه عند ريلها وحياتها الخاصه لازم انت تعيش حياتك)
محمد:تراني شوفة عينج ..اعيش
مهره:لو حبتك وحده وعطتك دنياها كلها..بتحبها..
محمد: لو قلبي نبضلها وشافها تستاهل وعطتني الدنيا كلها والله لعطيها عمري كله..
مهره:كله
محمد وهو يبتسم :كله
مهره بصوت واطي :الحمدلله
محمد:مب جنه اليوم تأخرنا
مهره: هيه الساعه 2 ونص
محمد:يالله عيل خلينا انروح نرقد ..باجر ورانا مشاوير وطلعات
مهره:يالله
ونشت مهره وقام محمد ودش حجرته
وسارت مهره فوق وصلت ودعت ربها ان الله يجمعها معاه ويجمعهم على الخير

اليوم كانت الرحله غير..نشرو الاهل من الساعه11 وسارو على اليبل..طبعا الكل كان يساعد وسوو غداهم فوق اليبل,,محمد وجابر يورون الضو..والبنات اللي اتقطع البصل واللي تقطع السلطه والحريم يغسلن العيش..ويقصن اللحم...والا خوله سارت تبى تييب اختها مريم سايره بعيد..واهني خوله تتزحلق في الزلق..واشتل الكل من الضحك..وتخطف مهره تربع تبا توقفه..وكل ما تبا توقفه من كثر ما تضحك ما تقدر..ومحمد والكل يضحك..ونش محمد يبا يوقف خوله ومهره تضحك...
محمد:يعلج تضحكين بلا ضروس
مهره:هههههههه,,يعلك يا محمد تتخرطف وتطيح
محمد: وهو يوقف خوله واهني محمد يروع مهره اونه بيعقها
مهره:وترد على ورا يا حقير
محمد:من زمان..ومهره تبتسم وهي تمشي
محمد: يغمزلها حقيره
مهره:من زمان
وسارت مهره عند وديمه..ويلست مهره تغني بصوت واطي
جابر: ما تسمعون حد يالس ويدندن..
محمد:ومنو غيرها..رباب
وتمو يضحكون قوم ذياب وسعيد وسالم
ذياب:رباب..نبى أغنيه ..........................؟؟؟
مهره:منو رباب
محمد:وهو يضحك
مهره:حست ان محمد هو اللي مسمنه رباب
مهره:يعلك تضحك بلا ضروس

محمد:ههههه حقيره
وعقب شوي يلسو واتغدو وبعد الغدا شغلوا ميحد .ويلسو الشباب يرزفون واستانسو وعقب بعد الرزف والوناسه.أشتلو البنات والاولاد وسارو يجازفون فوق اليبل..محمد وجابر رابطين سفرهم على ظهورهم على شكل X
عشان اذا تعبن البنات يتمسكن فيهم .
مهره وديمه عزه وخوله..محمد وجابر وذياب وسالم وسعيد..راحو
وديمه تعبت لانه قوم جابر ومحمد متعمدين يتعبون البنات.
.واهني وديمه بتموت: خلاص ماقدر
جابر:ههههههه خلاص محمد افتكينا من حشرة وحده
وديمه:وهي تقوم بكل قوه..غياظ فيك بكمل..جابر ومحمد:هههههه
ومشن شوي واهني وديمه مسكت سفرة جابر من ورا وجابر يمشي وهي متمسكه
جابر: حو انتي تعبتينيه ...
وديمه: بسنا خلونا نرد والله تعبت
جابر: لا حول يهالبنت
مهره:هيه والله تعبنا
جابر:عليج بمحمد أنا ظهريه تكسر..
محمد:لالالالا مابا حد يمسكنيه
مهره:امره عاد بمسك أنا
محمد طالعها وأبتسم
..وكملو مشي
محمد:وهو ياي صوب مهره..وقف جدامها وعطاها ظهره,,,يالله تمسكي
مهره:وهي اطالعه وتحس عمرها في حلم
كانت اطالع محمد ونست الكل,,,كانت اتشوف الدنيا كبيره,,كانت ودها اتقوله أحبك..والله أحبك كانت تتمنى لو هالدقيقه أتوقف وهي عدال محمد
وديمه وهي تقطع لحظه الصمت : هي مهره تعالي ومسكيني..والا انا بنت البطه السوده..
محمد:تراج ماسكه بجابر صدق انج طماعه..
مهره:ذيج الساعه لحد يرمسها..
محمد:مهره بتمسكيني ولا شو
مهره:وهي تتنافض
محمد:مهره
مهره من دون احساس..عيون مهره
محمد:تغير شكله 180 درجه..حس مثل اللي حد ضربه في قلبه..عم السكوت بينهم وكل واحد يناظر ربيعه ..طبعا العربان كملو سيرهم واهنيه سعيد يزقر :حووو..يالله ابسرعه الضباب يزيد..واهني انتبه محمد
محمد:بتمسكين فيني والا لا
مهره:وهي تهز راسها..لا
محمد:أحسن ريحتينيه
مهره:ساكته ولحقو الاهل ووصلو وكانت الساعه 4
أبو محمد:عيل خلونا نغير الدرب ونسير قبر سيدنا أيوب..في نفس الوقت هذا ..سارت وديمه بعيد هي واختها مريم..كانت ادور على نعول مريم...طبعا كل واحد ركب سيارته
محمد:عيل وين وديمه
الام:اكيد عند عمها ركبت عند مهروه (اهني كل واحد على باله ان وديمه ركبت بالسياره الثانيه)

يوم يت وديمه ومريوم ما حصلو حد,,,بغت تموت وديمه
شو تسوي..وهي في نص اليبل يعني محد ايي هالمكان في هالوقت..شو بتسوي لا تلفون ولا شي

مريوم:وديمه وين راحو
وديمه:وهي تلوي على اختها :بيردون علينا
مريوم:وهي تصيح روحو
وديمه:لا تصيحين(وديمه كانت لا بسه لابس وردي ولونه يشع ) وعلى الجهه الثانيه من اليبل كانو قوم سيف وربعه يالسين وكانو يلعبون ورقه ..سيف يسمع صياح ويقول لربيعه
خليفه ما تسمع صوت..
خليفه:لا والله
سيف:مادري اسمع صوت ياهل ..ويوم رفع راسه انتبه على اللون لانه فاقع
سيف:خليفه ما تشوف شي
خليفه:هيه ونش خليفه وسيف يبون يعرفون شو هذا
وديمه:كانت واقفه ..يوم قرب سيف وشاف انها وحده..قال لخليفه: رد اذا شافتنا انا وانت بتتروع
خليفه:شو رايك انت ترد وانا بسير لها
سيف:تراك متفيج يا خليفه
قرب سيف ..يوم انتبهت وديمه ان حد ياي بغت تموت ماعرفت شو تسوي
سيف:السلام عليكم
وديمه وهي ترتقل :وعليكم السلام
سيف:شي صاير أشوفكم أرواحكم
مريوم وهي تصيح:روحو عنا..
سيف وهو يطالع وقلبه يقوله ..هي نفسها اللي لقيتها في الشيشه

وديمه: ماشي يا الشيخ بس الاهل روحوا عنا ونسونا
سيف:معقوله
وديمه:شوفة عينك
(من الصوت عرفها سيف وهي نفس الشي)
يوم عرفت انه سيف ليش ارتاحت ما تعرف حست عمرها في أمان
سيف:اندوج التلفون ودقي حق حد من هلج
وديمه:وهي تاخذ التلفون..مشكور واتصلت وديمه لمحمد
ألو..
محمد:وديمه من وين داقه
وديمه:انا في اليبل حضرتكم روحتو ونسيتونا
محمد:صدق ترمسين
وديمه:هيه والله
محمد:عيل خلاص الحين بييكم لا تتحركن من مكانكن
وديمه:اوكي
سكرت وديمه التلفون وناولته سيف مشكور
سيف:مب انتي اللي لقيتج بالاستراحه
وديمه وهي تأخذ نفس : هيه نعم
سيف:شو هالصدف

سكتت وديمه..وحس سيف انه احرجها
سيف:اوكي يا الشيخه لا تتروعين أنا بيلس هناك وان احتجتي لشي أنا في الخدمه
وديمه:مشكور وما عليك قصور
مريوم:لا تروح
سيف وهو يوخي ويحبها ..بابا انا اهني بكون عدالكم ما بروح لين ما تروحون
وروح سيف ..وديمه في خاطرها شو هالصدف
سار سيف ويليس عند ربعه وهو راد عند ربعه وهو يفكر في الصدفه اللي جمعته معاها ...سبـــــــــحان الله ...
وبعد ربع ساعه وصل محمد..وراح سلم على قوم سيف وشكرهم
وركبت وديمه السياره ومريوم تصيح ما عليكم ما تستحون
ويلست وديمه اتخبر محمد شو كان احساسها يوم ما لقتهم
ومحمد يضحك..
وديمه:اضحك ش عليك..لو مهره بتموت لانك نسيتها,,,اهني محمد طالعها
وديمه شو قلتي
وديمه:ماشي
محمد:صدق انج خبله وردو البيت وربعت وديمه اتخبر مهروه كل اللي صار
مهره:شو هالصدفه
وديمه:ماعرف والله...تقولين الله يبى يجمعنا

مهره: الله لا يصيب قلبج بالحب آآآه الحب بلوى
وديمه:وهي ساكته ..حب مره وحده,,لا لا..وين بنجتمع بذمتج يا مهره...صدفه بس
مهره: أقول مزيون
وديمه:اممم تبين الصراحه ما شفته زين يحليلي ..بس يكفي معانيه والله لوهو محد ما كنت اعرف شو بسوي
مهره: الحمدلله يوم حصلج..والا ما بتعرفين كيف تتصرفين
وديمه:هيه والله...
وديمه : تعرفين مهره ما ادري ليش يوم شفته حسيت براحه ...
مهره : أونــــــــــــــه
وديمه : والله ما أجذب عليج ...ما تقولين شايفه واحد غريب
كنت عادي ..صح كنت متروعه وخايفه بس والله كنت مرتــــــاحه
مهره : يبوج النظر خــــــداع
وديمه وهي أتقولهـــــا من خاطرهــــا : عرفتــــــــــك والنظر خداع
مهره : هي والله النظر يسوي بلاوي أسال مجرب ولا تسأل طبيب
وديمه : معاناه عندج اخت مهره
مهره : آآآآآآآآآآآآآآآه لا تتخبرين
وديمه : اللي يسمعني وأنا أقول عرفته ونظر خداع ...بيقول هذه كانت تحبه وقص عليها ..
مهره : هي والله ...بس أتصدقين أن النظر فعلا يخدع ...مب شرط الخداع بمعناه لا ..أحيانا النظر يكون له دور في تقريب شخصين من بعض ...وهذا التقرب اللي يصير في يوةم وليله دون سابق أنذار نقدر أنقول عنه خــــــــدعه ..وأحيانا يكون فعلا النظر خـــــــــداع بكل ما تحمل هالكلمه من مسمى ..والله لا يبلينا بهالنظره يا رب ..
وديمه وهي تفكر في اللي يصيرلها من صدف : الله يسمع منج ..أنشاء الله ما نبتلي بالحب .وخداعه ..
وتمن يسولف لين ما أذن الفير وعقب سارن يرقدن

[تفوق الوصف]

تسلمييييييييييييييييين حبيبتي

بصراحه الجزء وايد حلوو

يالله لاتتأخرين علينا

تحياتي

[كريزي]

والا في بيت قوم محمد يوم كانت الساعه 11 فليل ..
كان محمد في حجرته منسدح على كرفايته ويطالع التلفزيون وحاط قناة الجزيره ..
محمد وهو يرمس عمره : يالله يالاخبار ما تغير .......واهني أدش عليه ودوم ...وكانت لابسه بجامه ورديه ولا فه الفوطه على راسها لانها متسبحه ..
محمد : هلا ودوووووووووووم ..
ودوم وهي تيلس عنده : شحــــــــالك ...
محمد : شو فيـــــــج أتقولينها من وراء خاطرج ...
ودوم : حرام عليك بس والله تعبانه ...
محمد : ليش شو فيج ؟؟
ودوم : هــــــــــا لا ماشي
محمد : أشتريتي كل اللي تبينه اليوم ...
ودوم : لا والله بعدنيه ...أن شاء الله باجر بسير كارفور وبتشرى ..
محمد وهو يبطل بوكه : أنودج البطاقه وأشتري كل الي في خاطرج ..
ودوم : لا والله ما أخذها عنبو لو أبا ما بستحي منك ...
محمد : تبني أوديكن باجر
وديمه : لااااا عادي بنسير مع هادف وأميه ...
محمد : على راحتكم
ودوم وهي تمسك الكتاب الي كان عدال محمد : شو هذا ..
محمد : هذه الله يسلمج رواية كريمه للدكتور مانع ...شو روعه يا ودوم ...اقريها ..
ودوم : والله متفيج يا محمد ..
محمد : أنزين قومي مني لا يضرج المكيف على راسج والا أقولج بسكره أمره ...ويقوم محمد وييب الريموت ويسكر المكيف ...
ودوم : محــــــــــــــــمد ...
محمد وهو يطالعها ويقولها بعيونه : شو ..
ودوم : أخبـــــــــــــارك ؟؟؟
محمد يتنهد من خاطره : أخباري تمـــــــــــام أخباري زينه يا ودوم ...وهو يحط راسه على الكرسي ويغمض عيونه وياخذ نفس ..
لا تمين أتحاتينيه ...أبا أقولج شي وأباج أتحطينه في بـــــالج يا ودوم ...أن الانسان لازم ما يوقف عند أول محطه تنهدم فيها أماله ...ما يوقف يا ودوم وهو يأشرلها بصبعه لاااااا...ما يوقف يا ودوم ...أذا أنا الحين بوقف وبيأس لانه ميثه صدمتني صدقيني ما بقدر أعيش ...الانسان لازم يكون عنده أمل ...وعرفي أنه كل الي صار قضاء وقدر ...وكل شي مكتوب أنه يصير ...وأنا راضي والله بهالقسمه ...وديمه كانت أطالعه وتشوف في عيونه الامل اللي يستمده من قلبه ...
محمد : وديمه اللي أباج تعرفينـــــــــه أنه محمد من اليوم بيتغير ..خلاص لازم أبدا حياتي اليديده كان المفروض أبداها من أول ما عرست ميثه بس لان الوفاء اللي فيني ساكنني ما قدرت أتنفس الا هواها ...
ودوم وهي تغمض عيونها : الله عليــــــــــــــــك يا محمد ...
محمد : انا مب أول واحد في هالدينا حب ونخان ..ياما ناس حبوا ووفوا وفي النهايه كان مصيرهم ألعن من مصيري ....وديمه الي ما تعرفينه عن محمد أن اللي يخون عشرتي ويخون أيامي أحرم عليه دقايق عمري ..تعرفين شو يعني دقايق عمري ...ميثه منها ومن نفسها داقه أتقولي أنساني ...والله والله لنساها ....هي قدرت تنساني وتنسى محمد وأنا ؟؟؟؟وهو يأشر على قلبه ......بجتل حبــــــــــــــــــــــــــها (محمد كان يقولها بكل قوة الدنيا بكل جبروت الدنيا )
ووديمه اطالعه .....
محمد : أنا أنسان أيماني بالله قوي ...ولا بخلي ميثه ولاغيرها تهدم كياني ...
أنا اوفي للوفي ..شوفي يا وديمه الله خلق كل شي في هالدنيا لحكمه وكل شي يصير في هالدنيا له حكمه ..حتى في تشريعاته أحكــــــــــام ...ربـــــــــج يكون للتصرف اللي ياني من ميثه خيــــــــره ..صح والا غلط ....
وديمه : ســــــــــــــاكته مستغربه من محمد من كلامــــــــــــه من قوة أرادته وأن ما يأس ولا فكر أنه ييأس ...
محمد ويقرب من وديمه ويبتسم : أدري أنج مستغربــــــــــــــه ..لان اللي يشوف حبي وأخلاصي وجنوني للميثه ..ويشوف صدق حبي لها ..يقول ما بيقدر ينساها ...لكن محمد ما يعيش على ذكرى ناس رخصته في يوم وليله ...لاااااااااا يا ودوم مب أنا اللي أعيش على ذكرى وحده قالتي ما كنت أحبــــــــك كانت فتره مراهقه لا غير ...لااااااااايا ودوم ...
وديمه وهي تتنهد : والله فرحتنيه يا محمد ..كلامك يخلي الواحد يعيش علىأمل وما ييأس من أي شي ..
محمد : أيــــــــــــأس مستــــــــحيل ...وهو يهز راسه مستـــــــــــــــحيل ...بالعكس أول كان همي أكبر أني أباها تكون عندي وأنا ما أقدر أوصلـــــــها لكن اليوم ماأباها ولا أبا أوصلها ...
الله يهنيها في دنياها ويوفقها يا رب ..
وديمه : وهي تحبه على راسه : يالله يارب أن الله يرزقني بريل شراتك يا محمد والله اللي بتاخذك يا هناها ...
محمد :أحم حم أحم أحم .....
وديمه : جي أباك يا محمد قوي وتواجه كل شي بكلمه وحده كل شي مكتوب وكل شي مقدر
محمد : لا تحاتيني ....ويغمزلها : أخــــــوج ذيب
وديمه وهي تضحك : ذيب والا ياعده المهم أن هالشي ما يأثر عليك
محمد : ســـــــــاكت ..
وديمه : يالله عيل يا محمد تصبح على خير ورايه نشره باشر بتوعيني عيوزي من الصبح ..
محمد : سيري رقدي ..
وديمه : يالله عيل بــــــــــاي ...
محمد : باي ..
وينش محمد ويسكر الباب ..وسار وصلى وتم يقرا قرءان ...ويوم خلص سار يبى يرقد ..او شي سواه..مسك تلفونه ..وسار صوب مسجات ميثه ..ويلس يمسحن كلهن وعقب مسح رقمها وهو يسمح رقمها ....: خلاص يا ميــــــــــــــــثه لنساج ولجتل حبج في قلبي ...آآآآآآآآآآآآآآآآآآآآآه ليتني ما حبيت ..

يامحمد بعده ربك الباقي

.......................هو مــــلاذك وهـــو لك طــــريق

يامحمد وان زادت العواقي

.....................أذكر الله ولاتشب في قلبك حريق

أدري يامحمد الغدر ما ينطاقي

................لكن باقي حكم الايام أصبر يا الرفيق

[كريزي]

تكملة الجزء ....

والا وديمه أول ما طلعت عنه سارت حجرتـــــها ويلست على البلكونـــــه وطالع بعيد ...
يالله ناس تحب وناس تخون وناس تنكر العشره يالله نحن في أي عالم نعيش ...معقوله العشره تهون معقوله .....وهي أطالع يبل حفيت لان بيتهم في فلي هزاع ..
كل شي في هالدينا معقول ويمكن يصير من يقول أنا وديمه أضيف واحد وأرمسه لا والمشكله أني حبيته (أهني ترد ودوم تدخل داخل حجرتها وتبطل اللابتوب وتشغل النت ...وقعدت تتريــــا وتمت تقرا قصه ومندمجه معاها ...الا وشوي يدش سفـــــــاح الامارات .....
وديمه وهي تصرخ من الفرحه فــــــــــــــــــــــــديت من دش ....
وديمه وهي تكتب لسيف : ويـــــــــــــــــــــنك ....حبيبي وينــــــــــــك عسى بس أنك بخير..
سيف : والله تعبان أشوي ..
وديمه : ليش شو بلاك قولي ارمس طمني ....
سيف : والله من الشغل تعرفين دوام وتعب وخاصه هاليومين مكروف من الخاطر..
وديمه : يوم الا شغل برايه على بالي شي فيك ..
سيف : وديمه ممكن طلب ...
وديمه : عيوني لك يا سيف ..
سيف : أبا أسمع صوتج ...
وديمه وهي تبطل عيونها : شو تقول ؟؟؟
سيف : أبا أسمع صوتج ؟؟؟
وديمه : ما أقدر ..
سيف : ليش خايفه أسجل صوتج..
وديمه : لا السالفه مب شي بس ما أقدر ..
سيف : اوكي عيل أنا بترخص الحين لاني بطلع ..
وديمه : لاااااااااا سيف أنا ولهانه عليك حرام عليك من يومين ما دشيت ..
سيف : أنا الانسان اللي ما يأمن فيني وما يثق فيني ما أقدر أستمر معاه ..
وديمه : ليش أنا شو قلت .؟؟؟
سيف : وديمه خلاص أنا بطلع ..
وديمه وهي في لحظه ضعف : خلاص عطني رقمك بتصل ..
سيف : صدق والله ..
وديمه : خلاص أتعودت أني ما أردلك طلب ..
سيف : اطمني يا وديمه راح يكون أول أتصال وأخر أتصال ..
وديمه وهي تحس أنه هالشي غلط لازم ما يصير : أوكي ....
وتعطي وديمه الرقم لسيف وقالتله أتصل بعد 5 دقايق ...
سيف : أوكــــــــي ..
وديمه وهي وتمشي في الحجره وعلى أعصابها وتحس أنه اليوم مماتها ..وديمه في قرارت نفسها لا يا وديمه حــــــــــــــــــرام لا تسوين جي أنت أكبر من اللي يصير لااااااااااااااا هذا عقلها يقول جي ..ولا قلبها ينبض يدق أبسرعه الله يعلم ليش كان يدش وله ...خوف ,,,ألف شي يدور في خاطرها ..وديمه وهي تمشي وماسكه التلفون يا ويلي شو أقول آآآآآآآآآآآآآآآآه ...
وشوي الا والاتصال يوصل ..
طووووووووط طووووووووووووووط وديمه وهي اطالع الرقم وتغمض عيونها ..
وديمه وهي ترد بصوت مب مسموع : ألــــــــــو
سيف وهو مرتكب : وديمـــــــــــــه
وديمه : ويـــــاك ...
سيف : وديمه وهو يبى يرمس ..
وديمه : برد أدقلك ...
سيف : أوكي ..
وتسكر وديمه عنه : ما أقدر أرمسه ...وتسير وتشربلها ماي لانها تحس انه حرارة قلبها نشفت كل شي ...وتمت 5 دقايق ..وترد أدق ...
سيف : ألو (كان يقولها وهو مرتبك لان كان يتريا هاليوم من زمان وكان يحس انه حلم وما بيصير )
وديمه :ســــــــاكته مب قادره تتكلم والله يعلم ليـــــــــــش هل هو خوف مثل ماقالها سيف والا كانت ودها تسمع سيف وبس ....سيف تكلم بكل أندفاع ما كان يتكلم عن الحب ولا عن أي شي كان يتكلم كيف كان شعوره أول ما شافها ...والا ...وديمه وهي تقرب السماعه من أذنها بقد ما تقدر جنها كانت أول مره تسمع حد جنها كانت طول عمرها ما سمعت شي وهذه أول مره تسمع فيها....سيف وهو يتكلم يتكــــــــلم تقطع وديمه في رمسته ...لانها
يوم شافت سيف أنه بكل أحاسيس الدنيا يتكلم وبكل صدق نطق قلبها قبل لسانها : حبــــــــــــــيبي سيـــــف ..
سيف : ســــــخ مره وحده عم السكوت بينهم ...
وديمه وهي تحط أيدها على قلبها وفي خاطرها أتقول كيف نطقتها ....
سيف : رمسي يا ودوم ..
وتموا يسولفون عن مواضيع عاديه وعن لقاءهم الاول وكيف كان شعورهم وديمه كانت ترمس وجنها تعرفه من زمان ....كانت المكالمه ضحك وسوالف ..
سيف : يلعن شكلج أحبــــــــــج
وديمه وهي مستغربه من هالمسمى : سيف لا تم أتلاعن ..
سيف : يلعن شكلج ...
وديمه : لا تم تعلمني هالالفاظ ...وهي تضحك ...
سيف : ليش ما فيها شي ...ودوم أقصدلج ...
ودوم : يالله أسمعــــــــــك ...
سيف : وهو بادي يقصد ..تقطع ودوم في قصيده ..لحظه ,,لحظه ...
ودوم : أعزائي المستمعين أقدم لكم الفنان القدير عبد الله بالخير ...
سيف : حرام علــــيج ما لقيتي الا عبد الله بالخير
ودوم : ههههههههههههههههههههه يالله يا عبد الله ..
سيف : أحم أحم أحم أحم ...وتم سيف يقصدلها
وتموا يرمسون حوالي تقريبا ساعتين وعقب سكرت وديمه عن سيف ...
و همس القمر ..
في ليلة قمراء ..
في شتاءٍ منعش ..
يا لروعة همسات الأقمار ..
تلامس الوجدان ..
تبحر من خلال الروح ..
تسكن الفؤاد ..
تذوب في الأوردة ..
تسبح في الشرايين ..


و همس القمر ..
إلى السحر ..
سرحت في همساته ..
تجاوزت حدود اللامعقول ..
ميتافيزيقيات مبعثرة ..
مكان خلف الأضواء البنفسجية ..
حيث الأفق ..
بل خلف خلف آخر الآفاق ..
هناك التقينا ..
أنا و قمري الرائع ..
التقينا لقاء الروح للروح ..
تداخلت أرواحنا ..
و صمتنا ..


لغة الصمت بسطت سيطرتها ..
و كلمات مخنوقة ..
تريد إخراجها بصعوبة ..
قمري ما الذي حل بك ..
لحظات .. ثوانٍ صامته ..
و بعدها لغة الدموع المخنوقة ..
آهٍ يا ليلتي ما أجملك ..
ليلة رائعة ..
و عاد السكون ..
و لحظات أخرى ..
و من ثم ..
همس القمر ..
دغدغت أذني همساته ..
حتى همسته شامخة ..
كشموخه ..
آهٍ من ألمٍ اعتراني ..
سكن قلبي ..
فقمري الجميل ..
يبكي الهوى ..
و على الهجر نوى ..
ليس طائعاً مختاراً ..
و لكن ..
على الحب ما قوى ..


قمرٌ يبكي ..
لا أقوى دُموع القمر ..
رُحماك يا رب ..
ما بال قمري يبكي الغرام ..
في جنح الظلام ..
في هواي هام ..
آهٍ يا قمري الحنون ..
كم أعشقك ..
حيرني صمتك ..
و أحرقتني آهاتك ..
تلك التي كنت تطلقها ..


و ودعت القمر ..
بعد السمر ..
ودعته و الألم يعتصر قلبي ..
ودعته و أنا أعلم ..
بأن أول لقاء ..
هو آخر لقاء ..
و لا مجال للفرح ..
لا مجال ..
همست لي يا قمر ..
و همست لك ..
فهل تدوم همساتنا ..
أم تبكي أنت الألم ..
و يدوم في قلبي القهر ؟

[تفوق الوصف]

الله تجنن القصه

غبيه وديمه انا لو مكانها مااكلمه

لووول اندمجت

انتظر الباقي

تحياتي

[يمك دروبي]

لازلت هاهنا اتابع

[شيخة الكعبان]

رووووووووووووعه

قصه عشت كامل احداثها وحسيت اني وحده منهم

والله روووووووعه

نتريا البقيه لتطولين علينا

[كريزي]

اشكركم والله عالمرووركم الحللللللللللللوووووووووووو

[كريزي]

وديمه وهي تسكر عنه كانت في عالم ثاني لا عقلها معاها ولا قلبها ...حاولت تتذكر شي من المكالمه ما قدرت ..اللهم تتذكر يوم كان يلعنها ...وهي تبتسم ...وديمه وهي تبى ترقد :
مـــــــــا أصدق معقوله أنا كلمت سيف كيـــــــف ؟؟؟ وديمه وهي تحاول تتجاهل ضميرها اللي يناديها : ليش يا وديمه ..وديمه وهي سارحه لبعيد ....أحبك يا سيف ...كيف قدرت تملك قلبي في يوم وليله ...عسى بس ما تصدمني عسى أعيش كل أيامي معاك بحب ووفاء ...
والا وسيف أول ما سكر عنها .: ما جذبت يوم قلت أن هالانسانه قلبها طيب وأبيض ...
والله ملاك يا وديمه وما تستاهلين الا كل خير ...يكفي أنها عشان ما أزعل داست على قلبها ورمستني ...ليتج يا وديمه تيني وتنسيني كل آهاتي وأحزاني ....سيف الله يسلمكم كان يحب وحده حب الجنون وعاش معاها أروع قصص الحب ولكن للاسف عرست من دون ما تقوله كانت تفرغ مشاعرها في سيف لانها كانت تحب خطيبها وما كانت تقدر توصل لخطيبها عشان جي كانت تفرغ كل المشاعر لسيف ..وفي النهايه عرف أنها عرست بس لين يومه هذا يعتبرها
أوفى الناس لانه كان يعرف أنها مب من نصيبه ...وعرف بطريقته الخاصه أنها كانت تحب خطيبها وهو محطه لتفريغ العواطف الا أنه ما يصدق فيها ..آآآآآآآآآآآآه يا وديمه ليتج تكونين معاي 24 ساعه وتغيرين نمط حياتي كله ....الله يحفظج يا رب ...
الساعه 7 الا ربع في دبــــــــي وبالتحديد في الحمريه ...في بيت قوم سيف ...
سيف توه طالع كاشخ الفرحه ماليه عيونــــــــــه ...
سيف وهو يرمس الخدامه : سيري يبي الريوق ....
الخدامه وهي مستغربه وتمشي وتقول : أوو هذا أول مره سيف في أريد أكل
سيف وهو يضحك : لا حول هالخدامه وجي قالت لو شافتينه العيوز شو بتقول ...
ويلس سيف يرتب أوراقه والمستندات وأغراض الشغل ...
وعقب يلس يتريق ...وتتباده عليه أمه :
أم سيف : وايه فديت من يتريق عسى أنك دوم يا وليدي أشوفك تأكل ..
سيف وهو ناش يحبها على رأسها : يبوج القلب مرتــــــــــاح ..
أم سيف : وهي تيلس تبى تغمسله السمن : القلب مرتــــــاح والا حاط عينك على وحده ...
سيف وهو يضحك من الخاطر : هههههههههههه شدراج ؟؟
أم سيف : عنبو أول مره تيلس تتريق ...عساها يالله يارب دوم أتزن على راسك عشان تتريق ..
سيف : يا ويلي يا أمايه محد في خاطريه الا اليوع ضاربني اليوم ..
أم سيف : كل يبويه عليك بالعافيه ...
ويلس سيف يتريق وهو يذكر المكالمه وقلبه مرتاح لانه يحس أنه وديمه راح تعوضه عن كل شي ..ويوم خلص من الريوق سلم على أمه ..
سيف : يالله أمايه شي في خاطرج ..
أم سيف : شو تباني أسويلك من الغداء ..
سيف : والله يا أميه يمكن اليوم ما أي على الغداء ..
أم سيف : بتخليني روحيه أتغداء ..
سيف وهو يرد يحب أمه على راسها : عيل والله لو عليه مؤتمر لخليه وأي أتغداء عندج أنا من يسواج عندي ...
أم سيف : يعلني ما خلا منك ...قولي شو تبى أسويلك ..
سيف : أمممممم سويلي مجبوس سمج ..
أم سيف : أن شاء الله ...
سيف وهو يمشي صوب سيارته ويشوف أن الزراعه أنترست ماي وهو متردد يمسك الفوز ومني يذكر أنه عليه أجتماع ...ويخاف يخيس ماي ...
سيف وهو يزاقر : سناي تعالي شلي الفوز مني ...
سناي : أوكي بابا ...
سيف وهو يركب سيارته ويشغلها لين ما تحر يلس يعدل عقاله وكفخ بذيج النظاره وطرق وسار شغله(سيف طويل عريض ملتحي بلحيه خفيفه ..لون بشرتنه حنطاويه نظرته حاده ...عنده هيبه تخلي الكل يحترم وجوده ...) ...أول ما دش الشركه ...ودخل داخل ...الكل وقف من مسؤولين ومن اللي يشتغلون ...: صباح الخير أستاذ ...
سيف وهو يبتسم : صباح النور والفل والنرجس ...
تم كل واحد يطالع ربيعه : غريبه شي في الاستاذ سيف ..
سيف وهو ساير صوب المكتب : السلام عليكم بو مــــــايد ...
بو مايد : وعليكم السلام والرحمه ...
سيف كان يمشي وكل ما يمر على مكتب حد سلم عليه ...
ويوم وصل مكتبه ..حط شنطة الاوراق ويلس يشوف الاوراق اللي على المكتب ..وهني أدش عليه مها ...(السكرتيره الخاصه بسيف )
مها : صباح الخير أستاذ سيف ..
سيف : صباح النور ..
مها : أستاذ هالاوارق مخلصه بس باقلها توقيع منك ...
سيف :خلاص خليهن بشوفهن أن شاء الله ....بس خذي هالاوارق وطرشيهن على الفاكس حق شركة ..............
مها : أن شاء الله ...ومها وهي طالعه ..أو أستاذ في أتصال جاني اليوم اكثر من مره من العميد بو محمد ويوقلك أنه يباك ضروري ..
سيف : خلاص أول ما يتصل حولي المكالمه عليه ...
حولت مها المكالمه على سيف ...والعميد كان يبى من سيف أنه يلقى كلمه للطلاب اللي ملتحقين في كلية الطيران لان سيف خريج كلية الطيران ..وعنده عدة شهادات أمتياز في هالمجال ...
سيف : بس فالك طيب يا الشيخ ما طلبت بس ما قلتلي متى ان شاء الله ...
وحدد العميد مع سيف اليوم وكل شي ...سيف أنسان يحب يخدم وطنه بكل ما فيه ..سيف أنسان ما يحب يرفض طلب حق حد ...وماشاء الله عليه أنسان جريء وعنده القدره أنه يخلي لانسان يأخذ بكلامه ويقتنع فيه ...

في بيت قوم محمد :
أبومحمد يخطف على حجر عياله واحد واحد ...
أبو محمد : ودوووووووم يالله نشي ...
ودوم : ما تسمعه ..
أبو محمد : ودووووووم ..
وديمه : ها بويه ...
أبو محمد : يالله نشي عنبو شو مرقدنكن لين الحين ..
وديمه : خلونا نرقد ما بقى شي عن الكراف خلونا نرتاح ..
ابو محمد : يالله أقولج ماشي رقاد ...
وتنش وديمه وتلبست ويت تيلس في الصاله ...الا وشوي يتبادى عليهم جابر ..
جابر : السلام عليكم .
وديمه : وعليكم السلام والرحمه ...هلا والله من لفانا ..
جابر : لالالالالالالالالالالا ما أصدق ودوم تهلي فيني ...
وديمه وهي تبتسم : ها لا أتصدق عمرك ...
جابر : أنزين كملي معروفج ...
وديمه : شحالك سيف ...
جابر : سيــــــــــــف
وديمه : أو سوري شحالك جابر ..
جابر : من زمان أقولج أنج عيوز ومخرفه بس ما تصدقيني ..
وديمه : خل عنك خريطك وعطني تلفونك ..
جابر : يبوج ما عندي مسجات ..
وديمه : هي أكيد الحبايب مطرشين لك مسجات وما تبانا أنشوفهن ..
جابر : عشانج والله ...عشان ما حرق قلبج ..
وديمه: أنــــــــــــــا ...أحرق قلبي عليك ...ليش أن شاء الله ..
جابر طالعها بنظره وناولها التلفون : بعطيج أياها بس عشان تتأكدين أني لا أغازل ولا عندي هالسوالف ...
وديمه وهي تمسك التلفون : صدقتــــــــــك ...
جابر : فكني من حشرتج وصبيليه قهوه ..
صبتله ودوم القهوه ..ويلست أطرش مسجات من تلفونه لتلفونها ...
جابر : غربلج الله خسرتيني بسج ...
وديمه : هههههههههههههه يالله باقلي بس هذا ....
وأهني ينزل محمد من فوق ..وهويالس يعقم كندورته ...
وسلم على جابر ...ويلس معاهم وعقب ترخص لانه متأخر عن الدوام ...
جابر : محمد لا تنسى ترى اليوم بنسير بيت عميه سلطان أنسلم على عميه ..
محمد : أن شاء الله بخلص من الدوام وبييكم ..
جابر : يالله عيل حتى انا بترخص ...
وسار جابر بيتهم والا محمد سار الدوام
..وهو في المكتب يالس يطالع في القضيه المحوله عليه ...الا وشوي تدخل عليه وحده ..ودق الباب ..محمد أول ما رفع عينه وشافها فز قلبـــه تم أمبهت ...تغير شكله 180 درجه ..يحس أنه قلبه يبى يطلع منه
فاطمه : السلام عليكم ...
محمد وهو يغمض عيونه : وعليكم السلام والرحمه ..
فاطمه : المستشار محمد ...
محمد : هي نعم أختي معاج المستشار محمد ...
فاطمه وهي أدش المكتب : أممم أسمحلي أخوي بس هم حولوني عندك ..
محمد حس أنه فاطمه حست بالارتباك الي ياه أول ما شافها ..
محمد : لا أفا أختي نحن في الخدمه ..تفضلي يلسي وقولي اللي عندج ...
يلست فاطمه أتقوله القضيه الي عندها اول ما بدأت فاطمه تتكلم نزل محمد عيونه وهو يسمعها وحط أيده على قلبه يحس أنه دقات قلبه الكل يسمعها ..ويلس يطمنها أن قضيتها بسيطه وأنه الحق معاها ولا تم خايفه ....طلعت فاطمه من المكتب ...ويلس محمد وهو ماسك القلم ويضربه بقوه على المكتب ..وسرحان وفكره بعيد ...

في بيت سلطان (أبو ذياب ) :

كانت مهره يالسه مع حصه ..(حصه الله يسلمكم بنت خالة مهره كبر قوم مهره يعني عمرها 20 سنه ..بنت جمالها هادي وهي بعد بطبعها هاديه ..أحلى ما فيها غمازاتها وشعرها الناعم وعودها ...حصه ما عنده اخوان غير بنت وحده أسمها دانه عمرها 5 سنوات ...أبوها يشتغل في السفاره وكل يوم مسافر ..وأمها من النوع اللي ما يهتم فيهم وحصه هي اللي مهتمه في أختها ومربتنها ...)
حصه يايه عند قوم مهره تسلم عليهم لانهم من يوا من صلاله مايت عندهم ولا سلمت عليهم .
مهره وهي في الميلس ويالسه أتحط الفواله لانه قوم عمها أحمد بيون يسلمون على عمها عبد الله ..
وصل جابر وعيال خالته حميد ومانع ..وكلهم يايين في سياره و وحده ...
ودخلوا الميلس على مهره وهي ولا منتبها كانت يالسه تعدل الفواله ..
جابر : هووووود
مهره وهي تلف وأطالع : هـــــــدا
وتغشت عنهم ...وقربتبهم وعقب سارت تزقر أمها ...
جابر : انا بسير أقرب السياره صوب المطبخ التحضيري لاني أبا أنزل السامان ..أم محمد محملتني مواعين ...
حميد : سير يبوك أنت الا مشغلينك الا ييب وهات
جابر : شسوي يبوك
وسار جابر وقرب سيارته من الصوب الثاني ويلس ينزل المواعين ..ويوم خلص دخل البيت من المطبخ ..وهو ساير صوب قوم حميد في الميلس انتبه على وحده كانت أتصلي في غرفة الطعام ..
جابر وهو يحاول يعرف من هاي اللي أتصلي ..
جابر وهو يرمس عمره : منو هااااي معقوله تكون مهره ..جي توها كانت عندنا
لا حول شو أبا البنت ..أستغفر الله ..البنت أتصلي وأنا أطالع ...
مهره : حووووووو منو ترمس ..
جابر : أعوذ بالله روعتينيه ...أرمس عمري ..
مهره : والله أنك ينيت ..
جابر : مهروه منو الي تصلي داخل ..
مهره : أتصلي داخل ..سارت وتوايق : حــــــصه
جابر : حصه ....جي من هاي ..
مهره : هاي الله يسلمك بنت خالتيه ..
جابر : أشدراني في خوالج خوزي عنيه بسير أسلم على أمج ...
مهره : جـــابر أنت شي
جابر : حلفي أنتي بس ..أونه جابر أنت شي ..الله يعين عميه عليج
مهره : سير سلم وفكني من حشرتك ...
ودخلت مهره على حصه ...
مهره : جابر يتنشدنيه منو اللي اتصلي داخل ..
حصه : لا تقولين شافني وأنا أصلي
مهره : هي شافج ...ولا كيف بيسألني ..
حصه : يا فضيحتيه ..بوني أبا أسير فوق أيلس جان أسمع حسوسهم جان أي وأدش أهني ..
مهره : عادي الا جابر ..
حصه : وشو قلتيله يوم سألج ..
مهره : قلتله هذه حصه بنت خالتيه بس ما عرفج ...
حصه : احسن ...
سارت مهره أتراقب المكان وتأشر لحصه أنها تيي لان المكان فضى ومحد فيه ...وسارن فوق وعقب يتهم عزه أخت جابر ...وتمن يالسات رباعه يسولفن ...وتغدت عندهم حصه وعقب ترخصت عنهم وردت البيت ..والا قوم عمها احمد يلسوا لين المغرب وعقب روحوا

[كريزي]

في بيت قوم محمد ....الساعه 10 فليل ...
محمد يالس في حجرته ويالس يقرا الروايه وهو على الكرسي وحاط أيده فوق راسه ويالس يقرا ومندمج ....
وديمه وهي أدق الباب : محمــــــــــد
محمد : دخلي ودوم ...
وديمه : السلام عليكم ...
محمد : وعليكم السلام والرحمه ..
وديمه : أشعنه ما ترد على جابر من الصبح يتصل فيك ..
محمد وهو يدور تلفونه : أووووو والله ناسنه في السياره ...
وديمه وهي تيلس عداله : بعدك تقرا في هالروايه ...
محمد : يالله يهالروايه ...كلمة روعه أشوي عليها ..
وديمه : عن شو تتكلم ..
محمد : تتكلم الله يسلمج عن شباب سوو حادث ودعموا سياره ..وكان في السياره بنتين وأبوهم ..توفى الابو ....فكانت وحده من البنات أسمها كريمه ...كانت تبى تنتقم من اللي داعمنهم لانه جتل أبوهم وقامت وأشتغلت عندهم ...كانت أدس السم في الاكل ....يعني كريمه ما رضت بالقضاء والقدر ...كانت تفكر في الانتقام ....يعني جي القصه بس والله أبدع فيها الكاتب ...
وديمه : شوقتنيه والله أبى أقراها ...
محمد : يوم بخلص منها بعطيج أياها ...
وديمه : تعال ما قلتليه ليش ما سرت العزيمه اليوم ...
محمد يرفع عينه في وديمه ويطالعها ....ويطالعها وعقب نزل عيونه وغمضهن وهو يتنهد : ما قدرت أسير ...
وديمه وهي مستغربه من تصرف محمد : ليـــــــش ما طعت اتسير ؟؟؟؟
محمد : ســـــاكت
وديمه : محمــــــــــــــــــــــد ...
محمد وهو يطالعها ......يطالعها ...يطالعها ...
وديمه : محمد لا تذبحني ارمس شو فيـــــــــــــك ...
محمد وبصوت واطي : تعرفين ...........
وديمه : شو .....ارمس لا تم تنقط عليه أرمس ...
محمد وهو ييلعب أبشعره ....ساكت ...
وديمه : ســـــــــــــاكته ....
محمد : تعرفين يتني اليوم وحده في المكتب ..
وديمه وتحس نار في قلبها لان محمد يرمس كلمه ويسكت عشر ...أعصابها منحرقه بس ما حبت تقطع في رمسته عشان ياخذ حريته في الكلام ...
محمد : آآآآآآآآآآآآآآآآه يا ودوم أول ما دشت فز قلبي من مكانه ..تميت امبهت فيها أتقولين مينون ...غمضت عيوني عشان ما أحرج البنت ...آآآآآآآآآآآآآآه
وديمه : ســــــــــــــــاكته ..
محمد وهو ينزل راسه ويحط أيده بين عيونه : ما عرف شو ياني أول ما شفتها ...قتلها رمسي وقولي اللي عندج ...يوم تمت ترمس كنت أحس قلبي يبى يطلع والله تميت حاط أيديه الا عليه بس خوفي من أنه يفضحني ....
وديمه وهي مستغربه ومتعيبه من محمد وفي خاطرها معقوله محمد يفز قلبها بهالسهوله وبهالسرعه ...
محمد : ويوم روحت والله ما رمت أشل عمري من الكرسي ....زين أنه المزروعي مب مداوم والا جان أنفضحت ...
وديمه ساكته ومبهته ...
محمد والموقف يدور في خاطره ويذكر كل شي ...: اللهم صبرج يا روح
وديمه وتعدل يلستها وكلام محمد في خاطرها ...
محمد يطالع وديمه ويعرف انها مب فاهمه شي : طلتها يا ودوم طلت ميثــــــــــــــــه ...ذكرتني بميثه أول ما يتني المكتب ....دخلتها عليه المكتب وطلتها ............ميثه ....والله ما قدرت أنزل عيني .....لا ونفس القضيه الا يتني ميثه عشانها ...عشان جي يوم كانت تتكلم ما قدرت أسمعها ...ذكرتني بميثه كيف تعرفت عليها ..أذكر انها يتني المكتب مع خالتها وعندها قضيه يايه تستفسر فيها ...هي القضيه بسطيه بس لان ميثه ما كان عندها حد يساعدها ...والمحاكم يبالها رياييل وقمت وساعدتها ...ومن ذالك اليوم من يتني المكتب وأنا وهي على تواصل على القضيه لين ما زادت العلاقه ....
وديمه وفي قرارة نفسها :لااااااااااااااااااااا ليش ؟؟؟؟
محمد : ودوم لا تتحرين الموقف اللي شفته اليوم وذكرني بميثه أني بحن وبضعف ..لا يا وديمة بس كل ما في السالفه أن الموقف ردني لورا وفتحلي أبواب جديمه ..عشان جي ..
والا أنا صدقيني عند كلامي ..ولا بيأس ولا بضعف ....أنا يا ودوم نادم على الحب ..وصحيح حبها قدر يملكني ويفوتني سنين من عمري على عمري ...بس الليالي كفيله أنها تنسيني وأن ما نستني لشل قلبي من قفصه ...لاني والله ما أبـــــــــاهــــــــا ...ولا برد حقها الا أذا الرب غير فكري وعقلي ..
وديمه وهي تبتسم : أن شاء الله ..
محمد : خلاص حبــــــــــــــــــها رميـــــته ورا ظهري ...
وديمه وهي ترفع يدينها وتدعى : يالله يا رب تعوض محمد وتنسيه ميثه وطوايفها ...
محمد : الله يسمع منــــــــــج أن شاء الله ...
وديمه : تبى الصراحه انا قلبي ما يعورني الا على حرمتك ...
محمد وهو يضحك من خاطره: حرمتيه وينها يا حسره وبعدين ليش قلبج يعورج عليها ..أولا ما بتزوج الا من وحده تحيي هالقلب مره ثانيه ...والله ذيج الساعه لجلعلها عيوني بس خليها تيني ...
وديمه وهي تخيل مهره جدامها : بتـــــــيك وبتنسيك بعد ...
محمد : أن شاء الله ...
وتموا يسولفون ...وعقب سارت وديمه حجرتها وكانت الساعه 1 فليل ...
فجت النت أول ما دشت ...يكتبلها سيف :
سيف : رغم أني تعبان ...ولا براقد من أمس ...لانه الرقاد ما يهنيني وأنا ما طمنت عليج ..
وديمه وهي تبتسم من خاطرها يوم قرت كلامها : أنا بخير بابا وما فيني شي ...
سيف : والله يا وديمه من سمعت صوتج أمس ما طاع اييني الرقاد من الفرحه ...حتى الوالده أتقولي غريبه أنه سيف متريق اليوم ..اكيد وحده ساكنه القلب وهي اللي قايلتلك أتريق ...أميه اللي هي اميه شافت الفرحه في عيوني ...
وديمه : عسى هالفرحه دوم في عيونك يا سيف ..
وقعدت وديمه اترمس سيف لحد الساعه 2 ونص عقب سارت ترقد ...
الضحى في بيت قوم مهره ....
مهره يالسه اترمس ربيعتها حمده
حمده : مهره خاطري أقولج شي ..بس أخاف تفهيني غلط ..
مهره : أفا عليج يا حمده رمسي والله ما بفهمج غلط ...
حمده : والله يا مهره ما عرفت حق منو أشكي ومحد يا في بالي غيرج ..
مهره : رمسي وأنا أختج والاخت تفهم أختها ...
حمده : ما عرف من وين أبدا بس اللي أعرفه أني ضفت واحد بالغلط عندي ...كنت أبا أضيف ربيعتي ..وغلط في الايميل وضفت واحد ...الوقت اللي ضفته فيه كنت وايد محتاجه لحد ...وهو كان سنديه كان يرفعلي معنوياتي وطلعني من عالم الضيق والهم اللي كنت فيه ..
مهره : انزين وبعدين ..
حمده : ماشي والله حبيتـــــــــــه ...
مهره : وهو ..
حمده : حتى هو يحبني ...
مهره وهي تقول في خاطرها : الله يأخذ هالعالم ..
مهره :أنزين من هو ..وشو أيميله ..خبريني أكثر
حمده : الله يسلمج أيميله سفـــــــاح الامارات.
مهره وهي تشهق : شووووووووو سفاح الامارات
حمده : شو ياج هي سفاح الامارات ..
مهره : شو أسمه ...
حمده : سيف
مهره : سيف شووووو رمسي ..
حمده : سيف المهيري ..
أهني مثل الصاعقه على قلب مهره : أنتي متأكده ..
حمده : شو فيج ...ليش أنتي تعرفينه ..
مهره : حشى عليه لا أعرفه ولا أبا أعرفه ..حمده برد أدقلج أوكي
حمده : شو ياج ....ليش عصبتي ..
مهره : حمده أنا مب معصبه من الموضوع ..لا والله بس برد أدقلـــــــج ...
وسكرت مهره عند حمده ...وعلى طول تتصل في وديمــــــــــــــه
أخوانـــــــــــي الــــــــكرام

أعلم بأنني لم أستتطع أقناعكم بالتغير اللي صار لمحمد وقوة عزيمته لكن هالشي اللي أنا كنت أسعاله ..يمكن الموقف اللي صدم محمد كان قوي ويمكن تندمر حياته كلها لكن ما حبيت هالشي يصير حبيت أنه أتكون عنده أراده وعزيمه ....ولاني يوم كتبت القصه من البدايه كان هذا هدفي وانصدمت يوم شفت أنه الكل متوقع الجانب السلبي ..عشان جي المفروض أني أقنعكم بكلام محمد وأتمنى أنه كلام محمد وعزيمته قدرت تخليكم تغيرون فكرة اليأس واحباط محمد

[كريزي]

تتصل مهره في وديمه ..
وديمه : ألو
مهره : وديمــــــــه
وديمه : هلا
مهره : أبـــــاج تين عندنا
وديمه : مهره شو فيج شي صار ..
مهره : وديمه أقولج تعالي عندنا بسرعه أبــــاج في موضوع
وديمه ونبرت صوتها كلها خوف : ليـــــش حد في شي ؟؟؟
مهره : الحمد الله محد فيه شي ..
وديمه : صوتج ما يطمن قوليلي لا تخليني على أعصابي ..
مهره : يوم بتين أنسة وديمه بقولج ..أوكي
وديمه يوم سمعت طريقة لهجت مهره بهالطريقه حست انه الموضوع كبير ..
وديمه : اوكي ..
وتسكر وديمه عن مهره وهي تفكر وألف شي يدور في خاطرها …شوفيها مهره ليش جي ترمسني من وراى خاطرها شو صار ؟؟؟؟؟ ونزلت وديمه تحت ولقت محمد ..
وديمه : محمد بتطلع مكان ..
محمد : الحين أبا أسير المول ليش شي تبين …
وديمه : أبـــــاك اتوصلنيه عند مهره …
محمد : انزين شو فيج
وديمه وهي تغمض عيونها : ماشي بس أبى أسير عند مهره
محمد قالها بخوف : ليش شي فيها مهره ..
وديمه وهي تبتسم وطالعه : مهره ما فيها شي بس أبا أروح عندها
محمد : يالله عيل خلا …
وديمه :أوووووووو ما قلت حق أميه ..
محمد : اميه في العرس الحين …عادي تراج سايره عنديه ما فيها شي ..
وديمه : على مسؤليتك ترى ..
محمد : على مسؤليتيه …
وصل محمد وديمه بيت عمه سلطان وقبل ما تنزل وديمه ..
محمد : ودوم سلمي على مهره وقوليلها .......
وديمه وهي تتيريا الكلمه : شو أقولـــــها ..
محمد : مـــــاشي بس قوليلها أممممم
وديمه : يالله حرقت أعصابي ..
محمد وهو يضحك على وديمه لانه يعرف أنه الفضول جاتلنها ..
وديمه : ياللــــــــه
محمد : والله ما شي بس أبا أحرق أعصابج ...
وديمه وهي أطالعه بذيج النظره : اللي يسمعك يا محمد ..
محمد : ربي يحفظج ..
وديمه : بـــــــاي ..
وتنزل وديمه ودشت داخل وسلمت على الكل ..
وديمه : عيل وين مهره ..
راشد : فوق
وديمه وهي تفكر : يا ترى شو تبى مهره ...ليش جي رمستني ؟؟؟
ويوم وصلت وديمه حجرت مهره وهي تبى أدق الباب : اللهم أجعله خير أن شاء الله ..
ودق وديمه الباب ..
مهره : منوووو
وديمه : فــــــــجي أنا ودوم
وتنش مهره على طول وتفج الباب ..وأول ما فجت الباب وشافت وديمه تنهدت من الخاطر ..
وديمه : شو فيـــــــــــــــــج حرام عليج ..
مهره : وهي تسلم لا تستعيلين على رزقج ...
ودشت وديمه وهي تتريا مهره تكلم ..
وديمه : يالله رمسي ..
مهره وهي تقفل الباب وعاطيه وديمه ظهرها : شو أقولــــــــــج ...
وديمه وهي تيلس : قولي اللي عندج ...
مهره وهي أطالع وديمه وتجتف يدينها : يوم قتلج أنه جداب ما صدقتينيه ..يوم قتلج لا تظمنين في حب النت بعد ما صدقتيني ..
وديمه وهي اطالعها : أنتي شو تقولين ؟؟؟؟؟ وعن شو ترمسين ...
مهره :عن شو أرمس ...أرمس عن حبيب القلب ....حبيب قلبج يا ودوم طلع جذاب ويرمس غيرج ...
وديمه وعيونها تمتلي دموع وطالع مهره : أنتي شو قاعده أتقولين ...؟؟؟ كيف تحكمين على الريال من دون ما تعرفينه ؟؟ ومن وين يبتي هالعلوم ...رمسي ريحيني ..
مهره : مب مهم من وين يبت الرمسه المهم أن سيف خراط ..جذاب ...الكلام اللي يقوله لج يقوله الالف وحده غيرج ...تسمعين ..؟؟؟
وديمه وهي تغمض عيونها وتحط أيدها على قلبها : وتهز راسها : لااااااااااااااااا ما أصدق ..
مهره وهي تنزل تحت عند ريول وديمه : لاااا صدقي خلاص يكفي يكفي يا وديمه بسج أحلام أرجوووووووج بسج احلام ...
وديمه وهي ترفع راسها وتمسك أيد مهره : قوليلي من وين يبتي الرمسه ومنو قالج الله يخليج ..
مهره وهي ترص على أيد وديمه وقلبها يعتصر ألم على شكل وديمه : وحده الله يسلمج دقتلي وقالتي أنها ضافت واحد وعقب حبته وحبها ويوم سألتها قالتي أسمه سيف المهيري وأيميله سفاح الامارات ..
وديمه وهي تبطل أيد مهره وتحط أيدها على ويها وتتشوف سيف جدامها : لاااااااا مستحيل أنتي تبيني أبعد عنه صح ...مهره لا تجذبين عليه الله يخليج لا تجذبين عليه
مهره : وغلاتج عندي والله ما أجذب ...
وديمه وتنزل عيونها تحت : ســـــــــــــــــاكته وقاعده تفكر معقوله سيف يجذب لا مستحيل ...لو كان جذاب جان ما حسيت بصدق مشاعره اللي أدش قلبي من دون أستأذا ن ..لا مستحيل لو كان جذا ب ما عطاني شي من وقته ....لااااااا مستحيل ...
مهره وهي أطالع وديمه : اليوم يا وديمه لا تصدقين حد ولا توثقين في حد الدنيا واللي فيهاغدراين ...الحمد الله أنج عرفتي سيف قبل لا تتعلقيبه أكثر ...خلاص يا وديمه خليه وردي وديمه القبليه وهي تسمك أيد وديمه أرجوووووج عيشي على واقعج لا تبنين أحلام أنتي مب قدها ...
وديمه والدموع تنهمر على خدها : ما أقدر أصدق ؟؟؟ مهره ما أصدق
مهره : لا يا وديمه صدقي ...وأكبر دليل ا محمد الكل كان يشهد بحب ميثه لمحمد وطالعي فجــــأه كل شي انهدم وراح ...وصدمت محمد بصدمه عمره ما تخيلها ..
وديمه وهي أطلع كل كلمه بصعوبه : هي قالتلج أنه يحبها ..
مهره وهي تهزراسها : هــــــــــــي
وديمه : ســـــــــــــــاكته ..
مهره : خلاص يا وديمه خليه ..
وديمه : لازم اواجهـــــه ..
مهره : شو بتقوليلها ؟؟؟؟ بتقوليله عرفت أنك جذاب عرفت أنك ما تحبني ...سمعيني يا وديمه صدقيني بينكر بينكر ...
وديمه : بواجهـــــــــــــــــه ....
ويت مهره ويلست عدال وديمه وقعدت أترمسها وتهديها ...لين ما ردت البيت ...
أول ما وصلت على طول فجت النت وقعدت تتريا سيف وغيرت النك نيم مالها

(مب مشكــــــــله يا صاحبي كذبك اليوم ...المشكله وشلون أصدقك بكــــــره )
الا وشوي يدش سيف :
سيف : مساء الخير
وديمه وهي تكتب والدموع صبابه : خاين ولا ادري ليش الخيانه ..
سيف يبطل عيونه : ليش خاين ؟؟؟؟ شو صار ...
وديمه : أنت تقص عليه ؟؟
سيف ويحس انار أتلهب في صدره : سمعيني زين لا تمين اتنقطين عليه رمسي مره وحده شو صار؟؟؟
وديمه : انت أتحب غيري ..أنت ترمس غيري ...
سيف وهو بيطلع عيونه وفي خاطره : هاي شو قاعده أتقول ...
سيف : سمعيني أرمس غيرج على المسن هي نعم أرمس ..لكن أحب سمحيلي جي شو قالولج ..وهن يعرفن هالشي أني لا أحبهن ولاشي ...وبعدين لا يروح فكرج بعيد وتقولين يرمس 10 هي 2 وحده تشتغل عندي في الشركه والثانيه هي ضايفتني وكنت والله أشوفها مثل أختي لانها فعلا كانت محتاجه لحد
وديمه : ليش ماتقولي أنه حد عندك على القائمه الشيخ سيف ...
سيف : لانه هالشي ما يهمني ولانج ما سألتيني ...
وديمه وهي تقرأ كلامه وتحس أنها بدى قلبها يرتـــــــــاح ...
وديمه : أرجوك لا تصدمني أرجـــــوك أنت في عيوني كبــــــير أنت الامل اللي أستمد منها كل شي ..
سيف : صدقيني ما بصدمج صدقيني أنا ما صدقت أحصل وحده شراتج تبيني أفرط فيج لا والله ...
وديمه : بس البنت اللي أترمسها أتقول أنك أتحبها ..
سيف وهي مستغرب : مشكلتها يا وديمه بس لو تبيني أحفظلج الكلام اللي بيني وبينها بحفظلج أياه لو تبيني أغير أيميلي والله لغيره بس لا تضايقين بعمرج ...
وديمه وهي تمسح دموعها : يلعن شكلك صيحتنيه اليوم ..
سيف أول ما قرأ هالكلمه تم يضحك من الخاطر : شو ياج وديمه أشوفج بديتي ترمسين شراتي ..
وديمه : شسوي وايد أتاثر فيك ...
سيف : ودووووووووم دقيلي ..
وديمه : جي هو هالحلاوه ..
سيف :بلـــــــــــيز
وديمه : متى
سيف : بعد ساعه ..
وديمه : أوكي ..
وبعد ساعه تتصل وديمه في سيف :
سيف : هلا والله ...
وديمه : وين أنت ؟؟
سيف : في السياره أحوط
وديمه: وقف السياره لاني ما برمسك وأنت تسوق ..
سيف : بابا عادي رمسي أنا متعود أرمس وأنا أسوق
وديمه : أسفه يالله باي يوم توقف برمسك ...
سيف : ودوووووم أمي أنا مب واحد متهور وأسرع أنا في الشوارع العامه زين أسوق 60 وكلهم يقولولي شوبيه ..
وديمه : لا تسرع فأن الموت أسرع ..
وقعدت وديمه أترمس سيف وتخبره كيف دقتلها مهره وشو كان أحساسها ذيج الساعه ...
وقعد سيف يفهمها أنه البنت كانت محتايه مساعده وساعدها ...
وديمه : أنزين قولي أنت الحين بضبط وين ..
سيف : في الشيشه والله ...
وديمه وهي تسمع سيف يرمس أنجليزي مع راعي الشيشه : الله عليك يا سيف ترمس أنجليزي ..
سيف : أحممم أحمممم أرمس أنجليزي وأيراني وهندي والحين أتعلم أيطالي
وديمه : يعيني والله ...
سيف : تبين عصير ؟؟؟
وديمه : مشكور ..

[كريزي]

وقعدت وديمه أترمسه وما طاع يسكر عنها لين ما تأكد أنه وديمه راضيه عليه ...

وسكرت وديمه عن سيف ....وعلى طول قامت وصلت أنه الله ما يبعدها عن سيف ولا يصدمها وبعد ما خلصت من الصلاه نزلت تحت تبى أتسير المطبخ لانها يوعانه من رمستها مهره من الضحى ما كلت شي ....
وديمه وهي توايق في الصاله ومتروعه تسير المطبخ ...أطالع يمين وشمال ويوم حست بأمان توكلت على الله ومشت ....
ومحمد يالس يطالعها أول ما مشت أي محمد ويصرخ في ويها ...
وتفز وديمه وتصرخ ذيج الصرخه اللي شلت البيت ..ويقوم محمد يحط يدينه في ثمها ..
محمد : أص البيت كله راقد خسج الله بتوعينهم ..وتقوم وديمه وتعظ يديه ....
ويخوز محمد يديه ..وهو ميت من الضحك ..
محمد : شو منزلنج تحت الحين ..
ودوم : ما يخـــــــــصك خوز عنيه ..
محمد وهو يضحك : ههههههههههههههه يحليلج روعنـــــاها ...
وديمه : مردوده يا محمد ...وهي سايره صوب المطبخ ..
محمد :يوعـــــــــانه ؟؟؟
وديمه : تمشي ولا جنه تسمعه
محمد : توني شاري من الملاح ...
وديمه وهي توقف من سيرها وتلف أطالعه : صدق محمد ؟؟
محمد : ههههههههههههههه صح من قال اليوع كافر ...
وديمه وهي تي صوبه : محمد والله ميته من اليوع ....
محمد : أنزين سيري المطبخ أنا مب يايب الا حق عمريه ..
وديمه : يبوك محد يبى عيشتك بس تعال معايه متروعه أسير روحيه المطبخ ...الليت أمبند ..
محمد : يالله بستر ..متروعه أتسيرين المطبخ ..
وديمه : هي ..
محمد : يالله وهو يحط أيديه على جتفها ..ويلست وديمه أتسوي حق عمرها سندويشه جبن والا هو يالس يسولف عليها ...
محمد : سويلي أنا بعد ..
وديمه : جي واللي شارنه من الملاح ..
محمد : أي ملاح أي سفينه الله يخليج الا أجذ ب عليج ...شهيتيني والله ...
وديمه : ما طلبت والله ...
ويلس محمد يسوي جاهي وهي تضحك عليه ...ما خلا شي ما حطه داخل (زعتر ...ينزبيل ...نعناع ...كل شي جدامه حطه )

وعقب ساروا الصاله ويلسوا ياكلون ويسولفون ...
محمد : ودوووووم سلمتي على مهره . ..
وديمه وهي تأشرله بأيدها : لحظه يالسه أكل ...
محمد : أنزين لا تغصين ...
وديمه : لااااااااا ما سلمت عليها ..
محمد : هي شوفيها ليش ماتي عندنا ....
وديمه : ترى عميه عبد الله كان عندهم والفتره اللي قبل كانت حصه بنت خالته تي وتقيل عندهم عشان جذي ...
محمد : ســــــــــــاكت ...
وديمه : ليش تسأل ..
محمد : يسلام حرام أسأل ...
وديمه : محمد أبا أقولك شي بس ما أقدر ...
محمد : والله تقولين ...
وديمه وهي تنش من مكانها : يوم بتفيج بقولك ورايه باجر جامعه ..
محمد : باجر عليج دوام ..
وديمه : هي والله
محمد : عنلاتج شوفي كم الساعه الحين .؟؟؟
وديمه : عادي الحين بسير أرقد ...
محمد : أنزين قوليلي الموضوع وعقب سيري ..
وديمه : خلها في قلبك عشان تحرقك ....أبرد عن خاطريه ..والله أنك طلعت روحيه يوم روعتينه ..
محمد وهو يضحك : شو يعيني بتقوليلي ؟؟؟ عادي ما يهمني ...
وديمه وهي اطالعه : مع عليه يا محمد أن ماياك اليوم اللي بتقول فيه ليش ما خبرتينيه يا ودوم ...
محمد وهو يعقد حياته : ســــــــاكت
وديمه : تصبح على خير ...
محمد : وانتي من هله ...
سارت وديمه حجرتها ...وقعد محمد يفكر في كلامها شو تقصد وديمه والله خلت الفضول ينبش قلبي ....وطلع محد فوق وسار حجرته ...وهو يالس يحط البوك على التسريحه ..ينتبه على البرواز ...اللي من عند ميثـــــــه ..قام ومسكه وقعد يطالعه ويتأمل فيه : يا خساة هالوفاء ضيعتني العاطفه ....وحط البرواز وسار يتوضا وتم يقرا قراءن لحد صلاة الفير وسار المسيد وصلى ورد البيت ...وقبل ما يرقد وهو على كرفايته : عمري ما كنت اتخيل أنه بيمر عليه يوم ما بتين في بالي ...بس هاليوم يى يا ميثه ..محمد يعيش أيامه بلاج وهو بخير وبكل قوته ...أنا مابا منج شي بس ليش سويتي فيني جي ..ليش نزلتي قدرج عندي ..ليش ؟؟؟؟
عقد محمد يرمس عمره لين ما غفت عينـــــــه ...ورقد

[كريزي]

الصبـــــح الساعه 7 الا عشر ..
نزلت خوله من فوق وسلمت على امها وأبوها ...
خوله : أمـــيه وين ودوم لا يكون محد وعاها ..
أم محمد : لا وعييتها ..
الا وشوي تنزل وديمه ...
وديمه :السلام عليكم ..
الجميع : وعليكم السلام ...
وديمه :وين الخدامه أباها تكويلي الشيله ..
خوله : ودوم والله أنج متفجيه جان عطيتيها من امس ..
وديمه : بونه والله ما بتأخذ الا عشر دقايق ..
خوله : الحين من بيودينا ؟؟؟
وديمه : نحن بنسير مع أبويه يوم بودي مريوم الانها ما بطيع أدش الروضه الا وحد معاها ..
خوله : وقوم هادف ..
وديمه : ينشرون مع الدريول ..
خوله : يالله وديمه بسرعه مواعده ربايعيه الصبح قبل الكلاس ..
وديمه : أن شاء الله ...
وطلعن البنات الجامعه وكانت وديمه مواعده مهره أنها تترياها عند الرسبشن ...
وقبل ما وصلن الجامعه ..
خوله : ودووووووم والله أحس قلبي يبى يطلع من مكانه ..
وديمه : عشان أول يوم يعني ..
خوله : هي ...
وديمه : انتي قلبج ..انا أحس مصاريني تتقطع ..
ويوم وصلن قعدن يترين مهره ..الا وشوي تتبادى عليهن وسلمهن عليها ...وسارت خوله بالباص مبنى الزد ...والا هن سارن مشي المبنى اليديد ...

وديمه وهي مب عارفه كيف تبدأ بالموضوع مع مهره ومتردده وعارفه انه مهره ماراح اتصدق الي بتقوله ...
وديمه : مــــــــهره ..
مهره : عونج ..
وديمه : رمست سيف في الموضوع ..
مهره : وشو قالج ..
وديمه : قالي أنها هي ضافتها وكانت تباه في شي وساعدها بس لا غير وحلفلي أنه لا يحبها ولا شي ...
مهره : مسكينه أنتي صدقتيـــــــــه
وديمه ترد عليها بكل قوه : هي صدقــــــــــته لانج بعدج ما عرفتي سيف ...
مهره : لا عيني خير لا أبا أعرفه ولا شي ...قالج كلمتين ورضيتي ...
أهني وديمه ما شافت من الغيظ : مهره الانسان الصادق ينعرف من كلامه من معاملته ..
ولو سيف جذاب جان قالي أصلا انه محد عنده على المسن ...ما يلس يقولي كل وحده ليش ضايفنه ...
مهره : المشكله لو قلت الي قلته ماراح اتصدقين فيه لانه مسولج غسيل مخ ..
وديمه : مهره صدقيني بعدج ما عرفتي سيف ....
مهره : ســـــاكته ..
وديمه : مهره لا تمين تعاملينيه جي
مهره : والله الا من زود ما احبج يا وديمه والا ليش احرق قلبي عليج ...
وديمه : فــــــــديتج والله .....أووووووو نسيت أقولج عرب من أمس مطرشيلج سلام ...
مهره : منو
وديمه وهي تعرف أنه مهره مستبعده محمد : مـــــــــحمد ..
وديمه أول ما قالت محمد وقفت مهره مكانها ..وديمه تمشي ...
وديمه :حوووووو شو موقفنج ..
مهره وهي أطالع وديمه : محمد مطرشلي سلام ...
وديمه : هي محمد مطرشلج سلام ....يالله خلينا نوصل بخبرج ونحن نمشي ...
مهره وهي تي صوب وديمه : شو قالج ؟؟؟؟
وديمه : ماشي أمس يوم يابنيه عندكم قالي سلمي على مهره ...
مهره وهي تقولها من خاطرها : يعــــــــلنيه أفداه ...
وديمه : لاااااا بزيدج من الشعر بيت وقبل ما يقولي سلمي على مهره ...يالسه أقوله أباك اتوديني عند مهره ....يقولي شي فيها ..
مهره وهي توقف جدام وديمه وتمسك أيدين ودوم وتحطهن على قلبها : تسمعين ..
وديمه : ياويلي جان ما يوقف قلبج عليه ,,
مهره : وينك يا محمد ما تسمع دقات قلبي اللي تنبضلك ليل ونهار ...
وديمه : عيل خلينيه مره وحده أخبرج بكل شي عشان أذا تبين أتموتين اتموتين مره وحده ..
مهره وهي واقفه جدام وديمه : قولي رمسي بسرعه ..
وديمه : أنزين خلينا نمشي شكلنا غلط جي ..
مهره : وديمه رمسي ..
وديمه : وأمس بعد فليل كنا سهرانين سألني عنج يقولي ليش ما تي مهره عندنا ..
مهره : ســـــــــــــــاكته وجنه قلبها من زمان ما نبض وشفقان على طاري محمد ...
ويوم سمع أسمه يرد ينبض جنه هو محرك دقاته ...
وديمه : مهروه ..
مهره وهي تمشي : ولهــــــانه عليه من زمان ما شفته ..
وديمه : تعالي عندنا أنزين ..
مهره : ســــــــــــــــاكته ....
وسارن المبنى اليديد ولاقن ربايعهن نوره وشواخ والكل وكانن حوالي 9 وكلهن مطقمات لبس واحد ...ويلسن يسولفن ...ويوم يت الساعه 10 الضحى يطرش سيف مسج ..

(صبــــــاح الخير يا أغلى من سكن قلبي ..وين انتي في الكلاس ومتى يخلص دوامج اليوم )

وديمه وهي تقراه: فديتك والله ..
وتقوم وطرشله : (صبـــــــاح النور يا أغلى من سكن روحي ..أنا عند ربيعاتيه والحين سايره الكلاس وبخلص دوامي الساعه 12 بس برد الساعه 3 ....)

يرد سيف يطرش : يالله جدامي على الكلاس ويوم تردين البيت دقيلي أتريــــــاج ...
ترد وديمه أطرش : أن شاء الله وهالله هالله في عمرك لا تم أطالع مني ومني ..
أول ما قراه سيف تم يضحك ....وهو يرمس عمره : يا ويلي عليج يا وديمه أخافج الا ما تثقين فيه الحين ...
ويوم طلعت وديمه من الجامعه تتصل فيه :
سيف يالس على المكتب روحه ...وأول ما أتصلت وديمه ..وهو يشوف الرقم : حيا الله من أتصل ..
وديمه : ألو مرحبا
سيف وهو يقلد وديمه : ألو مرحبا ..
وديمه وهي تضحك : لا تم تقلدنيه ..
سيف : والله ولهان عليج ...
وديمه : وانا أكثر ...وين أنت ..
سيف : والله بعدنيه في الشغل
وديمه : حرام لا تكون بعد اليوم ما بترد البيت ..
سيف : والله يالس أتريا أرواق توصلني عشان أوقعهن وعقب بسير البيت ..
وديمه : طبهن ورد البيت ..
سيف : لااااااا يا وديمه كله ولا الشغل لازم نكون مخلصين في شغلنا ..
وديمه : سيرلاااااااا عنبوها شغله جانها تجتلك ..من تصبح لين ما تمسي أنته فيها والله لو عطوني ملايين أشتغل فيها ما أشتغلت ..
سيف : لا يا وديمه نحن لازم نخدم الوطن وبلادنا أذا نحن الحين ما بنخدم بلادنا من بيخدمها ؟؟؟
وديمه : أنزين بس مب على حسابنا وعلى حساب عمارنا كل شي وله حقه بذمتك مب يوعان؟.؟؟
سيف وهو يحط راسه على الكرسي : الا يوعـــــــــان ميت من اليوع والله ...
وديمه : أنزين سير وتغدى ورد ..
سيف : لا ما عليه قوليلي أخبارج انتي ..
وديمه : انا الحمد الله أوكي ...
سيف : سمعيني ودوم هالكورس أبا أمتياز ؟؟؟
وديمه : شو ؟؟؟؟؟؟ أمتياز ؟؟؟
سيف : هي أمتياز ....دراستج أولى من كل شي وأباج تدرسين أول بأول ...
وديمه وهي تبتسم من خاطرها : أن شاء الله ..
سيف وهو يمسك القلم : يالله نقليني جدولج وكيف دوامج ومتىامتحاناتج وكل شي ؟؟
وديمه وهي تبطل عيونها : شو تباهن ...
سيف : ما يخصج يالله ..
وقعدت ودوم أتنقله الجدول ودوامها وكل شي وتمت ترمسه وتسليه لين ما وصلن الاوراق اللي يترياهن وعقب سكرت عنه ...

[كريزي]

تمر الايام عادي ...والروتين عادي في كل بيت

بيت قوم وديمه وبالتحديد في حجرتها وكانت معاها مهره الي ما طاحت بيتهم من أخر مره يتهم فيه ...
مهره : يالله ودوووووم فهمينيه ..
وديمه : والله ما أعرفه في ذمتج حد ياخذ هالمساق ..
مهره : عاد الحين خدته أبا حد يشرحلي المسائل ...
وديمه : أنتي ما خذتنه متطلب علمي والا أجباري في كليتكم .؟؟
مهره : متطلب علمي ...
وديمه : ييبي بشوفه كيف ؟؟؟
مهره : صدق أني مينونه والا حد ياخذ زراعة تجميليه ...
وديمه : يالله خليني أتفلسف عليج ..
مهره : لا يبوج معذره فلسفتج خليها حقج ما باها
وديمه : أمممممممم بقولج شي بس لا تعصبين مني ...
مهره وتشل الكتب من جدامها: قولي أسمعــــــــج
وديمه : اممممممممممم وهي متردده أتقولها ...
مهره : تبين أتقوليلي أنج اترمسين سيف ؟؟؟
فزت وديمه وطالعتها بنظره تسألها كيف عرفتي ...
مهره : أعرف يا وديمه لا تسأليني ...لاني متوقعه هالشي أصلا من أول ما رمستيه ...
وديمه: كنت أبا أقولج أول ما كلمته بس ما قدرت ..
مهره : كنت أترياج والله تين وتقوليلي .
وديمه : لا تزعلين منيه ..
مهره : أنا مب زعلانه لانج ما خبترينيه لا أنا زعلانه لانج وصلتي معاه لتلفون ..
وديمه : صدقيني سيف غير ولا تخافين ما بيضرني والله دايما أحمد ربي وأشكره أني طحت في يدينه ولا طحت في يدين واحد لعاب ..
مهره : أن شاء الله يكون سيف قد هالمكانه اللي أنتي حاطنه وما يصدمج لانه لو صدمتج ما عرف شو بيصيرلج ..على العموم الله يسعدج
وديمه وكل ما فيها يقولها : أمــــــــــــــــــــــين ...
مهره : أنزين قومي يبيلي ماي ..
وديمه : ما فيني أنزل تحت ...
مهره وهي تنش : أنتي ما تستحين منيه ...ضيفه أنا عندكم ...
وديمه : لا ضيفه ولا شي ....البيت بيتج ...
مهره : أدري ...
مهره وهي تنزل من الدري ودندن بصوت واطي ومنزله راسها ..الا تسمع صوت محمد ..
محمد وهو راكب على الدري وتوه يايه من خاري كان يلعب كوره مع رباعته ولابس لابس رياضه
محمد أول ما شاف مهره ما صدق أنها في بيتهم : مهــــــره
مهره وهي تنتبه وقفت وأول ما يت عينها في عين محمد غمضت عيونها ما قدرت تبطلهن ..
محمد وهو أي صوبها : وأخيـــــــــــــــــــرا
مهره تبطل عيونها وتحط أيديها على سور الدري ...تحس عمرها مب متوازنه ...
محمد وهي يقرب أكثر وما بقى بينه وبينها غير دريه وحده : شحــــــــــالج ...
مهره وهي تتنافض ومب قادره تتكلم كل شي يدور في بالها المـــــوقف ....كلامـــــــه ...
موقف ميثه معاه ...صدمته كـــــــــــل شي وغير هذا والشي الكبير شوق قلبها ...
محمد يطالعها ومتعيب وفي خاطره يقول : شوفيها مهره ...
محمد ويعلي نبرة صوته : مهــــــــــــــــــــــــــــــره
مهره : شحالك محمد ...
محمد : أخيــــــــــر نطقتي .....أنتي قوليلي شحالج ...
مهره وأحاسيسها تصرخ : أحبــــــــــــــــك يا محمد ...
مهره : بخير ربي يعافيك ...
محمد : غريبه عندنا توج أذكرتي أن عندج عيال عم ...
مهره وهي مب قادره تتكلم : حرام عليك والله من زمان خاطريه أييكم بس تعرف عميه ويعني ظروف ...
محمد : أخبار الدراسه ...
مهره : والله يايه عند ودوم أباها تشرحلي وطلعت ما تعرف فيه شي ...
محمد : شو مب فاهمه ...
مهره : أمممممم ماخذه الله يسلمك مساق زراعة تجميليه وفيه مسائل ما قدرت أفهمن ..
محمد : أنا مأخذ هالمساق بس بسير أسبح وبي أفهمج ....
مهره وهي تحط أيده على قلبها وأطالعها بنظره ....
محمد وهو يضحك عليها : شوفيـــــــــــــج متعيبه شاكه في قدراتي ...
مهره وهي تبى تتكلم ...بس محمد ما عطاها فرصه وخطف عدالها جتفه يلامس جتفها : بسبح وبييج ...
مهره تحس أنه روحها أنشلت تحس أنه الكون كله يسمع دقات قلبها تحس أنه هو هذا حياتها وأنه من دونه هي ولا شي ..مهره وهي اطالعه وهو يمشي : أحبــــــــــــــك حس فيني ...
ويوم دخل محمد حجرته ...على طول سارت عند وديمه ..
مهره : ودوووووووووووووووووووووووووووووم
وديمه : شو فيـــــــــــــــــج ؟؟؟
مهره وهي تيلس عدال وديمه على الكرفايه ..:بمووووووووووووووووووووت
وديمه : رمسي شو ياج ...
مهره وهي ماسكه أيدينها أثنتين وحاطتنهن على قلبها : يا ويلي ...
وديمه : أكيد شفتي محمد ...
مهره : ودوووووووووووم محمد الحين بيي يبى يدرسنيه ...
وديمه : يحيه فكني من حشرتج ..
مهره وهي تصرخ في ويه ودوم : مينونه أنتي أنا يوم شفته ما قدرت أوقف ...وين يوم بي عدالي لاااااااا بعد يدرسنيه ....بتطلع روحي ...
وديمه وهي تضحك : خبله أنتي شو بعد بتطلع روحج جي هذا مب غريب ..
مهره وهي تغمض عيونها : لانه مب غريب عشان جي لانه روحـــــــــي وهي تأشر على قلبها .. أنتي يا ودوم ما تتخيلين أشكثر هالانسان أحبــــــــــــــــه ...
وديمه : أتحبينه ويوم بتشوفينه بتطلع روحج ..
مهره وهي تحرك أيدينها وتحس عمرها مستحره : أنتي مينونه أنتي هبله أنتي ما فيج احساس وديمه : يا ويلي ينت البنت .... يبوج خلاص بسير أقوله مهره ماتباك أدرسه ..
مهره : لاالالالالاالالالالالاالا خليه أيي ..
وديمه وهي تضحك على مهره : محد عرفلج مره بمووووووووووووت ويوم قنالج ما بنيبه قلتي لاااااااااا شو تبين ...
مهره : أنتي ما يخصج ...
وديمه وهي أمبطله عيونها : ينت البنت ...
مهره وهي توقف على التسريحه وتشوف عمرها وتعدل جحالها وتعدل شكالها ..
وديمه ســـــاكته ويالسه أطالع مهره ...: الحين اللي يشوفج يقول ياين يخطبونها ..
مهره وهي أطالع وديمه من المنظره : أنتي غيرانه لانه وتأشر على قلبها (قلبي )
بي عندي الحين ..وأنتي قلبج في دبي ...
غمضت وديمه عيونها : الله يحفظه لي يا رب ...
ويت مهره ويلست عدالها ...
مهره وهي أطالع كتابها : يا ويلي كتابي كله أغاني ...
وديمه : ترى الدح الزياده يسوي جي ..
مهره : يا ويلي يا ودوم كتابي كله m شسوي ..
وديمه : صدق أنج خبله جي أنتي شو أسمج ..
مهره وهي طالع وديمه وتفكر ...
وديمه : يالله بستر البنت نست أسمها ..
مهره : مهــــــره ..
وديمه : خلاص عيل أسمج مهره ويبدا بحرف m يعني الحرف المكتوب حرفج مب حرفه
وهني يدق محمد الباب : السلام عليكم ...وكان لابس جلابيه رصاصيه ورافع شعره كله فوق ..
الجميع : وعليكم السلام ...
وي محمد ويلس من الصوب الثاني من الكرفايه ...
محمد وهو يمسك الكتاب : شو بالظبط مب فاهمتنه ..
مهره : هـــــــا خلاص فهمت كل شي أأأأأأأأأأأأأأأأأأ خلاص مشكور ...
محمد يطالعها ومستغرب ....والا وديمه نقعت من الضحك ....
محمد : مهره مسرع ما فهمتي ...
مهره وهي تبى ترمس بس مب قادره تحس أنه لسانها معقود : لا مب لازم عندي وقت بخليه ربعتيه تفهمنيه ...
وديمه : الله وأكبر يا الجذب توها تقولي محمد قالي بيشرحلي وفرحانه الانسه ..
مهره وتحس أنه جنه حد صفعها على ويها : أنــــــــــا
وفي خاطرها لااااااااايا ودوووووم لا تفضحينيه بمووووووووووت
محمد وهو يضحك : أنزين قولي شو مب فاهمه ...
مهره وهي تأخذ الكتاب من أيده : وتأشرله على المسأله ...
وقعد محمد يشرحلها ....
محمد : فهتمي ...
مهره : هي فهمت ..
وديمه : والله ما ظني فهمت ...
محمد : صدق مهره لا تستحين أذا ما قدرت أوصلج المعلومه قوليلي عادي والله بعيدها لج ..
مهره طالعت وديمه بنظره خلتها تلم حلجها : لا عادي محمد والله فهمت ...
محمد :الحمد الله ...ما تبين شي ثاني ....
وديمه وده تضحك من الخاطر بس ما سكه عمرها ...
مهره : مشكور الشيخ تعبتك معايه ..
محمد :أفــــــــا يا مهروه لا تقولين جي ..
وقعد محمد يسولف معاهن ...
محمد : ها مهره بتباتين عندنا ؟؟؟
مهره : لا والله بروح ..
محمد وهوينش يبى يطلع : جان تبيني أوصلج بوصلج ..
أهني مهره من دون ما تحس ردت عليه بقوه وحده في صوتها أذكرت الموقف يوم وصلها الي عمرها ما بتنساه ..هالموقف اللي ذبحها اللي صاحت عليه صياح من الخاطر ..هالموقف اللي هزها هز ....
مهره :لااااااااااااااا ماباك توصلنيه
محمد طالعها وغمض عيونه : على راحتج ...
وطلع محمد من الحجره ...
وديمه : شو يـــــــاج أنتي ....
مهره تحط أيدينها على ثمه : يا ويلي والله ما قصدت ...
وديمه :أنزين عنبو جي تردين عليه ...
مهره : والله ما قصدت بس طلعت مني من دون ما أقصد أذكرت يوم وصلني عشان جي ..
وديمه : يالله عادي محمد ما يزعل ...
مهره : والله ما أرد البيت الا وهو راضي عليه ..
وديمه : يعني شو تبين أتسوين ؟؟؟
مهره : مــــــا أعرف بس أبا أعتذرله ....
وديمه : يالله
مهره : أنزين وأذا سألني ليش ما تبيني أوصلج شو أقوله ؟؟؟
وديمه : أممممممممممممم هي قوليله أنا قتلك لاتوصلني لاني ببات ...
مهره : ترى سألني بتباتين قتله لااااااا
وديمه : أونج بعد ما سألج قررتي تباتين ..
مهره : يالله نشــــــــــــي المهم أنه يرضى ...
وديمه : أنتي تكبيرين دومج المواضيع ...يالله نشي فكيني من صدعتج ...
ونشت مهره ووديمه وسارن عند محمد ....وقبل ما يدقن الباب ..
مهره : لحـــــظه ...لحــــــــــظه ....
وديمه : وين عيل بترومين ترمسين ..
مهره : توكلت على الله ..
وديمه : جي سايره تحاريبن ...
مهره : يالله دقي الباب ...
ودقن الباب ...

[تفوق الوصف]

رووووووووعه القصه

يالله انا بانتظارج

لاتصيفين


تحياتي

[شيخة الكعبان]

رووووووووعه القصه

أبــي تكملـــــتها بســـرعه

نتريا كل جديد

[شيخة الكعبان]

؟؟؟؟؟؟؟؟؟؟؟؟؟؟؟؟؟؟


وين التكمله يادمووووووووع


بجد نبغى التكملة

[احساس قلب]

دموع الامارات



وين التكلممه

[الروز]

ونحن كذلك

في انتظارك


الروز

[كريزي]

سوووووووووووووووووووووري ع التاخييييييييييييييييييييير@@

[كريزي]

محمد عرف أنه مهره تلومت ويايه تتأسف ..
محمد : تفضل
ودش وديمه ومهره ...
مهره وهي تبى ترمس .....
محمد : لا تتكلمـــــــــين لاني صدق زعلت عليج
مهره وهي تبى ترمس ...بس محمد ما يعطيها مجــــال كل ما تبى ترمس قاطعها ...
محمد :لا ترمسين خلاص عنبو أبا أوصلج ونطرتيبي نطره ما يرزى عليج ...محمد كان يسولف بس يبى يغايظها....وديمه مستغربه من محمد وساكته والا مهره تأشرلها بأيدها عطني فرصه ...
مهره : والله ما كنت أقصد ...
محمد : على شو ما كنتي تقصدين بعدنيه أبا أوصلج جي سوين ...
مهره : أســـــــــفه ....
محمد وهو يبتسم ويطالعها : أذا تبيني أرضى باتي عندنــــــــــــا
على طول مهره أول ما قالها أذا تبيني أرضى باتي ردت عليه : ببــــــــــــــــات
وديمه : يحــــــافظ أول ما قالها باتي قالت ببات جي أمــــــــــج وين سارت ...
مهره أنحرق ويها وطالع وديمه وفي خاطرها والله لاراويج يا ودوم
وين بتسرين عنيه ...اليوم لو محمد ما يبى يشك بيشك ...
محمد وهو يبتسم : عــــــــــادي أنا برمس أمها لو تباني أرمس عميه برمسه
مهره مب مصدقه أنه هذا محمد وأن اللي يتكلم محمد ......
وديمه : يعيــــــــــــني ...
محمد وهو ينش : يالله عيل بسير أشتريلنا مسرحيه نسهر عليها اليوم ...
وديمه : لا تكون بتظهر بجلابيتك ؟؟؟
محمد : هي ليش فيها شي ؟؟؟
وديمه : والله ما تسير بجلابيتك سبحان الله أتشوفك وحده من ربايعيه شو بتقول ...شفت أخوج بجلابيه .وهن ما يسمنك غير الرحيم ...
أهني مهره تشب النار في قلبها وترد على وديمه بنبره حاده : وربايعج شو يخصهن في محمد ؟؟؟ وهي رافعه أيدها.....
محمد وهو يبتسم من الخاطر ومستغرب من ردت مهره اللي هزته من داخل بقوه : هي صح شو يبن ولد عمها ؟؟؟؟
وديمه أمبطله عيونها وأطالع مهره ..والا مهره من قالت هالكلمه تيبست أيدها وتمت الا أطالع وديمه وتقول في خاطرها يا ويلي شو قلت ...حتى ما قدرت ترفع عينها في محمد ...
محمد حس أنه مهره طلعت هالكلمه من دون ما تقصد ....وأنها مستحيه ترفع عينها فيه ..
محمد يغير الموضوع : ها مهره شو تبين أشتري أي مسرحيه ؟؟؟
وديمه : فلـــــــــــــم هندي ...
محمد : ماشي هنود ...
وديمه أدوس على ريول مهره عشان تقول تبى فلم هندي ....
مهره : اللي يعيبك يا الشيخ ...
محمد : يالله عيل بسير أشتري الفلم ..وأنتن سيرين جهزن الفيديو وقولوا لقوم هادف وخوله ما يرقدون عشان نتابع المسرحيه رباعه ...
وديمه وهي تتعطر من عطره : أن شاء الله ...
وسار محمد يشتري المسرحيه ...
وأول ما طلع محمد من حجرته حطت مهره راسها على اليدار وتصفع ويها : شو قلت أنا اليوم يا ويلي ...
وديمه : والله من زمان ما ضحكت كثر اليوم ..خبصتيها اليوم خبصه المستخبي طلع ..
مهره : لمي حلجج كله من تحت راسج ...أونه ربايعي يزقرنك الرحيم ...الرحيم في عينج وأنتي بأي حق أصلا تطرينه عندهن ..والا تطرين النسرات عنده ..
وديمه : والله أمممممممممم لانه أخويه ...أنتي ليش غيرانه ...؟؟؟؟ وديمه تبى تحرق قلب مهره ..
مهره : ما برد عليج أوكي ولكن والله لو سمعتج مره ثانيه تطرينهن عنده بجتلج ..
وديمه : شو بسوين يعني ..
مهره : بسير عند حمده بقولها والله عرفت بطرقي الخاصه أنه سيف يحبج وما عنده طاري غيرج ...وبخورط عليها وبخليها تعلق سيف فيها أكثر حتى لو ما كان يحبها بخليه يحبها ..
وديمه : والله يا ويلج وسواد ليلج يبوج ما بطريه مره بس لا تسوين جي بذبحج والله ..
مهره : لا بس عشان أحسسج بالغيره ..
وديمه وهي تبند ليت الحجره : الغيره عذاب ...
وعقب سارن الحجره ...أول ما دشت وديمه حصلت 3 مكالمات لم يرد عليها ..أول ما شافتهن لقت أنه (صـــــدفه ) متصل ...
وديمه : سيف متصل
مهره : حاطله أسم ...
وديمه : هي مسمتنه صدفه
مهره : صدفه في شيشة الغافتيتن ..
وديمه : وأحلى صدفه في حياتي ...وتقوم وديمه ووتصل في سيف ...
سيف : ألو
وديمه : هلا بابا ...
سيف : وينـــــــــــــج من الصبح أتصل
وديمه :والله كنت عند اخويه محمد وعندي مهره
مهره وهي أطالعها : أنا شو يخصني ليش تطريني عنده ..
وديمه تأشرلها : سكتي
وديمه :وين أنت أسمع حشره ...
سيف : والله في جمعية الاتحاد يالس أتشرى سمان للبيت ..
وديمه : أنت تتشرى للبيت ..
سيف : يسلام عيل منو يشتري أذا أنا ما أشتري ؟؟؟
وديمه : لااااا مب جي بس عندنا أهني أمهاتنا هن يشرن ...
سيف : تعرفين عاد أنا أميه عيوز ما فيها هبة سوق اومشترى ...
وديمه :الله يخليك حقها يا رب ...
سيف : ودوووووم شو أشتري تايد والا أومو ...
وديمه وهي ميته من الضحك : تـــــــايد ...
مهره أمبطله عيونها : تــــــــايد شو السالفه ...
سيف : خلاص بشتري تايد ....يالله عيل ودوم يوم بوصل وبريح بدقلج ..
وديمه : أمممممممم يمكن اليوم ما برمسك لانه اليوم سهره عندنا محمد ساير يشترينه فلم وتعرف مهره يعــــــني ...
سيف : لاااا حول يالله ما عليه بس قبل ما ترقدين طرشيلي مسج وطمنيني عليج أوكي ماما ..
وديمه : من عيوني ما طلبت ..
سيف : سلمي على مهره ...
وديمه : أنت لو شفت شكلها اليوم يوم محمد يشرحلها مساقها بتضحك عليها ...
قعدت تخبره عن مهره وشو سوت فيها ويوم فشلتها وهي متعمده أتسوي جي ....وسيف يرمسها ويشرى ....ويوم خلص مشترى ...
وديمه : ها بابا خلصت مشترى
سيف : توني والله خلصت ...
وديمه : يالله عيل حاسب ورد البيت وتعشى وريح وماشي نت الا أذا تبى أطرش شي تسمع ..
سيف : أن شاء الله أنتي أمري بس ...
وسكرت وديمه عن سيف ....ومهره متعيبه من كلام وديمه وسيف جنهم أخوان ....
مهره : أول مره أرتــــــــاحله ...
وديمه : لانه شاورني في التايد ...
مهره : شو سالفة التايد
وديمه : يسألني شو أشتري تايد والا أومو
مهره : الله يخليكم حق بعض ...
وديمه : أميــــــــــــــــــــــــن
والا سيف أول ما طلع من جمعية الاتحاد المجابله حديقة الصفا ...رد البيت ...
أول ما نزل ووقف سيارته ....وهو واقف عند الباب ..يسمع حد يزقره ...
خــــــــالي سيف ..............خالي سيف يــــــــــا
الله يسلمكم أخت سيف اليوم يايه تبات عندهم وأسمها خلود وعندها تومين ..
(علياء ...و ....علي ) توهم كي جي ون ....وتي علياء تربع : خــــــــــالي سيف ..
سيف أول ما شافها : ينزللها تحت ويفج أيدينه: فـــــــــــديتج يا ربي ...
ويلوي عليها ويبوسها ...
علياء : من الصبح يالسه أتريــــــاك ..
سيف وهو يرد يلوي عليها : يا ربي مغلاج ...
علياء : خالي سيف ما شتريتنه حلاوه ...
سيف : أوووووووووو حبيبي ما كنت أعرف أنكم أهني والا جان أشتريتلكم ..يمكن في حجرتيه يالله أنسير داخل وشل علياء ودخل داخل ...
ويلوي على علي فــــــديتكم والله ....
ويسلم على أختها ...ويطالع باب حجرته ...
سيف : الحمد الله أنه حجرتيه مسكره ...
خلود : ليش؟؟؟
سيف وهو يأشر على عيالها : دمــــــــار بجلبون حجرتيه فوق وتحت ...
خلود :حرام عليك ....
ويقوم سيف ويدش حجرته وهو شال علياء وعلي ....وبطل الثلاجه وما حصل فيها غير عصير ..
سيف : تبون عصير ...
علياء : لاااااااااا شو عصير ....
سيف : كم علياء أنا عندي يالله بوديكم الجمعيه ...
خلود : سيف وين ساير عنبو توك ياي حتى ما يلسنا عندك ....
سيف : بشل حبايب قلبي وبدويهم الجمعيه وبردهم ...
خلود : الحين ..
سيف : بنروح بسرعه وبنرد ...وشل سيف عيال أخته وداهم الجميعه وشترالهم كل اللي في خواطرهم ...
والا قوم وديمه كانوا كلهم متجمعين في الغرفه الخاصه بالفيديو والسوني وهالاشياء ...
كان محمد وخوله ووديمه ومهره وهادف وسعيد تقريبا الكل كان متيمع ....
مهره كانت يالسه على الكرسي من الصوب الثاني والا محمد كان يالس تحت ويطالع المسرحيه ويظحك من خاطره ...وكل ماضحك تتفداه مهره .....ذيج الساعه مهره سحرانه وطالع محمد ...
ومحمد يطالع المسرحيه ...الا وشوي ينتبه أنه حد يطالعه ويوم لف صوب مهره لقى مهره سرحانه فيه ...
محمد تم يطالعها ويطالعها وهي ولا منتبه ..يوم أنتبهت غمضت عيونها وأبتسمت ...أبتسم محمد ....ورد يكمل المسرحيه ....
وديمه : سعيد قوم طرشنه أرسي ...
سعيد : ما فينيه
وديمه : أنزين عطني تلفونك ..
سعيد : تلفونيه في الحجره ...
وديمه : محمد عطني تلفونك ؟؟؟
محمد وهو يدور تلفونه : والله ما أدريبه وين
وديمه : لاااا حول ..وسارت وديمه الصاله لانها حاطه تلفونها في الجرج ...الا أتشوف مكالمه لم يرد عليها : صدفه ...
وديمه : غريبه سيف متصل ...ودشت داخل وأتصلت في سيف ...
سيف : هلا والله ...
وديمه : غريبه متصل ...
سيف : قلت بسمع صوتج وبطمن عليج لاني شكلي برقد
وديمه : غريبه بترقد الحين ..
سيف : ترى الله يسلمج عيال أختيه عنديه وبيرقدون عنديه في الحجره ...شغلتلهم فيديو من زمان عندي عدنان ولينا ويالسين يطال...علي رقد والا علياء عدالي منسدحه تخبرني قصه على قولتها ..
وديمه : فديهم والله ....
سيف : غريبه أنتي رديتي تتصلين عيل وين السهره ...
وديمه : كنت أبا أطرش الدكان أيبنه أرسي قبل ما يسكر ...
سيف وهو مستغرب : أرســــــــــــي ...
وديمه : هي أرسي ...
سيف : جي هذا ما نقرض أنا أحيدها من 20 سنه على أيام أميه ..
وديمه وهي تضحك : لا بعده موجود ..
ويلس سيف يرمسها أشوي وسكرت عنه وسارت صوب قوم محمد ....
ويلسوا كلهم يطالعون المسرحيه ...لين ما خصلت ...سعيد وخوله رقدوا ...
محمد : ودوم وعي خوله ...
وديمه : خوله خولووووووه نشي ....

[كريزي]

محمد عرف أنه مهره تلومت ويايه تتأسف ..
محمد : تفضل
ودش وديمه ومهره ...
مهره وهي تبى ترمس .....
محمد : لا تتكلمـــــــــين لاني صدق زعلت عليج
مهره وهي تبى ترمس ...بس محمد ما يعطيها مجــــال كل ما تبى ترمس قاطعها ...
محمد :لا ترمسين خلاص عنبو أبا أوصلج ونطرتيبي نطره ما يرزى عليج ...محمد كان يسولف بس يبى يغايظها....وديمه مستغربه من محمد وساكته والا مهره تأشرلها بأيدها عطني فرصه ...
مهره : والله ما كنت أقصد ...
محمد : على شو ما كنتي تقصدين بعدنيه أبا أوصلج جي سوين ...
مهره : أســـــــــفه ....
محمد وهو يبتسم ويطالعها : أذا تبيني أرضى باتي عندنــــــــــــا
على طول مهره أول ما قالها أذا تبيني أرضى باتي ردت عليه : ببــــــــــــــــات
وديمه : يحــــــافظ أول ما قالها باتي قالت ببات جي أمــــــــــج وين سارت ...
مهره أنحرق ويها وطالع وديمه وفي خاطرها والله لاراويج يا ودوم
وين بتسرين عنيه ...اليوم لو محمد ما يبى يشك بيشك ...
محمد وهو يبتسم : عــــــــــادي أنا برمس أمها لو تباني أرمس عميه برمسه
مهره مب مصدقه أنه هذا محمد وأن اللي يتكلم محمد ......
وديمه : يعيــــــــــــني ...
محمد وهو ينش : يالله عيل بسير أشتريلنا مسرحيه نسهر عليها اليوم ...
وديمه : لا تكون بتظهر بجلابيتك ؟؟؟
محمد : هي ليش فيها شي ؟؟؟
وديمه : والله ما تسير بجلابيتك سبحان الله أتشوفك وحده من ربايعيه شو بتقول ...شفت أخوج بجلابيه .وهن ما يسمنك غير الرحيم ...
أهني مهره تشب النار في قلبها وترد على وديمه بنبره حاده : وربايعج شو يخصهن في محمد ؟؟؟ وهي رافعه أيدها.....
محمد وهو يبتسم من الخاطر ومستغرب من ردت مهره اللي هزته من داخل بقوه : هي صح شو يبن ولد عمها ؟؟؟؟
وديمه أمبطله عيونها وأطالع مهره ..والا مهره من قالت هالكلمه تيبست أيدها وتمت الا أطالع وديمه وتقول في خاطرها يا ويلي شو قلت ...حتى ما قدرت ترفع عينها في محمد ...
محمد حس أنه مهره طلعت هالكلمه من دون ما تقصد ....وأنها مستحيه ترفع عينها فيه ..
محمد يغير الموضوع : ها مهره شو تبين أشتري أي مسرحيه ؟؟؟
وديمه : فلـــــــــــــم هندي ...
محمد : ماشي هنود ...
وديمه أدوس على ريول مهره عشان تقول تبى فلم هندي ....
مهره : اللي يعيبك يا الشيخ ...
محمد : يالله عيل بسير أشتري الفلم ..وأنتن سيرين جهزن الفيديو وقولوا لقوم هادف وخوله ما يرقدون عشان نتابع المسرحيه رباعه ...
وديمه وهي تتعطر من عطره : أن شاء الله ...
وسار محمد يشتري المسرحيه ...
وأول ما طلع محمد من حجرته حطت مهره راسها على اليدار وتصفع ويها : شو قلت أنا اليوم يا ويلي ...
وديمه : والله من زمان ما ضحكت كثر اليوم ..خبصتيها اليوم خبصه المستخبي طلع ..
مهره : لمي حلجج كله من تحت راسج ...أونه ربايعي يزقرنك الرحيم ...الرحيم في عينج وأنتي بأي حق أصلا تطرينه عندهن ..والا تطرين النسرات عنده ..
وديمه : والله أمممممممممم لانه أخويه ...أنتي ليش غيرانه ...؟؟؟؟ وديمه تبى تحرق قلب مهره ..
مهره : ما برد عليج أوكي ولكن والله لو سمعتج مره ثانيه تطرينهن عنده بجتلج ..
وديمه : شو بسوين يعني ..
مهره : بسير عند حمده بقولها والله عرفت بطرقي الخاصه أنه سيف يحبج وما عنده طاري غيرج ...وبخورط عليها وبخليها تعلق سيف فيها أكثر حتى لو ما كان يحبها بخليه يحبها ..
وديمه : والله يا ويلج وسواد ليلج يبوج ما بطريه مره بس لا تسوين جي بذبحج والله ..
مهره : لا بس عشان أحسسج بالغيره ..
وديمه وهي تبند ليت الحجره : الغيره عذاب ...
وعقب سارن الحجره ...أول ما دشت وديمه حصلت 3 مكالمات لم يرد عليها ..أول ما شافتهن لقت أنه (صـــــدفه ) متصل ...
وديمه : سيف متصل
مهره : حاطله أسم ...
وديمه : هي مسمتنه صدفه
مهره : صدفه في شيشة الغافتيتن ..
وديمه : وأحلى صدفه في حياتي ...وتقوم وديمه ووتصل في سيف ...
سيف : ألو
وديمه : هلا بابا ...
سيف : وينـــــــــــــج من الصبح أتصل
وديمه :والله كنت عند اخويه محمد وعندي مهره
مهره وهي أطالعها : أنا شو يخصني ليش تطريني عنده ..
وديمه تأشرلها : سكتي
وديمه :وين أنت أسمع حشره ...
سيف : والله في جمعية الاتحاد يالس أتشرى سمان للبيت ..
وديمه : أنت تتشرى للبيت ..
سيف : يسلام عيل منو يشتري أذا أنا ما أشتري ؟؟؟
وديمه : لااااا مب جي بس عندنا أهني أمهاتنا هن يشرن ...
سيف : تعرفين عاد أنا أميه عيوز ما فيها هبة سوق اومشترى ...
وديمه :الله يخليك حقها يا رب ...
سيف : ودوووووم شو أشتري تايد والا أومو ...
وديمه وهي ميته من الضحك : تـــــــايد ...
مهره أمبطله عيونها : تــــــــايد شو السالفه ...
سيف : خلاص بشتري تايد ....يالله عيل ودوم يوم بوصل وبريح بدقلج ..
وديمه : أمممممممم يمكن اليوم ما برمسك لانه اليوم سهره عندنا محمد ساير يشترينه فلم وتعرف مهره يعــــــني ...
سيف : لاااا حول يالله ما عليه بس قبل ما ترقدين طرشيلي مسج وطمنيني عليج أوكي ماما ..
وديمه : من عيوني ما طلبت ..
سيف : سلمي على مهره ...
وديمه : أنت لو شفت شكلها اليوم يوم محمد يشرحلها مساقها بتضحك عليها ...
قعدت تخبره عن مهره وشو سوت فيها ويوم فشلتها وهي متعمده أتسوي جي ....وسيف يرمسها ويشرى ....ويوم خلص مشترى ...
وديمه : ها بابا خلصت مشترى
سيف : توني والله خلصت ...
وديمه : يالله عيل حاسب ورد البيت وتعشى وريح وماشي نت الا أذا تبى أطرش شي تسمع ..
سيف : أن شاء الله أنتي أمري بس ...
وسكرت وديمه عن سيف ....ومهره متعيبه من كلام وديمه وسيف جنهم أخوان ....
مهره : أول مره أرتــــــــاحله ...
وديمه : لانه شاورني في التايد ...
مهره : شو سالفة التايد
وديمه : يسألني شو أشتري تايد والا أومو
مهره : الله يخليكم حق بعض ...
وديمه : أميــــــــــــــــــــــــن
والا سيف أول ما طلع من جمعية الاتحاد المجابله حديقة الصفا ...رد البيت ...
أول ما نزل ووقف سيارته ....وهو واقف عند الباب ..يسمع حد يزقره ...
خــــــــالي سيف ..............خالي سيف يــــــــــا
الله يسلمكم أخت سيف اليوم يايه تبات عندهم وأسمها خلود وعندها تومين ..
(علياء ...و ....علي ) توهم كي جي ون ....وتي علياء تربع : خــــــــــالي سيف ..
سيف أول ما شافها : ينزللها تحت ويفج أيدينه: فـــــــــــديتج يا ربي ...
ويلوي عليها ويبوسها ...
علياء : من الصبح يالسه أتريــــــاك ..
سيف وهو يرد يلوي عليها : يا ربي مغلاج ...
علياء : خالي سيف ما شتريتنه حلاوه ...
سيف : أوووووووووو حبيبي ما كنت أعرف أنكم أهني والا جان أشتريتلكم ..يمكن في حجرتيه يالله أنسير داخل وشل علياء ودخل داخل ...
ويلوي على علي فــــــديتكم والله ....
ويسلم على أختها ...ويطالع باب حجرته ...
سيف : الحمد الله أنه حجرتيه مسكره ...
خلود : ليش؟؟؟
سيف وهو يأشر على عيالها : دمــــــــار بجلبون حجرتيه فوق وتحت ...
خلود :حرام عليك ....
ويقوم سيف ويدش حجرته وهو شال علياء وعلي ....وبطل الثلاجه وما حصل فيها غير عصير ..
سيف : تبون عصير ...
علياء : لاااااااااا شو عصير ....
سيف : كم علياء أنا عندي يالله بوديكم الجمعيه ...
خلود : سيف وين ساير عنبو توك ياي حتى ما يلسنا عندك ....
سيف : بشل حبايب قلبي وبدويهم الجمعيه وبردهم ...
خلود : الحين ..
سيف : بنروح بسرعه وبنرد ...وشل سيف عيال أخته وداهم الجميعه وشترالهم كل اللي في خواطرهم ...
والا قوم وديمه كانوا كلهم متجمعين في الغرفه الخاصه بالفيديو والسوني وهالاشياء ...
كان محمد وخوله ووديمه ومهره وهادف وسعيد تقريبا الكل كان متيمع ....
مهره كانت يالسه على الكرسي من الصوب الثاني والا محمد كان يالس تحت ويطالع المسرحيه ويظحك من خاطره ...وكل ماضحك تتفداه مهره .....ذيج الساعه مهره سحرانه وطالع محمد ...
ومحمد يطالع المسرحيه ...الا وشوي ينتبه أنه حد يطالعه ويوم لف صوب مهره لقى مهره سرحانه فيه ...
محمد تم يطالعها ويطالعها وهي ولا منتبه ..يوم أنتبهت غمضت عيونها وأبتسمت ...أبتسم محمد ....ورد يكمل المسرحيه ....
وديمه : سعيد قوم طرشنه أرسي ...
سعيد : ما فينيه
وديمه : أنزين عطني تلفونك ..
سعيد : تلفونيه في الحجره ...
وديمه : محمد عطني تلفونك ؟؟؟
محمد وهو يدور تلفونه : والله ما أدريبه وين
وديمه : لاااا حول ..وسارت وديمه الصاله لانها حاطه تلفونها في الجرج ...الا أتشوف مكالمه لم يرد عليها : صدفه ...
وديمه : غريبه سيف متصل ...ودشت داخل وأتصلت في سيف ...
سيف : هلا والله ...
وديمه : غريبه متصل ...
سيف : قلت بسمع صوتج وبطمن عليج لاني شكلي برقد
وديمه : غريبه بترقد الحين ..
سيف : ترى الله يسلمج عيال أختيه عنديه وبيرقدون عنديه في الحجره ...شغلتلهم فيديو من زمان عندي عدنان ولينا ويالسين يطال...علي رقد والا علياء عدالي منسدحه تخبرني قصه على قولتها ..
وديمه : فديهم والله ....
سيف : غريبه أنتي رديتي تتصلين عيل وين السهره ...
وديمه : كنت أبا أطرش الدكان أيبنه أرسي قبل ما يسكر ...
سيف وهو مستغرب : أرســــــــــــي ...
وديمه : هي أرسي ...
سيف : جي هذا ما نقرض أنا أحيدها من 20 سنه على أيام أميه ..
وديمه وهي تضحك : لا بعده موجود ..
ويلس سيف يرمسها أشوي وسكرت عنه وسارت صوب قوم محمد ....
ويلسوا كلهم يطالعون المسرحيه ...لين ما خصلت ...سعيد وخوله رقدوا ...
محمد : ودوم وعي خوله ...
وديمه : خوله خولووووووه نشي ....

[كريزي]

ونشت خوله والا سعيد ما طاع ينش وقام هادف وتم ماسكنه لين ما وصله الحجره ...
والا محمد ومهره ووديمه وهم يالسين يمشون على الدري كل واحد يبى حجرته ..
محمد : شو رايكم في المسرحيه ...
مهره : والله حلوه ..
وديمه وهي سابقتنهم فوق : أكيد حلوه .......لانه
مهره طالعت وديمه بنظره ان رمستني لاراويج ....
محمد : أنتن اليوم شي عندكن مب طبيعيات ...؟؟؟؟
مهره : والله هاي أختك الخبله ما عرف شو فيها ؟؟
محمد وقف على الدري وطالعها : أنتي اللي شو فيج ؟؟؟
مهره طالعته بنظره لا تسألني شو فيج لا تسألني لاني بتكلم لا تضغط عليه لان مشاعري جياشه وراح تطلع مني من دون ما أحس ..يعم السكوت بينهم كل واحد يطالع الثاني وفكره بعيد ...
محمد ينتبه لعمره : مهره يالله تصبحين على خير ...
مهره وهي أطالعه ومب قادره أترد عليه : ســـــــــــاكته ...
محمد وهو يصرخ في ويها : لا تمين جي شو فيــــــــــج أنتي مب طبيعيه ...لا تحيريني ...كان يقولها مثل اللي خايف من شي كان يقولها وهو وده يعرف شو فيها ....
مهره أول ما سمعت صرخت محمد غمضت عيونها : مافيني شي والله ...
محمد تم يطالعها ويطــــــالعها ويطالعها وهي ماسكه الدري ومنزله عيونها وتتنافض ..
محمد : أنتي أكيد مضايقه من حد ..والا زعلانه على حد والا أنج ولهانه ...
مهره أول ما سمعت كلمة ولهانه طالعتها بنظره كلها ولــــــــــه وشوق ...
مهره : لا الشيخ والله ما فيني شي بس أنا يوم ما أرقد أستطل عشان جذي ..
محمد : الا يوم جذي الحمد الله ...يالله عيل تصبحين على خير ...
مهره : وهي تركب على الدري : وأنت من أهله ...
وسارت مهره الحجره وقعدت تتكلم هي وديمه لين ما أذن الفير صلن ورقدن ..
والا محمد أول ما دش حجرته وألف شي يدور في خاطره ..شو فيها مهره ليش جي أحسه مب طبيعيه ...عيونها تقولي أشياء واااااااايد ...وأحسها محتايه تتكلم مع حد يا ترى شو فيها ...
محمد لحد الحين مستبعد فكرة ان مهره أحتمال أتكون أتحبه ...وقبل ما يرقد كالمعتاد قعد يفكر لكن هالمره مب في ميثه هالمره في مهره ...
محمد : أعوذ بالله شوياني شو أبا مهروه ليش أفكر فيها ....بس صدق والله محيرتني ...


تمر الايام بعد عادي وقبل أمتحانات المتريم في الجامعه بأسبوع ....كانت وديمه وحصه بايتات عند مهره ...
بالتحديد في حجرتة مهره وكانت الساعه 1 فليل
وديمه كانت ميلسه حصه تحت ويالسه تعقص شعرها : عنبو مب طول عليه وغلض
حصه : هبي هباج الله تشاهدي حرام عليج
وديمه : ماشاء الله .......يالله عطيني ويهج بلعبه
مهره : والله أنك متفيجات
وديمه : أنجبي أنتي ...
حصه : شو بسويبي أن شاء الله
وديمه : بس برسملج عيونج ...وبحطلج أي شدو خفيف ...
حصه : يالله ما عندي شغله والله ...
وقعدت وديمه ترسم عيون حصه الواسعه ....
وديمه : خلاص طالعي عمرج والله تخبلين ..
حصه : يالله دورج الحين تعالي برسم عيونج ...
وديمه : لا يبوج أنا مابا ...
حصه : والله لرسمج وقعدت حصه ترسم عيون ودوم ..
مهره : حشى عنبو مب كبر في عيونج بعدج يا حصوه اتجحلينهن
وديمه : الله وأكبر عليج يا النسره تشاهدي ..
وتمن يضاحكن وكل وحده تلعب في ويه الثانيه
حصه : والله أني ميته من اليوع ...
مهره : يوم قتلج تعشي قلتي مابا ما أشتهي تستاهلين ...
وديمه : ولا يهمج يا حصوه أنا بطلبلج اللي تبينه ما عليج من هالنسره ..
مهره : مطعم أبوج اللي مفتوح الحين ...
وديمه : عادي بندق لجابر وبنخليه أيبنه ما يقول الساع لا
مهره : يسلام ليش تعبلين على جابر دقي حق محمد ...
وديمه : لا حبيتي أسفه ما بدق حق محمد عشان أتينين علينا لا يبوج لا بدق لمحمد ولاشي ...
حصه : محمد والا جابر دقي حق أي واحد منهم والله أني ميته من اليوع ...
مهره وهي تي عدال وديمه : فديتج دقي لمحمد خليه هو أينا والله صدق يوعانين ...
حصه تبطل عيونه : مسرع ما يعتي أنسة مهره ...
مهره وهي تضحك : حسبي الله عليكن دقن لجابر وفكني من صدعتكن ..
وديمه تتصل في جابر ...
جابر : ألو
وديمه أول ما سمعت صوت جابر : جــــــــــــــــابر
جابر : بسم الله شو فيج ؟؟؟
وديمه : يوعانه ؟؟؟
جابر وهو متعيب : يوعانه شو سويبج ان شاء الله ذلفي المطبخ وسرطي داقتلي أونه يوعانه
وديمه وهي تضحك : أبك تبينه عشى
جابر : لا والله أشتغل عندج أنسة ودوم ...
وديمه : أفا يا جابر أنا قلت أول ما بقولك ما بتردينه ...
جابر : لا حووووول والله لو ما كنت خاري البيت جان لبستج بس يالله شو تبين ؟؟؟
وديمه : لحظه لحظه بشاور قوم مهروره ...
جابر : جي أنتي وين ؟؟؟
وديمه : انا الله يسلمك عند مهروره ببات عندهم اليوم ..
جابر : والله أنج هوامه ...
وديمه :ما يخصك أنت ,,,,
جابر : مسودة الويه بعدنيه بسير أشتريها عشى وتقولي ما يخصك جلبي ويهج باي ..
ودوم : لالالالالالاالالالالالالالالا أسفه أسفه كنت أكلم حصه ...
جابر : حصه ..
ودوم :بعدين بعدين بخبرك من هي المهم نبى من بيتزاهات ...
جابر : يالله بسير ويوم بوصل أهناك بدقلكم ....
وسار جابر أهناك وأتصل فيهن وطلبن اللي يبنه ...وقعدن هن يسولفن ...
حصه : بسير أشوف دانوه وبيكم ...
مهره : تراها يالسه عند ذياب ..
حصه : لا يبوج أعرفه أختيه زين ما تقر أخافها تظهر خاري تراها مينونه ...
وسارت حصه وهي تزاقر على ذياب من فوق ...
حصه : ذيــــــــــاب دانوه عندك ...
ذيج الساعه محد يرد عليها ..وتروعت حصه
حصه وهي تربع على الدري ببجامتها وبلا شيله ولا شي : يا ويلي من هالاخت ...ويوم نزلت تحت ما حصلت حد اللهم التلفزيوم مشتغل .....أكيـــــــــــد طلعت خاري
وعلى طول وهي تبطل الباب بقوه يا في ويها جابر وكان شال دانه ...
مره ويها على ويه عم السكون بينهم ...

[كريزي]

الجزء التاسع
وعلى طول وهي تبطل الباب بقوه يا في ويها جابر وكان شال دانه ...
مر ويها على ويه عم السكون بينهم ...
أنتبهت حصه انها ببجامتها ومب لابسه شيلتها على طول أتحط أيدها علىويها وخطفت تربع فوق ...دخل جابر داخل هو يشوفها وهي تربع ...ماشاء الله مطول شعرها ...عنبوها محلاها ...
ونزل دانه ...
جابر: أهل البيت وينـــــــــــكم ...
والا حصه اول ما وصلت فوق ..
حصه : يا فضيحتيه يا فضيحتيه ...
ودوم : شو ياج ؟؟؟
حصه : جابلت واحد وأنا جي ؟؟؟؟
ودوم : واحد منو ؟؟؟
مهره : أكيد جابر ....
حصه : يالسه أدور على دانوه وبطلت الباب بسرعه وجابلته جي ...
مهره : عادي الا جابر ...
حصه : شو عادي ؟؟
وديمه : زين يوم عدلتج عشان ماتروعين ولد عميه ...
حصه : والله مفتضحه ..
مهره : حصوه ترى هو نفسه اللي شافج وأنتي أصلين
حصه : قولي والله
وتضحك مهره : والله العظيم ....أي فضيحه جابر روحه تحت ..
حصه : هي والله محد تحت ...
وديمه : أنا بنزله الحين ...
حصه : حوووو أنتي أن شاء الله بتنزليله ببجامتج
وديمه وهي اطالع البجامه : لاااااااااااا ما فيني أبدل ....
مهره : كنا لازم أنبدل
ويلبسن ونزلن كلهن تحت ...
حصه وهي ماسكه ودوم : بموووووت من الفضحه ...
وديمه : عادي ما فيها شي ...
أول ما نزلن تحت حصلن جابر يرمس دانوه ..
وديمه : السلام عليكم ...
جابر : وعليكم السلام والرحمه ...
مهره : شحالك جابر ..
جابر : بخير يسرج الحال ..
وديمه : اعرفك على بنت خالة مهره وهي تأشر على حصه : حصه ..
جابر : شحالج حصه ..
حصه وهي تعدل شيلتها : بخير ربي يعافيك ...شحالك أنت ؟؟
جابر وهو يطالعها : بخير الشيخه
مهره وهي تبطل اليتزا : الله محلات ريحتها
جابر : عنبو ميوعــــــــــينكن ...
حصه تبستم من خاطرها .............
وديمه : بتم واقف نبى نأكل ...
جابر : سرطي يبوج بروح أنــــــــا ...
مهره : تعال كل عندنا ...
جابر : والله ما أشتهيه ...
وديمه : أحسن ...
جابر أونه بيأخذ البيتزا : أحسن يا مسودة الويه ..أنا براويج يالله في داعة الله وهو شال البيتزا ...
وديمه وهي تضحك : خلاص أسفه ...بعزمك ......يالله جابر تعال كل معانا ...
جابر وهو يحط البيتزا : مشكوره ....
وأهني دانه ترقص على أغنية (العيون السود ) وتقلد البنت الصغيره اللي ترقص وترقص شراتها....
جابر يطالعها ومتعيب انها تتقن الرقص : ماشاء الله عليها ..
حصه وتأشر على مهره : نازعيها ...
مهره : دانوه تعالي وقصدي لجابر قصايد خالد المريخي ...
وتي دانه عدال جابر وينزل جابر تحت ....ويطالعها والكل كان يطالعها ...
دانه وهي تقلد خالد المريخي يوم يتكلم : يلي اطالعني وجنك ماطالعني نظرتك هذه حبيبي لا تكررها ...وهي تحرك صبعها وتغمز بعيونها ....
جابر وهو يضحك من خاطره : فديج يا رب ويلوي عليها ...
أول ما لوى جابر عليها ... غمضت عيونها حصه وتنهدت من خاطرها ....ما تنلام مسكينه لا أم مثل الناس تهتم فيهم ولا أبو يسأل عنهم ...هي اللي معتنيه في أختها وهي اللي تحاول تحسسها بحنان أمها وأبوها ...وما تتحمل حد يلوي على أختها ..لانه دانه مفتقده هالشي من امها ومن أبوها وعمرها ما حست بحظن حد عشان جي أول ما حظن جابردانه غمضت عيونها وتنهدت من خاطرها ...
أهني يدش عليهم ذياب .....
ذياب : جابر عندنا اليوم ....
جابر : رواغى هاي والا شو ؟؟؟؟
وتم الكل يضحك ...
قام جابر وشل دانه ويلس عدال ذياب ..والا البنات سارن على الجهه الثانيه ويلسن يأكلن ...
جابر : دانوه أتسيرين المدرسه ...
دانه : هي أسير أممممممم أنا في كي جي تو ...
جابر وهو يتفداها من خاطره : قوليلي منو تحبين أمج والا أبوج ....جابر ما يدري عن أي شي عنهم ولا عن علاقتهم بأهلم ...
دانه يوم تتكلم أطالع فوق : أمممممممممممممم أحبهم هم الاثنين ...أهني ذياب على طول قال لجابر ...
ذياب : هي تعرفهم عشان تحبهم أبوها دومه في بقعه والا أمها ...أهني تقطع دانه في رمسته...
دانه : جذاب أبوي مب في البقعه أبوي في فينــــــــــا
أهني جابر يلوي عليها من خاطره : فديتج والله ....
جابر : حبيبي البقعه معناها المكان ....ذياب يقصد انه أبوج مسافر مكان يعني مسافر بلاد معينه ...
تهزله دانه راسها : لالالالالالالا أبوي في فيــــــنا
جابر : خلاص أبو دانه في فينا
حصه كانت أطالع جابر وأول ما سمعت ذياب ..ما قدرت تكمل أكلها ..حطت البتزا ..
وديمه : شو فيج حصه ؟؟؟ ليش ما تاكلين ...؟؟
حصه : ما أشتهي ...
مهره : انتي اللي محتشره والحين أتقولين ما با ...
حصه يالسه اطالع جابر وهو يلاعب أختها وسرحانه بعيد ....
يقوم جابر ويشل دانه وطلع خاري ...ويلسها على بونيت السياره...
دانه : شو أسمك ؟؟؟
جابر : أسميه جابر ...
دانه وهي متعيبه : جابر شو معنى أسمك ؟؟؟
جابر وجنه حد يجب عليه ماي بارد وفي خاطره يقول يا ويلي شو أرد عليها شو أقول روحي ما عرف شو معنى جابر ....
دانه : ما تعرف شو معنى أسمك ؟؟؟
جابر يخلي عمره اونه يفكر : أمممممممممممممم أول أنتي قوليلي شو معنى أسمج وعقب بقولج أنا شو معنى أسمي (أونه عشان يغير السالفه )
أهني تي ودوم ومهره وحصه ووقفن عدالهم ...
دانه : أسمي معناه ان أمي وأبوي بعد أختي حصه ما يابوا حد وبعدين يابوني انا بعد 15 سنه وكأني لؤلؤه طلعوني من داخــــــــــــل البحر ..وهي تقول البحر تغمض عيونها وتبطل أيدينها على أساس أنها تفهم جابر أنه يابوها بعد تعب طويل ....وأنها سموها دانه من غلاها وندرتها
جابر وهو يتأمل فيها ومتعيب من تفكيرها : ماشاء الله عليج ...والا عشان جي سموج دانه ..
دانه : هي لانه اميه من زمان ما يابت حد مرت سنوات وسنوات وسنوات وعقب يابوني ...
جابر : ومنو قالج أنه معنى أسمج جذي ؟؟؟؟
دانه وهي تأشر على حصه : حصـــــــــــه
يلف جابر ويطالع حصه : أنتي معلمتنها ؟؟؟
حصه وهي تبتسم : هي أنا معلمتنها دومها حاشرتنيه شو معنى أسمي يوم أقولها لؤلوه تقولي ليش يعني لؤلؤه أيلس أتفلسف عليها ....
جابر : بس والله سكتــــــتنيه ...
جابر : ودوم سيري يبوج يبيليه معجم أبا أدور معنى أسميه ؟؟
ودوم وهي ميته من الضحك : ما ظني بتحصله ...
دانه وهي تمسك ويه جابر : شو تباني ازقرك عمي جابر والا خالي جابر والا الاسود ...
اهني يبطل جابر عيونه والا مهره وديمه ماتن من الضحك من كثر ما ضحكت يلسن والا حصه أنحرق ويها .....
حصه : عيب دانه شو هالرمسه ...
دانه : أنا ماقلت شي قلت الصدق ( تقولها بكل براءة الدنيا )
جابر وهو يطالع مهره ووديمه : ضحكن ما منك من اللي أيبلكن عيشه ...
جابر : حرام دانوه أنا أسود ...
دانوه : خلاص لا تزعل بسميـــــــــــك بــــــابا
دارت الدنيا في عيون جابر أسودت ماقدر حتى يوقف على ريوله حسها مثل الطعنه في قلبه أثارت براكين جامده فيه ...والا حصه راودها نفس الاحساس كانت متوقعه من دانه انها بتزقره أبويه لانها دوم اتحن على حصه أنها تبى أبوها ....

[كريزي]

جابربعد سكوت دام 3 لدقايق : سميني بابا ...كان يقولها وهو مب قادر ينطقها
دانه : بابا جابر ....قالتها دانه وكل الي فيها نطقها جنها من زمان ودها تقولها ..قالتها وهي تبى تعيدها ألف مره .......قالتها بكل أحاسيس الطفوله المفتقده هالكلمه ...
تنهد جابر من خاطره.....ولوى عليها لويه ما طاع يفجها أبدا ....
حصه أطالعه ومب قادره تشوف المنظر .....وبعد هدوء وسكوت الكل
حصه : حرام عليك يا جابر تخليها تزقرك أبوها وأنت توك صغير ...
جابر : لا عادي خلاص أنا أبوها وكل شي ويوم تبيني دقيلي ...
مهره : الاب الحنون ...
جابر : أنا بس أبو دانه صح دانوه ...
دانه وهي تبتسم من خاطرها وجنها أول مره تبتسم هالابتسامه : هي ...
وديمه كانت يالسه وأطالع جابر وفي خاطرها الله يا جابر كيف قلبك حنين وطيب ...
جابر : بكتبلج رقمي ويوم تبين شي دقيليه ...وعطاها القلم وقالها أنتي كتبي عشان تعرفين تقرينه
دانه : كيف اكتب على الهواء ؟؟؟؟؟؟
جابر وهو يطالعها وعيونه مليانه دموع : لا حبيبي ما بتكتبين على الهواء ...ويقوم جابر ويشغل السياره ودخل دانه معاه ويلسها في ثبانه وعطاها ورقه ويلست تكتب على السكان ...
جابر وهو يطالعها كيف تكتب : 6
دانه : 6
وتم جابر ينقلها رقم ...رقم ...وعقب نزل
حصه : لا يا جابر لا تعطيها بتم تحشرك ...
جابر وهو يطالع حصه : برايها المهم متى ما تباني ادقلي ..
مهره : شدراها يا جابر البنت ....لا تم أدعودها عليك وعقب أطبها ..
جابر : والله ما خليها دامها زقرتني بأبوها والله ما خليها ...
حصه وتحس مثل اللي يدوس على قلبها : ما تقصر والله ...
جابر : وهي يحب دانه ...يالله عيل بترخص عنكم ...
دانه : لا تروح حرام .....
جابر وهو يحس عمره مب قادر يتحمل اكثر من جي : باجر حبيبي بييج أوكي ...
جابر وهو ساير صوب السياره ...ودانه اطالعه وعقب ربعتله قبل ما يدش السياره ...
دانه وهي أطالع جابر : تصبح على خير ...
جابر تبريد مكانه ويلوي عليها من خاطره ما طاع يفجها ....البنات واقفات وساكتات متعيبات من اللي قاعد يصير ....كلهن العبره خانقتنهن وهن يشوف دانه كيف تبى جابر ....
جابر : يالله حبيبي سيري نامي ولا تسهرين والا تراني بزعل عليج ...
دانه وهي تهزله راسها : انزين وتخطف تربع أدش البيت وهو يطالعها لين ما دشت البيت على طول ركب سيارته وسكر الباب بقو وطرق ....
مهره : أول مره أشوف جابر جذي ...
وديمه : ساكته ..
حصه : ساكته ...
وديمه : جابر قلبه حنين وما تحمل دانه تزقره بأبويه وتلقينه هالكلمه هزته ...
حصه وصورة جابر ما تخوز عن خاطرها وهو يلوي على أختها ...
سارت مهره وديمه يلسن في الصاله والا حصه خطفت فوق اطالع أختها وحصلت دانه متلحفه بكبرها ...
حصه وهي تي صوب اختها : دانوتي ....
دانه : لا تكلميني أبا انام ..
حصه وهي متروعه : ليش ماما شي فيج ؟؟؟
دانه وهي تعق الحاف عن ويها : لا ما فيني شي بس بابا جابر قالي نامي وأبا أنام لا تحشريني ..
حصه أول ما سمعت هالكلمه تلوي على دانه و تحطها على صدرها ودموع أربع أربع صبابة على ويها ...ليش يا امي سويتي جي ليش تخلينا نلجأ لغيرج ليش يبتينه وأنتي مب قد المسؤؤليه ليش ؟؟؟؟؟ ليش خليتي الكل يرحمنا ويعطف علينا ليش ؟؟؟ وهي لا ويه على اختها تحس انه محد في هالدنيا عندهم ..الكل متخلي عنهم وأولهم أمها وأبوها .....
حصه وهي تمسح دموعها عشان ما تشوفها دانه : يالله حبيبي بلبسج بجامه وغسلي أسنانج ونامي ..
دانه وهي تنزل من الكرفايه : أن شاء الله ...
وتقوم حصه ولبستها بجامتها وبندت الليل وشغلت الابجوره ويلست عند راس أختها لين ما رقدت ..وحصه تفكر وتعاتب دنياها وحياتها اللي خلت هالياهل ترتمي في حظن أول شخص شافته قدام عيونها ..ودموع تذرف من عيونها وقلبها يصرخ تبى الراحه تبى الهنا تبى تعيش لو يوم واحد بحضن أمها والا أبوها ...من تصبح لين ما تمسي لا حد يسال عنهم ولاشي ...
أمها مسافره مع خالتها وأبوها في فينا حتى اتصال واحد من سافروا ما تصلوا يسألون ؟؟؟ الله يا الدنيا .....وجتفت ريولها وحطت راسها على ريولها وتمت اتصيح من خاطرها ...
دشت مهره ووديمه ...
وديمه وهي تربع صوب حصه : شو فيج ؟؟؟؟ حصه شو فيج ...
حصه مثل اللي كانت تتريا حد يسألها تبى حد يخفف همومها ومعاناتها ..واول ما سألتها وديمه : صاحت بصوت عالي .. بصوت الاهات والاحزان وألام سنينها اللي جنتهن من دون ذنب ...
تقوم وديمه وتلوي عليها وتصيح معاها ما قدرت تتحمل الموقف لانها دايما اتشوف حصه تضحك وتسولف ولا شي في خاطرها واللي يشوفها يقول أسعد الناس ...والا مهره تمت يالسه عدالها من اليانب الثاني ...مهره عرفت ليش حصه صاحت لانها تعرف عيشتها وأنه موقف جابر ما تحملته ...لكن عمرها حصه ما شكت لحد ولا بينت لحد ضعفها بس هالمره فجرها جابر ....
وديمه : لا تصيحين حصه الله يخليج ....
حصه وهي تحط أيديها على ويها : كم بتحمل ؟؟؟ قوليلي كم بتحمل ..؟؟؟ مابا فلوسهم مابا خيرهم أبا حنان أبا أم أبى أحس بمعنى الامومه أبى يوم أفرح بنتايجي تقولي مبرووووك هي حتى تخصصي ما تعرفه ..لا تسأل ولا شي والا أبوي من طلعت في هالدينا حياته شركات سفر همه تجميع فلوس ...فالح يغرقني بفلوسه مابا فلوسه أبا هو وهي تصيــــــــــــــــح
وديمه أطالعه ومتعيبه أنه حصه اللي الفرحه ماليه عيونها : شاله هموم الدنيا كلها على راسها ...
حصه وهي تأشر على دانه : هذه بذمتج شو ذنبها ؟؟؟ ردي عليه يوم هم مب قد التريبه والحنان ليش أيبونا ليش .؟؟؟؟؟؟؟
وديمه : ما عليه حمدي ربج وشكريه لانه ناس غيرج حياتهم ادمر عن حياتج ..ناس عيل بالمره فاقدين أمهم وأبوهم ...حمدي ربج وشكريه يا حصه وكل شي مكتوب قبل ما ننولد لا تشيلين هم الله بيعوضج عن كل شي ان شاء الله
حصه : ســــــــاكته
مهره عيونها حمر : ســــــاكته ومب عارفه شو تسوي ....لانه عمرها ما تخيلت انه حصه شاله في قلبها كل هذا ...وهي اللي كانت معاها 24 ساعه ...
تحط وديمه أيدها في ويه حصه وتمسح دموعها : أتشوفين سال الجحال وراح تعبيه كله ..
تبتسم حصه وتمسح دموعها ...
وديمه : قومي يا حصه وتعوذي من الشيطان وصلي ركعتين وحمدي ربج على كل شي يكفي الصحه والنعمه اللي أنتي فيهن ...
حصه وهي تنش سايره تغس ويها : الحمد الله على كل شي ...
ويلسن يسولفن لين الساعه 3 ونص وعقب رقدن لانه وراهن جامعه ...والا حصه تمت تفكر وما طاع الرقاد أياها ...

حزين وما قدرت أوصل نهايات الحزن والويل ..

حنون ولاقدرت أقسى ولا حتى على العداون
غريب ولا قدرت أقسى أسكن كذا مدري بلا تفصيل

ولا أدري غربتي تلقى مساكن النسيان
تنسيني هموم الامس والاهات والتنكيل

تعيشني بعيد عن سجن نفسي بلا سجان
وأنا أكثر من سجن نفسه وسط نفسه يخاف القيل

حبس دمعه ورى أهدابه هدب عينه غدا قضبان
يصيح الدمع في عيني وأقول أصبر اللين الليل
يجيني الليل وهو يصرخ وأضيع بصرخة الحرمان
كتمت الهم في صدري وأعرف أنه عليه ثقيل
وأنا أدري عذب قليبي سكوتي واتعب الشريان
أبصبر ليه ما أصبر ؟؟ وأذلل كربتي تذليل
كذا الدينا تذللها الى منك صبرت أزمان
تسلح بالصبر وأذكر ألهك وأكثر التهليل

والى ضاقت بك الدنيا توضا وأقر القرأن
ولا تحتاج لابن أدم أبد مادام الله باقي حيل
توكل بس على ربك رحيم الكون والرحمن

(كلمات : خالد الرفيع )

[كريزي]

والا جابر أول ما طرق عنهن صورة دانه ما تخوز عن خاطره ويحس بضيق في قلبه يسوق ولا يعرف وين بسير ....وقف سيارته وتم يالس فيها ويفكر في أحساس الابويه ..
جابر يرمس عمره : يالله جنه الله مطرشلي هالبنت عشان أحس ؟؟؟ وقعد يفكر ويفكر وبعد قرار طويل يتصل جابر في حميد ويقوله وين المكان اللي قاعد فيه ....ويا حميد عند جابر ...وقاله جابر كل شــــــــــــــــــــي ........
الصبح وبالتحديد بيت قوم مهره ...
نشن البنات وتلبسن ...
دانه ماسكه تلفون حصه ....وتبى أدق لجابر...
حصه : دانوه حق منو بدقين ؟؟؟
دانه : بدق حق بابا ...
حصه : حبيبي بابا الحين نايم لانه عندهم فليل ..
دانه : أنا أبا أدق لبابا جابر ...
تتنهد حصه من خاطرها : لا بابا عيب الريال نايم الحين ...
وديمه وهي تبتسم : خليها أدقله عادي ....
حصه : شو دقله يا ودوم والله فضيحه ....
وديمه : تعالي دانه انا بخليج ادقين لجابر ....وتتصل وديمه لجابر ..
جابر : أصبحنا وأصبح الملك لله ودوم نعم شو تبين ريوق ...
وديمه وهي تضحك : ههههههههههههههه لا يبوك دانوه تبى ترمسك ....
جابر من الابتسامه يتغير ويه 180 درجه : عطينيه أياها ...
دانه : ألو ...
جابر : صباح الخير يا أحلى دانه في الامارات ...
دانه وهي تبستم : صباح النور ....
جابر : ها تريقتي ...
دانه : هي تريقت ....
جابر : تبيني أوديج اليوم المول ...
دانه والفرحه ملايه عيونها : هي أبا أسير ...
جابر : خلاص العصر بيج وبوديج أوكي ..
دانه : أوكي ...
وتسكر دانه عن جابر ...والفرحه مب شالتنه ...وتناقز من الفرحه : بسير المول بسير المول ...
عرفت حصه أنه جابر قالها بوديج المول .....رغم ألم حصه على شوفت أختها متعلقه بالريال بهالطريقه في يوم وليله الا انها فرحانه من قلبها أنه دانه مستانسه ....

في الجامعه وبالتحديد في المخج في كلاس B6 ...الساعه 10 ونص ...
كانت مهره يالسه وفاجه لابتوب ومشتركه في منتدى ويالسه تشارك فيه ...ومحد كان عندها ..يالسه وحاطه أغنية ميحد حمد يوم يقول ...


هلا بعودتك يا بدر البـــــــــدور ...

هلا بعودتك يا الصبح المنيــــــــر ..

تشرفنا وغمـــــــرنا السرور ....

من الفـــــــرحه خطــــــر لينـــا نطير

ويالسه تتسمع ومندمجــــــه مع ميحد الا ودش عليها وديمه وتفج الباب بأقوى ما عندها ...
فزت مهره من مكانها : عنبو حد يفج الباب جي ...
وديمه وهي يايتنها فرحانه : الحمد الله الدكتور أعتذر وما بي يوم الاثنين أونه عشان ندرس حق الامتحان ...
مهره : وهالكثر فرحانه ...
وديمه :الا فرحانه سكتي عنيه
مهره : ودووووووووووم ترى حمده بتي الحين
تفز وديمه من مكانها : حلفي قولي والله ... الحين
مهره : بسم الله شو ياج هي الحين بتي ...
ودوم : والله خاطريه أشوف هالحمده أنا ؟؟
مهره : أخافكن تتماطن بالشعور
ودوم وهي تضحك :هههههههههه خسج الله يا مهره شو قالولج يهال ...
مهره : المهم بتي الحين وماباج تبينيلها انج تعرفين سيف ولا تقوليها انه عندج على المسن تسمعين ..
ودوم : ان شا ءالله ...
مهره : ترى هي تعرف اني أنا قايلتلج أونه لانج روحي الثانيه ..
وديمه : يعلنيه ما خلا منج ...
...يلست وديمه اطرش مسجات لسيف لانه امس ما رمسته ولا طرشتله مسج أطمنه عليها ...وشوي تدخل عليهم حمده ...
حمده : السلام عليكم ...
وديمه وهي تعدل عمرها : وعليكم السلام والرحمه ...
مهره : شحالج حمده ...
حمده : بخير يعلج الخير ...
وديمه : شحالج حمده ..
حمده : طيبه طاب حالج ..
مهره : حمده هذي وديمه اللي خبرتج عنها ...
حمده : شكيت والله فيها ..لانه في شبه اشوي بينكم ..
مهره ووديمه يطالعن وكل وحده أتقول لثانيه والله أنا أحلى ....
يلسن يسولف كلهن ....وديمه خاطرها أترمس حمده وتقولها شو بينج وبين سيف ...وتعرف كل شي بس يالله لازم أدوس علىقلبها عنبو مب من أول يوم ....
مهره : شخبارعربج ؟؟؟.
تضحك حمده : بخير الحمد الله امس لقيتهم مطرشيلي أيميلات يطمنون عليه ..
مهره وهي اطالع وديمه وتأشرها سمعي .....
نزلت ودميه عينها والغيره لابقه فيها ....قعدت حمده ترمس مهره بالتشفير عن سيف ..ما قدرت وديمه تتحمل أكثر عن جي ..
وديمه : سمحولي بترخص عنكم ...
حمده : عنبو ما يلسنا عندج ؟؟؟
وديمه ومب قادره أطالع في ويها ...: مواعده ربايعيه في الرباعيه ....
عرفت مهره انه وديمه ما قدرت تتحمل أكثر من جي عشان جي تبى تروح ...
حمده : في طاعة الله ...
مهره : تحملي على عمرج ؟؟؟
وديمه ما ترد عليها من النار اللي في قلبها وتدبغ بالباب دبغه رجت الكلاس بأقوى ما عندها ...وديمه تمشي في ممر المخج وما تشوف حد من الغيظ اللي فيها عادي ذيج الساعه ترتكب جريمه في حد ...طلعت من المخج سايره صوب الرباعيه ..وهي تفكر في كلام حمده ...يطرشلي أيميلات ...يحبني .......وديمه تمشي وترمس عمرها من دون ما تحس ..يلست في الرباعيه اشوي بس ما قدرت تتحمل وتتصل في الدريول وياها ....
ردت البيت ولا أتصلت في سيف ولا شي ....وهي معوتنه كل سبت وأثنين ادقله بعد ما تخلص دوام ...وهي تخلص الساعه 12 ....


في دبي وبالتحديد في شركة الطيران الساعه 2 الظهر ...
سيف يالس يطالع الساعه : غريبه ودووووم ما اتصلت فيني ...؟؟؟؟؟؟ ولا طرشتلي مسج لا يكون فيها شي ...لا يمكن يالسه مع ربايعها ...أدا يت الساعه 3 وما تصلت بدقلها ...
وقعد سيف يحاتيها ويوم يت الساعه 3 أتصل فيها ...لكن للاسف لقى تلفونها مغلق ...
سيف وهو يسكر التلفون : شو فيهــــــــا غريبه غالقه التلفون مب من عادتها ...أكيد فيها شي ..ويلس سيف على أعصابه يحاتيها وطرشلها مسج : اول ما تفجين تلفونج أتصليبي ...

والا وديمه من ركبت السياره أغلقت تلفونها ما تبى ترمس حد ولا تسمع حد أول ما وصلت البيت ...سارت صوب حجرتها لقت حد معلق على الباب ...

( ممنـــــــــــــــــوع الدخول شارون يحتل الغرفه )
وديمه وهي أمبطله عيونها : شارون محتل الغرفه شو السالفه ...ويوم حاولت أتبطل الباب حصلته مقفول
وديمه : ياللـــــــــــــــه روحي مب طايقه عمريه شو السالفه ...
تنزل وديمه تحت ....
وديمه : هادف منو في حجرتيه ...
هادف وهو يضحك : قريتي اللي معلق ..
وديمه : هي قريت منو داخل ومسمي عمره شارون ...
هادف : هذا محمد ياي من الشغل اليوم من وقت تعبان ولاقى مكيفه خربان وقال ماشي غير حجرت ودوم ....وسار حجرتج ...
وديمه : لااااااااااااااااااااااااا شو هاليوم النحس ...
وطلعت ودوم فوق وسارت حجرت خوله وبدلت وصلت ورقدت من دون ما أطرش شي لسيف ....
بعد المغرب ....نشت وديمه وبطلت تلفونها وحصلت سيف مطرش 6 مسجات ....
وديمه ترمس عمرها : لو أني مقهوره منك بس بدق ...وتتصل وديمه في سيف ...
سيف كان في الشركه وكان عنده واحد من المسوولين الكبار بس أول ما شاف الرقم ...
رد على وديمه بنبره كلها خوف : ألــــــــــو
وديمه والغيره حارقتنها وترد عليه بكل برود : ألو ...
سيف : أنتي وين ؟؟؟؟ بسرعه ..
وديمه وهي تحاول تخلي عمرها قويه : ليش مطرشلي 6 مسجات اتصلي ضروري في شي ؟؟
حس سيف أنه وديمه شي فيها : برد أتصل فيج أوكي ..
وديمه : أوكي ...
سكرت وديمه وتم الشك يدور في خاطرها : أكيد يالس يرمسها عشان جي سكر عنيه ...وبعد 10 دقايق يتصل سيف

[كريزي]

سيف : ألــــــــو
وديمه : ألو
سيف :شو فيج ؟؟؟؟
وديمه : ســــــــــاكته ..
سيف : وديمه أنتي ما تعرفين تجذبين ولاتلفين وادورين رمسي وقولي شو فيج ؟؟
وديمه بعد سكوت : ليش اطرشلها أيميلات ......ليــــــــــش قولي ...؟؟؟؟
سيف : امــــــــــــــــنو .....حق أمنو أطرش رمسي ...؟؟؟
وديمه : حق هاي اللي أسمها حمده ...
سيف : والله العظيم ما أطرشلها جانها حرمه خليها تراويج الايميلات اوكي متفقيلها أنا ...وبعدين انا من زمان ما رمستها ويكون في علمج هي اللي طرشلي ...
وديمه وهي خانقتنها العبره : والله ما عرف امنو أصدق ...
سيف وهو معصب : عشان جذي الانسه وديمه ما اتصلت فيني اليوم صح ؟؟؟
وديمه : ساكته
سيف : حلو حلو يا وديمه سمعي كلام الناس والعذال وتغيري عليه ...اوكي بس بقولج كلمه صدقتي كان بها ما صدقتي هذا الشي راجعلج ...هالانسانه تتوهم ...هالانسانه تتخيل أنه في شي وتعيشه وتصدقه وتي وتقولج انا سويت وصار وصار والا هو مناك لا صار ولا أستوى ...
والله اليوم لاراويها ما عليه ان ما ترييتها أدش اليوم لغسل شراعها غسال ..سيف كان يتكلم والنار في قلبه ....... كان ينازع من خاطره ...
وديمه.. لالالالاالالا سيف خلاص والله صدقتك لا تسير وترمسها لانها ما تعرف اللي بيني وبينك بس هي كانت ترمس مهره بالتشفير وفهمت كل شي
سيف : وديمه أنا ماباج تسمعين كلام الناس وتتغيرين عليه ....
وديمه : أسفه سيف أدري اني ضايقتبك ...بس والله غصبا عليه ...
سيف : لا ما عليه بس بليز مره ثانيه لا تسوينها لعلن الحرب والله ...
وقعد كل واحد يهدي الثاني والحمد الله ردت الامور طبيعيه بينهم ....
سكرت وديمه عن سيف ..وهي نازله من الدري ...كان محمد راكب ..
وديمه : هــــــا شارون رقدت أرتحت ...
ضحك محمد بس هالمره مب مثل كل مره : شسوي المكيف أخترب عليه وكنت تعبان وأبا أرقد وسرت حجرتج ...
وديمه حست أنه محمد شي فيه : فدوى عن راسك يا الشيخ ....
محمد يخطف عدالها ....واللي يشوفه يرحمه ...
وديمه : محـــــــــــــمد ...
لف محمد طالعها ويقولها بعيونه : شو
وديمه : شو فيــــــــــــــــــــك ...
طالعها محمد بنظرة حزن وركب فوق ......وما رد عليها ..حست وديمه أنه محمد شي فيه بس ما حبت اتسير أترمسه الحين لين ما يهدأ ....ويريح ....
وديمه وهي ترمس عمرها : محد مرتاح في هالدينا ........كل على همه يصيح ...الله يعين ...

ويلاه من طبع الليالي والايام
أحد تبرى منه واحد تماشيه
واحد تمر أيام ..وأيام مانام
سود الليالي عن منامه تقزيه
يطوي على همه ضلوعه وينضام
ولا يشتكي للناس من ما يعانيه
يخاف من هرجة عدو ونمام
يضحك ومافي داخل القلب يخفيه
واحد عثر حظه ونوخ ولا قام
لو صاح بأعلى الصوت محد بيوحيه
يمضي عليه اليوم في حسبة أعوام
كن الزمن قيد يجود خطاويه
احد تهفهف له ذعاذيع الانسام
وتمشي على كيفه ودايم تباريه
ما عض يوم من الندم راس الابهام
حظه على طول الليالي مصافيه
ولا تعلى طير فكره ولا حام
ولا كفخ من جور خل مجافيه
وذي حالة الدنيا بها حظ وأقسام
أحد تسومه هم واحد تواسيه
ومن لا عرف طبع الليالي والايام
أن ما تبرت منه عيت تماشيه
(كلمات : أصايل نجد)

[كريزي]

في العين المول .....وبالتحديد في Action Zone ..كان جابر يالس مع دانه ويلعب معاها ,,,

وعقب طلعوا وخطفها على كل المطاعم المتوفره أهناك ...
دانه : أبا مكدونـــــالدز ...
جابر : من عيوني ....وسار وأشترالها من مكدونالدز ويلسوا ياكلون وعقب وداها محل الاطفال وتم يقايسلها الالباس وما خلى شي ما أشترالها ....وعقب وداها شومارت وشترالها جواتي ...
داربها المول كله ....
وفي السياره :
غفت عين دانه ..وهو يالس يطالعها ..يسوق ويطالع ....الله يا الدنيا تحرمين هالطفله من أمها وأبوها ..حرام هالجمال وهالبراءه ما يسألون عنها ...والله جنه ..والله دخلت قلبي من أول ما شفتها ....خلاص أحس أنها صارت من ممتلكاتي ومن مسوليتيه خلاص أحس أني صدق أبوها ....أول ما قال هالكلمه : ليـــــــــــــش يا جابر ليــــــــــــــــش ؟؟؟؟؟ ويضرب بأيده على السكان ....ليــــــــــــــــــش ؟؟؟ ما يفيد الندم حرام اللي أسويه والله حرام ....

أول ما وصل جابر بيت قوم مهره ...بند السياره وشل دانه داخل ...
جابر : السلام عليكم ...
كان الكل في الصاله ...يالسين يسولفون
الجميع : وعليكم السلام والرحمه ...
تنش حصه على طول وتي صوب جابر عشان اتشل دانه وهي يايه أتشل دانه جابر يالس يطالعها ...وناولها دانه ..تي أيده في يدينه انتفضت حصه بكبرها ..طالعته وهو يطالعها خوزت أيدنها بسرعه ...وشلت دانه ...
حصه : تسلم يا الشيخ تعبناك معانا ...
جابر : لا تقولين جي دانووووووه بنتي ومحد له خص فيها ..
طالعتها حصه بنظره وتقول في خاطرها مشكور يا جابر على معروفك اللي عمري ما بنساه ...كم تسوى فرحة دانه عندي ...كم تسوى ....
جابر : يوم تودينها فوق بتحصلين أغراض بحطهن اهنيه على الباب ...تراهن ماليل دانوه ..
حصه : بعد شارلها أغراض ...؟؟؟
جابر طالعها ويأشرها ودي دانه ..
حصه : مشكور
جابر : ما رد عليها ....
نزل جابر الاغراض وسار ..والا حصه يوم شافت الاغراض ما عرفت شو تسوي ....
مهره : يحليلك يا جابر والله قلبه حنين ..
حصه : الله يعطيه بنت الحلال اللي ترزقه بالعيال والله أنه يستاهل كل خير ...
حاولت حصه ترقد بس ما قدرت كله يتراولها جابر ومعروفه وزينه ...وطوله وعظمته وهيبته ...وكل شي ....

في بيت قوم محمد ...الساعه 12 فليل ..وبالتحديد في حجرة محمد ...
محمد كان امبند الليتات ويالس على البلكونه والجو بارد ....أدق وديمه الباب ...
محمد بصوت عالي : تفضل
ودش وديمه ويت صوبه ...
وديمه : شحالك محمد ؟؟
محمد طالعها ولف عنها وما رد عليها وهو حاط يديه على البلكونه ...
وديمه : محمد شو فيــــــــــــك ؟؟؟؟
محمد : ما فيني شي ..
وديمه : والله أعرفك زين ...محمد ما يكون ساكت الا أذا فيه شي ....رمس محمد تراني أسمعك ...
محمد : بتخبرج أنتي محلله نفسيه ؟؟؟
تبتسم وديمه : ليش يعني لاني أعرف شو في خاطرك قلتليه محلله نفسيه ...
محمد : أنا ما فيني شي
وديمه : جذاب ..
محمد : ســــــــــــــاكت ما يعرف شو يقول لوديمه ..
وديمه : ميثـــــــــــــــــــــه صح
محمد طالعها وغمض وعيونه وتنهد من خاطره : ســــــــــــاكت
وديمه : رمس محمد والله أسمعك ....
حط يديه على راسه : حلمــــــــتها أمس ...
وديمه : هذا كله عشان حلمتها ؟؟
محمد : ســـــــــاكت
وديمه : أنا قلت محمد نساها وبدى حياه يديده ....
محمد : ودوم أصعب شي انه الواحد ينسى أول حب له ...لانه هالحب يعلمك اشياء وايد في حياتك ...عمره الحب ما كان شوق وغيره ..لا الحب أسمى من أي شي ...أنا فعلا بديت أعيش يومي بلاها ..وقدرت والله اعيش وأنسجم ..تمر عليه ساعات ما أذكرها ..
وديمه : ســـــــــاعات ...مب ناوي تنساها للابد ...
محمد : ساعات هذه بالنسبه لي أيام وشهور بالنسبه لي أنجاز ..انا ميثه ما كانت تفارقني ولا ثانيه ...يايه تقوليلي ساعات ....أنا يا ودوم ما أحن ولا أشتاق لميثه لا والله لانها نست محمد في يوم وليله ...بس اللي يصير مع محمد شي صعب ...لا أنتي بتعرفينه ولا غيرج ...ما يعرفه غير المجرب ....
وديمه : لين متى بتم جي ....انا قلت محمد نسى حتى أسمها ...
محمد وهو يطالع بعيد وبعد سكوت : يوم أذكر أخر مكالمه بيني وبينها اكرها وأحس كل اللي فيني يكرها ..بس للاسف شعور ساعات وعقب يتغير ....انا في قرارة نفسي ماباها ولا أحاول حتى أفكر فيها بس يوم تي في بالي او يصير موقف ذكرني فيها أحس بنار تحرقني ....
وديمه : لا يا محمد ماباك تكون جي عيل وين محمد القوي الي حلف ينساها وينسى كل شي منها ...
محمد : ما عرف أحيانا أحس عمري أقوى مخلوق في هالدنيا خاصه يوم أذكر طريقة كلامها الاخير لي ...وأحيانا أحس أني اجذب على نفسي يوم أقول نسيتها ...وأحيانا احس عمري اعيش أيامي عادي ...شعور ما طاع يستقر ...
وديمه : انت يا محمد بديت تتغير وتتغير للاحسن وماباك ترد وراء عشان قلبك حن والا حلمتها والا شي لالالالالاالالالالالا أبـــــــــا أشوف في عيونك نظرة الامل والقوه اللي شفتها ذاك اليوم فيك ....
يطالعها محمد : صدقيني صدقيني أنا ما أحن انا اعرف قلبي يوم يحن أنا مثل المصدوم وتوه فاق من صدمته ...أنا مثل اللي كنت في غيبوبة ونشيت ..وما حصلتها ...أحس اني في حلم ...أنا مب متحسف على فراقها لا والله أنا متحسف على أيامي اللي قضيتها معاها ...أنتي ما تتخيلين هالشي أشكثر خلاني أخاف أبني علاقة مع أي حد ...أذا ميثه اللي هي ميثه وسارت ونكرت عيل وين الباقي ...
وديمه : لا يا محمد هذا المبدأ خطا ...وما بني على باطل فهو باطل ..اذا انت بنيت هالفكره في بالك عرف أنه عمرك ما راح تستقبل حد يديد في حياتك سوى زميل او صديق أو زوجه ...لانه أصابع يديك مب وحده ..الناس تختلف ..ناس تذكر العشره وناس دومها ناسيه ...أذا أنت غلط في اختيارك لميثه مب معنى هذا نهاية الدنيا لا يا محمد خل هالنهايه اللي حطتها ميثه بدايه لانطلاق حياه يديده لك ...لا تيأس أرجووووووووك ما حب أشوفك ضعيف ...
يبتسم محمد : لا تخافين يا وديمه اللي صار هو أني حلمتها وسوى قلبي ...
وديمه : شو حلمتها وخلاك تنجلب ...
محمد وهو يضحك على طريقة وديمه وهي تسأله شو حلمت ...
محمد : حلمتها مضايقه ...
وديمه : لا يبوك عيل الحرمه ترقص ما فيها شي ..دامك حلمتها مضايقه يعني العكس ..
محمد وهو يضحك : ان شاء الله ...
وديمه : هي جي أباك تضحك لاني والله ما أحب أشوف الحزن واليأس في أغلى الناس عندي ..
محمد : صدقيني والله والله والله أن نفسي من داخل تعاف نفسي يوم أذكرها ...
وديمه وهي تبطل عيونها : كيف بعد هذه ...
محمد وهو يحط يدينه على جتفها ويدخل داخل الحجره : يعني أن نفسي القويه تعاف نفسي الضعيفه يوم احن والا أشتاق ..
وديمه : ومنو أقوى ...
محمد : أكيد النفس القويه ...
وديمه : يعلنيه ما خلا منك عسى ربي يسعدك ويملي حياتك بالافراح ان شاء الله ...
محمد : أن شاء الله ....
وديمه : يالله عيل الشيخ بسير أرقد شي في خاطرك ..
محمد : سلامتج ...
تقولها وديمه من خاطرها : الله يسلم روحك من كل شر
محمد : آآآآآآآآآآآآآآآآمين ...
وسارت وديمه ترقد والا محمد رد مره ثانيه على البلكونه وكاره نفسه على ضعفه ..على نفسه اللي هزمته ...كيف أرضى لعمري أكون على ذكرى ناس باعتني برخيص ...كيف أكون على ذكراج يا ميثه ...بنساج وبنسى لي مضى ...صدقيني بنساج ....وتم على هالحال يقنع نفسه لين ما حس أنه تعب من الوقفه ودخل وصلى وساير يرقد ...

والله تعبت وملت الروح رجواك
وأدري تجاهلت الغرام ونسيته
ما اتبعك مادام غيرت ممشاك
لو هو صعيب القلب عنك نهيته
خسرت انا أيامي وأنا اتبع أرضاك
خذيت فرحي والشقاء لي عطيته
ليتك تذكرت الهوى لحظة أقفاك
وأصويحب لا شاق صدرك لقيته
نسيت حبي والسنين وسواياك
وخط كتبته في يدينك محيته
خل ينفعك من هو يمثل دنياك
دور الحبيب اللي هواك وهويته
نساك حبي وأبتدى اليوم ينساك
لا تظن قلبي لك مثل ما يغيته
لا جيتني والله لا رجع هداياك
مانسى عذابي يوم قلبي جفيته
يوم أختلط دمي ودمعي وش أدراك
لا هي ولا تدري بقلب كويته
وأن كان ترجع من يقول اني أنساك
الا الغرام اللي نسيته ...نسيته
( كلمات : مشتاق الشلاقي )

في دبي وبالتحديد في حجرة سيف ...والساعه كانت 1 فليل ...سيف كان يالس يخلص شغله ..ويتابع أمور الميزانيه ومن هالامور وشوي الا ادش عليه على المسن .....حمده ..
سيف أول ما دشت يرمس عمره
سيف : يالله في خاطريه أجتلج على الجذب والصب اللي تصبينه أوني أطرشلج أيميلات والله لو مب ودوم قايلتلي اني ما أرمسج جان غسلت شراعج ..طبها سيف ولا رمسها ....
رمستها حمده ...
حمده : السلام عليكم
سيف وماله خاطر عليها : وعليكم السلام والرحمه ...
حمده : شحالك سيف ؟؟؟
تأخر سيف عليها لانه ماله بارض ويالس يخلص شغله ...
حمده : مشغول ؟؟؟؟
سيف : سمحيلي بس عندي شغل لازم أخلصه ..
حمده : سيف يوم تخلص أباك في موضوع ؟؟؟
سيف يرمس عمره : شو تباني ؟؟؟؟ لا حول ..
سيف : قولي اللي عندج حمده ....خير ان شاء الله ..
حمده : سيف ما عرف شو اسوي ؟؟؟
سيف : ليش شو السالفه رمسي ...
حمده : ما أقدر أرمسك على المسن ....
يبطل سيف عيونه : ما تقدرين ترمسيني على المسن ...عيل كيف بتخبريني ...
حمده : ما عرف شو أقولك ...لاني أعرف اني بطيح من عينك وانك بتتحراني بنت شوراع ..
سيف : مب أنا يا حمده اللي أشوف البنات بهالنظره المريضه ..بهالنظره الدنيئه أنت شرات أختيه رمسي ولا تمين أتقولين بتتحراني وبتتحراني ...
حمده : سيف أبا أرمسك على التلفون والله مب عشان شي أباك تساعدني في الموضوع اللي خبرتك عنه من زمان ..لانه على المسن ما ينفع والله ما أدقلك من بعد ما يخلص الموضوع ..

سيف يقرأ ومستغرب ...ويرمس عمره ...شو أسوي الحين ..هو فعلا موضوعها كبير وحساس بس ما أقدر أرمسها ..........بتجتلني ودوووووم .......هي يوم بتشفير على عن الايميلات اللي مالها وجود بغت تموت عليه ...عيل وين اذا قتلها برمسها .....لاحووووووول المشكله ما أقدر أقول لوديمه أني رمست حمده على التلفون لانه البنت ظامنه فيني وحاطه ثقتها فيني أقوم انا وأربع أخبر .............شسوي ....ولا أقدر أقولها أني أرمس حمده لاني بضرها وأنا ما حب حد يتضرر مني ...... تم سيف يفكر ...شسوي ...اخاف حمده بروحها تسير وتقول لوديمه والله أنا أرمسه والدليل هذا رقمه وأبتلش انا ...؟؟؟ وبطلع جذاب في عيون وديمه وبخسرها ....يا ربي شسوي ....
حمده : أدري أني قاعده أظغط عليك بس والله أنت أدرى أشكثر انا محتاجه نصايحك أخوي والله أوعدك أني أقطعك بعد ما ينتهي الموضوع ....
سيف وهو يرمس عمره : لا حول الحين منو الريال أنا والا هي .....يالس ومتروع ....وحالتيه لله بس أدريبها حمده بتمشلكنيه ....بس يالله أخدمها ولا بقول لا ...والله المستعان ....
سيف : أنا ما عندي أي أشكاليه يا حمده بس ماباج تربعين وتخبرين حد
أنج اترمسيني ...مب عشان شي ..والله عشان مصلحتج انا ريال وما يضرني شي ...
حمده : والله عارفه هالشي واوعدك اني ما بقو ل لحد ....
سيف : عطيني رقمج ...
عطتها حمده رقمها ورمسها نص ساعه وسكر عنها .....ويوم سكر عنها ....

سيف : والله أحس عمري خاين بس سامحيني يا وديمه ما أقدر أقولج لانه هالشي أمانه في رقبيتيه وما أقدر أيي وأضر البنت ......لا بقول لوديمه أني كلمت حمده ...بس أدريبها ما بتقتنع بتقولي شو هو الموضوع اللي خلاك أترمسها ....والاكبر من جي بضر البنت حرام هي ظامنه فيني وأنا أخبر وديمه ...حتى لو كانت وديمه قلبي بس ما أقدر أضر البنت ...بس الحمد الله أنا واثق من نفسي أني ما بتعدى معاها غير الموضوع ومب ياي كل يوم أرمسها
وأن شاء الله يخلص الموضوع بسرعه وأرتاح .....

[كريزي]

في بيت قوم جابر .....

جابر كان يالس مع أخته عزه ...
جابر : عزه أبــــــــا أعرس ....
عزه : ذيج الساعه المباركــــــــــــــه وأخير بصير عمه ...
يضحك جابر : خلينيه أعرس وعقب فكري في العيال .....
عزه : أنزين منو في خاطرك ...
جابر : منو تتوقعين ؟؟؟؟
طالعته عزه وبعد سكوت : وديمـــــــــــــــــــه
جابر : وديمـــــــــــــــه
عزه : والله ما بتحصل وحده شراتها ....طيبه وقلبها صافي ..ويكفي أن الكل يحبها ...
جابر : وأنا شو اللي معلقني فيها غير طيبة قلبها ...وعيونها اللي ما تشوفين فيها غير براءة الدنيا ...
عزه : يعيني على اخويه ثرك معيببها
طالعها جابر : معيببها ...؟؟؟
عزه : ساكته
جابر : مب سالفة معيببها ولاشي ....السالفه أنها بنت عميه ومالي غنى عنها وما ظني بحصل وحدها شرتها ...
عزه : ومتى ناوي ان شاء الله ..
جابر : والله ناوي ارمس أبويه الحين ..على أساس يتم العرس أذا أراد الله في نص السنه ...
عزه وهي متعيبه : عنبو هالكثر مستعيل .؟؟؟
جابر : خليها علىالله ....المهم شو رأي ...
عزه : شوف لا ترمس أبويه الحين ...عشان ما يطلع الموضوع تعرف ودوم عليها أمتحانات المتيريم بعد 4 أيام فأقول أحسن تفتح الموضوع بعد ما تخلص أمتحاناتها ...تعرف رمضان وأمتحانات ...يسد هذا ...بعدك تشغلونها بسالفة العرس
يبستم جابر : عاد ودوووووم و يوعانه وعليها امتحانات عز الله نجحت ...
عزه : لا والمشكله عليها أول أيام رمضان ...
جابر : الله يعينهم والله ....عيل خلاص ما برمس أبويه لين ما تخلص ...
عزه : وأنا أقول بعد جي أحسن ....
جابر : يصير خير أن شاء الله ...

في بيت قوم محمد ....الساعه 7 نص
أم محمد : محمد يعلنيه أفداك أباك أتودينيه السوق ...أبى أتشرى لرمضان ...
محمد : ما طلبتي أميه ..بس بسير الداوم وبرد خلاف وبشلج ....
أم محمد : عاد لا تبطي عليه ..ورايه ميع الشي يبوك
محمد : لا ويهمج بسير وعلى 10 برد وبشلج ..
أم محمد : أترياك عيل ..
سار محمد الشغل ورد عليها وساروا يشرون لرمضان ..وما خلت شي أم محمد الا وشرته ...ساقوا ..ونشى ..ومجبات ...وأشترت اللي ناقصنها وردوا البيت ...

مرن الايام عادي ....

في حجرة وديمه الساعه 12فليل ....يالسه تدرس ومبطله شعرها لانها ما تعرف تدرس الا وشعرها متبطل ..الحرير الناعم اللي ياي على الاسود المحمر
وديمه يالسه اتشوف كم باقلها من الكتاب : خيبــــــــه بقالي 5 صفحات وأنا اللي من العصر أكرف فيه حشى ...بمووووووووووووت وتفر الكتاب وتنسدح على كرفايتها ...الا وشوي يتصل سيف وهي كانت حاطه الموبايل على التسريحه ....أول ما سمعت الرنه اللي حاطنها حق سيف ...
وديمه وهي تي صوب الموبايل : فديت من متصل ...
وديمه : هلا والله ...
سيف : مبروووووووووووك عليج الشهر ...
وديمه : الله يبارك فيك ..
سيف : عسى يكون عليج شهر رحمه وخير يا ودوم
وديمه : أجمعين أن شاء الله ...
سيف : ها بشريني خلصتي دراسه ...
بنبرة تعب أترد عليه وديمه : لا والله بقالي 5 صفحات ...
سيف : أنزين سمعيني بابا سيري وصلي ...ورقدي ..والساعه 8 نشي ودرسي ..
وديمه : شو أنش من الساعه 8 ..جي الدنيا رمضان تبىتجتلني يوع ...
سيف : لا تمين أتياحديني ..قلت الساعه 8 يعني الساعه 8 درسي لين صلاة الظهر وعقب ردي و رقدي ...
وديمه : سيــــــــــــــف ...
سيف : ها منو بيختم القران أكثر من مره أنا والا أنتي ..
وديمه :تبىالصراحه أنا كل رمضان اختمه مره ونص ..
سيف : بس هالمره بتختمينه أكثر من 2 ...
وديمه : أن شاء الله ....
سيف : يالله عيل بابا سيري ورقدي ....
وديمه وهي ترص على الموبايل في أذنها : ســـــــــاكته ...
سيف : ودووووووووووووووم الهبله وين وصلتي ؟؟؟؟
وديمه : أنت وين على البحر ...؟؟؟؟
حط سيف راسه على سيت السياره : على البحر ...
وديمه : يبخت هالبحر اللي تناظره عيونك يا سيف ...
سيف : ليتج عندي والله ...
وديمه : ســــــــــــــــاكته ...
سيف : تعرفين ودووووووم عمري ما رديت البيت الا وأنا مار على بحر الممزر ...أيلس وأطلع كل اللي في خاطريه وعقب أرد البيت ....
وديمه : ادري والله لا ني كل ما أرمسك تكون دايما على البحر ...
سيف : مب بس أنا يا ودوم لو تين وتشوفين ...بتحصلين العشاق أهني ..كل أثنين ويا بعض ....
وديمه : معقوله ....
سيف : هي والله ..
وديمه : تعرف سيف يوم كنت في صلاله سألني محمد شو يعنيلج البحر ..قتله أحس أنه بي اليوم اللي بكون عاشقه للبحر وهذا اليوم يا سيف يا ..وصرت أعشق البحر بس لانك تحبه ...
سيف : ويبقى البحر هو مسكن المحبين ..
وديمه : ويبقـــــــى البحر هو مسكن المحبين
اهني تمر سياره واحد مطول على الاغاني وحاط أغاني اجنبيه ...
سيف : درينا أنك تسمع اغاني اجنبيه والله لو قلنالك شو يقول جان بطلت هاحلج
وديمه ميته من الضحك : شو تبى الريال عنبو من أول يوم تلقطلك سيئات ...
سيف : أستغفر الله .....
ويلست ودوم أترمسه وعقب سكرت عنه وسارت ترقد ...

[كريزي]

في بيت قوم مهره ...أول أيام رمضان الساعه 4 ونص ...وبالتحديد في حجرة مهره ....مهره يالسه على كرفايتها تدرس ..وحصه يالسه على المكتب ..
مهره : خلاص تعبت راسي يدووووووور ما أقدر أتحمل ..ميته من اليوع ..
حصه : تعوذي من الشيطان يلسي وكملي ترى ما باقي شي الحين بيأذن ...
مهره : ما أقدر يوعــــــــــــانه ...
حصه : علىهاليوع اللي تصيحينه والسراط اللي تسرطينه الا أنه ما يبين عليج ....
مهره : حصووووووووه خلاص انا ما أقدر أكمل ...
تبطل حصه عيونها : شو ما تقدرين تكملين ...؟؟؟؟
مهره : خسج الله ...طالعوا وين سار تفكيرها ..يبوج ما أقدر أكمل دراســـــــــــــــه
حصه : أشوى روعتينيه ...قلت البنت تبى تفطر ..
مهره : أنا أبا أعرف كيف ترومن تدرسن وأنتن يواعى ..
حصه : لا حول ......أنزين قوليلي كم باقلج ؟؟
مهره : وحده ونص ...
حصه : وحده ونص ....حووووو أمتحانج الساعه8 ...يعني ما شي وقت ..جابلي كتابج أبركلج ...
مهره : سيري لا بتصل في ودووووووم بشوف أخبار اليوع عندها ...
حصه : تبى بس أتضيع الوقت ...
تتصل مهره في وديمه ....
مهره : ألو
ترد عليها وديمه وهي راقده : ألو ..
مهره : أعوذ بالله ...شوهالصوت ..شو فيج ؟؟؟
وديمه : منو أنتي ...؟؟
مهره : حوووووووو الدهمانه ...شو فيج ...
وديمه : مهرووووووووه شو تبين ؟؟؟
مهره : راقده ...
تشوف وديمه الساعه : خيبه أربع ونص ما صليت ...
مهره : شو مرقدنج لين الحين ..دخيلج قولي ما درست لاني ما درست ...
وديمه : شو ما درست ..سيف متصل فيني الساعه 8 وحشرني لين ما نشيت ادرس ولا خلاني أرقد لين ما أذن الظهر عقب قالي توكلي سيري رقدي ...
مهره : يا حافط أنتي عندج حد واقفلج على راسج الداعيه انا ...آآآآآآآآآآآآه يا القهر..
وديمه : جلبي ويهج خليني أسير وأصلي ...فاتتني الصلاه ....
أهني يدش راشد ...
راشد : حصه ترى دانوه يالسه في الشمس ..وما طاحت تدخل داخل ...
حصه : في الشمس ؟؟؟؟؟ وتخطف حصه تنزل تحت ..وطلعت خاري وحصلت دانه يالسه في الشمس وحاطه يدينها على خدها ...
حصه : دانوتي شو تسوين ماما
ترفع دانه عيونها صوب حصه : اتريا بابا جابر....
غمضت عيونها حصه وجنه حد واقف على قلبها : قومي بابا جابر بعدين بي ..
دانه : ما بدخل داخل هو قالي بيصلي وبي ...
حصه : أي صلاه حبيبي ....
دانه: قالي بيني بعد صلاة التروايح ...ما عرف شو يعني التراويح ...
تبتسم حصه أبستامه ألم : دانه حبيبي صلاة التراويح عند العشاء ..فليل ....دشي حبيبي داخل وبعدين بي جابر ...
واهني اطلع دانه تلفون حصه من ثبانها ....والورقه اللي كاتبه فيها الرقم
حصه :وأنتي من متى ماخذه تلفوني أنسه دانوه ...؟؟؟
دانه : يوم غديتيني نسيتي تلفونج ....وأهني يتصل جابر ....
حصه تأشر لدانه : عطيني أشوف من متصل ...
دانه : لو بابا عطيني أياها ..
حصه وتشوف الرقم غريب ....: منو رقمه هذا ...؟؟
دانه : خليني أشوف ...؟؟؟؟
تقوم حصه وترد ..
حصه بصون واطي : ألو
جابر : ألو
حصه : منو معايه ..
جابر عرف أنها حصه : شحال دانه ؟؟
أبتسمت حصه لانها عرفت أنه المتصل جابر : الحمد الله يسرك الحال ...شحالك انت ؟؟
جابر : بخير يسرج الحال ...
حصه : أكيد دانه ازعجتك لاني والله ما أدريبها أنه ماخذه تلفوني ...ويالسه أدقدقلك ؟؟
جابر : لا تقولين جي ...وينها عنج هي
حصه : هني يبوك من الصبح يالسه في الشمس تترياك تيها اونه بابا جابر قالي بيني صلاة التروايج ..وانا ما عرف متى صلاة التروايح ...
جابر : يعلني ما خلا منها ..عطيني أياها ...
دانه : بابا جابر وينك انت ؟؟؟
جابر : فديـــــــــــــــــتج يا ربي حبيبي كنت راقد ؟؟
دانه : ما بتي ...؟؟؟
جابر : شو في حبيبي بسير العزبه الحين وبعد صلاة التراويح بي ..دخلى الحين داخل ومره ثانيه ما تيلسين في الشمس ..تسمعين ..
دانه : انزين ....
جابر : يالله حبيبي مع السلامه ...
دانه : مع السلامه ...
نشت حصه وسجلت رقم جابر عندها بأسم بابا ...لانه دانه حاشرتنها الا أتسيمنه بابا ...
دانه : حصه ليش ما تسمينه بابا جابر ....
ماتت حصه من الضحك : أسمي بابا ليش حبيبي ؟؟؟
دانه : لانه أبويه يعني أبوج ؟؟؟
حصه : أوكي ما عليه بسمي بابا بس تعالي بسويلج سندويشه تاكلينها .....
وسارت حصه أتسويلها سندويشه ....وعقب سارت تكمل دراستها قبل لا يأذن المغرب ....
بعد صلاة المغرب ...بعد ما فطروا ...يسلوا يتابعون يوم أخر ويوم خلص تلبسن وسارن الجامعه ....وعلى طول من وصلن سارن المسيد وصلن وعقب سارن النافوره وتيمعن كل ربايعهن ....لانه أمتحاناتهن بيدن الساعه 8 وحد الساعه 9

[كريزي]

والا في بيت قوم مهره ...دانه يالسه خاري تتريا جابر أياها ...ويوم يت الساعه 8 ونص وصل جابر ...أول ما يا وصل نزل وسلم على الاهل وشل دانه و ذياب وساروا المبزره يحوطون ....

في دبي وبالتحديد في الملا بلازء ..الساعه 10 ونص فليل ...سيف يالس يتريا خليفه أيي وكان في الكوفي ...بروحه ....ويالس يفكر ....ويطالع محل لفساتين العرس ...والا أشوي تتصل وديمه ...
سيف : هلا والله براحة فؤادي ...
وديمه : هلا الغالي ...
سيف : ها بابا بشريني شو سويتي في الامتحان .؟؟
وديمه : الحمد الله كان سهل ؟؟؟
سيف : الحمد الله ....
وديمه : أسمع حشره عندك ...وين أنت ؟؟
تنهد سيف من خاطره : ســـــــــــــــــاكت ...
وديمه: سيــــــــــــف
سيف : قبل لا تتصلين يالس أشوف محل فساتين عرس و مجابلني واتخيلج عروس ...
سكتت وديمه وغيرت السالفه لانه قلبها عورها لانها تدري أنه سيف مجرد حلم بالنسبه حقها وأنه مستحيل يكون هو فارس أحلامها ....
عرف سيف بسكوت وديمه انه كلمته عورتها : بابا وديمه شحالج ؟؟؟
بنبره ألم وتكسير حلم : بخير ....
وديمه : شو يالس اتسوي روحك ؟؟؟
سيف : والله ما شي أتريا ربيعيه خليفه أي ....
وديمه : عيل بخليك الحين لاني أسمع أميه تزقرنيه .."
سيف : أتريـــــــــاج فليل قبل لا ترقدين ...
وديمه : أن شاء الله ..
وسكرت وديمه عن سيف وقلبها يعورها ..لانها تدري أنه سيف مجرد حلم بالنسبه حقها ..وان أذا القدر جمعهم مع بعض الا انه ماراح يجمعهم على الزواج ...حاولت وديمه تغير الموضوع من بالها لان هالموضوع أيبلها الهم في قلبها .....نزلت وديم تحت وكانت العايله كلها متيمعه وكانت عندهم يدتهم رويه ...سلمت وديمه على يدتها ويلست ....ويلسوا يأكلون ..ويطالعون التلفزيون ..وطلعت دعايه في مجلة زهرة الخليج ..نانسي عجرم ...وأليسا ...
خوله : محمد في ذمتك منو احلى نانسي والا ألسيا
محمد : والله نانسي احلى
خوله : نانسي أحلى حرام عليـــــــــــك ...يبوك هاي ما يابت الحلاه الا من عمليات التجميل ..
محمد : أدريبها أنزين ..عادي لو أييب أميه رويه ..وسويلها عمليات تجميل ..بعد ست الشهور بتغسل نانسي وأليسا ....
وتمت الكل يضـــــــــــــحك ...
أمهم رويه : ما عليك يا الهرم ...انا أتشبهنيه على هالخايسات ....
ميت محمدمن الضحك : يالله يا أميه بحصلج أتصورين فيديو كليب عند مكينتج في المزرعه ...
هادف : والبيدار هو البطل ....
خوله : هههههههههههههههه عاد أي واحد منهم ...حنيف والا منير ...
أمهم رويه : بدال مب يالس تطنز قوم ويبليه جت ..أبركلك ...
وديمه : يحظج يا أميه لا هم ولا هم يحزنون ...كل همج في هالدنيا بوشج ..والهوش والدياي باظن والا لا ...والمزرعه ما فيها ماي ...ومعاشات الهنود .....الله لو كل الناس عايشين شراتج جان الكل بخير ...
محمد : هي والله ...
ويلسوا يسولفون وعقب سار كل واحد حجرته ....

مرن الايام وخلصن البنات امتحاناتهن بس بقى أمتحان واحد والاخير لحصه ....وسارت حصه الجامعه تمتحن ....والا في بيت قوم مهره كان جابر ياي عندهم ...
مهره : جابر وين بتشل دانه ؟؟؟
جابر : بوديها المول ...ليش شي في خاطرج ؟؟؟
مهره : أمممممممم دريولنا شلته اميه وسارت الهير ..وما حصلت حد أيب حصه من الجامعه ..
جابر :خلاص أنا بخطف عليها ...متى بتخلص ؟؟؟
مهره : الساعه 10 الا ثلث بتحصلها مخلصه ...
جابر : خلاص انا 9 ونص بتحصلنيه اهناك ....
مهره : مشكور الشيخ ....
وسار جابر المول .....واتصلت مهره في حصه ....
مهره : ألو
حصه : هلا
مهره : حصه ترى الدريول محد وبيج جابر ...
حصه : ليــــــش تعبلين على جابر ...جن اتصلتي لدريولنا أييني ..
مهره : ما فيها شي ..يالله سكري لحد يمسكج الحين ...
حصه : متى بي ومنو معاه ..
مهره : والله محدعنده ..غير دانوه ...
حصه : وكيف ان شاء الله بركب معاه ..
مهره : شو بياكلج هو ..أكيد بتحصلينه خاري الحين ....
حصه : أوكي
وسكرت حصه عن مهره ..ويلست توايق من درايش الرسبشن على امل أنه دانوه تنزل ....وألف شي يدور فيها ....والله هالريال ملعوزينه ....لا حول .....وشوي يتصل جابر ...
أول ما شافت رقمه .تم قلبها يدق ...
حصه : ألو
دانه : ألو
غمضت حصه عيونها وتنهدت : وين انتي دانوه ..
دانه : نحن الحين في الجامعه يالله تعالي ..
حصه : دانوه نزلي ودخلي داخل لاني ما اعرف وين السياره ...
دانه ترمس جاير : تقولي أنزل ...
جابر : لا ما شي تنزلين ....عطيني التلفون ..
جابر : ألو
تسرط ريجها حصه : ألو
جابر : شحالج ..؟؟
حصه : بخير الحمد الله ..شحالك انت ..
جابر : بخير يعلج الخير .....حصه انا بنزل الحين وبوقف قرب الباب ..اوكي
حصه : أوكي ...
سكرت حصه عنه ...ويلست أطالع ...الا تنتبه لجابر وهوينزل من السياره ..ويعدل سفرته ويمشي ..وهي أطالعه وما خوزت عينها عنها لين ما وقف .... سارت حصه ومررت البطافه وطلعت ...
حصه : جابر
طالعها جابر : وأشرلها تعالي ....وتمت تمشي حصه وراه وقلبها بيطلع من صدرها ...وركبت السياره ...
تي دانه ورى وتلوي على اختها : سرت المول وشتريت من باسكن روبنز حقي وحقج وحق ذياب وحق مهره وراشد ....حصه ذيج الساعه ما تسمع شي ..غير دقات قلبها ...
جابر : ها حصه بشري شو سويتي في الامتحان ..
حصه : الحمد الله كان سهل ...
جابر : دانوه يأنج تيلسين ورى والاتعالي عندي ...لا تمين جي ..
دانه : انزين بي عندك ....
جابر : ليش ساكته حصه ؟؟؟؟ رمسي ...
توايق دانه ورى : اونه تستحي ...
حصه : دانوه يلسي زين والا تراني مره ثانيه ما بخلي جابر يطلعج ....
طالعها جابر: مره بشاورج انا ....
ضحكت حصه ....: ما تشوفها ما تقر ..ما يبلها الا العين الحمره ..
دانه : والله مب كيفج يوم بسير مع أبويه بسير ....
جــــابر : آآآآآآآآآآآآآآآآآآآآآآآآآه يلعنج كيف احبج ويقرب ويها جابر حق دانه : بوسيني ...
تقوم دانه تبوس جابر ...وحصه أطالع ومتعيبه ..
حصه : جابر طالع جدام ..ما عليك من هالخبله ...
طالعها جابر : ادري أنـــــــــــج غيرانه ....
حمرت أزرقت وصفرت حصه .....: جابر من شو أغار ..أن شاء الله ....
دانه : لانج تبين تيلسين جدام ...
وقف قلب جابر وحصه كل واحد منهم يتحرى أنه دانه بتقول غيرانه لانه قالي بوسيني ...
تم جابر يضحك ...وميت من الضحك ..
حصه : ســــــــــاكته
طالعها جابر وهي يالسه تتصفح الكتاب ومتغشيه : وقف قلبـــــــــــــج صح ...
حصه : بس مب كثر ما وقف قلبك يا جابر ...
جابر : هالقلب طول عمره واقف وما تحرك لين ما عرفت هالدانه ...هي اللي غيرت شي كبير في حياتي ...
سكتت حصه ....مستغربه من كلام جابر .وبعد سكوت ..
حصه :جابر ليش قلت هالكلام .؟؟؟
جابر : أي كلام ؟؟؟
حصه : أنه قلبك من زمان واقف الا من عرفت دانه ....
جابر وبنبرة حزن : لا تتنشدينيه عن شي كنت مضيعنها وما عرفت قيمته الا من عرفتكم وما بقولكم غير أنكم صرتوا جزء مني يا حصه ....
تنهدت حصه من خاطرها وخنقتها العبره : جميلك يا جابر ما أقدر أرده ...
جابر : أنا ما سويت شي يا حصه هذا واجبي ...
حصه : واجبك انت .....ليش أنت لا ولد عميه ولا ولد خاليه ولا شي يا جابر تتحمل مسؤلية ياهل ليش ......
جابر : ما برد عليج .....
سكتت حصه عنه وتمت اتفكر في كلام جابر ...اللي قطعلها قلبها ..وخلى جابر اذا كان كبير فاليوم كبر في عيونها ألف مره .....
ووصلهم جابر ....
حصه : مشكور الشيخ وما تقصر ....
جابر : العفو ....

[كريزي]

وهذا جزء

ونزلت حصه وسارت فوق ...وكلام جابر ما يخوز عن خاطرها ....والا جابر يوم طرج عنهم ...
وهو يفكر فيهم ....ليش يا الدنيا ..ليش ....ليش على القريب بتقسين وعلى البعيد بتحنين ..ليش ؟؟؟؟؟؟؟ آآآآآآآآآآآآآآآآآآآآه

مرت الايام عادي ...وفي بيت قوم مهره ...وبالتحديد في المطبخ ...بعد الفطور ...
حصه : شو مهره خلصت العيـــــــينه ..
مهره : هي خلصت ...يالله يارب تطلع زينه ...
حصه : لا ما عليج دامني عندج بتطلع زينه .
مهره : لا تتحرن عمــــاركن بتاكلن منها ..
حصه : يسلام عيل حق منو مسوتنه أنسه مهره ...
مهره : مستونــــــــــــــها حق محمد ..
حصه : جي بس محمد بيأكل منها ..
مهره : يوم بيخلص محمد وبغسل يديه ذيج الساعه بتاكلنها ...
طالعتها حصه : يوم الا مذلــــــــه محد يباها ...
مهره : عيل ان شاء الله حبا فيكن بيلس أطبخلكن ..
حصه : مهره خلصي شغلج وفكينا من صدعتج ...ما نبا انسير عند قوم ودوم نص الليالي ...
مهره : خلاص الحين بحطها في الفرن ..وبسير أتسبح وبصلي وبنسير ..
حصه : عيل بسير أنا اخلص شغليه وأسبح دانوه ...
مهره : أوكي ....
وخلصت مهره شغلها وسارن عند قوم وديمه ...وأول مره أتسير حصه بيت قوم وديمه ...
وكانت وديمه يالسه ترياهن ..والبيت فاضي ....أول ما ين يلست وديمه أتراوي حصه بيتهم ...وعقب يلسن في الصاله اللي تحت ...
مهره : ودوووووووم وين محمد ..؟؟؟؟
طالعت وديمه ...حصه ...: تسمعين بنت خالتج ...
حصه : انا هالبنت معاناه عندي ...ماشي طاري في هالدنيا غير محمد ....
ماسكه المنظره مهره وتعدل القلوس ...: لا تملي حشره ...وين محمد ..؟؟؟
وديمه : محمد عنده عزيمه اليوم وسار عند ربعه ...
شهقت مهره من خاطرها : لاااااااااااااااااااااااااااااااااااااااا
ضحكت حصه من خاطرها ....والا وديمه : يالله بستر شو يـــــــــاج ....
مهره : عيل حق منو مسويه أنا الاكله ....لا حول .....
في هالوقت نفسه محمد كان ناسي تلفونه في حجرته ....ورد يبى يأخذها ...وقبل ما يدش الصاله ..كان ياي من الباب الثاني يعني لازم يمر على ممر وعقب يدخل الصاله ..ويوم وصل قرب الباب ما كان محمد يقدر يشوف الا مهره ... ...سمع ...حصه تقول ...
حصه : تستاهلين محد يباكلها غير محمد ...ولو تموتن ما ذوقنها ...دواج أحسن ...
مهره : والله ما ذوقنه عيل ...بخليها لين ما يي ..يوم بي بيتسحربها ....
وديمه : سمعوا الخبله ....حصوووووه نشي يبيهـــــــــــا ...
تنش مهره ..: والله ما ذوقــــــــنها ...جاني مسوتنها حق شيخ الرياييل ...مسوتنها حق وهي تأشر على قلبها ...
تغمز حصه حق ودوووم : ودووووووووم أتصلي لمحمد ...خليه أيي بسرعه قوليلها عرب بيموتون لو ما ييت ...
محمد متيبس مكانه ....ودقات قلبه الكل يسمعها خاصه ..بعد ما شاف مهره تأشر على قلبها ...
تنش مهره وتوقف على ينب يعني محمد ما يشوفها ويه بويه ...ونشت وشلت الاكله وتبى اتسير المطبخ عشان تحطها أهناك ...قبل لا تسير غنت اغنيه راشد بكل أحاسيس الدنيا غنتها وجنه قلبها هو اللي يغني ...وغنت المقطع اللي يقول ....


أحســــــــــــاسي الصـــــــــادق مع محــــــــــــــــــــــمد يحتويني ...

وأحســــــــــاسي لغيــــــــــــــــره من النـــــــــــــــاس كــــــــــــذاب ....

على طول محمد مسك الباب ما قدر يوقف ..ويت مهره صوب الباب ...وأول ما شافت محمد تبريدت مكانها ...كل واحد يطالع الثاني ....
محمد يطالعها وجنه أول مره يطالعها ...يطالعها وكل شي جدامه يدور ...( يوم كان يرمسها عن ميثه في صلاله وعيونها دم ...وفوق اليبل ...وعلى البحر ..ويوم وصلها البيت ..وشو كانت ردت فعلها ...ويوم يالس يدرسها .....) غمض عيونه محمد ....وتنهد من خاطره ..والا مهره ..قلبها بيطلع منها ....ياويلي أكيد سمعني ....
تقطع وديمه لحظه الصمت .....
وديمه : محـــــــــــــــــــــــمد .....
طالعها محمد بنظره ونظرتها تقول : صح يا وديمه اللي سمعته ...
حست وديمه أنه محمد سمع الحوار اللي دار وقالت في خاطرها والله لشعلها اليوم ..
وديمه : وأنا أقول النسره ما بتسكت الا اذا شافت محمد
..طالعتها مهره : أنــــــــــــــــا وهي تأشر على عمرها ..بكل براءه ...
وديمه : لا انــــــــــــــا ...يبوك يا محمد حاشرتنه من الصبح بسبت هالاكله جنها أول مره تطبخ ...أونه لازم محمد يذوقها ...
طالع محمد مهره وهو مب قادر يطالعها : ولا يهمـــــــج ....بأكلها والله بس مواعد ربيعيه ويوم بي باكلها ولا عليج من ودووووووم ...
وخطف عدالها ولا قالها غير هالرسمه ..وريحة دهن العود تضرب في الراس ....أول ما خطف عدالها ..غمضت عيونها وحطت أيدها على قلبها ....
خطف محمد عدال حصه : السلام عليكم ...
حصه : وعليكم السلام ...
وركب محمد فوق ....والا مهره حطت يديها على ويها :لااااااااااااااااااااااااااااا والله سمعني ..
تي صوبهن حصه : والله انه سمع رمستنه ...
ووديمه فرحانه من خاطرها : وأخيــــــــــــــرا سمع محمد ...
مهره : ســــــــاكته ....ويها محمر ...وتحس بحراره في جسمها ...
وديمه :مهرووووووووووووه حوووووووووووووووووووو ....
مهره : خلينا نطلع خاري ..ما أقدر أوقف ...
حصه : من شوالج ..يا الشوله ...يالسه الا محمد ..ومحمد ..خليه يدري ...أنتي من زمان تترين هاليوم ...
طالعتها مهره بنظره وعقب أبتسمت : والله أنه محمد سمعنيه ..والله أنه سمعينه ..بموووووووووووووووووووووووووووووت ..
حصه : والله أني مستانسه ..وهي تضحك من خاطرها هي ودوووووووم ...
مهره : يعلكن تضحكن بلا ضرووووووس ..
حصه : منو قدج بيـــــــأكل من أيدج ...
مهره وهي تيلس خاري : الحين كيف بجـــــــــابله ...
وديمه : لا حول ....هي يوم ما كان يدري تموت علينا الحين يوم درى شو بتسوي فينا كل ما تشوفه
تضحك حصه من خاطرها ...
مهره وهي حاطه أيدها على خدها وســـــاكته الا شوي : آآآآآآآآآآآآآآآآآآآآآآه فديت عيونه ففديت ريحته ....
حصه : يالله بستر ....
وديمه : هلا محمد ..
شهقت مهره من خاطرها ....وتضحك وديمه من خاطرها : توبي بسج خبال ...
مهره : يعلج ريل أعور ...
وديمه : هبي هباج الله ...
ويلسن البنات خاري وينهن بنات اليــــــيران ويلسن يسولفن كلهن ما عاد مهره اللي كانت ف عالم ثاني ...وألف شي يدور في خاطرها ..يا ترى شو سمع ...وشو بيقول في خاطره ....ليتني ما غنيت ولا تكلمت ....يا ترى في شو تفكر يا محمد ..؟؟؟؟؟
والا محمد أول ما طلع فوق ..والا بتسامه ما فارجته ...وأول ما دخل حجرته وياي يشل الموبايل من التسريحه يطالع عمره في المنظره ....ويبتسم ....ويعدل سفرته ...غمض عيونه .....لا ما أصدق ....طلع من حجرته ولا الامير يمشي ...الفرحه من زمان ما نرسمت في ويه محمد مثل هالدقيقه ...أنرسمت وجنها حالفه أنها ما بتفارقه من هاليوم .....ركب محمد سيارته وشكل مهره وهي تغني ما يفارقه ......

أحســــــــــاسي الصادق مع محمـــــــــــد يحتويني ...
وأحســـــــاسي لغيره من النـــــــــــــــاس كــــــــــــذاب

يالله يا الدنيــــــــــــــــــــــا معقوله وهو يذكر أيام صلاله ..والمواقف ....لا مستحيل ...معقوله مهره تحبينه وأنا مب حاس لا مستحيل .....ومعقوله وديمه ما تخبرنيه . ا مستحيل ...ليكون أنا صدقت عمريه وتحريت عمريه أنا محمد ...لالالالاالالالالا لو مب أنا جان ما تصلبت جدامي .... أبتسم محمد ....وهو واقف عند الاشاره ....( يالله يا رب تعـــــــــــــــــــــوضني ) قالها بكل ما يملك محمد من احاسيس الدينـــــا ...قالها والامل هالمره جدامه ويشوفه بعيونه ....قالها وهو محتاي فعلا أنه حد أيي ويعوضه .....

[كريزي]

عند البنات ..يوم روحن بنات الييران ..يتصل جابر في حصه .....أطالع حصه الرقم ..
حصه : جابر متصل
طالعتها وديمه بنظره تقولها هــــــــــا شو بينكم وأبتسمت ....
تضحك حصه : والله ما بيني وبينه شي ..متصل يتنشد عن دانوه ...
مهره : عطيني برمسه ....
وديمه : وأنتي شو خصــــــــــــــج الريال متصل يرمس دانوه ...
مهره : أبا أرمس حد ...أبا أنفجر ..أبا أضحك ..أبا أصيح ...ليـــــــــــش هو من متصل ؟؟؟؟؟
ضحكت وديمه وحصه من خاطرها : والله ينت البــــــــــــــــنت ....
وديمه : الحمد الله أني اليوم مابات عندج والا بتيننيبيه ...
حصه : الله السهره صبــــــــاحي
مهره : بيكن اليوم الي كل وحده بحصله مسطله شراتي
وديمه : لا ان شاء الله ...
حصه : وينـــــــــــــه يا حسره ...يوم بيني ذيج الساعه لو يذبحني .....ويدوس على راسي ...بفديه والله ...
طالعتها وديمه بنظره وهالنظره مكتوب فيها ( جــــــابر اللي بيج يا حصه ) طالعتها حصه وقرت نظره وديمه ....
حصه : مستحيل يا ودوم ....
وديمه أطالع حصه : ســــــــــــــــاكته
مهره : عن شو ترمسون ...
حصه : وديمه لا تمين أطالعينيه جي ...أتحسسني أنه شي بينه
وديمه : ســـــــــــــــاكته ...
حصه : ودوووووووووووووووووم وتي وتمسك ودوم وتلوي عليها ....لا تمين تقوليلي جي والله ما بني وبينه شي ..
وديمه وهي تضحك : والله أدريبج ....وبالعكس أنا من شفت جابر مع دانه ....تمنيت أنه جابر يكون من نصيبج لانج والله تستاهلينه ....
سكتت حصه وبعد سكوت : انا وديمه والله ما نظرت لجابر الا شرات اخويه لا غير ....
تنش وديمه : مشاعر الاخوه باجر بتتحول لمشاعر ثانيه ...
مهره : حوووووووووووووو عن شو ترمسون ...
حصه : ســــــــــــــــاكته ....
وهني تي دانه ........وتيلس في ثبان اختها ...
حصه : دانوه دقي لجابر...تراه أتصل ...وتقوم دانه تتصل في جابر ....ورمسته وسكرت عنه...وردن قوم مهره وحصه البيت ...مهره الموقف ما يروح عن بالها ....والا حصه كلام وديمه يدور في خاطرها .......
والا وديمه أول ما روحن ...سارت حجرتها ...وتسبحت ويلست تقرا قرءان ....ويدق محمد الباب ...
وديمه : قرب ...
ودخل محمد : اللـــــــــــــــه ما حلات ريحة حجرتــــــــــــــج ....شو هالجو الرومانسي ..عنبو مولعه شموع والله ذكرتينه بخدامتنا تريزا ...دومه أسميها مولعه شموع ..
تضحك وديمه من خاطرها ...وحطت القرءان على ينب ...
محمد : ها كم خلصتي ؟؟؟
وديمه : باقلي خمسة اجزاء وبخلص ختمه ...
محمد : ماشاء الله ...مع انه عليج أمتحانات ...وبقالج خمسه ...
وديمه في خاطرها : جزاك الله ألف خير يا سيف ........
وديمه : تراني أقرا في اليوم حوالي 3 على حسب ....
ينسدح محمد على كرفايتها : ببــــــــــــــات عندج اليوم ....
وديمه : برقدك تحت ...
محمد : عنلاتج زاد صدق أنج ما تستحين ...
تضحك وديمه ...: أنزين قولي اخبـــــــــارك ...
طالعها محمد وأبتسم .....
وديمه عرفت انه محمد ياي يتنشد عن الي صار اليوم : تعرف محمد ما ودي أتكلم ولا أقول بس اكثر عن جي ما أقدر أسكت وبتكلم ....
طالعها محمد بنظره : رمســـــــــي ( جنه محمد هالمره هو الي محتاي يسمع )
وديمــــــــــه : مهره تحبـــــــك يا محمد ...
غمض عيونه محمد ..ودقات قلبه تزيد ...ووديمه ساكته عنه ...لانها تعرف محمد شو ياه من الحب الاولاني ...فما مب سهله انه يتحمل تجربه ثانيه ....والا محمد كان متوقع من وديمه هالكلمه بعد اللي شافه اليوم ....بس ما كان يتخيل أن هالكلمه لو سمعها من وديمه بتهزه هالهزه كلها .....عدل محمد من يلسته ...
وديمه : لا تتعيب يا محمد ....مهره من صلاله تحبـــــــــــــــك ...تعرف شو يعني تحبك ....أحلفلك يا محمد انها كل صلاه تدعيلك انه الله يشل همك ...وترتــــــاح ....
محمد يطالعها بس يبى يسمع .....
وديمه : أكثر عن ما عذبيتها لا تعذبها .....
محمد يذكر كل شي ....خاصه يوم سألته مهره : لوحبيتك وحده بتحبــــــــــه ...محمد في خاطره كيف ما ترجمت كلامها وأحاسيسها الواضحه ...كيف ؟؟؟؟؟؟
وديمه : لا تضيع مهره من يديك يا محمد ....
محمد : مب قادر أصدق ....كيف ..ومتى ....وكيف ما حسيت ؟؟؟؟؟
وديمه : عمره الحب ما يشاور حد ...ولو الحب شاورنا جان كلنا رفضناه ...وخاصه في حالة مهره وهي تدري بكل شي عن ميثه ..الا انه أحاسيسها مب ملكها ....ولو كان هالشي بيدينها جان ما حبيتك ....
محمد بعد سكوت : ما عرف شو أقولج ؟؟؟ أقولج فرحان ..والا منصدم ....والا شو بالضبط والله ما عرف ...
وديمه : والله يا محمد اني عارفه شو في خاطرك ....
رد محمد ينسدح : دنيــــــــــــــــا ......أمس كنت مع ميثـــــــــــه .......واليوم بكون مع غيرها .....
وديمه : مب عيب والا ناوي تحرم على عمرك العيشه ...وبتم على ذكرى ناس باعتك في ثواني ....
كلمة وديمه هذه مثل الطعنه في صدر محمد : هي والله قلتيها ....بس والله العظيم أنه ميثه راحت وما بقى لها شي في قلبي غير الذكرى ......انا صنت ميثه وما اتوقع انه حد بيصون مثل صنتج يا ميــــــــــثه ....
وديمه : في ذمتك ما كنت تحس بأي شي صوب مهره ...
ضحك محمد : أنتي ما تتخيلين أشكثر هالانسانه قلبي متعلق فيها خاصه من صلاله والله أذكر مره كنت فوق اليبل أظني ..وما ادري شو اقولها ..جان تقولي عيون مهره والله يا ودووووووم انه قلبي وقف ....بالعكس انا مهره لها معزه خاصه في قلبي ...بس اليوم يوم غنت ....أسميها هزتني هز ....
ضحكت وديمه من خاطرهــــــــا : أنت لو شفت شكلها يوم روحت والله بتضحك عليها ...أسمينا أطنزنا عليها أنا وحصه ...
محمد : من حصه ....
وديمه : الي كانت واقفه ...هاي الله يسلمك أتصير بنت خالة مهره ...
محمد :اها ....
وديمه : كلت عاده اللي مسوتنه لانسه مهره
محمد : اكيــــــــــــــــــــــــــــد .....
تضحك وديمه : بدقلها بقولها محد يقول أنها مب حلوه
محمد : حرام عيلج ....
وديمه : عاد محمد لا تم تبين حق مهره أنك دريت بالشي ..
محمد وهو ينش : جي روحج بتربعين تخبرينها ....
وديمه : هي والله متى بي باجر .....
محمد : يالله عيل تصبحين على خير .....
وطلع محمد من حجرته ....آآآآآآآآآآآآآآآآآآآآآآه توني أحس أن الدنيا ضحكتلي ...الحين أقدر أقول لكل شي مع السلامه ..بس يا ترى بتقدرين يا مهره تملكيني ...وبتعوضيني عن كل شي ....بتقدرين تبنين محمد من يديد ....يلس محمد في حجرته ...ويفكر في الدنيا وفي الناس ...وأنه الدنيا يوم تضحكلك ويوم تبكيك ......سبحان الله ....

[كريزي]

والا وديمه أول ما طلع محمد ...
وديمه : ما أقدر أتحمل لين باجر بتصل الحين وبخبر مهرووووه ..
وتتصل وديمه في مهره .اللي كانت يالسه في الحجره اللي ترقد فيها حصه وأختها وأمبندات الليتات ..ويالسات يرسمن ....وشوي الا يوصل أتصال وديمه
مهره : ودوم متصله غريبه
حصه : أنزين ردي عليها ....
مهره : ألو
وديمه : شو بتعطينيه على هالخبر ؟؟؟؟؟
مهره : ودووووووووووووم رمسي لا تقطعيليه قلبي ....
وديمه : محمد ...
حطت مهره راسها على الكرسي : ساكته .......وحصه أطالع مهره ويالس تلعب بشعر دانه اللي كانت في سابع رقده ...وفي خاطرها ...أكيد طرولج محمد ....
وديمه : ياني لين حجرتيه وقلتله كل شي ....
مهره : شو قلتيله
وديمه : قتله كل اللي في خاطرج ...
تنش مهره وتوقف على البلكونه وحصه أطالعها : شو قلتيله ....
وديمه : قتله أنج تحبينه ...
بصوت عالي : لااااااااااااااااااااااااا ليش يا ودوووووووووووم ليش حرام عليج ......ليش ؟؟؟؟؟؟؟ ليش ؟؟؟؟؟؟
وديمه : صدقيني بعد اليوم بيتغير كل شي .....صدقيني ...
مهره : أنتي شو تقولين يا ودوووووووووووووم ....محمد بعدها ميثه في قلبه ...أنا لا بغير شي .ولا أقدر أسوي شي ...غير أنج احرجتيني وبس ...كيف بجابله قولي ...كيف .......؟؟؟؟
وديمه : يا بابا يا مهره ...السالفه مب سالفة احراج ولا شي ....السالفه أنه محمد فعلا بدى يرد محمد الاولاني ...وأنا أخته وأدرى الناس فيه ....وهالخطوه اللي يت مني راح تحدد مصيرج ومصيره ....
مهره وهي متعيبه من كلام وديمه : حوووووووووووو شو تقولين أنتي والله ما فهمت شي ...
وديمه : ودري عنج سالفة الاحراج ومب الاحراج ....مهره لها قدر خاص في قلب محمد وهالكلمه هو قالها لي اليوم ...ومب شرط محمد عشان يتزوجج لازم يحبج ...يكفي أني قريت في عيونه قدر مهره ....وانه مهره لمحمد ....
مهره من وقفتها يلست : ودوووووووووووووم لا تخليني أحلم ...بليز لا تخلينيه أحلم ...اللي قاعده أتقولينه شي كبير .....قلبي ما يتحمله ...
تنهدت وديمه من خاطرها : لا يا مهره ..خلي الاحلام والاماني حقنا ....نحن الي لازم ما نحلم بهالشي ...بس أنتي محمد ولد عمج ومالج غنى عنه .....والله أقولج أيها كلمه مني ...محمد لج يا مهره ...
مهره خنقتها العبره : ودوووووووووووووووووم أنت تعرفين شو يالسه أتقولين .....
أنتي يالسه ترمسين عن حلم مهره .....اللي قبل ما أرقد أتخيله ....مهره ترمس وكل كلمه تطلع منها بصعوبه .....وأهني تيي حصه ..وتسمع الكلام اللي تقوله مهره ...
مهره : ودوووووووووووم دام محمد ما رمس وقالج موضوع الزواج لا تتكلمين عنه ....
وديمه : مهره لو بعدنيه ما شفت عيون محمد والفرحه فيها ...والله يوم شفت أبتسامته جني أول مره أشوفها يبتسم ....أبتسامه كلها تقول ( حد بييني وبينسيني ) ولو اني مب متاكده من هالشي جان ما ييت ورمست عندج ....انتي ادرى الناس أشكثر أحبج ...ومحمد لج يا مهره ...
دموع مهره أربع أربع ..وحصه واقفه ومب عارفه شو السالفه ....
وديمه : بخليج وبشوفج أن شاء الله باجر ...
وسكرت وديمه عن مهره .....وأول ما سكرت وقفت مهره ويوم طالعت حصه بقتها صيحه من الخاطر ...
حصه : شو صار ......قولي رمسي ......
مهره وهي تمسح دموعها : ما فيني شي ...
حصه : شو ما فيج شي .....أتصيحين وتقولين ما فيني شي ...
يلست مهره تخبر حصه ....
حصه: ...الحين تصيحين لانه ودوم قالتلج محمد حقج ...خيبــــــــــــــــــه وهي تحط يدينها على راسها عيل لو ودووووووووووم متصله وتقولج محمد ناوي يتزوج غيرج شو بتسوين ...
مهره : بفر عمري من البلكونه ....
وتمن يضحكن...ويلسن شوي ..وعقب سارن المسيد مع ام مهره ...وصلن صلاة الليل ..وردن ورقدن ...

في دبي وبالتحديد في شركة الطيران ..الساعه 10 ونص الضحى .....سيف يالس يقرأ جريدة الاتحاد من الموقع الخاص بالجريده .....وأهني يوصل أتصال حمده اللي كانت يالسه في لاب b6 في المخج ...وكانت معاها مهره بس هي كانت بعيده عنها ....ومهره مشغوله في البروجكت مالها .....
سيف ما عرف الرقم ....وما طاع يشله ....بس ردت حمده تتصل فيه .....
سيف : ألو
حمده : مرحبا ...
أنقبض قلب سيف أول ما سمع صوتها ....لانه وديمه يت في باله ....
سيف : شحالج حمده ..
حمده : بخير يعلك الخير شحالك أنت ...؟؟؟
سيف : الحمد الله أنابخير وصحه وعافيه ..؟؟؟ ها في شي يديد صار...؟؟؟؟
أهني أدش وديمه الكلاس ...وكانت مستانسه من خاطرها ....وأول ما أنتبهت لحمده انها يالسه على ينب ..نغزها قلبها ..وقالها ...ترمس سيف ......
وديمه : أن بعض الظن أثم حرام أظن فيهم ......مستحيل سيف يسويها .....
مهره : شو فيج يا الخبله ....
وديمه وعينها ما خازت عن حمده : ما شي .....
مهره : خبريني عن محمد ..........
وديمه : سرحانه ...
والا حمده ...
حمده : ماشي والله بس حبيت أطمن عليك ...
سيف والنار تحرق قلبه : سمعيني حمده أنا بخير وصحه وعافيه ..ومشكوره الشيخه على سوالج ...بس لا تتصلين فيني دام ما عندج شي ...لانج وعدتي نفسج أنج ما تتصلين الا للضروره ....
حست حمده أنه سيف أحرجها....
حمده : بس يا سيف ...أنـــــــــــــا
سيف : أنتي شو .؟؟؟؟؟؟
حمده : خلاص ماشي ....
سيف : شي في خاطرج الشيخه لانه ورايه يميع الشي .....
حمده : سلامتك يا الشيخ .....
وسكرت حمده عن سيف ..ويت صوبهن .....
وسلمت عليهن ....وكان شكلها متغير ...
وديمه : شو فيج حمده خير أن شاء الله ...
حمده : لا والله ما فيني شي .....
طالعتها وديمه ....وفي خاطرها ...ليش أحس أنه اللي كنتي يالسه ترمسينه ..هو سيف ....لالاالالالالاالالاالا..حرام أشك وأظلم وأنا في رمضان بعد ....
قعدت وديمه تسولف معاها وتضحك ونست الموضوع ....
والا سيف أول ما سكر عنها ....
سيف : لا حول والله عندي أحساس أنه هالبنت بتدمر علاقتي مع ودوووم ...أحسن شي أقول لوديمه ........وأرتاح .........وبعد تفكير طويل .....لا حرام خلاص قتلها لادقين ولا شي ..وما ظني بدقلي من اليوم ......الله يستر بس ....

[كريزي]

بعد صلاة التروايح ....
جابر في بيت قوم عمه سلطان ....
جابر : دانووووووووه أنا شو قايللج إذا ييتج وحصلت هالكشه أمبطله يا ويلج
دانه : أنزين شعري مب طويل عشان أربطه ...
يقوم جابر ويمسك دانه من خصرها ويزاقر ....: حصـــــــــه ..حصــــــــــــــــه ......
وتتوايب عليه حصه : خير جابر ....روعتينه ....
جابر : سيري ويبيلي دهان بدهن هالكشه ...
دانه وهي تبى تشرد عنه : والله ما أدهن ...
جابر وهو ماسكنها بقو : اليوم بتدهنين ....بتدهنين
حصه ميته من الضحك : جابر أنا عمريه ما دهنت دانوه ....
جابر وهو يقرب راسه من راس دانه : هالكشه اليوم بدهنها وبسويلج عقصين .....
دانه : ههههههههههههههههه مابا .....
يمسكها جابر ويسدحها على الكرسي : بتدهنين والا أعضج ...
حصه واقفه أطالع جابر .....وهو يلاعب اختها ....كل يوم تكبر في عيني يا جابر ....والله من عرفتك عرفت أنه الدنيا بعدها بخير ...عرفت ان الدنيا مازال الخير ينبض فيها ....حصه أطالعه وعيونها مليانه دموع لله يسعدك مثل ما سعدت قلبي وقلب أختي ...ما أدري ليش يا جابر قمت اترياك ....وأعد الدقايق لين ما تيي ...جنه سعادتي وبسمتي متوقفه على سعاده أختي
جابر : حصــــــــــــــــــه
أنتبهت حصه أنه جابر يزقرها : هلا جابر
جابر : عنبو من الصبح أزاقر ....
حصه : والله ما سمعتك ...
جابر : قومي يبيليه مشط بسحي كشتها اليوم ....
دانه : لااااااااااااا تيبيله يبى يسويلي عقصين ...
حصه : خليه يلاعب هالكشه جان قدر يمسك شي منها ...
وقامت حصه ويابت المشط حق جابر ...ويلس جابر يسحي دانه ...والكل ميت عليه من الضحك ....
جابر : لا حول ما عرفت أفرق شعرها زين ..حصووووووه تعالي وفرقيه زين عشان اعقصها ..
حصه في خاطرها كيف أيي وأفرق شعرها وأنت ماسك دانه من ريولك عشان ما تشرد ..وتيي حصه وتوقف عدال جابر بس بعيد عنه أشوي وقلبها شوي وبيطلع منها ....
ويلس جابر يسحي دانوه .....وسوالها زلفين ...
جابر : حشى مب شعر ......كل ما اعقصه تبطل ...بوني عيل خاطريه في حرمه شعرها ناعم الحين أمره عذرت ....
مهره : جي ان شاء الله بتيلس اتعقص حرمتك .....
مات من الضحك جابر : لا يبوج عشان عياليه أيون شعورهم أنعام .....
مهره : أونه ....شوفوا العذر .....
وتموا متيمعين كلهم ......ويضاحكون ....وعقب ساروا خاري يلعبون كوره ....ويلست حصه اطالعهم وفكرها بعيد والله يعلم بس في شو كانت تفكر .....

والا في بيت قوم وديمه ....الساعه 10 فليل
وديمه : هادف قلت لدريول يسير الداوودي يسويلي شفافيات
هادف : هي قتله ....
وردت وديمه فوق في حجرتها ...ويابتلها عرايس والالعاب مريوم ...ولبستهن من شيلها ويلست تشرحلهن ...لانه باجر وراها شرح ..ومرتبكه .....لان القاعه فيها 70 طالبه ....
واهني يتصل سيف .....
وديمه : هلا والله
سيف : هلا ماماتي شحالج حبيبي ؟؟؟؟
وديمه : بخير يسرك الحال ...شحالك أنت ؟؟؟
سيف : دامج أنتي بخير انا بخير يا قلب سيف ...
وديمه : سيــــــــــــــــف
سيف : عيون سيف ....
وديمه : بقولك شي بس لا تزعل منيه ...
سيف : قولي بابا أسمعج ...
وديمه : اليوم يوم دشيت على قوم مهره وحمده الضحى ..شفت حمده ترمس حد من بعيد ..ما أدري ليش قلبي نغزني وقالي أنها اترمسك ...أدري بتقولي أنتي وأنتي وأنتي ......بس ما أدري .....ليش ياني هالاحساس .....
غمض عيونه سيف ...ويحس عمره ينشف ويعرق .....وفي خاطره يقول ....عنبو مب أحساس عليج يا ودووووووووووم .....والله لو ما كنتي تحبيني بصدق جان ما حسيتي بهالاحساس ....
وديمه : سيف ليش ساكت أدري أنك زعلت بس شسوي بأحساسي ...أسفه أنزين بس لا تزعل مني ...
سيف : لا بابا أنا مب زعلان منج ..وهذا أحساسج وأنا ما أقدر امنع هالاحاسيس ..بس صدقيني مابيني وبينها شي ....
وديمه : والله مصدقتنك .......
سيف قلبها يتقطع بس في قرارة نفسه متأكد انه فعلا ما بينه وبين حمده شي ....
وديمه : سيف ألحقني باجر عليه شرح ومب عارفه كيف أشرح ...
سيف : أنا بقولج شو تسوين ...
وديمه : شو ؟؟؟
سيف : أممممممممممممممم أتخيلي أنه كل الطالبات قرووووووووود .....
تضحك وديمه من خاطرها .....
سيف : لا تضحكين سمعيني ...والله انا جي أسوي في كل محاظره ألقيها ....
وديمه : قروووووووووود .....الله يسامحك يا سيف ...قرووووووووود ..وااااااااااي ما اتخيل قوم طولول ولولو وفلبينو وكشوه قروووووووود ....
سيف : شوفي بابا تخيلي ربايعج كلهن قروووووود والدكتور تخيليه حمار كبير وأذنيه طوااااااااااااااااااااااال ....
أهني صدق بغت تمووووووت وديمه من الضحك .....
وديمه : حمار ......
سيف وهو يضحك : هي حمار .....ويلس سيف يقوي من وديمه ويخبرها كيف كان يشرح أول وأنه المحاظرات اللي كان يلقيهن محد يملهن لانه الواحد لازم يكون عنده أسلوب شيق وممتع....ويلست ترمسه لين ما يت الساعه 12 ..وعقب سكرت عنه .....

في بيت قوم جابر .....
جابر: أبويه أبى أعرس ....
أبو جابر : والله ذيج الساعه المباركه ...منو أن شاء الله في خاطرك ...
جابر : يعني منو غير بنت عميه ....
أبو جابر : عندك هنتين من بنات عمك ....
جابر : وديمه بنت عميه فاضل
أبو جابر : خلاص تم باجر أرمس عمك فاضل وما بيصير الا كل خير أن شاء الله ....
جابر : ان شاء الله .....

وباليوم الثاني ...رمس أحمد ( بو جابر ) أخوه فاضل عن موضوع الزواج ....
فاضل : البنت بنتكم ....وما ظنيه بنحصل حد شرات جابر ...
أحمد : عاد انتوا خبروا البنت وردوا علينا ...
فاضل : أن شاء الله ...
وخبر فاضل حرمته ...عن الموضوع .....
ام محمد : الساع ما بنحصل حد شرات جابر ونعم فيه والله ....
ام محمد : عاد أنتي عليج مسكي البنت وخبريها ...
ام محمد : البنت بنتك والمفروض انت تخبرها
أبو محمد : عيل خليها عليه أنا بخبر البنت بس ما بلحين ......عقب بخبرها ....
أم محمد : على راحتك اللي تشوفه ....

تمر الايام عادي والروتين بعد عادي .....
في يبت قوم أبومحمد وبالتحديد في حجرت محمد ..الساعه 1 فليل ....كان يالس يطالع التلفزيون وعنده وديمه ..وخوله ..وهادف ....ويالسين يتابعون مسلسل تاريخي ...ويوم خلص كل واحد سار حجرته ....
محمد : ودوووووم يلسي أباج ...
وديمه : أن شاء الله ....
خوله : حتى انا بيلس أزد ودوووووووم كله ودووووم كله ودووووم ..
يضحك محمد : يلسي أنزين حد راغج من الحجره ..روحج قلتي بسير أرقد...
خوله : طار الرقاد ...
وديمه : مشكله اللي يغارون ....
خوله : أنا أغار من منو يا حسره من محمد ....والله ما غار ...
ينش محمد أونه يبى يطلعها خاري ......
خوله : خلاص بظهر مني ومن نفسي ....يبوك ....والله لو باجر ماشي دوام جان أرتزيت عندكم ...
وطلعت خوله ومحد بقى غير محمد ووديمه في الحجره .....
وديمه : محمد شي في خاطره ...
محمد : لا والله بس أباج تيلسين عنديه ....ما فيه رقاد أباج تسولفين عليه ..
وديمه : بخبرك عن أستاذي شوسوابي ...
محمد : لا دخيلج دكتاره جامعه سمحيليه...عفت هالطاري من كثر ما ترمسين عنهم ..
تضحك ودوم : عيل عن شو تباني أرمس ....
محمد : أمممممممممممم أنا بخبرج عن سالفة واحد أوكي ..
وديمه : أوكي ......والا أقولك لحظه ....
محمد : حو شو تسوين ....
وديمه نشت من مكانها وشلت كرسين وظهرتهن خاري ...ومحمد يالس ويطالعها ....ومتعيب ...تأشرله وديمه بيديها لحظه .....وطلعت خاري وسارت وسوت نسكافي وردت ......وحطتهن على الطاوله وزقرت محمد ....
وديمه : يالله محمد تعال ...
ينش محمد والابتسامه العريضه مرسومه على ويه .....
محمد : لازم بعد تهيأ الجو ....
وديمه : هي لازم .....حرام هالجو البارد ...محد أيلس فيه ....طالع الجو محلاته الدنيا هاديه والشوراع فاضيه .....حرام هالجو الشاعري محد أيلس فيه ...
طالعها محمد : من وين يايبيه هالرومانسيه كلها ...
وديمه : رمانسيه .....بالعكس يا محمد انا مب رومانسيه ..الانسان الرومانسي أنسان هادي أنسان يحب يكون دايما في خلوه ....تحصله مب أي جو يناسبه الا الجو اللي يضرب في الراس .....أنا أحب أتعامل مع الانسان الرومانسي بس أطفر منه بسرعه ...لانه اجواءه غير عن أجوائي .....أحب أسمعه ...بس ما أدري ليش أحس أنه الرومانسي بليد ....يالله يا محمد أحب أتعامل مع الانسان الشاعري ....

[كريزي]

محمد حاط ريل على ريل وكل ما فيه يسمعها ويطالعها ...: تعرفين ودوم يوم أيلس معاج أحس أني يالس مع وحده اكبر مني ب 20 سنه ......
تضحك وديمه من خاطرها : حرام عليك ليش جي تقول ...
محمد : تعيبني نظرتج لدنيا ....والامل اللي يعيش فيج كبير ..وما تنخذلين ولا تخلين شي يأثر عليج ....
وديمه : يمكن لاني بعدنيه ما تعرضت لشي يخليني أيأس وليش أيأس ..وانا اعرف انه الانسان ما ياخد من الدنيا الا نصيبه .....
طالعها محمد : تعرفين أول أمس أتصل فيني واحد من رباعتيه وصوته كان تعبان ....أقوله شو فيك...يقولي تعال بسرعه أنا في بيل حفيت وخبرني بالمكان اللي يالس فيه وعلى طول سرت عنده ......أول ما نزلت من السياره ...وشفته ..سرت صوبه ..والله يا ودوم عيونه ..الشرار يطلع منها ....
وديمه تسمعه ومندمجه في كلامه : ليش شو فيه ؟؟؟؟
محمد : تم يلاعن ويلاعن ويدعى عليها بالموت .....
وديمه : منو وعلى منو يدعى ؟؟؟
محمد : ســــــــــــــاكت ويطالع بعيد .....
وديمه : ساكته .....
محمد : هزاع الله يسلمج كان أكبر مغازلجي في العين ...وما يخلي وحده الا وهو باصم عليها ....تعرف على وحده ....وحبها من خاطره ...وغيرته ...وخلته يودر كل شي ..ويمشي على شورها .......ويوم ساير يخطبها ....قال لولد عمه انه بيسير يخطب فلانه بنت فلان .....قاله ولد عمه ...كيف تخطبها وهي ترمسني ...
وديمه : ســــــــــــــــاكته ما ترمس .....
محمد : والله ناوي عليها نيه ......حاولت اهدي ما طاع .....تعرفين شو كان يقولي أبا أنتقم ....والله لنتقم ........والله لجلبلها حياتها .......حاولت اهدي وأهدي فيه ....ما قدرت .....يا ولد الناس رمضان ..ولاتم تلاعن ........والله يا ودوم ما كان يشوف من الغيظ .....ساعه كامله وأنا أهدي فيه ....لين ما حسيت أنه بدى يرتاح ......
وديمه : أنزين يمكن ولد عمه جذاب ويتبلا على البنت ...
محمد : لا يا ودوم هو تاكد من هالشي ....ماعليج من الريال عنده ألف وألف طريقه يوم يبى يعرف ....بس المشكله ...انه هو مب قادر يستوعب كيف خانته ...كيف قدرت تتلاعب فيه ....كيف قدرت تخدعه .......
وديمه : ساكته ما كانت تقدر ترد عليه ....
محمد : ودووووووووووم أدري أنه يدور ألف شي في راسج ..وتقولين المفروض أصلا ما يظمن فيها ..مثل ما رمسته عادي ترمس غيره ...المفروض ما ينصدم .....

كلمت محمد هذه مثل الرصاصه في قلب وديمه ....تحس انه هي المقصوده ..تحس انها هي البنت الصايعه المقصوده في الكلام ......
محمد : ودوم في بنات أشرف من الشرف وبنات عرفوا اهلهم يربونهم ..بس نحن اللي طلعناهم من هالعالم ......بتقوليلي البنت العاقله والشريفه واللي ربوها أهلها ما تمشي في هالدرب .....وأنا معاج وهالمبدأ محد يقدر يغيره .....بس والله في بنات نحن نجرفهم على هالطريق نحن شياطين وندخلهم هالعالم ....في بنات تحت ظغط ....وأول كلمه بسيطه أنجرفت .....وفعلا تلقينها طاهره وما يخصها في العالم .....ويوم بتحب بتحب من الخاطر ...لدرجه انه كل شي يصير في بيتهم بتي بتقولج ...حتى لو شي بسيط ....أحيانا تكون ضحيه من ضحايا اللي يابها هالعالم ...واحيانا يكون حب الطرفين صادق .....
وديمه ساكته ومب قادره أترد عليه ....تحس أنه هي بعد يوم طاحت في هالعالم ..طاحت بكلمه بسيطه رغم معرفتها بكل ما يحمل هالعالم ....
وديمه : تشوفونها صايعه يا محمد ......
محمد : بقولج كلمه يا وديمه .......اللي يحب ويصدق في حبه ما يشوف حبيبته بهالنظره ....ولا يفكر بمجرد التفكير بأنها صايعه ......لانه هو ما بيحب أي وحده ولا بينزل عمره أنه يحب وحده تعرف ألف واحد ....الا أذا كان هو اللي جرفها ويابها هالعالم .....شو في ميثه ...والله عمري ما شفتها بهالنظره ..ويعلني الموت لو شفتها بهالنظره ..لاني ادري يوم رمستنيه أنا كنت السبب ....لكن الغلط غلط ....ومحد يقدر يقول أنه هالشي صح .....عشان جي يا وديمه أباج تنتبهين ..ولا أباكن تدخلن هالعالم ......وأنا واثق فيكن والله ....بس الاحتياط واجب ....
وديمه مب قادره تتحمل أكثر من جي ...تحس انه كلام محمد مثل الزلزال عليها .......تحس انها وحده من اللي يطريهن محمد ....وهالثقه ما تستاهلها هي ....
محمد : وووووووودوووووووووم شو فيج ....
وديمه : لا ماشي ...بس أفكر في كلامك .......
يلست وديمه معاه اشوي وعقب ترخصت عنه ..وطلعت ....أول ما طلعت عنه سارت حجرتها وحصلت 4 مكالمات من سيف ..ما قدرت تتصل فيه ولا شي كلام محمد مثل الزلزال ......قعدت أشوي وسارت تبى ترقد ..بس ما طاع الرقاد أييها ...قاعده تفكر ..ليش انا سويت جي ...ليش دخلت هالعالم ....ليش خليت هالمصطلح ينطبق عليه ليـــــــــــــــــــش؟؟؟؟؟ ليش ضعفت وانا أدري بكل ما يحمل هالعالم ..ليــــــــــــــش؟؟؟؟ أنا واثقه في سيف انه ماراح يضرني ولا يمس شعره مني ...بس ليش سويت شي ...كنت أطهر من سكن هالارض ..كنت الشريفه ..ليش صغرت عمري ليــــــــــــــش ؟؟؟؟؟؟؟؟ تقوم من فراشها وتيلس انا احب سيف وما أقدر أستغنى عنه ودنياي بلاه ما تنطاق ...هو علمني هو ثقفني هو اللي كان يوقف معاي ...بس شو أسوي ...يوم أفكر في عمري أكره نفسي ....ويوم أذكر سيف أنسى كل شي .....يليتك يا سيف تكون من نصيبي وتبعد عني هالوسواس .....وتمت علىهالحال لين ما داومت في الجامعه ....

في الجامعه وبالتحديد في كلاس 21 في مبنى 66 .......كان عليهم فكر ...ووديمه تأخذه مع مهره .....وديمه حاطه راسها على الطاوله وتفكر ...وألف شي يدور في راسها ...الا وشوي يوصل مسج من سيف ...
(وينــــــــــــــــــج والله أمس ما غفت عيني .....ليش ما اتصلتي طمنيني عليج أتريـــــــــاج )
قرته وديمه وخنقتها العبره ...لانه تعرف مدى حب سيف حقها وأنها ما تقدر تستغنى عنه بس شو تسوي ....كلمة صايعه ترن في أذنها والندم الحين ما يفيد ..بعد ما تعلقوا في بعض ...
طرشتله مسج قبل لا يدخل الاستاذ ...
( أنا بــــــــــخير بابا وما فيني شي بس أمس كنت سهرانه مع اخويه محمد )

أول ما وصل المسج لسيف ..قعد يقراه ...
سيف : والله أنه فيج شي يا ودوووووم .....أعرفج زين ......بس يا ترى شو فيج ...ليكون حمده قالتلها شي ..لا ما أظني لانه ودوم يوم تغار وتنقهر اعرف ردت فعلها ....بس يا ترى شو فيها ......رد يطرشلها ....
( المهم انج بخير ......واترياج أول ما تخلصين من الدوام )
قرته وديمه وردت تحط راسها على الطاوله .....
مهره يالسه وأطالعها ......جان تقوم وتكتبلها على الكتاب ..: شو فيــــــــــــج ....
رفعت عينها وديمه .وتقولها ماشي ....ما فيني شي .......وألم يعتصر قلب وديمه ......
أول ما طلعت من الجامعه اتصلت فيه ....حاولت ترمسه عادي وما تحسسه بأي شي لكن سيف كان حاس بالتغير ....
سيف : ودووووووم رمسي وقولي اللي عندج ....
وديمه : والله يا بابا ما فيني شي ...
سيف : أنا شاك انج داخله في الاسلام ...يكثر ماتحلفين على الجذب ...أقولج أنا اعرفج زين .....ودوووووووووووم رمسي وريحيني ....
وديمه : والله ما فيني شي ..بس امس محمد يلس يـخبرنيه عن واحد من ربعه وتأثرت فيه ...
سيف : على راحتج يا ودوم ما بجبرج على شي .......
بعد سكوت حاولت وديمه تهدي الوضع ....وتحسس سيف انه ما فيها شي ......مع انه سيف هالمره كان أحساسه قوي ....انه في شي صار .....


تمر الايام عادي والروتين عادي في كل بيت ...وقبل العيد بيومين ....قوم حصه بيردون بيتهم لانه اهلم بيردون اليوم الصبح الساعه 7 .....


في بيت قوم مهره ....وبالتحديد في حجرة مهره ..العصر ..كان في الحجره حصه ومهره ..ودانه كانت راقده
مهره : بتروحون عنا يا حصه ...
حصه : عنبو اكثر من شهر ونحن يالسين عندكم ....ثقلنا عليكم ...
مهره : حرام عليج يا حصه ..والله ما اتخيل البيت بلاكم خلاص تعودنا عليكم
حصه : لا ما عليه الزياره بتتكرر لان السفرات وايد ..
تضحك مهره : الله يعينكم والله ....
حصه وهي يالسه ترتب الاغراض : تعودنا خلاص ......
مهره وهي تي صوب دانه : حصوووووووووووه لتكون دانه مريضه ..شكلها وايد تعبان ...
حصه : محمومه والله ......توني شربتها بروفيل وإن شاء الله بس تخف عنهاالحراره ..
مهره : وليش ما وديتيها العياده ....
حصه : توها والله بس مسكتها الحمى ....وان شاء الله بعد الفطور بسير البيت وبشل بطاقتها بوديها المستشفى ....
مهره : أنزين خلي اميه توصلج ...
حصه : مهره والله لو قلتي حق خالتيه أنه دانه فيها شي والله لزعل عليج ...يكفي انا في بيتكم ..وحاطينا على راسكم .....دانه ما فيها شي ..بوديها المستشفى بعد الفطور ...
مهره : صدق انج ما تستحين عنبو هاذي خالتج .....وتستحين منها ؟؟؟؟ صدق أنج ما تخيلين ...
حصه : مهره أنا ما حب أعبل على حد ....ودانه ما فيها شي وبعدين من يوم يومي أنا اللي أوديهاالمستشفى وأردها يعني ما فيها شي ....
مهره : كيفج والله ...
وبعد الفطور ...سلمت حصه عليهم كلهم ....وكلهم خانقتنهم العبره لانهم خلاص تعودوا عليهم ...وركبت حصه السياره وهي حاطه دانه على ثبانها ....واول ما حطتها على ثبانها ....وهي لاويه على أختها .....تسمع دانه تون ....ومب قادره ترفع عينها .....وما سكه جهه من بطنها ..
حصه : ها ماما شو يعورج ..
دانه وهي تون : بطني يعورني ....
تلوي عليها حصه .....وتقول لدريول يسرع بسرعه عشان تيب البطاقه من البيت وتوديها المستشفى ....
كانت لاويه على أختها وحاطه راسها على راس اختها ....وترد تمسح ويه أختها ....وعيون حصه ..تعاتب دنياها ...تعاتب امها اللي خلت هالطفله وراحت من دون ما تسأل عنها ....
ترد تلوي عليها ...وتحس حرارة دانه في جسمها تلهب ....وعلى طول أول ما نزلت ....ونزلت دانه ...تمت دانه تزاوع ......على طول دخلتها الصاله وغسلت دانه ولبستها ....وربعت هي فوق وتغسلت وتلبست ويابت البطاقه وعلى طول سارت حوادث توام .....
دخلت المشتشفى لا متغشيه ولا شي ..ما كانت تشوف أي حد في الحوادث ..رغم الزحمه والاصوات ...اللي يصيح ...واللي يزاقرونه واللي يون ...واللي يضارب ..واللي ينازع واللي يتريا دوره ..والشرطه والدكاتره اللي رايح واللي راد ....دخلت حصه الحوادث وهي ماسكه اختها اللي حتى طرف عينها مب قادره اتشله ..والخدامه وراها ....دخلت وعيونها مليان دموع ..طالعت يمين وطالعت شمال ما عرفت كيف تتصرف ....لانها أول مره ادش الحودث ذيج الساعه كان ودها تصرخ من خاطرها .....دخيــــــــــــــــلكم ساعدوني أختي بتمووووووووووووووووووت ........كانت متبريده مكانها مب قادره أتسوي شي ....
شافت الشرطي : أخوي الله يخليك أختي بتمووووووووووووووت كانت تقول كل كلمه وهي تحس أنه روحها بتطلع ...ودموع عينها تذرف على خدها .....
يقوم على طول الشرطي ...ويدخلها على الدكتور ......
وأول ما حط دانه على السرير وحط أيديه على بطنها ....
الدكتور : رجعت اليوم ...
حصه : هي رجعت ...
الدكتور : لازم عمليه ..أتوقع الدوده الزايده .....
تبطل عيونها حصه ...ودموعها أربع أربع .....: الدوده الزايده ....اتصرف سو شي ...لا تمووووووووووت اختي ما عندي غيرها ....
الدكتور : هدي أختي أعصابج .....الحين بتصل فيهم ويحولونها بسرعه على غرفة العمليات .....
كلمة العمليات وقفت قلب حصه .....عمليه ...............وتقوم الخدامه وتحاول تيلس حصه ....
الخدامه : انا لازم أقول لماما مهره اجي الحين .....
حصه : لا تخبرين حد .........يوم أمها وأبوها ما تحملوها ....ليش يتحملونها الناس
وهي تمسح دموعها ....

وعلى طول شلوها الطابق الثاني ......وقبل لا يدخلون دانه غرفة العمليات ...
الدكتور : وين ولي أمرها
حصه : انا ....
الدكتور: أنتي امهـــــــــــــــا
غمضت عيونها حصه وسكتت : لا أنا أختها ...
الدكتور : ما ينفع المفروض أمها والا أبوها .....عشان يوقع على العمليه ...
حصه وتحس عمرها مضغوطه ومب قادره تتكلم ولا توقف : امها وبوها مب موجودين وانا أختها ..وأنا بتحمل كل شي ......المهم انه أختي تطلع بخير ......ووقعت حصه على العمليه ودخوا دانه في غرفة العمليات .....تمت حصه واقفه روحها في ذاك الممر الابيض الطويل

[كريزي]

الي محد كان فيه الا هي .الخدامه طرشتها حصه البيت تيب أغراض لدانه وحقها ......
كانت الساعه 11 فليل ....حصه واقفه ودموع عينها تذرف .......وهي حاطه راسها علىاليدار وما تنطق الا بكلمه وحده : الله يطلعج بالسلامه يا دانه ........ترد توقف على باب العمليات ....وطالع .......: ليش يا أميه ليش جي سويتوا فينا ...ليـــــــــــــش ؟؟؟؟؟
كل شي كان على راس حصه .....الهموم من كل صوب .....أختها ....لا أم ولا أبو ..ولا حتى بشر يسأل ..........حصه تمشي وترد وعيونها حمر ......وتفكر ....وقلبها بيوقف من كثر ما تحاتي دانه ...وهني يتصل جابر :
شافت الرقم أول ما يت عينها على الرقم : غمضت عيونها ...محد بيوقف معاي غيرك أنت ...
جابر : ألو ...
حصه وهي مب قادره تتكلم : ألو ....
جابر : حصه شو فيج ..شي صار .......؟؟؟؟؟ قالتلي مهره أنكم رديتوا البيت ...لتكونين متروعه ؟؟؟؟؟
حصه : ســـــــــــــاكته وحاطه أيدها على اليدار ..
جابر : حصه رمسي ...شو فيج ....؟؟؟؟ دانه شي فيها ؟؟؟؟
حصه : جابر دانه في غرفة العمليات ....
جابر من يلسته وقف .........: أنتي شو تقولين ...دانه شو فيها .......رمسي ....أنتي وين ؟؟؟؟؟
حصه : أنا في مستشفى توام .....
جابر : دانه شو فيها .......رمسي ....وهو ساير صوب السياره ويشغلها بسرعه
حصه : يقولون أحتمال أتكون فيها الدوده الزايده ....
جابر : وين أنتي بظبط ....
خبرته حصه بالمكان ...وعلى طول جابر بسرعه 200 على المستشفى .....ويعجل من خطواته ..ما كان يشوف شي غير صورة دانه .....وعلى طول أول ما طالع فوق ( قسم العمليات ) ....يفج الباب بأقوى ما عنده ....طالعته حصه اللي كانت واقفه بعيد وأول ما شافته ....ما قدرت توقف يلست وحطت يديها على ويها .....ويي جابر بكل ما عنده ......ويزقرها من
بعيد ...: حصه ...حصــــــــــــــــــه .....لين ما يى صوبها ...نزل عندها ...: حصه شي فيج .....
تأشرله حصه بيديها : ما فيني شي .....
جابر : شو فيها دانه ......شو فيها مره وحده ...
ترفع حصه راسها وعيونها دم ........: ما أدري ...تعبت مره وحده ...
جابر يطالعها والاول مره يشوف حصه وهي تعبانه ......ما قدر حتى يتكلم ....ولا يقول شي ....
جابر بعد سكوت : كلتي شي ......؟؟؟؟؟؟
حصه تهزله راسها : مابا شي ....
يقوم جابر ويبلها ماي ......: شربي ....
حصه أطالع الكوب وســــــــــــاكته ....
جابر : شربـــــــــــــي ......دانه بخير ........الحين بيطلعونها لا تخا فين دامني انا عندج ...
أولما سمعت حصه هالكلمه غمضت عيونها وتنهدت من خاطرها : مشكور وما تقصر والله
جابر : شربي الماي ..
مسكت حصه الكوب وهي تتنافض ....وشربت أشوي منه ......والا جابر وقف ويلس يتريا دانه لين ما يطلعونها ...الا وشوي يطلع الدكتور ....توقف حصه وهي ماسكه اليدار ....
جابر : ها دكتور بشر ...شو اخبار البنت ؟؟؟؟ جابر كان خوفه على دانه ولا خوف أبو على بنته ...اللي يشوفها يقول هذا أبوها ....وما عنده غير هالبنت ....
الدكتور : لا االحمد الله البنت بخير ....وما فيها أي شي ....والحمد الله انكم ييتوا في الوقت المناسب .....
طالع جابر حصه وأبتسم أبتسامه عريضه : تستاهلين سلامة بنتي .....
طاحت دمعه من عيون حصه .......والله يعلم دمعة فرح ..والا دمعه ألم ......
جابر : ممكن نشوفها دكتور ....
الدكتور : البنت شليناها من الجهه الثانيه على غرفة خاصه ...
ويأشر جابر على حصه انه تي معاه عشان يروحون يشوفون دانه ...وأول ما دشت حصه الغرفه وشافت دانه اللي راقده على السرير والوايرات عليها .....تي سيده عند راسها .....واطالع دانه ......والا جابر ما قدر يتحرك من شاف دانه ........
أطالع حصه دانه وتحب راسها ...وعلى طول ما قدرت تتحمل صرخت صرخه ..رجت الغرفه رج ......صاحت صياح يهال .....صاحت بصوت عالي ......مثل المضغوطه وأنفجرت .....صياحها كان آهــــــــــــــات ....أحـــــــــــــــــزان ....ألــــــــــــــــــــــم ......جابر من سمع الصرخه على طول يااا صوبها ....ويمسكها من يديها : حصــــــــــه ..حصه ...هدي أعصابج لا تصيحين ..
تعوذي من الشيطان .....دانه بخير ....
حصه تصيح من الخاطر ومب قادره حتى ترفع عينها.....يقوم جابر ويلسها علىالكرسي وهو ماسك يديها ولا هو حاس بالدنيا ولا هي ....هي كانت يالسه على الكرسي ..وهو يالس تحت وماسك يديها ..والغرفه هــــــاديه .....والانوار خافته ........
حصه وهي ماسكه يدين جابر وحاطنها بين عيونها وتصيح من الخاطر .....لدرجه أنه يدين جابر تخرسن دموع .....جابر كان يطالعها وخانقتنه العبره .......وقلبه يبى يطلع من صدره يوم حطت حصه يدينه بين عيونها .........يرص جابر على يديها : حصه لا تصيحين عشان خاطري .....أنا عندج ..أنا أبوج أنا أمــــــــــــــــج انا كل شي ....جابر كان يقول كل كلمه من أحساسه من كل قلبه .....كان يقولها بكل أحاسيس الدنيا ......حصه أول ما سمعت كلامه ..صاحت أكثر ..
جابر وقلبه يتقطع : حصـــــــــــه دانه بخير ...وما فيها شي ....عشان خاطري بس ....
أنتبهت حصه أنها ماسكه يدين جابر بطلعت يدينها و
طالعته : ليش جي جابر ؟؟؟؟؟؟ لين متى بنتم جي ؟؟؟؟؟ شو ذنب هالمسكينه تقوم وما تحصل امها ولا أبوها .....والله يا جابر دخلت المستشفى ما عرفت كيف أتصرف ...والله ...والله ...والله لو دانه ياها شي ..والله ما بسامحهم طول عمري .....

جابر يطالعها وعيونه تسأل بعد ليش .....ليــــــــــــش القلوب ميته ...؟؟؟؟؟ ليـــــــــــــــش ؟؟؟؟؟
جابر : ما عليه يا حصه ..المهم أنه بنتي بخير ..ولا تمين أتصيحن وتوعيلي بنتي كان يقولها وهو يبتسم
أبتسمت حصه : أن شاء الله ..ونش جابر ووقف يطالع دانه ......
جابر : حصه دقيتي لخالتج تيي ...
حصه : ما دقيت حق حد ...
جابر : أشعنه ؟؟؟؟
حصه : بس ما ريد أغربل حد وانت تدري انه العيد وراء باجر .....والكل يالس يجهز ...
جابر : مينونه أنتي ....أختج مسويلها عمليه وما تبين حد يدري .....شو من البشر انتي ...ليش جي تفكيرج ...
توقف حصه : جابر أمها وأبوها ما سألوا ولا شي ....ليش أقوم وأعبل بالناس ليش ؟؟
جابر : الناس هذيله أهلج ...
حصه : ولو يا جابر ..من يوم يومي تعودت انه كل شي أتحمله بروحي ولا أحب أحمل حد شي ما يخصه ...
جابر وهويتصل لام مهره : انتي ما أدري من شو مخلوقه ....
ويتصل جابر في أم مهره ....وخبرها أنه دانه في المشتشفى ....

قعدت حصه أتصلي التروايح لانها ما صلت والا جابر يلس يرمس دانه ...
جابر وهو يحط يديه على خدود دانه : دانوتي قومي بسج ..تراني بحطلج دهان .قومي .....
دانوتي يالله قومي ....
حصه أول ما سلمت طالعت جابر .........طالعها جابر ........وعم السكـــــــــــــــوت بينهم .....
نشت حصه وسارت صوب أختها
حصه : جابر مشكور يا الشيخ والله ما عرف شو أقولك ..ووقفتك عندي هذي عمري ما بنساها ..
جابر : ردينــــــــــــــــــا
حصه : أنزين جابر رد البيت وراك دوام باجر ....
جابر : أنا ما برد البيت الا أذا حصه ردت البيت ....
حصه : أرد البيت وأخلي دانه ؟؟؟؟؟
جابر : ترا خالتج بتبات ....
حصه : مستحيل أرد ...مستـــــــــــــــــــحيل ....ما عليه يا جابر رد أنت البيت .وما بيصير الا كل خير ....
يلس جابر يتريا حرمة عمها تيي ...وأول ما طمن أنها يت ....سار وحب دانه ....
جابر : يالله عيل تصبحون على خير ..
طالعته حصه : وانت من أهله يا الشيخ ...
جابر : أول ما تنتبه دانه دقيلي ....
حصه : أن شاء الله ....
قبل ما يطلع جابر .....
حصه : جــــــــــابر ....
لف جابر يطالعها .......
حصه : لا تيب شي ترى ما نشتهي ....
حط جابر يديه على الباب وهي واقفه أطالعه : تعرفين شو في خاطريه ...
حصه : شو ؟؟؟؟
جابر : أسدحج وأدوس في بطنج ...
تضحك حصه من خاطرها ....
أبتسم جابر : والله .......كيف متعقده ...انا هالعقد بفججهن ....سمعيني حصه بسير وبشتريلكم شي تاكلونه ....والله أذا ما كلتي ....لزعل عليج ....
حصه : ان شاء الله ....
جابر : أهلج بيون اليوم الصبح ..صح ..
حصه : هي بيون اليوم الساعه 7 ونص الصبح ..
جابر : لا حول يعني ما بقدر أشوف دانه ....خلاص عيل من أيون اهلج عند دانه ردي البيت وريحي ورقدي ...وعقب ردي عندها ..
حصه تبى ترمس .....ما يخليها جابر ترمس ....
جابر : ماشي مني ومني .تسمعين الرمسه .....
حصه : ان شاء الله ....
روح جابر ...وقامت حصه فرشت لخالتها عشان ترقد .....ويلست هي تتريا دانه لين ما تنتبه ...ويلست تفكر في جابر ......يالله كيف مسكت يديه ......ترد تحط راسها على الكرسي وطالع الحجره .......كيــــــــــــــــف ؟؟؟؟؟ والله من شفته أرتحت ..حسيت انه كل شي فيني أنزاح .....والله يوم شفته ياي أنسة انه روحي ردت ....يالله كيف تعلقت فيه .....ونعم فيه والله أنه ريال ....ترد تضحك يوم تتذكر شكله وهو يرمس دانه .....آآآآآآآآآآآآآآآآآآآآآه .....صورة جابر وهو يرمسها ...ويحاول يهديها ما خازت عن بالها .......وتمت تفكر وتفكر ومسكت تلفونها وغيرت أسمه من (بابا) لين ( مـــــــــــــــــداوي الزمن ) ....ما اظني بحصل أسم أكثر عن هالاسم يصلحله ....لانه والله من عرفته حسيت أنه الدنيا بعدها بخير وانه محد يقدر يشل همي ويسعد أختي غير جــــــــــــــــــــــــابر ...

[كريزي]

والا وديمه اول ما ردت البيت يلست ترتب البيت وتنظفه ...وادخن الميالس ...وديمه تمشي .....تتحرك في البيت وسيف في بالها ما يخوز .....لانه سيف يوم دخل حياتها ...دخل وغير كل شي في وديمه ...أول أنسان تفتحله وديمه قلبها بكل سهوله ..اول أنسان يتربع على قلبها ...
ماكانت بس أتشوف سيف حبيب ..لا كانت اتشوفه بصوره اكبر أسمى من الحب .....سيف كان يخاف عليها ..ينصحها .....ما كانت تستحي منه ...كل شي في خاطرها بتقوله ....حتى أشياء كانت وديمه غافيه عنها .....علمها أو بالاحرى ثقفها .....يلست وديمه في الميلس وحاطه يدينها على ويها ....وقلبها بالحيل مشتاق لسيف وزعلانه من نفسها لانها مغضبه خاطر سيف ..كلمه اترددها بينها وبين نفسها ....( احبـــــــــــــــك لو بغيت انســــــــــــــاك مقــــــــــــدر )
وشوي الا و يتبادى عليها محمد ....
محمد :ودوووووووووووم ؟؟؟
تفز وديمه : لبيــــــــــــــه
محمد : لبيتي حايه .... شو فيج ؟؟؟؟
وديمه : ما فيني شي ..يالسه أدخن الميلس جان أيلس ...
محمد :انزين تعالي دخلوا الخضره داخل ....
وديمه : أن شاء الله ..
وسارت وديمه صوب محمد وشلت الخضره المطبخ ..وعقب يلست مع امها ترتب الفواله ....
ووزعوا الفواله في الصالات والميالس ....
أم محمد : خوله قومي عصري البرتقال ...
خوله : والله ماعصر توني معدله ظفوريه ....
وديمه : خلاص لا تعصرين البرتقال ..بس قومي سبحي مريووووم وسشوريلها شعرها من الصبح يالسه وأتصيح تبى حد يعدل شعرها ....
خوله : اوكي وينها هي ...
وديمه : بتحصلينها في الحجره .....
سارت خوله اتسبح مريروم ....والا وديمه سارت وتعصر البرتقال واتساعد الخدامه ....وقلبها بيتقطع لانها ولهانه بالحيل على سيف ....يوم خلصت كل شي وشافت كل شي مرتب ...وهي سايره صوب حجرتها ...
محمد : ودووووووووم
وديمه :هلا ..
محمد : اعطي أميه هالفلوس .وقوليلها ما حصلت عشوووور ...تاخذ هالربطه ..خمسميه كلهن خموس ...الحين بسير المصرف وبيب عشور...
وديمه : ما عليه ...
وينزل محمد ووديمه اطالعه : الله يحفظك يا رب


.سارت وديمه حجرتها وتسبحت ....ويوم شافت الموبايل ...حصلت مسج من عند سيف ...وكانت الساعه 2 فليل ....

( أنته من مــــــــــده وحال للاسف صاير غريب ...صار عادي عندك أبقى ..وعــــــادي عن عينك اغيب )

أول ما قرت وديمه المسج على طول تتصل في سيف .........اللي كان ظاهر خاري يتمشى .....سيف أول ماشاف الرقم ....يالس يطالع الرقم .....
طووووووط طوووووووووط ....
سيف : ألو .....
وديمه : ســـــــــاكته مب قادره تتكلم ....
سيف : ألـــــــــو ....
وديمه : أحبــــــــــك ....قالتها وديمه بكل شوق بكل دقيقه فيها قست على سيف ..قالتها وقلبها هالمره اللي نطق فيها ....قالتها وهي حاطه يديها على قلبها .....
سيف أول ما سمع هالكلمه ....غمض عيونه ...وقف شعر ينبه .....كان محتاي يسمع هالكلمه لانه خلاص وديمه صارت حياته وصارت الماضي والحاضر لقلب سيف ....ما كان يتخيل يمكن وديمه تتغير بسرعه من دون سبب ومن دون ذنب ...
سيف : ليش متغيره .؟؟؟؟؟
وديمه : لا تسألني ليش متغيره ؟؟؟؟؟ أسألني ليش أحبـــــــــك ....أسأل قلبي ليش متعلق فيك ...ليش أشوفك كل شي ...ليش كل ما امشي أحسك معاي ...ليش احس انك روحي واني ما أقدر أعيش بلاك .......ليش رد عليه ؟؟؟؟؟ رد عليه يا سيف .....
سيف : لاني صدق أحبــــــــــــج لو ما كنت احبج جان وديمه ما تمت عندي ..ولا قاومت كل اللي ياها ....انا أدري ليش متغيره .....وأدري شو الكلام اللي خلاج تتغيرين ...بس عرفي شي واحد وحطيه في بالج ......سيف يحبـــــــــــــج حتى لو قسيتي عليه ....
وديمه : أسفــــــــــه بابا ....
سيف : انا ما ازعل من الهبله ....
تبتسم وديمه : جي أبـــــــــــاك ...
سيف : أتصدقين قلبي ما يقدر يزعل عليج .....ليش ما اعرف ..
وديمه : لانك تسكن قلبي وتعرف قلبي زين ...وأنه كل شي أسويه ويبدر مني ..من الظغط والكلام اللي أيني ..لا غير والله ...
سيف : أمباركن عيـــــــــــــدج ....
وديمه : الله يبارك فيك .........توني مخلصه تنظيف البيت ...
سيف : وانا توني ياي من الخياط يايب الثياب ...وسرت أييب خضره للبيت وطلعت أشوي أمشي ....
وديمه : توني حسيت أنه روحي ردت ......ما ادري ليش يا سيف احس الايام اليايه يتكون صعبه عليه وعليك ....
سيف : ليش اتقولين جي ....
وديمه : ما ادري والله مجرد احساس ...
سيف : آآآآآآآآآآه لو تـــــــــــــدري حبيبي ..كان والله ما قسيت .....من غرامك كم أسهر في الليالي ما أنام ....لا هنا زادي وشربي ..ولا في يومي أهتنيت ..تايه مضيع دروبي وسط عتمات الظلام .....هذا وانتي يوم تقسين عليه ....وين يوم بتكون الايام صعبه ....تعرفين شو يعني الايام صعبه ...يعني فراقنا يا ودووووم ....
وديمه : عسى الله ما يجيب اعتاب ..ولا بعد ولا هجر ولا غياب ..عسى ما نتفارق يوم ..عسى دايــــــــــم نكون احبــــــــاب ...
سيف : امين
يلست ترمس سيف لين 3 وعقب سكرت عنه .....

أول أيام العيد ...الساعه 7 الا ربع .....في بيت قوم محمد ....
محمد طالع من حجرته ...كاشخ وكافخ بذيج الكندوره والعقال ....وتلاقى مع وديمه ...اللي كانت توها ظاهره متسبحه .....
محمد : أقولج عيدج أمبارك والا بعد ما تتلبسين ...
تضحك وديمه :لا قولها من الحين .......
محمد أيي ويوايها : أمبارك عيدج ...
وديمه : عساك من العايدين والسالمين ...
محمد : ودوم سيري يبيليه المدخن أبا ادخن ..
وديمه : في حجرتيه والله يالسه أدخن ثيابيه ...لحظه بسير أيبه لك ....
وسارت وديمه تيب المدخن لمحمد ودخنته ..ونزل محمد تحت وسار هو و بوه وخوانه المسيد يصلون صلاة العيد ..والا وديمه دخلت حجرتها ....وعدلت شعرها ورفعت قصتها ونزلت خصل ....وجحلت عيونها ...وقامت لبست يشمك ...بني على بيج ...وحطت أي شدو بني مع بيج ...كانت جنان ....ونزلت تحت ..وسلمت على امها وأبوها ....وعلى أخوانها ....ويلست أشوي وعقب ردت فوق .....تيلس لانه الريايل يوا ....ويلست هي واختها خوله فوق ..وحاطين روتانا .....
خوله : انزين قوليلي حق منواندق ...
وديمه : لازم يبوج نيب ورقه وقلم ....عشان نكتب من رمسنا ومن بقالنا ..عشان ما نزعل حد ...
وتنش خوله وتيب ورقه وقلم ....
وديمه : يالله كتبي ....أمممممممممممممم عريون ......اليحه .......ذربوه ...غناتوه ....كشوه ...طولول ....شموه .....الساحره ....اممممممممممممممم لولو .. ..وفلبينو ...وأنقوح ....ومنو بعد ...
خوله : مزمز ....
وديمه : هي صح ...
ويلسن يكلمن ربايعهن ....

والا في بيت قوم مهره ....الساعه 9 ونص الصبح ....
مهره كانت يالسه فوق ...وكانت يالسه تتريا عمومتها أيون ويالسه توايق من الدريشه أتشوف اللي ياي واللي رايح .........وكانت لابسه عريبه ..برتقاليه ومخططه بأبيض ....وكانت لافه شعرها كامل ....ومنزله قصتها على ينب ..وكانت ولا الاميره ....
أول ما شافت سيارة محمد تدخل البيت ....
مهره : يا ويلي يا ..وصل ........ترد تشوف عمرها في المنظره ...وتعدل عمرها ....يا ويلي كيف أجابله ....الله يسامحج يا ودووووووووووووووم .....أممممممممممم عادي بقوي عمري ولا بستحي برد مهره الاوليه .....عشان ما يقول تحبنيه ومستحيه ...وشوي يا ويلي ماروم .....بنزل عادي ..شو يعني الا محمد ......
توايق مهره من الطابق الثاني ...وتشوف انه محد غير عمها فاضل ومحمد ....وعياله ....تقوي قلبها وتنزل ...اللي كان محمد واقف على نهاية الدري بس بعيد أشوي ...
مهره كانت تمشي بخطوات بطيئه والقلب شوي بيطلع .....رفع محمد عينه على مهره اللي كانت تمشي ....وطالعها بنظره وهي منزله راسها ....( أنتــــــــي لي يا مهره ) أول ما رفعت راسها ..وشافت محمد ....أبتسم محمد من خاطره ولاول مره يبتسم هالابتسامه لمهره ....محمد يبتسم وكلام وديمه في خاطره ...نزلت مهره وسلمت على عمها .....وعلى محمد ..

عمها : أمبارك عيدج ...
مهره : عساك من العايدين وسالمين ...
محمد : امبارك عيدج ..
طالعتها مهره وغمضت عينها وعدلت شيلتها ...والايشدو البرتقالي الخفيف يلمع على عينها ومخلنها جنان : عساك من العايدين والسالمين يا الشيخ .....
محمد يوم غمضت مهره عينها ...تنهد من خاطره ...والله يعلم ليـــــــــــش ....
عمها : والله البنات كبرن يبانى أنسويلهن كلهن عرس جماعي ....
أم مهره : هي والله ..نفتك منهن كلهن مره وحده ....
مهره : عنبو يا عميه بعدنا صغار ....
طالعها محمد : حتى لو كنت انا المعرس ...
طالعته مهره بنظره وأبتسمت : يســــــــــــلام حتى لو كنت انت المعرس ...( والا في خاطرها والله لو كنت انت المعرس عادي بعرس )
محمد يعدل عقاله : ناويليني العصير ....
وتناوله مهره العصير والابتسامه شاقه الويه ...
محمد : أهــــــا لا تشبين عليه العصير ورايه بنات صبوح بعدهن ما شفنيه عسى يوم اشوف وحده منهن أخطبها ....
طالعته مهره وحطت الكوب علىالطاوله وجتفت يدينها : عادي انزين سير وخطبهن شو يعني ...
ضحك محمد من خاطره ....وشرب العصير ....
محمد : يالله يا بويه ورانا خواليه ما سلمنا عليهم .....
وأبو محمد لابسنه ويالس يرمس أم مهره ....
محمد : لا حول ...أبويه شو بيسكته الحين ...الله يهديه من يرمس ما يسكت ....
مهره : انزين شعايلنك ...
طالعها محمد وقالها بنبرة ضحك : ورايه بنــــــــات صبوح ...
ضحكت مهره من خاطرها ...: أن شاء الله ما تحصلهن ....
يلس محمد على طرف الكرسي .....طالعها .....
يقطع بو محمد لحظة الصمت ....
ابو محمد : خــــــــــلا
محمد : يالله أبويه ......

وطلع محمد وبوه وساروا يسلمون على الاهل ..والا مهره أول ما روح محمد شلتلها كوب عصير ..وسارت فوق ....وشغلت المسجل .....وهي أطالع سيارته وهي اطرق ..

مهره : الله يحفظك لي يا رب ......
والا بتسامه مرسومه على ويها ....والفرحه ماليه عيونها ......ولو توصف مشاعرها ما تنوصف ذيج الساعه ....

[كريزي]

في المستشفى وبالتحديد الساعه 9ونص الصبح .....حصه كانت يالسه مع اختها فوق السرير ويالسه تقرا لاختها مجلة ماجد ......حصه كانت لابسه بدله من Mtv متداخل فيها كم لون ...
رصاصي على أزرق بحري ...كانت راسمه عيونها وعلى طرف عيونها رصاصي وخط أزرق فوق عيونها ...طالعه تخبل ماشاء الله ....وكانت لابسه هي ودانه نفس الالوان بالظبط ....
الا شوي يوصل مسج من عند جابر اللي كان يالس تحت في سيارته أول ما وصل المسج لحصه ..تفز على أمل انه من جــــــابر ....وتحصل المسج منه .........

( حد عندكم لاني أبا أباركلكم بالعيد )

يالله الفرحه أنرسمت على ويه حصه .....طرشتله ( لا محد أبويه يانا وسار ..وأميه بتي الظهر
وحيــــــاك )

أول ما قرا المسج نزل من سيارته ...وسار صوبهم .....ودق الباب ....
هوووووووووووووود ....
حصه :هـــــــدا ....
جابر : السلام عليكم ..
حصه : وعليكم السلام والرحمه ....
جابر : عيدج امبارك ...
حصه :عساك من العايدين والسالمين ....
دانه : بابا جابر .....وهي تفتح يدينها .....وحصه واقفه واطالع ...
أي جابر ويلوي على دانه : امباركن عيدج ...
دانه : الله يبارك فيك .....
جابر : يبتلج هالعروسه اللي تتكلم ......وهالدبدوب الكبير وهالحلاوه ....والخ ..
حصه : ليش عبلت على عمرك يا الشيخ ...
طالعها جابر بنظره ...
حصه : سوري .....
جابر : شوالعيد في المستشفى
حصه : عادي ......نغير المكان ..كل سنه في البيت ....هالمره عاد نتخيل عمرنا مسافرين ...
يضحك جابر : يلس شوي وتقهوي ......وقبل لا يطلع ....يعطي دانه عيديه ....
جابر : يالله حبيبي دانه كلي وشربي الدواء ...عشان بسرعه يطلعونج من المستشفى
حصه : أن شاء الله باجر بنطلع ....
جابر : صدق ........يعني ما بشوفكم غير اليوم ....
قالها مثل اللي خلاص بتحرموني شوفتكم ...خلاص ماشي دانه ....ماشي مول ...ماشي وناسه .....قالها وعيونه تترجـــــــــا حصه ...لا تخلوني ....خلاص روحي معاكم .....

خنقتها العبره حصه يوم شافت طريقة جابر يوم درى انه ما بيشوفهم من عدا اليوم : لا ما عليه يا الشيخ ...ولا يهمك دانه بيبها لك متى ما تباها في بيت قوم خالتيه ...
دانه وهي أطالع جابر : كيف يعني ما بتشوفني غير اليوم ....أنا ما بسافر ..
يلوي جابر على دانه من خاطره : ادري حبيبي بس انا ما أقدر أييكم البيت ...
دانه : ليش والله ما عندنا حد ..بس امي وأبوي ...
يرد جابر ويلوي على دانه اكثر ....وهو مغمض عيونها وحاظننها من خاطره ...
وحصه واقفه واطالع ......
وقف جابر : يالله عيل بترخص عنكم الحين ...
دانه : لا تروح أيلس عندنا ملل ..
رفع جابر عينه في حصه : أتصدقين لين الحين ما مسلم على حد ...أول ما صليت صلاة العيد ...سرت المول أترياه يفتح بس عشان أشتري لدانه .....كمن شي عشان تفرح ....الحين ورايه مشاوير لازم أخلصهن
حصه : مشكور يا الشيخ والله ما تقصر ....هذا من طيب أصلك
وطلع جابر عنهم ......وسار البيت يسلم على اخته ..وعقب سار بيت عمه فاضل ...
والا حصه من طلع ... صورة جابر ما تخوز عن بالها ...والله أنه العيد ...بس بشوفتك يا الشيخ ......وشوي يوصل أتصال من ربيعتها ويلست ترمسها ......

في بيت قوم محمد ...الساعه 11 ونص الضحى ...

يا جابر يسلم على أم محمد والبنات والاهل ....
جابر : عيل وين البنات ..
ام محمد : فوق والله .....
جابر : بسير أسلم عليهن ...
ويركب جابر فوق .....
جابر : السلام عليكم ...
خوله ووديمه : وعليكم السلام والرحمه .....
جابر :امباركن عيد كم ..
خوله ووديمه : عساك من العايدين والسالمين ...
وديمه : قرب جابر ..
ويلس جابر .....عندهم فوق في الصاله ...ويلس يسولف عليهن ....
وديمه : هلا وغـــــــــــــــــلا ...نور البيت والله ...
يلف جابر يطالع من الي تهليبه وديمه ..الا يشوف البلمه ......( هاي الله يسلمكم حرمه عمرها تقريبا 38 ما تتكلم ولا تسمع ......وتحب وديمه واااااااااااايد ومتعلقه فيها ووديمه بعد تحبها .....)
يوقف جابر وهويطالع البلمه ..وتي البلمه وتبى توايه جابر .......أرتبك جابر ما عرف شو يسوي ...ووايها ......وتنقع وديمه وخوله من الضحك ..........
جابر : والله أنا بريء ما يخصنيه هي يت توايهنيه ....
تضحك وديمه : ياليت كانت عندي كميرا وأنت توايها .......
جابر وهو يبتسم : يالله عيل بترخص عنكم ...
وديمه : والله ماتروح ......يلس شويه جان تبى تضحك ..ترى عندها علوم بتفطسك من الضحك ....
جابر وهو يلس : يالله أبا أشوفج كيف ترمسينها .....
وديمه ترمس البلمه بالاشاره وتقولها : جابر أوكي ...
جابر يطالع البلمه ويطالع وديمه .....
البلمه تأشر لوديمه هذا ريــــــلج ....فهم جابر أنه البلمه تقول لوديمه هذا ريلج على طول لف ويها صوب وديمه ...
تضحك وديمه وتأشرلها :لالالالالالالاالالالالالالالالالا .....
وديمه : جابر تسألني هذا ريــــــــــلج ....
جابر : قوليلها هي ريلي ...
طالعته وديمه وهي تبستم : والله ...
جابر : هي
وديمه وهي تأشر للبلمه : هذا أخويه ......مب ريلي ....
جابر يطالع البلمه ويأشرلها : انا بزوجج ...
تضحك وديمه : يالله جابر ....حليله ريلها مطلقنها ...
جابر : معرسه بعد ...؟؟؟؟
وديمه : هي معرسه وعندها عيال ...
طالعها جابر بنظره كلها رحمه : الله الحمد الله على كل شي ....
جابر : يالله عيل بترخص عنكم ...
البلمه وهي تنطق بحروف والي يشوفها يعرف أنها يالسه تحلف : والله والله والله ....
ضحك جابر ووديمه ......
جابر يأشرلها : لازم أروح ..
وديمه : شكلها الحرمه تعلقت فيك ....
طالع جابر وديمه .....بالنظره .....ياترى قالولج أني أباج .........
ووديمه مندمجه مع الحرمه ......
وديمه : جابر ...
جابر : لبيه .....
وديمه : روح ورد علينا عند الغداء ...
جابر : لتكونين طابخه ....
وديمه : لا والله ...الله يخلي المطاعم ...
جابر: عيد وبطرشون من المطاعم لخي من هالهريس والفريد .....
وديمه : لانه عيد بنطرش من المطعم ...عشان نحس بالعيد ...
جابر وهو يبى ينزل : يموتكم على أكل المطاعم ...
وديمه : جابر ....
طالعها جابر .....
وديمه : ما عطيتنيه عيديه ....
يبتسم جابر وهو يحط يديه في مخابيه ....: بسج خمس ...
وديمه : نعمه ....لين الحين يمعت 15 ......تسد وجبه ....
جابر : الله ينطبج .....
ونزل جابر ..وراح يكمل مشاويره ....والا وديمه وخوله يوم يت الساعه 1 ونص طرشن من هارديز .....وبعد ما تغدن ..سارت وديمه ترقد ......
والا محمد وصل البيت الساعه 3 ونص الظهر ..تريا العصر يأذن ..وصلى ورقد ...


اليوم الثاني ...طلعوا قوم دانه من المستشفى ...وردوا البيت .....ومر اليوم عادي ونفس الروتين .....




تكملة الجزء .....


اليوم الثالث ..بعد صلاة العشاء ...


أبو محمد : وديمه بويه أباج في كلمة راس ....
وديمه : ان شاء الله ....
وسارت وديمه صوب حجرت أبوها ....وألف شي يدور في خاطرها ....يا ترى شو يباني أبويه
وديمه ادق الباب ...
أبو محمد : دخلي ودوووووم ...
تدخل وديمه وتسكر الباب وراها ....
أبو محمد : تعالي بويه أهني عداليه ...
تي وديمه وتيلس عدال أبوها ....
أبو محمد : ما بطولها وهي قصيره يا وديمه .......جابر ولد عمــــج يــــــاي يخطبج ...
على طول نشت وديمه اول ما سمعت هالكلمه ....واطالع أبوها ....بنظره ...
حلمي اليوم بينهدم ..حلمي تكسر ..حلمي سراب .....أنتوا اليوم بتجتلوني ..أنتوا اليوم بتسلمون روحي لغير سيف ....أنتوا اليوم بتحفرون قبري ....أنتو اليوم بتدفنوني ....
كيف تبوني أجتل احساسي لسيف ..كيف تبوني أعيش في حضن أنسان أشوفه شرات أخويه ...لالالالالالالالالا مستحيــــــــل .....أنتوا تمزحون معـــــــاي لا مستحيل ....

[كريزي]

ما هي جريمتي كي أعاقب هكذا ؟؟؟؟؟
أهو الحب .......؟؟؟؟؟ كيف لي بان أقتل أحساسي ..كيف لي أن أسمع نبضات قلبي تتراقص فرحا لرؤيته ..ولا أنظر أليه ..كانت خطواتي تسبقني له ..الحنين له يدمرني ....
سيدي ..أيها الرفيق ..الخليل ...من يعني لي الكثير ....
ساعات الفراق قد حانت ...ولكن أستحلفك بالله بان لا تخون ...سيتأمد موتي حينها ....عندما اعلم بانك لم تعر أنتباها لتضحياتي ...عندما أدرك بأن أشتياقي أصبح هناك من يملكه ...حينها نعم ساموت ولكن بشكل مختلف عن الان ...فلا تفعلها سيدي ؟؟وأحفظ الحب والهيام الذي أرتشفناه سويا ....لن أكمل عباراتي ..فمعها يموت القلب ....لا أود بان أتخيل انك ستفعلها ...حينها سيدي أقترب مني وأخبرني عن من سكنت قلبك ....من أستطاعت أن تأخذ مكـــــــاني ....
أبو محمد يمسك بيدين وديمه : وديمــــــــــــــــــــــه
طالعته وديمه وعيونها مليانه دموع ..يلست عند ريوله وهي ماسكه يدينه وحاطتنهن على ويها ...والدموع أربع أربع ...
أبو محمد يطالعها ومتعيب : ودوووووووووووم يبويه شو فيج ؟؟؟؟؟؟
وديمه : ســــــــــــــاكته ......وفي خاطرها ..( كنت متوقعه هاليوم أي بس ما توقعت بهالسرعه )
أبو محمد : وديمــــــــــــــــه ليش تصيحين ؟؟؟؟؟؟ ماتبين ولد عمج ؟؟؟؟ شايفه عليه شي ؟؟؟؟؟ رمسي أنا أبوج ....
وديمه وهي تهزله راسها : لا والله ما شفت شي عليه ..بس جابر شرات أخويه ما اتخيل أني أخذه
ابو محمد : جابر ياينج ومختارنج أنتي من بد البنات كلهن ...وهو من فتره رامسين فيج الا انا ما قتلج ....
وديمه : ســــــــــــــــاكته ....
أبو محمد : فكري يا وديمه وردي عليه ....عشان أعطيهم الخبر ..
وديمه : ليش هم متى يبون العرس ...
أبو محمد : في نص السنه ...
بطلت وديمه عيونها ....: نص السنه ...
أبو محمد : هي .....
وديمه ســـــــــــاكته طالعت أبوها ونشت وسارت صوب حجرتها ..وخطواتها بطيئه وكل خطوه أثجل من الثانيه ..دخلت حجرتها ....وقفلت الباب ....وتمت واقفه ....
وديمه : لا مستحيــــــــــــــــــل ...ما أقدر ...والله العظيم ما أقدر ....تحط أيدها على التسريحه وييدهاالثاينه ..ماسكه راسها تحس انها مب قادره توقف .....سيـــــــــــــــــــــــــــــــف ...وين أودي سيف ...وكيف أقدر أعيش من دونه ....كيف يمر يومي من دون ما أسمع صوته ....ما اتخيل حياتي بلاه ....لا ما أقدر والله ما أقدر .....تيلس وديمه على الكرفايه ...ومجتفه يدينها ومغمضه عيونها ...لا مستحيل ...تحط وديمه أيدها على قلبها ...اللي كل نبضه فيه حالفه ما تزقر الا سيف وبس .....واهني يتصل سيف ....وديمه اتشوف الرقم ....ودمعه حاره من قلبها اطيح .......ترد عليه وديمه ...
وديمه : ســــــــــــــــاكته ...
سيف : ســــــــــــاكت ...
وديمه وهي حاطه سماعة التلفون ..وأيدها على عيونها وشوي تبقها صيحــــــــــه ..والاول مره اتصيح وديمه بهالطريقه عند سيف ...
سيف : ودوووووووووووووووووووم حبيبي شو فيــــــــــــــج ؟؟؟؟؟ ليش تصيحين ؟؟؟؟ حد يا شي من اهلج ؟؟؟؟؟؟ ودووووووووووووووم حبيبي حياتي رمسي ....شو فيــــــــــج ....
سيف كان ينطق أسم وديمه من قلبه ...
وديمه : بياخذوني عنـــــــــــــــك يا سيف .خلاص .....خلاص ......
سيف : يخســـــــــــــي الا هو ......محد يقدر يأخذ وديمه مني ...
وديمه وهي تصيح : خلاص اليوم مماتي ...اليوم روحي بيدفنونها...
سيف وخانقتنه العبره : قوليلي شو صار ؟؟؟؟؟
وديمه : توه أبويه رمسنيه وقالي جابر ولد عمج يباج ....ويبون العرس في نص السنه ...
سيف يضرب بيدينه على السور اللي بينه وبين البحر : شو تقولين ؟؟؟؟ نص السنه ....
وديمه : هي ....
سيف : ســــــــــــــاكت يطالع البحر ....غمض عيونه ....( خلاص بياخذونج عني )
وديمه : انا ادري من زمان يا سيف انه عمره سيف ما بيكون لوديمه ..بس ما كنت أتوقع بهالسرعه .....كنت أدري اني بكون لولد عميه ....بس كنت اجذب عمري وأرسم أحلامي معــــــــــــــاك ....
سيف : والله والله لو ما كان لج ولد عم جان ييتج .....ودوووووووووم ...
وديمه كانت تصيح من خاطرها ..
سيف يحاول يهدي وديمه : ما عليه يا وديمه ..هذا مكتوب ..وكل شي مقدر ...ومكتوب تكونين لغيري ....
وديمه : ســــــــــاكته
سيف : وديمه هالمقدر ....وماباج تكونين ضعيفه ..أباج تفرحين ....القدر جمعنا والقدر بيفرقنا ....وانا ما بخليج ......وطول عمري بتمين في قلبي ...
وديمه : شسوي ....؟؟؟
سيف : ردي على أبوج ...وقوليلهم انج مواقفه ......خنقته سيف العبره وسكت ..
وديمه : ما أقدر ؟؟؟؟ والله ما أقدر ؟؟؟؟
سيف : أنا اللي ما أتخيل حياتي بلاج ...أنتي نورتي حياتي كلها ..انتي أحيتيني من يديد ......
بس يالله الله كريم .....
وديمه : بقولهم ما ريد عرس لين ما اكمل دراستي ...
سيف : وديمه انا ما باج تردين نصيبج عشاني ...والله كنت ناوي أخطبج وأييج بس قلت خل الاوضاع الي عندي تتحسن ..بس ربج ما أراد تكونين لي ....
وديمه : آآآآآآآآآآآآآآآآه كل شي مقدر ومكتوب يا سيف لو الله كاتب أني بكون لجابر بكون لجابر لو كل الظروف ضدي ...والله لو كاتب تكون لي ..بكون لك بعد لو كل الظروف ضدي
سيف: ودوووووووم والله أني احبج رغم كل الظروف ...مهما رحتي عني وبعدتي راح تمين في قلبي ...ولج مكانه خاصه محد يقدر يوصله ....
وديمه : حتى أنا يا سيف لك قدر خاص في قلبي محد يعرفه غير رب العالمين ...بس ما أتخيل أخذ جابر ....جابر شرات أخويه والله ....مثل ما أشوف محمد أشوف جابر ...
سيف : ودووووووووووووووم حبيبي عشان خاطري أباج تكونين قويه ولا تحاتيني أنا بكون بخير يوم بتكونين بخير .....شكلي بصير أخوج محمد ...
وديمه : وأنا ميثه ....
يلس سيف يرمس وديمه ويهدي منها .....ويخلي قلبه قوي عشان هي تستمد قوتها منه ....
وديمه مصره على انه الزواج ما يتم الحين .....الا بعد ما تخلص دراستها .....والحمد الله قدر سيف يهدي الوضع ...وما طاع يسكر عنها لين ما احس انه وديمه هدت ورتاحت ...
سيف أول ما سكر عن وديمه ...يلس يمشي على البحر ....سيف يرمس عمره ...
صدقها اميه يوم قالت حظي من يوم يومي مقرود ..نحس ......يوم حصلت راحتي ...يا من يشلها .....ليش يا الدينــــــــــا تحرميني من أغلى ما أملك ...ليــــــــــــــــــش ؟؟؟؟؟؟


في خفــــــــــــايا القلب ...أهــــــــــــــــات وعـــــــــــذاب ...
وفي ضميــــــري هــــــــم وأحـــــــــــزان ..وشجــــــــــون ...
ليـــــــــــــش يا دنيــــــــــــاي أحلامـــــــــــي ســـــــــراب ..
واللي هويتــــــــــــــــه من قلبــــــــــي الصادق يروح ...
عايـــــــــــــش حيـــــــــــاتي في مــــــــــــآسي وأكتـــــــئاب ..
والعمر يمضي عســـــــــــى أجراحي تــــــــــروح ..
تم سيف يالس على البحر ....يشاكي البحر همومه ...والامل في خاطره ولى وغــــــاب ...وتم يالس على البحر لين الساعه 4 الفير ..وعقب رد البيت ..والا وديمه من سكرت عنه حاولت ترقد ما طاع الرقاد أيها ...يالسه وتفكر ...كيـــــــــــــــــف ؟؟؟؟ وليــــــــــــــــــش ؟؟؟؟ وشوبسوي ؟؟؟؟؟

وفي اليوم الثاني ....سارت وديمه بيت قوم مهره ....وخبرت مهره عن الموضوع ..
مهره : قولي والله مبروووووووووووووووك وألف مبروووووووووك .....
وديمه : ســـــــــــاكته ...
مهره وهي تقرب من وديمه : أعرف في شو تفكيرين ....بس قتلج في يوم خلي احلامج على قدج لا تحلمين وايد ...عشان باجر ما تنصدمين ...
وديمه: خلاص مهرووه طبي السالفه أنا يايه اهني عشان أنسى ....
مهره : والله فرحانتلج من قلبي ......وأخيرا بفتك من هالسيف ...
طالعتها وديمه بنظره : ليش شو سوابج السيف .....أنتي لو تعرفين سيف جان تمنيتيه يكون لي ...
مهره : لا والله ما ضني بتحصلين حد شرات جابر ....
وديمه : ونعم في جابر محد قال شي .....لكن هالقلب صعب يسكنه جابر ...
مهره : مثل ما عاش فيه سيف ...بعيش فيه جابر ....
وديمه : مستحيــــــــــــــل ...لانه المشاعر مب بيدينا ....وأنا مب متخيله حياتي وعيشتي مع جابر ...والله جابر شرات أخويه ..وعمري ما تخيلته ريليه ....مستحيل ....
مهره : خلاص مقدر ومكتوب يكون ريلج ..وأبو عيالج ...
وديمه : آآآآآآآآآآآآآآآآآآآآآآآآآآآآآآآآآآآه وهي تنسدح على الكرفايه ...دخيلج مهرووه سكري الموضوع .....
وغيرن الموضوع ...ويلست وديمه عند مهره لين الساعه 10 وعقب ردت البيت ....

في زاخر وبالتحديد في بيت قوم حصه ..الساعه 12 ونص ...في حجرت حصه ...
حصه مشغلة النت ويالسه تلفلف على المواقع ...تتريا الساعه 2 تي عشان توعي دانه وتعطيها الدواء ........وفاجه المسن وترمس ربايعها ......الا وشوي يوصل مسج ....أول ما سمعت رنة المسج .....في قلبها ....وفي خاطرها ( يارب يكون من جابر ) .....
تفتح المسج ......من مدواي الــــــــــــــزمن ....

( هلا حصه شحــــــالج ...وشحال دانه ...أذا دانه واعيه دقيلي أبا أطمن عليها لاني باجر مسافر )
حصه أول ما قرت كلمة السفر : بيســــــــــــــــــافر .......ليش ؟؟؟؟؟؟؟ وبندت حصه النت وما عرفت شو طرشله .....يا ترى ليش بيسافر ؟؟؟ ليكون فيه شي ....بسم الله عليه ......وبعد تفكير طويل طرشتله ....
( هلا الشيخ ..انا ودانوه بخير وعافيه ...ودانه راقده ...بس غريبه أنك بنتسافر عسى خير أن شاء الله )

جابر كان في السياره ويالس يتريا المسج وكان حاط اغنية ميحد يوم يقول ( أســـــافر عنك )
أول ما وصل المسج .....وقراها ....يقوم ويتصل .......

[كريزي]

وووينكم ؟؟؟؟

شكلكم مليتووو من القصه هههههههههه ماتبووني اكمممل ^__^

[غيث الشمال]

نتابع بصمت :)