كنافة بالجبن

[ام عذاب]

من الاصناف الرمضانية المحببة هي كنافة الجبن ولو مررنا قبل الفطور على محلات الكنافة لوجدنا الازدحام الخانق للحصول عليها قبل الافطار بدقائق

طيب ليش واحنا نقدر نعملها بكل سهولة وفي كل وقت



المقادير:

- باكيت كنافة .
- قالب إلى قالب ونص زبدة مذابة ( حجم 113.5 جم ) .ممكن تستخدمون
المراعي أو KDD
- قيمر( قشطة ) KDD ( حجم الوحدة 125 ملل ) .
- 2 كيس جبن مازوريلا مبشورة( 200 جم )
- جبنة بلدي ( 250 جم ) مبشورة .
- قليل من صبغة الكنافة .
- شيرة باردة بماء الزهر .( ضروري ) عشان يعطيها الطعم المميز
-

طريقة الحشوة :
- نخلط التالي مع بعض بواسطة اليد أو ملعقة خشب :
[ القيمر+ جبن المازوريلا + الجبن البلدي ] ويترك جانبا


الطريقة:
تقطع الكنافة إلى قطع صغيرة ، وتخلط مع الزبدة المذابة وقليل من الصبغة
حتى يتجانس الخليط تماما .



واللي تحب لون الكنافة اغمق وأكثر احمرار تضيف صبغة أكثر وتخلطهم مع بعض
حتى تحصلين على اللون المطلوب ...

نبطن بها القالب ، مع رفع الأطراف قليلا .. وترك جزء من الكنافة للطبقة العليا ..
نصب نصف الحشوة ..
تغطى بطبقة رقيقة من الكنافة

وتدخل الفرن الحار تقريبا 15 دقيقة..أو حتى تنضج ... ( وعشان تعرفون أكثر
إنها مستوية ، خلوها حتى تشوفون طبقة الجبن شوي صارت ذهبية ( محمشة بلهجتنا ) بس مو وايد
حطوا بالكم ما توصل لدرجة الإحتراق ..... ))

تقلب في طبق التقديم
وتسقى بالشيرة الباردة فورا >>> تقطع >>> تزين بالفستق المطحون
وصدقوني ما ذقت ألذ وأطعم منها .. وما ينشبع منها
إعملوها على ضمانتي وإن شاء الله راح تدعون لي



ولا تنسون:lm160

[الغالية]

اممممم

احس بطعمهاا ياا ام عذاااب

يعطيج العافيه يا غاليتنا

تسلم ايدج

ياهلا

[ام عذاب]

هلا بج يا الغالية




هاة متى بتمرين علشان احضرها لج




نورتي متصفحي .....ودمتي لي سالمة

[الروز]

أم عذاب

شكل الكنافة روعة

ممكن نتقهوه بعد الفطور عندج

تسلم الأنامل يا الفنانة



الروز

[ام عذاب]

هلا وغلا بج يا الروز




افا عليج ليش عقب الفطور



الفطور اول وبعدين الحلو يا حلو

[وردة العشاق]

.


.


.


أحب الكنافة موت :(


أم عذاب

تسلم ايدك

[ام عذاب]

يسلم قلبج يا وردة



حياج مع البنات تفطروا عندي






لاتستحون كلنا اهل وخوات




شكرا على مرورج الغالي

[خالدية]

يم يم يم يم

تسلم ايدك اختي العزيزه

وانا مش معزومه بعد ع الكنافه ولا ؟؟؟؟؟؟؟؟؟؟؟؟

يسلمووووووووووووووووووووووووووووووووووووو

[الجوووري]

عـاااد تدرين يا أم عـذاب



أن آآآآخـــر الليل صار خاااطـــري بـالكـنـااافــه والله ..

ههه بروفات حق الصيام ..


لأن الصااايـــم يصير خاطره في كل شي :)


وألحين أدري فيج ما تقصرين وبتذوقينا من هالكنااافه الحلووووه اللي بتسوينهااا (( لي )) :)






ويعطيج العافيه يالغاليه على هالأطباق الحلووووه ..


دمتي لنا ..

ودام مطبخ سكووون عامراً بأطباقكِ الشهيه :)







لج خالص مودتي



الجوووري

[ام عذاب]

افا عليج يا خالدية



اللي يدخل منتدانا يصير منا وفينا





وانت وحدة منا الحين وما تبين عزومة

[ام عذاب]

يالله عن الربادة يا الجووري




انزلي وسويها لنا كلنا... خاطرنا ناكل من طبخج اليوم